ཚེ་སྨོན་གླིང་དང་། བཞི་སྡེ། སྤྲོ་བདེ་ཁང་གསར། མཚམས་ཁུང་དགོན། རྨེ་རུ་དགོན་གསར། སེ་ར་ཐེག་ཆེན་གླིང་།

ཚེ་སྨོན་གླིང་དང་། བཞི་སྡེ། སྤྲོ་བདེ་ཁང་གསར། མཚམས་ཁུང་དགོན། རྨེ་རུ་དགོན་གསར། སེ་ར་ཐེག་ཆེན་གླིང་།

ཚེ་སྨོན་གླིང་།  མཚན་རྒྱས་པར་བྱང་ཆུབ་གླིང་གི་གསང་སྔགས་ཚེ་སྨོན་གླིང་ཞེས་ཞུ། བཞི་སྡེ་དགོན་གྱི་ཤར་ངོས་སུ་དོགན་དེ་མཇལ་རྒྱུ་ཡོད། ལྷ་སའི་གླིང་ཁག་བཞིའི་ཡ་རྒྱལ་ཡིན། ཚེ་སྨོན་གླིང་ཞེས་པ་ནི། སྔོན་གོང་མ་ཆན་ལུང་གི་སྐུ་ཚེ་ཚེ་སྒྲུབ་གནང་ས་ཡིན་སྟབས་མཚན་དེ་ལྟར་ཐོགས། ཚེ་སྨོན་གླིང་སྐུ་ཕྲེང་དང་པོས་རྒྱུད་སྟོད་ཀྱི་བླ་མ་དབུ་མཛད་གནང་བ་དང་། ལྕང་སྐྱ་རོལ་པའི་རྡོ་རྗེ་དགོངས་པ་གཞན་དོན་དུ་ཕེབས་རྗེས་གང་ཉིད་གོང་མའི་དབུ་བླར་ཕེབས། དེ་ནས་ཡར་ཕེབས་རྗེས་གོང་མའི་ཡུམ་གྱི་དགོངས་རྫོགས་སུ་སེ་ར་གྲྭ་ཚང་སྨད་ཀྱི་ཇོ་བོ་བྱང་ཆུབ་ཆེན་མོ་བཞེངས། ཐོག་མར་འདུ་ཁང་ཤར་རམ་ཕོ་བྲང་དཀར་པོ་ཞེས་པའི་གོང་མའི་སྐུ་ཚེ་ཚེ་སྒྲུབ་གནང་ས་ཡིན་ཞེས་ཚེ་དཔག་མེད་ཀྱི་སྐུ་བརྙན་དང་ཚེ་སྨོན་གླིང་སྐུ་ཕྲེང་གཉིས་པ་དང་གསུམ་པའི་གདུང་རྟེན། སྐུ་ཕྲེང་དང་པོའི་གདུང་རྟེན་སེ་ར་ཚེ་སྨོན་གླིང་དུ་བཞུགས། མགོན་ཁང་ནང་སྐུ་རྒྱུ་ལི་མའི་དམག་ཟོར་མ་དང་། ཙིའུ་དམར་པོའི་སྐུ་སབ། འཇིམ་གྱི་ཐབ་འོག་བཅས་དང་།

འདུ་ཁང་ཆེན་མོ་ཀ་རིང་བཞིའི་ནང་དབུས་སུ་ཚེ་སྨོན་གླིང་གི་བཞུགས་ཁྲི་དང་། གདོང་གྲམ་ཤར་གྱི་འགོར་ར་ས་གཙུག་ལག་ཁང་གི་ཇོ་བོ་ཤཱཀྱ་མུ་ནེར་དཔེ་བཞེས་ནས་བཞེངས་པའི་གསེར་ཟངས་ཀྱི་ཇོ་བོ་ཤཱཀྱ་མུ་ནེ། དེའི་གཡོན་དུ་དངུལ་གྱི་སྐུ་ཕྲེང་གསུམ་པའི་འདྲ་སྐུ། དེའི་ཞོགས་སུ་གསེར་ཟངས་ཀྱི་སྨན་བླའི་བློས་བླངས་དཀྱིལ་འཁོར། ནུབ་ཀྱི་གདོང་བྲལ་གྱི་དབུར་གསེར་ཟངས་ཀྱི་རྗེ་ཙོང་ཁ་པ་ཁྲི་དྲུག་མགྱོགས་དང་བཅས་པ། དེའི་སྐུ་རྒྱབ་ཏུ་གསེར་ཟངས་ཀྱི་རྒྱལ་བ་བྱམས་པ་ཆོས་འཁོར་མ། དེའི་ཞོགས་སུ་གསེར་ཟངས་ཀྱི་སྐུ་ཕྲེང་གཉིས་པའི་སྐུ་བརྙན། ནུབ་ཀྱི་མཐའ་བྲལ་ནས་ཞལ་ཤར་དུ་གཟིགས་པ་དངུལ་གྱི་སྒྲོལ་ལྗང་མི་ཚད་མ། དེའི་གཡས་སུ་སྐུ་ཕྲེང་བཞི་པའི་གདུང་རྟེན། བཀའ་འགྱུར་ནུབ་ལྷ་ཁང་དུ་གསེར་བྲིས་ཀྱི་བཀའ་འགྱུར་དང་། གསེར་དངུལ་འདྲེས་མའི་འབུམ་རྒྱས་འབྲིང་བསྡུས་གསུམ། འདུ་ཁང་ནང་བདེ་གསང་འཇིགས་གསུམ་གྱི་ལྡེབས་རིས། ཡང་ཐོག་བཞི་ཐོག་དང་བཅས་པ་ཡོད་ཅིང་དེ་དག་ལ་གཟིམས་ཆུང་ཁག་དང་། རྟ་མགྲིན་བསམ་འགྲུབ་ལྷ་ཁང་། ལྕོག་བཅས་ལ་རྟེན་དངབརྟེན་པར་བཅས་བཞུགས་སུ་གསོལ་ཡོད། སྔོ་དགེ་འདུན་བདུན་བཅུ་དོན་ལྔས་རི་བོ་དགེ་ལྡན་ཀྱི་གསང་བདེ་འཇིགས་གསུམ་གྱིས་གཙོས་སྔགས་ཆོག་ཁག་ཕྱག་བཞེད་མཛད་པ་ཡིན། སེར་སྨད་གྲྭ་ཚང་གི་ཁོངས་ཡིན། ད་ལྟ་ཐོག་སོ་ཉིས་ཐོག་ཉམས་གསོ་ཞུས་པའི་ནང་སྔོན་གྱི་སྐུ་བརྙན་དེ་དག་གི་སྐུ་ཚབ་གསར་བཞེངས་གནང་བ་དང་། ལྡེབས་རིས་རྙིང་མ་མང་པོ་བཞུགས་པ་ད་ལྟའང་མཇལ་རྒྱུ་ཡོད།

 

བཞི་སྡེ།

མཚན་རྒྱས་པར་བཞི་སྡེ་དགའ་ལྡན་བསམ་གཏན་གླིང་ངམ། བཞི་སྡེ་ཟམ་བཞི་མ་ཞེས་ཀྱང་ཞུ། ཟམ་བཞི་མ་ཞེས་པ་ནི། སྔོན་དགོན་དེའི་མཐའ་འཁོར་དུ་ཟམ་པ་བཞི་ཡོད་ཅེས་གསུང་། ཚེ་སྨོན་གླིང་གི་ནུབ་ངོས་སུ་དགོན་དེ་ཆགས་ཡོད། དགོན་དེ་ནི་ཐོག་མར་ར་ཆེ་གཙུག་ལག་ཁང་དུ་ཚལ་པ་ཁྲི་དཔོན་དགའ་ལྡན་དཔལ་གྱི་བསྙེན་བཀུར་བསྲི་ཞུ་གནང་མི་དགེ་འདུན་བཞི་སྡེ་ཞིག་བཙུགས་གནང་བ་པ་ལ། རྗེས་སུ་རྒྱུཛ་སྟོད་ལ་ར་ཆེ་གཙུག་ལག་ཁང་གནང་སྟབས། བཞི་སྡེའི་དགེ་འདུན་རྣམས་ཞོལ་ཁང་སེར་དང་། རྒོད་གསེབ་ཤར་ཏེ་འོད་ཟེར་ཞག སྤང་ལུང་སོགས་གནང་ངེས་མེད་དུ་ཕེབས་དཁོས་བྱུང་མཐར་ཚལ་པ་ཁྲི་དཔོན་དགའ་བདེ་བཟང་པོས་ད་ལྟའི་དགོན་ས་དེ་དམིགས་སུ་གནང་སྟབས་དགོན་དེ་བཏབ། སྔོན་འདུ་ཁང་ཀ་རིང་བརྒྱད་དང་། ཀ་ཐུང་བཞི་བཅུའི་སར་སྐུ་རྒྱུ་ལི་དཀར་ལས་གྲུབ་པའི་འཕགས་པ་ལོ་ཀེ་ཤྭ་ར་བྱིས་པ་ལ་བརྒྱད་ཙམ་གཙོ་འཁོར་གསུམ་དང་། གཟེར་ཟངས་ཀྱི་ཁྲི་ཆེན་བརྟན་པ་རབ་རྒྱས། རྒྱ་དངུལ་གྱི་སྐུ་ཕྲེང་བཅུ་གསུམ་པའི་སྐུ་བརྙན། དེའི་ཤར་དུ་གསེར་ཟངས་ཀྱི་བྱམས་པ་ཆོས་འཁོར་མ་ཐོག་ཚད། དེའི་ཤར་དུ་དངུལ་གྱི་སྒྲོ་དཀར་མི་ཚད་མ། དེའི་ཤར་དུ་བལ་ཡུལ་ནས་གདན་ཞུས་གསོ་སྦྱོང་གི་སྟོན་པ་ཁྲི་རྒྱབ་ཡོལ་དང་བཅས་པ། གཙང་ཁང་སྦུག་མར་སྣེའུ་བྱམས་པ་ཞེས་གསེར་ཟངས་ཀྱི་བྱམས་པ་ཀ་རིང་དང་མཉམ་པ་དཀྱིལ་ཀྲུང་དུ་བཞུགས་པ། དབུས་སུ་འཇིམ་གྱི་བདེ་གསང་འཇིགས་གསུམ། གཙང་ཁང་ཤར་དུ་རྗོ་ཙོང་ཁ་པའི་སྐུ་བརྙན། བཀའ་བསྟན་གསར་རྙིང་། འདུ་ཁང་ནང་གནས་བརྟན་བྲག་རི་མོ་བཀོད་ལེགས་བཅས་དང་། བར་ཐོག་ནུབ་ཏུ་མགོན་ཁང་དང་། ཤར་དུ་དཔོན་སློབ་ཀྱི་གཟིམས་ཤག་ཅེས་པ་བཅས་ལའང་རྟེན་དང་བརྟེན་པར་བཅས་བཞུགས། སྔོན་དགེ་འདུན་ཞལ་གྲངས་སུམ་བརྒྱ་སྐོར་གྱིས་ཐོག་མར་ཕ་དམ་པ་སངས་རྒྱས་སོགས་བཀའ་བརྒྱུད་ཕྱག་བཞེད་མཛད་པ་ལ་རྒྱལ་བ་སྐལ་བཟང་རྒྱ་མཚོའི་དུས་དགེ་ལྡན་དུ་འགྱུར་ཞེས་རྗེས་སུ་རི་བོ་དགེ་ལྡན་གྱི་སྔགས་ཆོག་ཕྱག་བཞེད་མཛད་པ་ཡིན། དགོན་འདི་ད་ལྟ་ཉམས་གསོ་གནང་ཐུབ་མེད།

