མཁས་གྲུབ་དགེ་ལེགས་དཔལ་བཟང་གི་རྣམ་ཐར་གྱི་སྙིང་པོ།

མཁས་གྲུབ་དགེ་ལེགས་དཔལ་བཟང་གི་རྣམ་ཐར་གྱི་སྙིང་པོ།

མཚན། ཀུན་གཟིགས་པཎ་ཆེན་སྐུ་ཕྲེང་དང་པོ། མཁས་གྲུབ་དགེ་ལེགས་དཔལ་བཟང་། འཁྲུངས་ཡུལ། གཙང་ལ་སྟོད་ཆུ་འོག །འཁྲུངས་ལོ། རབ་བྱུང་བཅུ་དྲུག་པའི་ཤིང་གླང་ལོ་ཕྱི་ལོ་ ༡༣༨༥ ལོ། ཡབ། ཀུན་དགའ་བཀྲ་ཤིས་དཔལ་བཟང་། ཡུམ། བུ་འདྲེན་རྒྱལ་མོ། རིགས། སེའི་རིགས། ཆུང་མཚན། མཁས་གྲུབ། རབ་བྱུང་གི་མཁན་པོ། འདུལ་འཛིན་མཁས་གྲུབ་སེངྒེ་རྒྱལ་མཚན། བསྙེན་རྫོགས་ཀྱི་མཁན་པོ། རྗེ་བཙུན་རེད་མདའ་གཞོན་ནུ་བློ་གྲོས་རྒྱལ་མཚན། བསྙེན་པར་རྫོགས་ལོ། དགུང་ལོ་ ༢༡ ། བླ་མའི་གཙོ་བོ། རྗེ་བཙུན་རེད་མདའ་བ་གཞོན་ནུ་བློ་གྲོས་དང་། རྗེ་ཙོང་ཁ་པ་བློ་བཟང་གྲགས་པ་སོགས། མཛད་རྗེས་གཙོ་བོ། རྒྱལ་རྩེ་དཔལ་འཁོར་ཆོས་སྡེ་དང་། རི་བོ་མདངས་ཆེན་སོགས་ཕྱག་བཏབ། དགུང་ལོ་ ༤༧ པར་དགའ་ལྡན་གསེར་ཁྲིར་ཕེབས་ཏེ་འཇམ་མགོན་བླ་མ་ཙོང་ཁ་པ་ཆེན་པོའི་མདོ་སྔགས་གཉིས་ཀྱི་བསྟན་པའི་གཞི་མ་བརྟན་པོར་ཚུགས་ཤིང་རྒྱས་པར་མཛད་པ་སོགས། ཞལ་གཟིགས། རྗེ་གཟིགས་པ་ལྔ་ལྡན། མཛད་པ་སྐྱོང་ཡུལ། ངམ་རིང་ཆོས་སྡེ། ས་སྐྱ། ལྕང་ར་དགོན། དགའ་ལྡན་སོགས་དང་དབུས་གཙང་གཉིས། སློབ་མའི་གཙོ་བོ། མཁན་ཆེན་བསོད་ནམས་མཆོག་གྲུབ་དང་། ཀུན་མཁྱེན་འཕགས་པ་འོད། སྤྱན་སྔ་བ་བློ་གྲོས་རྒྱལ་མཚན་སོགས། གསུང་རྩོམ། རྗེ་བླ་མའི་རྣམ་ཐར་དང་། ཕར་ཕྱིན་རྣམ་བཤད། རྣམ་འགྲེལ་ཊཱིཀ་ཆེན། དུས་འཁོར་རྒྱུད་འགྲེལ། གསང་འདུས་བསྐྱེད་རིམ། གཞན་ཡང་སྒྲུབ་ཐབས་དང་། བསྟོད་ཚོགས་བཅས་པོ་ཏི་བཅུ་གཉིས་བཞུགས། གཤེགས་ལོ། དགུང་གྲངས་ ༥༤ པ་ཕྱི་ལོ་ ༡༤༣༨ ལོར་སྐུ་གཤེགས་པ་བཅས་སོ།།

བརྒྱུད་སྐུལ།

མཆན་སྤེལ།