སྤྲོ་བདེ་ཁང་གསར།

སྤྲོ་བདེ་ཁང་གསར་ལ་ཁ་རྒྱུན་དུ་པུ་ཏེ་ཁང་གསར་ཡང་ཟེར། ཡང་མཚན་བསྡུས་པར་“སྤྲོ་ཁང”ཞེས་ཞུ། དྭགས་པོ་གྲུམ་པའི་ཤར་ངོས་དང་། དཔལ་གླིང་གི་བར་དུ་བཙན་ཁང་དེ་མཇལ་རྒྱུ་ཡོད། བཙན་ཁང་དེ་ནི། རྒྱལ་དབང་ལྔ་པས་རྒྱལ་ཆེན་ཤུགས་ལྡན་གྱི་བཞུགས་གནས་ས་ཕུལ་གནང་མཛད་པ་ཡིན། ཐོག་མར་གནས་དེར་རྒྱལ་བ་ལྔ་པའི་སྤྲོ་ཁང་ཞིག་ཡོད་སྟབས་སྤྲོ་བདེ་ཁང་གསར་ཞེས་པ་དེ་ལྟར་བྱུང་། སྔོན་བཙན་ཁང་དེར་རྒྱལ་ཆེན་ཤུགས་ལྡན་དང་། བསེ་ཁྲབ་པའི་སྐུ་བརྙན་ཡོད་ལ། སྐུ་གསོལ་ཀྱང་གནང་བ་ཡིན། སྡེ་སྲིད་སྔས་རྒྱས་རྒྱ་མཚོ་ཐོག་མར་རི་བོ་ཆོས་གླིང་དུ་ཆོས་བཞུགས་གནང་སྟབས་སྡེ་སྲིད་ཀྱིས་བཙན་ཁང་དེའི་བདག་ཐོབ་རི་བོ་ཆོས་གླིང་ལ་གནང་བས་རི་བོ་ཆོས་གླིང་ནས་གྲྭ་པ་བཅུ་གཅིག་དང་སྐུ་རྟེན་བཅས་གཏོང་བ་གནང་ཏེ་བཙན་ཁང་དེར་བརྟན་བཞུགས་གནང་དགོས།

ད་ལྟ་སྔོན་གྱི་བཙན་ཁང་དེར་ཉས་གསོ་གནང་བའི་ནང་སྔོན་གྱི་སྐུ་བརྙན་དེ་དག་གི་སྐུ་ཚབ་གསར་བཞེངས་གནང་བ་དང་། སྦུག་ཏུ་ལྷ་མགོན་ཆོས་གསུམ་དང་། མདོ་རུ་ཤུགས་ལྡན་གྱི་འཁྲུངས་རབས། གནས་བཅུ་སོགས་ཀྱི་ལྡེབས་རིས་རྙིང་མ་བཅས་མཇལ་རྒྱུ་ཡོད།

 

མཚམས་ཁུང་དགོན།

མཚམས་ཁུང་དགོན་ནི། བར་སྐོར་ལྷོ་ངོས་གླིང་སྐོར་ལམ་སྟེ། རོང་དགའ་བདེའི་ནུབ་ངོས་རབ་གསལ་བཙན་ཁང་གི་ཤར་ངོས་བཅས་སུ་བཙུན་དགོན་དེ་མཇལ་རྒྱུ་ཡོད། ཐོག་མར་གནས་དེར་ལྷ་ས་སྐྱིད་ཆུ་འགོག་ཆེད་དུ་ས་འོག་ཏུ་རྡོ་སྐས་སེའུ་ཁ་ཤས་བབས་དགོས་པས་ས་ཁུང་ཞིག་་ནང་ཆོས་རྒྱལ་སྲོང་བཙན་ཡུན་རིང་སྐུ་མཚམས་སུ་བཞུགས་པས་མཚམས་ཁུངས་ཞེས་པའི་མཚན་ཡང་དེ་ལྟར་བྱུང་། དེའང་ཉིན་ཞིག་ཆོས་རྒྱལ་གྱིས་“དེ་རིང་འདོད་ཁམས་རྒྱལ་མོའི་རྟགས་མཚན་ཞིག་འོང་”གསུངས་པར། བློན་པོ་ཚོས་གཟིགས་པས་གཞན་གང་ཡང་མེད་པར་ཁམས་མོའི་རོ་ཞིག་མདོག་མི་ཉམས་པར་ཆུས་འཁྱེར་ནས་འོང་པས་དེར་ཆུ་རགས་ལ་འཁར་ནས་བསྡད། དེ་ནས་རིམ་བཞིན་ཆུ་ཡང་འཇགས། ཐུན་མོང་སྣང་ཚུལ་དུ་ཁམས་མོའི་རོ་ཞིག་མཐོང་བ་ལས་དོན་དུ་དཔལ་ལྡན་ལྷ་མོའི་རྣམ་སྤྲུལ་ཡིན་སྟབས་བམ་རོ་དེ་མཚམས་ཁུང་དུ་བཞུགས་ནས་ཕྱག་མཆོད་གནང་། རྗེས་སུ་ལྷ་མོའི་ཞལ་འབག་དམ་འབྱར་མ་ཞིག་ཡོད་པས་དེ་ཡིན་ཞེས་ཞུ། དེ་རྗེས་རྗེ་ཙོང་ཁ་པའི་དངོས་སློབ་གྲུབ་ཐོབ་ཀུ་ཅོ་རྟོགས་ལྡན་གནས་དེར་སྐུ་མཚམས་སུ་བཞུགས་པ་དང་། དེར་བཙུན་མ་བཅུ་ཙམ་འདུས་པར་བརྟེན་དེ་ནས་བཟུང་མཚམས་ཁུང་བཙུན་མའི་དགོན་དུ་གྱུར། སྔོན་འདུ་ཁང་ཀ་རིང་གཉིས་དང་ཀ་ཐུང་བཅུ་བཞིའི་སར་རྟེན་གཙོ་ལྷ་མོའི་ཞལ་འབག་དམ་འབྱར་མ་དང་། ཐུགས་རྗེ་ཆེན་པོ་ཕྱག་སྟོང་སྤྱན་སྟོང་། ཆོས་རྒྱལ་གྱི་མཚམས་ཁུང་དུ་རྡོ་ནག་ལས་གྲུབ་པའི་ཆོས་རྒྱལ་ཉིད་ཀྱི་ཕྱག་བཟོ་ཆོས་རྒྱལ་ང་འདྲ་མ། གཞན་ཡང་རྟེན་དང་བརྟེན་པར་བཅས་བཞུགས་སུ་གསོལ་ཡོད། སྔོན་བཙུན་མ་127གྱིས་ལོ་ལྟར་ས་ག་ཟླ་བར་བསྙུང་གནས་དཀར་པོ་ཆ་བརྒྱད་ཀྱིས་གཙོ་བོར་གྱུར་པའི་རི་བོ་དགེ་ལྡན་ལུགས་ཀྱི་མདོ་སྔགས་ཀྱི་ཆོ་ག་ཁག་ཕྱག་བཞེད་མཛད་པ་ཡིན།

ད་ལྟ་སྔོན་གྱི་འདུ་ཁང་ཉམས་གསོ་གནང་བའི་ནང་སྔོན་གྱི་སྐུ་བརྙན་དེ་དག་གི་སྐུ་ཚབ་གསར་བཞེངས་གནང་བ་དང་། ཆོས་རྒྱལ་གྱི་མཚམས་ཁུང་ནང་ཆོས་རྒྱལ་གྱི་ཕྱག་བཟོ་ཆོས་རྒྱལ་ང་འདྲ་མའི་སྐུ་བརྙན་གསར་བཞེངས་གནང་བ། འདུ་ཁང་ནང་ལྡེབས་རིས་རྙིང་མ་སོགས་མཇལ་རྒྱུ་ཡོད།

 

རྨེ་རུ་དགོན་གསར།

རྨེ་རུ་དགོན་གསར།  མཚན་རྒྱས་པར་རྨེ་རུ་ཕུན་ཚོགས་ནོར་བུའི་གླིང་ཞེས་ཞུ། རྒྱུད་སྨད་གྲྭ་ཚང་གི་ཤར་དུ་དགོན་དེ་མཇལ་རྒྱུ་ཡོད། དགོན་དེ་ནི། ཐོག་མར་རྨེ་རུ་རྙིང་པར་ཡིན་ཞིང་། རྗེས་སུ་རྒྱལ་མཆོག་ལྔ་པའི་དུས་ད་ལྟའི་དགོན་གནས་དེར་སྤོས་གནང་དེར་གནང་མཛད། རྨེ་རུ་ཞེས་པ་ནི་སྔོན་ཆོས་རྒྱལ་གྱི་དུས་ལྷ་སའི་ཤར་དུ་ཀ་རུ་དང་རྨེ་རུ། ལྷོ་རུ་དགའ་བ་དང་དགའ་བའི་འོད་སོགས་བཞེངས་ཞེས་པ་ནས་རྗེས་སུ་ར་ས་གཙུག་ལག་ཁང་གི་བསྲི་ཞུ་བཀུར་སྟི་བྱིད་མཁན་ཞིག་ཏུ་གྱུར། ཡངརྨེ་རུ་ཞེས་པ་ནི། ཧོར་བཤན་པ་རྨེ་རུརྩེའི་སྡིག་བཤགས་སུ་དགོན་དེ་བཏབ་ཅེས་གསུང་སྲོལ་མི་འདྲ། སྔོན་རྨེ་རུ་དགོན་གསར་གྱི་འདུ་ཁང་ཀ་རིང་བརྒྱད་དང་། ཀ་ཐུང་ཞེ་བརྒྱད་ཀྱི་གཙང་ཁང་སྦུག་མར་སྨན་འདམ་གྱི་རྣམ་སྣང་གཙོ་འཁོར་ལྔ་ཐོག་སོ་གཅིག་དང་ཕྱེད་ཙམ། སྐུ་རྒྱུ་དེ་མཚུངས་ཀྱི་རྒྱལ་བ་བྱམས་པ་ཐོག་སོ་གཉིས་ལྷག་ཞལ་ཤར་དུ་གཟིངས་པ། རྣམ་སྣང་གི་མདུན་དུ་གསེར་ཟངས་ཀྱི་རྗེ་ཙོང་ཁ་པ་སེང་ཁྲི་རྒྱབ་ཡོལ་དང་། བཅས་པ་ཐོག་སོ་གཅིག་ཙམ། དེའི་གཡོན་དུ་སྨན་འདམ་གྱི་མཁན་སློབ་ཆོས་གསུམ་མི་ཚད་མ། དེའི་གཡོན་དུ་སྐུ་རྒྱུ་དེ་མཚུངས་ཀྱི་ཕག་གྲུའི་སྐུ་བརྙན་མི་ཚད་མ་དང་རྗེ་བཙུན་སྒྲོལ་མ། དམག་ཟོར་མའི་སྐུ་བརྙན་གྱི་ཐུགས་ཀར་དང་དཀར་ལྷ་མོ་བཞུགས་པ་བཅས་དང་། འདུ་ཁངདབུས་སུ་རྒྱལ་བ་ལྔ་པའི་བཞུགས་ཁྲི། སྡེ་དྲུག་རིན་པོ་ཆེའི་བཞུགས་ཁྲི། ནུབ་ཏུ་སྨན་འདམ་གྱི་གནས་བརྟན་བཅུ་དྲུག་མི་ཚད་མ། སྐུ་རྒྱུ་དེ་མཚུངས་ཀྱི་འཇིགས་བྱིད་ལྷ་བཅུ་གསུམ། དེའི་གཡོན་དུ་གསེར་ཟངས་ཀྱི་རྒྱལ་བ་བྱམས་པ་ཁྲི་རྒྱབ་ཡོལ་དང་བཅས་པ་ཐོག་ཚད་མ། དེའི་གཡོན་དུ་གསེར་ཟངས་ཀྱི་སྨན་བླའི་བློས་བླངས་དཀྱིལ་འཁོར། བཞུགས་ཁྲའི་གཡོན་དུ་སྐུ་རྒྱུ་ལི་ལས་གྲུབ་པའི་ཐུགས་རྗེ་ཆེན་པོ་ཕྱགསྟོང་སྤྱན་སྟོང་ཐོག་ཚད་མ་དེའི་ཤར་དུ་དངུལ་གྱི་མཆོད་རྟེན་ཁྲ་རྒྱན་དང་བཅས་པ་ཐོག་སོ་མ་ཟིན་ཙམ་གསུམ། དེའི་མདུན་དུ་རྒྱལ་བ་རིམ་བྱོན་གྱི་འདྲ་སྐུ་མི་ཚད་མ། ཐོག་ཀར་སྨན་བླ་ལྷ་ཁང་ཀ་བརྒྱད་ནང་དབུས་སུ་རྗེ་ཙོང་ཁ་པའི་སྐུ་བརྙན་རྒྱ་དངུལ་ལས་གྲུབ་པ་ཐོག་སོ་ཅན་དང་། དེའི་གཡས་གཡོན་དུ་དཔོན་པོ་མི་དབང་གི་འཁྲུངས་རྟགས་ཡིན་ཞུ་སྐུ་རྒྱུ་གོང་མཚུངས་ཀྱི་སྨན་བླའི་སྐུ་བརྙན་མི་ཚད་ལྷག་གི་ཐུགས་ཀར་དཔོན་པོ་མི་དབང་གི་པུར་ཐལ་བཞུགས་པ་ཞེས་དང་། མཐའ་འཁོར་དུ་བཀའ་གདམས་མཆོད་རྟེན་སུམ་བརྒྱ་ལྷག་དང་། དེ་བཞིན་ཆོས་རྒྱལ་རིམ་བྱིན་གྱི་སྐུ་བརྙན་གསེར་ཟངས་ཀྱི་ཐུགས་རྗེ་ཆེན་པོ། གཞན་ཡང་སྒོ་འཕྱོར་གྱི་ཤར་དུ་གནས་བཅུ་ལྷ་ཁང་། སྟེང་རབ་གསལ་དུ་ལམ་རིམ་ལྷ་ཁང་། ནུབ་ཏུ་སྟག་ཤར་གཟིམས་ཆུང་། འདུ་ཁང་གི་ནུབ་ཏུ་ཚངས་པའི་ལྷ་ཁང་ནང་དབུས་སུ་འཇིགས་བྱེད་ལྷ་བཅུ་གསུམ་དང། མགོན་པོ། ཆོས་རྒྱལ། ལྷ་མོ། རྣམ་སྲས་བཅས་བཞུགས་སུ་གསོལ་ཡོད། སྔོན་དགེ་འདུན་ཞལ་གྲངས་སུམ་རྒྱས་རི་བོ་དགེ་ལྡན་མདོ་སྔགས་ཟུངས་སྤྲེལ་གྱི་ཆོ་ག་ཕྱག་བཞེད་མཛད་དེ་ཐོག་མར་མཚན་ཉིད་དཔེ་ཆའང་གཟིགས་སྲོལ་ཡོད་པ་ལ་རྗེས་སུ་ལྷ་སའི་གྲོང་ཆོག་ཕེབས་བྲེལ་གྱིས་མཚན་ཉིད་སློབ་གཉེར་མེད་པར་གྱུར་་ལོ་ལྟར་བོད་ཟླ་༡༢ཚེས༡༩འཇིགས་བྱེད་ཀྱི་སྒོ་ནས་འཆམ་གཏོར་རྒྱག་སོགས་ཡོད་ལ་གཙུགས་ལག་ཁང་གི་སྐུ་གཉིར་མང་ཆེ་བ་བཞི་སྡི་དགོན་ནས་གནང་ཡང་།བར་ཁང་ཡན་འདབས་དཔལ་ལྷོ་ལྕོག་དང་བཅས་རྨེ་རུ་དགོན་ནས་བསྲི་ཞུ་སྐུ་གཉེར་གནང་དགོས་།ལོ་ལྟར་དཔལ་ལྷའི་རབ་ནི་བོད་ཟླ་༡༠ཚེས་༡༥ཉིན་བསྐང་གསོ་ཟབ་རྒྱས་གཏོང་དགོས་པ་དང་ཚེས་༡༥ཉིན་སྐུ་རྒྱུ་ཨར་ཀ་ལས་གྲུབ་པའི་ལྷ་མོ་སྦལ་གདོང་མ་ལྷ་སའི་བར་སྐོར་དུ་གདན་དྲངས་ཤིང་བར་སྐོར་གྱི་ཕྱོགས་བཞི་སྟེ་དང་པོ་ཀླུ་སྒུག་དང་དེ་ནས་ཁྲོམ་གཟིགས་སྒང་།དེ་ནས་གདུང་རྩེ་ཟུར་དི་ནས་བཤད་སྒྲ་ཟམ་པ་བཅས་ལ་ལྷ་མོའི་སྒོ་ནས་གཏོར་རྒྱགས་བསྐྱོན་སྲོལ་ཡོད་།ལྷ་མོ་གདན་འདྲེན་མཁན་སྐུ་བརྟེན་ཞེས་གྲ་པ་ཞིག་གིས་ལྷ་མོའི་གཉེན་པ་སྐྱེལ་པའི་སྐུ་མཚམས་བཞུགས་རྗེས་ལལྷ་མོ་གདན་འདྲེན་དགོས་། གཞན་ཡང་དགོན་དེར་རྨེ་རུ་སྤུས་བཟང་དམ་སྤོང་སངས་ཞེས་པའི་ལྷ་མོ་ཞིག་འཁྲབ་སྟོན་བྱེད་རྒྱུ་ཡོད་།དེའང་ཐོག་མར་ཆུ་སྐད་རྒྱག་པ་དང་དེ་ནས་ཞལ་ངོ་དགེ་སྐུལ་སོགས་དོན་ནས་མཇལ་ཁ་ཞུ་སྟངས་བྱེད་་དེ་ནས་ལྷ་མོ་འགོ་ཚུགས་ལྷ་མོ་འཁྲབ་གཞུང་ནི།རྒྱལ་སྲས་དད་པ་བརྟན་པ་དང་གཅུང་དོན་ཡོད་དོན་གྲུབ་སོགས་འཁྲབ་སྟོན་བྱེད་པ་ཡིན་།རྒྱལ་སྲས་དད་པ་བརྟན་པར་འཁྲབ་སྟོན་ཉིན་གཉིས་དང་། གཅུང་དོན་ཡོད་དོན་གྲུབ་ལ་ཉིན་གསུམ་འགོར། འཁྲབ་གཞུང་གི་བར་གསེང་དུ་ལྷ་སའི་ནང་གི་རྒྱ་བོད་ཧོར་གསུམ་གྱི་མི་སྣ་དང་། སྡེ་པ་གཞུང་གི་སྐུ་དྲག་སོངས་འཁྲབ་སྟོན་བྱེད་ཅིང་། དེ་དག་གི་བྱེད་སྟངས་ཇི་བཞིན་འཁྲབ་པ་དང་། དཔོན་རིགས་ཚོས་བཟའ་སྒོ་བྱེད་སྟངས་སོགས་འཁྲབ་སྟོན་བྱེད་པ་ཡིན། དེ་ལྟར་ཚོགས་ཆེན་ཞལ་ངོར་ཟུར་ཟ་བྱེད་དྲག་པས་ཞལ་ངོས་ཞུ་གཏུགས་བྱས་པར་བརྟེན་རྗེས་སུ་ཞལ་ངོའི་ཟླ་གམ་རྒྱབ་ཀྱི་དྲོག་ལུ་དྲོག་གདན་ཞེས་པའི་སྟེང་གི་གསེར་གྱི་བབས་ལ་ཞེས་གསེར་ལྗང་བརྡུང་ཚག་དཀྲོལ་གྱི་སྟེང་གཡུའི་ཁྲ་རྒྱན་བཀོད་པ་ཞིག་རྒྱག་དགོས་པས་དེ་རྨེ་རུ་དགོན་ནས་ཕུལ་ཏེ་སྨོན་ལམ་ཆེན་མོ་གྲོལ་རྗེས་རང་སློག་ཏུ་གནང་བ་སོགས་ཀྱི་སྲོལ་དར། རྨེ་རུ་སྤུས་བཟང་ངམ་སྤོང་སངས་ཞེས་པ་ནི་སྤྱི་ལོ་1940ལོ་ཙམ་ལ་རྒྱལ་བ་སཀུ་འཕྲེང་བཅུ་བཞི་པ་གསེར་ཁྲིར་མངའ་གསོལ་སྐབས་འཁྲབ་སྟོན་ཐེངས་གཅིག་བྱས་པ་ཕུད་དེ་ནས་འཁྲབ་སྟོན་དེ་བྱེད་མྱོང་མེད།

ད་ལྟའི་རྨེ་རུ་དགོན་གསར་ནི། སྔོན་གྱི་ཚངས་པའི་ལྷ་ཁང་ཉམས་གསོ་གནང་བའི་ནང་སྔོན་གྱི་སྐུ་བརྙན་ཁག་ཅིག་གི་སྐུ་ཚབ་གསར་བཞེངས་གནང་བ་དང་། ལྡེབས་རིས་རྙིང་མ་སོགས་མཇལ་རྒྱུ་ཡོད།

 

 

༧སེ་ར་ཐེག་ཆེན་གླིང་།

དགེ་ལུགས་པའི་གདན་ས་ཆེན་པོ་དྲུག་གི་ཡ་གྱལ་ཏེ་སེ་ར་དགོན་པ་ནི་ལྷ་ས་གྲོང་ཁྱེར་གྱི་བྱང་ངོས་རྒྱབ་རི་གླང་ཆེན་ཉལ་བ་ལྟ་བུའི་མདུན་ཤིང་སེ་བའི་སྡོང་པོ་ར་བ་བསྐོར་བ་ལྟར་ཡོད་པས་སེ་བའི་ར་བས་བསྐོར་བ་ན་སེ་ར་ཞེས་བརྗོད། རྗེ་བདག་ཉིད་ཆེན་པོས་རྒྱུད་ཀྱི་རྒྱལ་པོ་གསང་བ་འདུས་པ་དང་འཁོར་ལོ་བདེ་མཆོག་གཉིས་ཀྱི་རྩ་རྒྱུད་དབུ་ནས་ཆོས་ཐེངས་རེ་གསུངས། བྱམས་ཆེན་ཆོས་རྗེ་ལ་ཆོས་སྡེ་འདེབས་དགོས་པའི་ཞལ་བཀོད་མཛད་པ་བཞིན་རབ་བྱུང་བདུན་པའི་ས་ཕག(1419)ལོར་བྱམས་ཆེན་ཆོས་རྗེ་ཤཱཀྱ་ཡེ་ཤེས་ཀྱིས་ཕྱག་བཏབ། རྗེས་སུ་གྲྭ་ཚོགས་ཇེ་རྒྱས་ཇེ་འཕེལ་དུ་སོང་ནས་གྲྭ་ཚང་བཞིར་གྱེས་ཏེ་རྒྱ། འབྲོང་སྟེང་། སྟོད་པ། སྨད་པ་བཅས་གྲྭ་ཚང་བཞི་ཡོད། རྗེས་སུ་དུས་རབས་བཅོ་ལྔ་པའི་དཀྱིལ་དུ་ཀུན་མཁྱེན་བློ་གྲོས་རིན་ཆེན་སེང་གེ་སེ་རའི་མཁན་པོ་མཛད་སྐབས་སེ་ར་བྱེས་གྲྭ་ཚང་ཕྱག་བཏབ། བྱམས་ཆེན་ཆོས་རྗེ་ནས་པཎ་ཆེན་བློ་བཟང་ཆོས་རྒྱན་བར་ཁྲི་ཐོག་བཅོ་བརྒྱད་བྱུང་ཞིང་། བཅུ་དགུ་པ་ཏཱ་ལའི་བླ་མ་སྐུ་ཕྲེང་ལྔ་པ་ནས་བཟུང་ཏཱ་ལའི་བླ་མ་སྐུ་ཕྲེང་ན་རིམ་ནས་སེ་རའི་ཁྲི་པའི་མཚན་བཞེས་པས་ཁྲི་པ་ཟུར་དུ་འཛུགས་སྲོལ་མེད། དགོན་བདག་ཡིག་ཚང་ལས་ཁུངས་ཡིན་པ་དང་། རབ་བྱུང་བཅུ་དྲུག་པའི་ས་ཕག་ལོར་གྲྭ་གྲངས9900སྐོར་ཡོད།

 

བྱེས་སྨད་སྔགས་གྲྭ་ཚང་།

སེ་ར་དགོན་པའི་ཐོག་མའི་གཞི་རྒྱ་ད་ལྟ་བཞིན་མེད་ཀྱང་རིམ་བཞིན་ཚོགས་ཆེན་དང་། གྲྭ་ཚང་བཞི་ཡོད་པ་སྟེ། རྒྱ་གྲྭ་ཚང་དང་། འབྲོམ་སྟེང་གྲྭ་ཚང་། སྟོད་པ་གྲྭ་ཚང་། སྨད་པ་གྲྭ་ཚང་། ཁང་ཚན་ཆོ་གསུམ། རྗེས་སུ་བོད་རབ་བྱུང་བཅུ་གཉིས་པའི་ནང་རྒྱལ་པོ་ལྷ་བཟང་ཁང་གི་སྐབས་ཚོགས་ཆེན་འདུ་ཁང་གསར་བཞེངས་དང་། དེ་ནས་བྱེས་གྲྭ་ཚང་དང་སྔགས་པ་གྲྭ་ཚང་སོགས་གསར་འཛུགས་མཛད། ཕྱིས་སེ་ར་ཐེག་ཆེན་གླིང་གི་དགོན་དུ་བྱེས་སྨད་སྔགས་གྲྭ་ཚང་གསུམ་དུ་འདུས། 

སྐབས་དེའི་ཚོགས་ཆེན་རྙིང་པ་དེ་རྒྱལ་པོ་ལྷ་བཟང་གིས་སྡེ་སྲིད་སངས་རྒྱས་རྒྱ་མཚོ་བཀྲོངས་ནས་སྲིད་དབང་བཟུང་རྗེས་སྐུ་རིམ་གྲྭ་ཚང་བཙུགས་ཏེ་ད་ལྟའི་སྔགས་པ་གྲྭ་ཚང་དེ་ཡིན། ཚོགས་ཆེན་གསར་པ་དེ་ནི་བཤད་སྲོལ་ལ་རྒྱལ་པོ་ལྷ་བཟང་གིས་སྡེ་སྲིད་བཀྲོངས་པའི་སྡིག་བཤགས་སུ་གསར་རྒྱག་བྱས་ཟེར།    ད་ལྟའི་ཚོགས་ཆེན་ཀ་བ་བརྒྱ་དང་བརྒྱད་ཡོད་པ་དེ་བཞེངས་རྗེས་སུ་གྲྭ་ཚོགས་ཇེ་རྒྱས་ཇེ་འཕེལ་དུ་སོང་ནས་གྲྭ་ཚང་བཞིར་གྱེས་ཏེ་རྒྱ།   འབྲོང་སྟེང་།     སྟོད་པ།    སྨད་པ་བཅས་གྲྭ་ཚང་བཞི་ཡོད།    དེ་ནས་ཡུན་རིང་མ་སོང་བར་རྒྱ་དང་འབྲོང་སྟེང་གྲྭ་ཚང་གཉིས་ཡོངས་རྫོགས་སྟོད་པ་གྲྭ་ཚང་དུ་བསྒྲིལ་ནས་རེ་ཞིག་བར་གྲྭ་ཚང་སྟོད་སྨད་གཉིས་ལས་མེད།    རྗེས་སུ་དུས་རབས་བཅོ་ལྔ་པའི་དཀྱིལ་དུ་ཀུན་མཁྱེན་བློ་གྲོས་རིན་ཆེན་སེང་གེས་སེ་རའི་མཁན་པོ་མཛད་སྐབས་སེ་ར་བྱེས་གྲྭ་ཚང་ཕྱག་བཏབ་པ་ནས་སྟོད་པ་གྲྭ་ཚང་གི་ནང་གསེས་སྤོ་བོ་དང་གུང་རུ་ཁང་ཚན་གཉིས་མ་གཏོགས་ཡོངས་རྫོགས་དང་།    རྒྱ་གྲྭ་ཚང་ཡོངས་རྫོགས།    འབྲོམ་སྟེང་གྲྭ་ཚང་གི་ཁག་གཅིག་བཅས་ཚང་མ་གྲྭ་ཚང་འདིར་འགྲིལ་ནས་རྒྱལ་པོ་ལྷ་བཟང་གི་སྐབས་སྔགས་པ་གྲྭ་ཚང་གསར་དུ་བཙུགས་པ་བཅས་བསྣན་པའི་ད་ལྟའི་གྲྭ་ཚང་བཞི་བྱུང་།    གྲྭ་ཚང་དེ་ཚོ་ཡང་གྲྭ་རྒྱུན་ཡོང་ཁུངས་ས་གནས་མི་འདྲ་བའི་དབང་གི་ཁང་ཚན་ཁག་སུམ་ཅུ་སོ་གསུམ་དུ་གྱེས་པ་གཤམ་དུ་གསལ།   སྟོད་པ་གྲྭ་ཚང་རྗེ་ཙོང་ཁ་པའི་དངོས་སློབ་གུང་རུ་རྒྱལ་མཚན་བཟང་པོས་ཐོག་མར་འདེབས་པ་གནང་ཞིང་།    དེང་སང་ཁང་ཚན་སྤོ་བོ་དང་།    གུང་རུ་གཉིས་ཙམ་མ་གཏོགས་གཞན་དག་མེད་ཐོག     མཁན་པོ་ནི་མིང་ཙམ་ལས་གྲྭ་ཚང་ཟུར་ཚོགས་བྱེད་མཁན་མེད་པར་ལོ་མང་སོང་ཟིན་འདུག    

སྨད་པ་གྲྭ་ཚང་རྗེ་ཙོང་ཁ་པའི་དངོས་སློབ་ཀུན་མཁྱེན་བྱང་ཆུབ་འབུམ་པས་ཕྱག་བཏབ་ཅིང་།    གྲྭ་ཚོགས་ཇེ་རྒྱས་སུ་སོང་སྟེ་ཁང་ཚན་བཅུ་དྲུག་ཡོད་པ་སྟེ།    སྨར་ཉུང་།    ཐེ་བོ།  ཨ་ར།  ཚ་རྡོར།  གཞུང་པ་སྟེ་ཅོ་ནེ་ཁག་ལྔ་དང་།   ཡེར་པ།   རོང་པོ།   སྤོ་བོ།    གུང་རུ།   ཚ་བ།   སྤོ་འབོར། མི་ཉག  ཏཱ་དབེན།    རྒྱལ་རོང་།   གཙང་པ།   ཀོང་པོ་བཅས་ཡིན་པས་སེར་སྨད་ཀྱི་གྲྭ་རྒྱུན་མང་ཆེ་བ་ནི་སྨད་མདོ་ཁམས་སྒང་གསུམ་གྱི་ནང་ཚན་བར་ཁམས་ཕལ་ཆེ་བ་དང་།    ལྷོ་བརྒྱུད་ཡུན་ནན་ཞིང་ཆེན་ཁོངས་ནས་ལི་ཐང་།    རྒྱལ་ཐང་།    མུ་ལི།    ཨ་མདོ།     རྔ་པ་ཁོངས་ནས་རྒྱལ་རོང་རྒྱལ་ཁག་གསུམ།    ཨ་མདོའི་ཁོངས་ནས་ཅོ་ནེ་ཡུལ་ཚོ་ལྔ།    ཀོང་པོ་དང་།    གཙང་ཁུལ་གྱི་དགོན་པ་ཁག་གཅིག་བཅས་ཡིན།      བར་སྐབས་དུས་རབས་བཅོ་བརྒྱད་པའི་འགོ་ཙམ་ནས་རིམ་བཞིན་མདོ་སྨད་ཕྱོགས་ནས་དབུས་གཙང་དུ་གྲྭ་རྒྱུན་ཡོང་མཁན་ཉུང་དུ་སོང་རྐྱེན་ཨ་མདོའི་ཐོབ་ཁུངས་ཁང་ཚན་སོ་སོར་ལྷ་སའི་ཉེ་འཁོར་གྱི་འཕན་པོ་དང་སྟོད་ལུང་།   ཟད།    ཆུ་ཤུལ།    འབྲི་གུང་།   མལ་དྲོ་སོགས་ནས་མི་མང་པོ་སོ་སོའི་ངོ་ཤེས་འབྲེལ་བཏགས་བརྒྱུད་ནས་གྲྭ་པ་མང་པོ་གསར་དུ་ཞུགས་པ་ནས་གྲྭ་རྒྱུན་དང་ཉེ་འཁོར་བ་ཞེས་པའི་ཁྱད་པར་དེ་བྱུང་།    ཚེ་སྨོན་གླིང་སྐུ་ཕྲེང་དང་པོ་ངག་དབང་ཚུལ་ཁྲིམས་བོད་ཀྱི་སྲིད་སྐྱོང་གནང་སྐབས་གོང་གསལ་གྱི་གནས་ཚུལ་དང་།    རང་ཉིད་སྐུ་ན་གཞོན་དུས་ཨ་མདོའི་ཡུལ་ནས་གྲྭ་རྒྱུན་བྱས་ཏེ་སེ་རར་ཆོས་ཞུགས་སློབ་གཉེར་རྒྱུན་རིང་གནང་རིང་ཐག་རིང་ནས་ཡོང་བའི་གྲྭ་རྒྱུན་ཚོའི་དངོས་ཡོད་དཀའ་ངལ་མང་པོ་མྱོང་ཚོར་བྱུང་བར་གཞིགས་ཏེ་གདན་ས་གསུམ་གྱི་གྲྭ་རྒྱུན་རྣམས་ལ་གཞོན་ཁྲལ་རྒྱུག་མི་དགོས་པ་དང་།     དུང་པ་རྒྱ་གླིང་གི་ཁྲལ་རྒྱུག་མི་དགོས་པའི་དམིགས་བསལ་ཡོད་པ་དང་།    ཉེ་འཁོར་ནས་ཡོང་བའི་གྲྭ་པ་རྣམས་དཔེ་ཆ་བལྟ་མཁན་ཡིན་ན་དམིགས་བསལ་ཡོད་པའི་གཏན་འབེབས་ཐོག་མར་བཟོ་གནང་མཛད།   རབ་བྱུང་བཅུ་གསུམ་པའི་ལྕགས་སྦྲུལསྤྱི་ལོ1761ལོར་གྲྭ་ཚང་ལ་མེ་སྐྱོན་བྱུང་སྟེ།    དེ་མོ་བདེ་ལེགས་རྒྱ་མཚོས་གསར་བཞེངས་གནང་།    དེ་རྗེས་སླར་ཡང་རབ་བྱུང་བཅུ་དྲུག་པའི་འགོ་ཚུགས་ཙམ་ལ་ད་ལྟའི་གྲྭ་ཁང་འདིའི་ཉམས་གསོ་གསར་བཞེངས་དང་ཁྱད་མེད་བྱས།     

བྱེས་གྲྭ་ཚང་ནི་ཏཱ་ལའི་བླ་མ་སྐུ་ཕྲེང་དང་པོའི་དངོས་སློབ་ཀུན་མཁྱེན་བློ་གྲོས་རིན་ཆེན་སེང་གེས་ཐོག་མར་ཕྱག་བཏབ།    དེ་ནས་རེ་ཞིག་བར་དར་རྒྱས་ཆེ་ཙམ་བྱུང་ཡང་།    ལྡན་མ་ངག་དབང་པ་ཆབ་མདོར་ཕེབས་པ་དང་་། ཛྙ་ན་ཤྲི་སྐུ་གཤེགས་པ་བཅས་ཀྱི་རྐྱེན་ལས་འཆད་ཉན་བར་སྟོང་བྱུང་ཞིང་།   དེ་རྗེས་རབ་བྱུང་བརྒྱད་པའི་ལྕགས་གླིངསྤྱི་ལོ1481ལོར་གཉལ་སྟོན་དཔལ་འབྱོར་ལྷུན་གྲུབ་སེ་རའི་ཁྲིར་ཕེབས་རྗེས་སྣེའུ་རྫོང་དཔོན་དཔལ་འབྱོར་རྒྱལ་པོ་དང་།    དཔོན་མོ་བུ་ཁྲིད་དཔལ་འཛོམས་གཉིས་ཀྱིས་སྦྱིན་བདག་བྱས་ཏེ་སླར་ཡང་གྲྭ་ཚང་འདི་གསར་དུ་བཙུགས་ཤིང་སྟོད་གྲྭ་ཚང་ནས་སྤོ་བོ་ཁང་ཚན་དང་གུང་རུ་ཁང་ཚན་གཉིས་མ་གཏོགས་ཡོངས་རྫོགས་དང་འབྲོམ་སྟེང་གྲྭ་ཚང་གི་ཁག་གཅིག་བཅས་ཚང་མ་གྲྭ་ཚང་འདིར་འགྲིལ།    ཐོག་མར་བཞུགས་ཡུལ་གཏན་འཇགས་མེད་པར་ཚལ་གུང་ཐང་དང་དབུས་སྟོད་སོགས་སུ་ཆོས་ཐོག་ལ་ཕེབས་པས་བྱེས་པ་གྲྭ་ཚང་དུ་གྲགས།     དེ་ནས་མཁན་ཐོག་ཁ་ཤས་སོང་  རྗེས་འཁོན་སྟོན་དཔལ་འབྱོར་ལྷུན་གྲུབ་ཀྱིས་གྲྭ་ཚང་འདིའི་མཁན་པོ་མཛད་སྐབས་ནས་བཟུང་སེ་རར་གཏན་ཆགས་སུ་བཞུགས་ཤིང་གྲྭ་ཚང་འདི་སེ་རར་བཞུགས་སྐབས་ཀྱི་ཐོག་མའི་བཞུགས་ཡུལ་ནི་འདུ་ཁང་སྦུག་གི་དུས་གསུམ་སངས་རྒྱས་བཞུགས་སའི་ལྷ་ཁང་འདི་ཡིན་ཅིང་།    རྗེས་སུ་ཕོ་ལྷ་བསོད་ནམས་སྟོབས་རྒྱས་ཀྱིས་བོད་ས་གནས་ཀྱི་སྲིད་དབང་བཟུང་སྐབས་ད་ལྟའི་འདུ་ཁང་ཆེན་མོ་འདི་གསར་བཞེངས་བྱས་པ་དང་།    དེའི་སྐབས་ཀྱི་ལྡེབས་བྲིས་རྣམས་ད་ལྟ་ཡང་མཐོང་རྒྱུ་ཡོད་པ་འདི་ཡིན།     གྲྭ་ཚང་འདིར་ཁང་ཚན་ཉི་ཤུ་རྩ་གཅིག་ཡོད་པ་སྟེ།   ཧར་གདོང་།   བསམ་བློ། བྱ་བྲལ ཀྲེ་བོ།   བྲ་ཏི།    ཚ་བ།    ལྷོ་པ།  སྒོམ་སྡེ།   ལ་བ།   ལྡན་མ།   མངའ་རིས་གུ་གེ།   མངའ་རིས་དཔེ་ཐུབ།   མངའ་རིས་ཟངས་དཀར།    སྟག་མོ།   གཙང་པ།   རྒྱལ་བྱེད།   ཨེ་པ།  གཉལ་པ།   དྭགས་པོ།   རྩེད་ཐང་།   སྤོ་བོ་བཅས་ཡིན།    གྲྭ་རྒྱུན་ཡོང་ཁུངས་སྐོར་ཕྱི་སོག་དང་།    ནང་སོག    མགོ་ལོག     ཧོར་ཚོ་པ་དྲུག     ཚ་བ་རོང་སོགས་བར་ཁམས་ཁུལ།     འདན་མ་སྟོད་སྨད།    མངའ་རིས་སྐོར་གསུམ།     གཙང་ཁུལ་ནས་ཁག་གཅིག     ལྷོ་རྒྱུད་ཨེ་དང་།     གཉལ་སྡེ་དྲུག     དྭགས་པོ་ཁུལ།     འཕྱོངས་རྒྱས་ཁུལ།   སྤོ་བོ་ཁུལ་བཅས་ཡིན་ཅིང་།    དུས་རབས་བཅོ་བརྒྱད་པའི་འགོ་ཙམ་ནས་གོང་དུ་གསལ་བ་ལྟར་ལྷ་ས་དང་ཐག་ཉེ་བའི་བྱང་རྒྱུད་དང་།    བར་ཁམས་གཙང་དང་།     ལྷོ་ཁ་སོགས་འགའ་ཞིག་མ་གཏོགས།    མན་ཆིང་སྲིད་གཞུང་གི་མངའ་འོག་ཏུ་ཡོད་པའི་བོད་སོག་གི་དགོན་པ་ཁག་ནས་གྲྭ་རྒྱུན་ཡོང་མཁན་ཧ་ཅང་ཉུང་དུ་སོང་འདུག    བྱམས་ཆེན་ཆོས་རྗེ་ནས་པཎ་ཆེན་བློ་བཟང་ཆོས་རྒྱན་བར་ཁྲི་ཐོག་བཅོ་བརྒྱད་བྱུང་ཞིང་།    བཅུ་དགུ་པ་ཏཱ་ལའི་བླ་མ་སྐུ་ཕྲེང་ལྔ་པ་ནས་བཟུང་ཏཱ་ལའི་བླ་མ་སྐུ་ཕྲེང་ན་རིམ་ནས་སེ་རའི་ཁྲི་པའི་མཚན་བ་ཞེས་པས་ཁྲི་པ་ཟུར་དུ་འཛུགས་སྲོལ་མེད།    དགོན་བདག་ཡིག་ཚང་ལས་ཁུངས་ཡིན་པ་དང་།    རབ་བྱུང་བཅུ་དྲུག་པའི་ས་ཕག་ལོར་གྲྭ་གྲངས9900སྐོར་ཡོད་ལགས།  

 བྱེས་སྨད་སྔགས་གྲྭ་ཚང་།

སེ་ར་དགོན་པའི་རྟེན་རྫས་དང་།     སྐུ་གསུང་ཐུགས་རྟེན།    རིག་གནས་དངོས་རྫས་སོགས་བརྗོད་ཀྱིས་མི་ལང་བས་འདིར་རོབ་ཙམ་ཞུས་ན།   རྩ་ཆེའི་རིག་དངོས་རིགས་དུ་མ་ཡོད་པ་སྟེ།     གདན་ས་འདིའི་སྐུ་གསུང་ཐུགས་རྟེན་སྐོར་ཚོགས་ཆེན་འདུ་ཁང་ཆེན་མོའི་ནང་དུ་སྤྱན་རས་གཟིགས་བཅུ་གཅིག་ཞལ་དགེ་སློང་དཔལ་མོའི་ཐུགས་དམ་རྟེན་དུ་གུང་རུ་རྒྱལ་མཚན་བཟང་པོས་བཀའ་བསྒོ་ཕུག་ནས་གདན་དྲངས་པ་དེ་དང་།    ཡང་དུར་ཁྲོད་ཆེན་པོ་བསིལ་པ་ཚལ་གྱི་རྡོ་ནག་ལས་གྲུབ་པའི་མགོན་པོ་ཕྱག་བཞི་པ་སོགས་དང་།    ཐུགས་རྟེན་ཇོ་བོ་རྗེའི་ཚེམས་བཞུགས་པའི་གདུང་རྟེན་སོགས་ཉིས་བརྒྱ་དང་ཉི་ཤུ་བཞུགས། 

གསུང་རྟེན་སྡེ་སྲིད་ཟངས་རི་བས་ཕུལ་བའི་བཀའ་འགྱུར་གསེར་དངུལ་འདྲེས་མས་བཞེངས་པ་དང་།    ཆོས་སྐྱོང་སྐོར་གྱི་སྐུ་ཐང་བྱིན་ཅན་ལྔ།    བྱམས་ཆེན་གྱི་ཞལ་རས་ལྷ་ཁང་དུ་ཇོ་བོ་རྗེའི་སྐུ་ནང་རྟེན་ནོར་བུ་བསམ་འཕེལ་དང་།    རིང་བསྲེལ་སོགས་བཞུགས་པ་དང་།        གཞན་ཡང་ཏཱ་མིང་རྒྱལ་པོས་བྱམས་ཆེན་ཆོས་རྗེར་ཕུལ་བའི་ཐུབ་དབང་གི་ཞལ་ཐང་མཁའ་འགྲོ་བཀྲལ་བཏགས་མ་དང་།    བཀའ་འགྱུར་ལྷ་ཁང་དུ་རྟེན་གྱི་གཙོ་བོ་བྱམས་ཆེན་ཆོས་རྗེ་ལ་གོང་མ་ཏཱ་མིང་རྒྱལ་པོས་ཕུལ་བའི་པད་མ་ར་གའི་བཀའ་འགྱུར་ངོ་མཚར་ཅན།    གོང་མ་ཏཱ་མིང་རྒྱལ་པོའི་ནང་བློན་སྐྱ་མིང་ལ་ཁུང་ཇེ་ཏཱ་བཞིན་དང་ཆོས་མིང་བུཎྚ་རི་ཀ་ཤྲི་ཞེས་པས་བརྒྱད་སྟོང་པའི་དོན་རྣམས་ཇི་ལྟ་བ་བཞིན་ཤེས་ནས་ཏཱ་ལའི་ལོ་མ་ལ་བྲིས་པའི་རྒྱ་གར་གྱི་དཔེ་ལ་མ་ཕྱི་བྱས་ནས་གསེར་འབའ་ཞིག་ལས་ལཉྪའི་ཡི་གེས་བརྒྱད་  སྟོང་པ་ཚར་གཉིས་བཞེངས་པའི་གཅིག་རྒྱ་ནག་ཤར་ཕྱོགས་སུ་བཞུགས་གཅིག་རྒྱ་གར་དུ་གདན་འདྲེན་མཛད་རྩིས་མཛད་པ་དེ་འདིར་བཞུགས་པ་འདིའི་དཀར་ཆག་རྒྱ་ཡིག་དང་བོད་ཡིག་གཉིས་ཀ་ཡོད་པར་གསལ་བ་ལྟར་དང་།    ཏཱ་ལའི་བླ་མ་སྐུ་ཕྲེང་ལྔ་པས་གནང་བའི་བཀའ་འགྱུར།   བསྟན་འགྱུར་བྲིས་མ་རྙིང་པ་ཚར་གཅིག་དང་།    མི་དབང་ཇུན་དབང་ཕོ་ལྷ་ནས་ཀྱིས་གནང་བའི་བསྟན་འགྱུར་དཔར་མ་གཅིག     འབུམ་ལ་སོགས་པ་གསུང་རབ་མང་དུ་བཞུགས།    ཟ་དམ་ཀརྨའི་་ཆོས་རྫོང་ནས་གདན་དྲངས་པའི་གོས་སྐུ་གླིང་གསུམ་མ་ཆེན་མོ།     ཁལ་ཁ་སན་ཁང་གིས་ཕུལ་བའི་གནས་བཅུའི་གོས་སྐུ་གླིང་གསུམ་མ།    ཏཱ་མིང་རྒྱལ་པོས་བྱམས་ཆེན་ཆོས་རྗེར་ཕུལ་བའི་གནས་བཅུའི་གོས་ཐང་ཆེ་བ།   རྗེ་རིན་པོ་ཆེ།    ཐུབ་པ་ལོངས་སྐུ་མ།    གོང་ས་ལྔ་པ།    པཎ་ཆེན་བློ་བཟང་ཆོས་ཀྱི་རྒྱལ་མཚན།    བྱམས་པའི་ལྡེམ་བཅས་ཀྱི་གོས་ཐང་ཆུང་བ་རེ་རེ་རྣམས་བཞུགས་སོ།།    

བྱེས་གྲྭ་ཚང་དུ་ཀུན་མཁྱེན་བློ་གྲོས་རིན་ཆེན་སེང་གེའི་ཐུགས་དམ་རྟེན་རྟ་མགྲིན་ཡང་གསང་ཡབ་ཡུམ་ཡི་དམ་དངོས་དང་ཁྱད་པར་མེད་ཟེར་བའི་བྱིན་ཅན་ཞིག་དང་།    གྲུབ་ཐོབ་འདར་ཕྱར་གྱི་ཕུར་པ་གཏེར་མ་བྱིན་ཅན་གཅིག་སོགས་དང་།    བྱམས་ཁང་ནང་དུས་གསུམ་སངས་རྒྱས་དང་།    ཉེར་སྲས་བརྒྱད་སོགས་ནང་རྟེན་དུ།    ཀུན་མཁྱེན་པའི་ཤངས་མཚལ་ལས་གྲུབ་པའི་རྟ་མགྲིན་ཡང་གསང་གི་སྐུ་ཐང་།    རྗེ་བཙུན་པའི་ཐུགས་དམ་འབྲལ་སྤངས་མགོན་དཀར་གྱི་སྐུ་ཐང་།     རྗེ་དགེ་འདུན་རྒྱ་མཚོའི་ཕྱག་བྲིས་ལྕམ་སྲིང་གི་སྐུ་ཐང་།    རྗེ་དཔོན་དར་མའི་ཐུགས་དམ་རྟེན་མགོན་པོ་ཕྱག་དྲུག་པའི་སྐུ་ཐང་།     རྗེ་ཕྱ་པ་ཆོས་ཀྱི་སེང་གེའི་ཐུགས་དམ་རྟེན་བརྒྱད་སྟོང་པ་གཡུ་ཕྲ་ཅན།    ཕྱ་པའི་ཆོས་དུང་མི་འགྱུར་བའི་གཟེར་རྟགས་ཅན།     རྗེ་བཙུན་ཙོང་ཁ་པའི་ཕྱག་སྦུབ།    རྗེ་ཡོན་ཏན་རྒྱ་མཚོའི་རྡོ་རྗེ་རྩེ་ལྔ་གཏེར་བྱོན།    མཁན་ཆེན་བྷོ་ངྷི་སཏྭའི་བཞེས་ཞལ་གཟི་དམར་ལས་གྲུབ་པ་ཟུར་བརྒྱད་པ་སོགས་དང་།    གསུང་རྟེན་བཀའ་འགྱུར་ཚར་བཞི་དང་།    བསྟན་འགྱུར་བྲིས་མ།    དེ་མིན་སྐུ་རྟེན་ལི་མ་དང་གསེར་སྐུ་སོགས་མང་དུ་བཞུགས།    སྨད་ཐོས་བསམ་ནོར་བུའི་གླིང་དུ་ཐུབ་དབང་གི་སྨན་སྐུ་ཐོག་ཚད་མ་འདིའི་ནང་བཞུགས་འཕེལ་གདུང་སོགས་མང་པོ་དང་།    རྗེ་རིན་པོ་ཆེའི་ཤངས་མཚལ་གྱིས་བྲིས་པའི་རྗེ་ཉིད་འཁོར་དག་པ་རྣམ་བརྒྱད་ཀྱིས་བསྐོར་བ།     ནག་པོ་སྐོར་གསུམ་རྣམ་སྲས་དང་བཅས་པས་བསྐོར་བ་འཁྲུལ་མེད།    བསམ་ཡས་དགེ་རྒྱས་བྱེ་མ་གླིང་གི་རྟེན་གཙོ་ཛེེ་ཀྵིམ་ལས་གྲུབ་པའི་ཐུབ་པ་གྲོང་ཁྱེར་མ།     ར་ལོའི་ཐུགས་དམ་ཛེེཀྵིམ་ལས་གྲུབ་པའི་འཇིགས་བྱེད་སྐུ།    རྗེ་རིན་པོ་ཆེའི་ཐུགས་དམ་རྟེན་འཇིགས་བྱེད་བདུད་ལས་རྣམ་རྒྱལ་སླེའུ་ཆུང་བའི་ཕྱག་བཟོ་སོགས་མང་དུ་བཞུགས་སོ།     འདུ་ཁང་གི་ཁོར་ཡུག་ཏུ་ཏཱ་ལའི་བླ་མ་སྐུ་ཕྲེང་བཅུ་གསུམ་པའི་དུས་སུ་གྲྭ་ཚང་འདི་ཉམས་གསོའི་སྐབས་བཞེངས་པའི་མཛད་བརྒྱ་དཔག་བསམ་འཁྲི་ཤིང་དང་མདོ་སྔགས་བརྒྱུད་པའི་བླ་མ་རྣམས་ཀྱི་ལྡེབས་བྲིས་ཧ་ཅང་བྲིས་ཆ་ལེགས་པོ་ཞིག་བཅས་ཡོད།   

ཚོགས་ཆེན་འདུ་ཁང་རྙིང་པའམ་དེང་སང་སྔགས་པ་གྲྭ་ཚང་དུ་ཡོད་པའི་ནང་རྟེན་ཐུབ་པ་འདུད་འདུལ་གཙོ་བོར་བྱས་པའི་འཕགས་པའི་གནས་བརྟན་བཅུ་དྲུག་དགེ་བསྙེན།    ཧཱ་ཤང་།    རྒྱལ་པོ་ཆེན་པོ་བཞི་དང་བཅས་པ་འདི་ནི་བྱམས་ཆེན་ཆོས་རྗེ་ཤཱཀྱ་ཡེ་ཤེས་ཞེས་མཁྱེན་པ་དང་བརྩེ་བའི་བདག་ཉིད་ཅན་དེ་རྗེ་ཙོང་ཁ་པ་ཆེན་པོའི་སྐུ་ཚབ་ཏུ་རྒྱ་ནག་ཏཱ་མིང་གི་གཡུ་ལོས་རྒྱལ་པོའི་ཏི་ཤྲིར་ཕེབས་ཏེའགྲོ་དོན་རྒྱ་ཆེར་མཛད་ནས་ཙནྡན་དཀར་པོ་ལས་བཞེངས་པའི་གནས་བཅུ་གདན་དྲངས་པ་རྣམས་ནང་བཞུགས་སུ་མཛད་ནས་ལྷ་བཟོ་སྤྲུལ་སྐུ་སླེའུ་ཆུང་བས་བཞེངས་པ་སྟེ།    ལོ་རྒྱུས་ཐོག་བཤད་སྲོལ་ལ་འདིའི་ནང་ནས་འཕགས་པ་ཡན་ལག་འབྱུང་འདི་ཀུན་མཁྱེན་པ་སེ་རར་ཐོག་མར་ཕེབས་པའི་ཚེ།         ཀུན་མཁྱེན་ཆེན་པོ་བྱོན་པ་ལེགས།    བསྟན་པའི་རྒྱལ་མཚན་བཙུགས་པ་ལེགས་ཞེས་གསུང་བྱོན་ཞིང་།    དེང་སང་ཡང་ཕྱག་གཉིས་ཕྱག་ཕེབས་ཞུ་བའི་ཚུལ་དུ་ཡོད་ལ།    དགེ་བསྙེན་ངྷརྨ་ཏ་ལ་འདི་ཡང་ཕུག་པ་འདི་ཅུང་ཟད་དོག་འདུག་གསུངས་ནས་ཕུག་པའི་ནང་ནས་ཅུང་ཟད་མདུན་དུ་བྱོན་པ་དང་།    ད་དུང་ཀརྨ་པ་ཆོས་གྲགས་རྒྱ་མཚོ་དང་རིན་སྤུངས་པ་དོན་ཡོད་རྡོ་རྗེ་མཆོད་ཡོན་གྲོས་མཐུན་གྱིས་སེ་འབྲས་གཉིས་ཀྱི་ཁ་གནོན་དུ་ལྷ་སའི་ཤར་ཕྱོགས་སུ་ཀརྨ་དགོན་གསར་བཏབ་ཐོག     དགེ་ལུགས་པའི་སྦྱིན་བདག་གཙོ་བོ་སྣེའུ་རྫོང་པ་ཡུལ་བཏོན་སྐབས།    ཀརྨ་སྒར་པས་གསེར་གསོལ་ལ་སྙད་བཏགས་ནས་ནང་རྟེན་ཙནྡན་གྱི་སྐུ་རྣམས་གདན་འདྲེན་རྩིས་བྱས་པར་གསེར་གསོལ་བ་མ་བཞེས་པ་དང་།    ནང་རྟེན་འདོན་པའི་ཐོག་མར་མ་ཕམ་པའི་ཐུགས་ཀར་གྲི་བཙུགས་པས་མ་ཕམ་པའི་ཞལ་ནས་ངེད་རྣམས་འདིར་བཞག་པ་འགྲོ་དོན་ཆེ་གསུངས་མ་ཐག་དེ་རྣམས་དཔའ་ཞུམ་སྟེ་རྟེན་རྣམས་ལ་གནོད་པར་མ་ནུས།    མ་ཕམ་པ་འདིའི་ཐུགས་ཀར་དྲོད་རྟ་རྔ་ཙམ་ཡོད་པ་དང་།    བསམ་སྦྱོར་ངན་པ་བྱས་པའི་བླ་དཔོན་འཁོར་བཅས་མི་རིང་བར་ན་ཤི་རྒུད་པས་ཟད་ནས་གསར་དུ་བརྩིགས་པའི་དགོན་པ་དང་ལྷ་ཁང་ཡང་བདག་པོ་མེད་པར་གྱུར་ཏེ་རང་ཞིག་ཏུ་སོང་ཟེར་སྲོལ་ཡོད།  

སྔགས་པ་གྲྭ་ཚང་གི་འདུ་ཁང་གི་ནུབ་ངོས་ཀྱི་སྦུག་ཏུ་བྱམས་ཆེན་ཆོས་རྗེའི་སྨན་སྐུ་སོགས་དང་གཙོ་བོའི་གཡས་ཀ་རྒྱབ་ཏུ་དགེ་འདུན་འདུ་བའི་མཆོད་རྟེན་གྱི་ནང་དུ་མཚུངས་མེད་ཆོས་ཀྱི་རྗེ་རྒྱལ་མཚན་བཟང་པོའི་སྐུ་གདུང་རིལ་པོར་བཞུགས་པ།    སྒོ་རྒྱན་ལ་རྗེ་དེ་ཉིད་ཀྱི་ཤངས་མཚལ་ལས་བཞེངས་པའི་རྒྱལ་བ་སེང་གེའི་ང་རོའི་སྐུ་དང་།    སྒོ་ཁྱིམ་ནང་དུ་ཆོས་ཀྱི་རྗེ་དེ་ཉིད་རང་གིས་ཕྱག་བཟོ་མཛད་པའི་རྒྱལ་བ་ཙོང་ཁ་པ་ཆེན་པོའི་སྨན་སྐུ་བཞུགས་པ།    སྔར་རིང་བསྲེལ་མང་དུ་འཛག་ཅིང་།    གདོན་གྱིས་གཟིར་བ་རྣམས་ཀྱིས་མཇལ་བ་ཙམ་གྱིས་གདོན་ལས་གྲོལ་ནུས་པ་སོགས་བྱིན་རླབས་ཤིན་ཏུ་ཆེ་བ་ཞིག་ཡིན་ཞེས་ཟེར་སྲོལ་ཡོད་པ་བཅས་དེ་དག་ནི་དགོན་གནས་འདིའི་རྟེན་གྱི་གཙོ་བོ་ཡིན།

སེ་ར་ཐེག་ཆེན་གླིང་།

ཆོས་སྡེ་ཆེན་པོ་སེ་ར་ཐེག་ཆེན་གླིང་ནི་གྲོང་ཁྱེར་ལྷ་སའི་བྱང་ངོས་མཚམས་སུ་རྒྱབ་རི་གླང་པོ་ཆེ་ཉལ་བ་ལྟ་བུ་དང་། དེའི་རི་རྒྱུད་དུ་གདུགས་ལྟ་བུའི་རི་བོ་མཐོ་ལ་མཛེས་པ། མཐའ་སྐོར་དུ་ཉམས་དགའི་དབེན་རི་ཁྲོད་ཀྱིས་བསྐོར་བའི་དབུས་སུ་ཆགས་ཤིང་། ཤིང་སེ་བའི་ར་བས་བསྐོར་བས་ན་སེ་ར་ཞེས་བརྗོད། དེ་ཡང་རི་བོ་དགེ་ལུགས་པའི་དགོན་པ་ཆེ་གྲས་སེ་འབྲས་དགེ་གསུམ་གྱི་ཡ་གྱལ་ཡིན་པ་སྟེ།

བོད་རབ་བྱུང་བཅུ་བདུན་པའི་ས་ཕག(སྤྱི་ལོ1419 ལོར)རྗེ་ཛོང་ཁ་པ་ཆེན་མོའི་ཕུལ་དུ་བྱུང་བའི་དངོས་སློབ་བྱམས་ཆེན་ཆོས་རྗེ་ཤཱཀྱ་ཡེ་ཤེས་མཆོག་གིས་ཕྱག་བཏབ། ཚོགས་ཆེན་དང་། གྲྭ་ཚང་གསུམ། ཁང་ཚན་དང་མི་ཚན་གྱི་སྤྱི་ཁང་སོགས་སྐྲུན་ངོས་ཁྱོན་ཡོངས་ཀྱི་རྒྱ་ཁྱོན་ལ་སྤྱི་ཁྲེ་གྲུ་བཞི་མ་ཆིག་འབུམ་ཆིག་ཁྲི་བཞི་སྟོང་དགུ་བརྒྱ་དྲུག་ཅུ་རེ་བཞི་ཡོད།སེ་ར་དགོན་པ་མ་ཆགས་གོང་དུ་རྗེ་ཙོང་ཁ་པ་ཆེན་པོ་སེ་ར་ཆོས་སྡིངས་སུ་བཞུགས་ནས་སློབ་མ་མང་པོར་ཟབ་རྒྱས་ཆོས་ཀྱི་འཁོར་ལོ་བསྐོར་ཞིང་། ལྷག་པར་དབུ་མ་རྩ་བ་ཤེས་རབ་ཀྱི་ཊིཀ་ཆེན་རྩོམ་པར་དགོངས་ཏེ་ཟབ་མོ་སྟོང་པ་ཉིད་ལ་བརྟག་ཅིང་དཔྱད་པ་ན་གཟིགས་སྣང་ལ་ཤེར་ཕྱིན་གྱི་མདོའི་བརྗོད་བྱ་སྟོང་ཉིད་བཅུ་དྲུག་སོགས་ཨ་ཡིག་གི་རྣམ་པར་ཆར་བབས་པས་བྱེས་ཆོས་རའི་ནང་གི་རྡོ་ཕུང་ཞིག་ལ་བཅུ་གསུམ་ཐིམ་པར་གཟིགས་པ་ལྟར་བྲག་རྡོའི་སྟེང་དུ་ཨ་ཡིག་རྣམ་པ་འབུར་དོད་དུ་ཡོད་པ་དེང་སང་ཡང་སེ་ར་བྱེས་ཀྱི་ཆོས་གྲྭའི་ནང་མཇལ་རྒྱུ་ཡོད། སྐབས་དེར་འཇམ་མགོན་བླ་མས་མ་འོངས་པར་གནས་དེར་དབུ་མ་ལ་མཁས་པའི་སྡེ་ཆེན་པོ་ཞིག་ཆགས་པར་འོང་ཞེས་ལུང་བསྟན། རྗེ་བདག་ཉིད་ཆེན་པོས་ཐ་མར་གནས་དེར་ཕེབས་ནས་རྒྱུད་ཀྱི་རྒྱལ་པོ་གསང་བ་འདུས་པ་དང་འཁོར་ལོ་བདེ་མཆོག་གཉིས་ཀྱི་རྩ་རྒྱུད་དབུ་ནས་ཆོས་ཐེངས་རེ་གསུངས། རྗེ་ཤེས་རབ་སེང་གེ་ལ་གསང་བ་འདུས་པའི་བསྟན་པ་གཏད། བྱམས་ཆེན་ཆོས་རྗེ་ལ་ཆོས་སྡེ་འདེབས་དགོས་པའི་བཀའ་བཀོད་མཛད་པ་བཞིན་སྣེའུ་རྫོང་དཔོན་ནམ་མཁའ་བཟང་པོས་མཐུན་རྐྱེན་སྦྱར་ནས་སེ་ར་ཐེག་ཆེན་གླིང་བཞེངས། སྐབས་དེར་ཚོགས་ཆེན་གཅིག་དང་། རིམ་བཞིན་གྲྭ་ཚང་གསུམ། ཁང་ཚན་སོ་གསུམ། གྲྭ་སྤྱིལ་སྟོང་ཕྲག་གསུམ་ལྷག་ཙམ་བར་འཕེལ་རྒྱས་བྱུང་། སྐབས་དེའི་ཚོགས་ཆེན་རྙིང་པ་དེ་རྒྱལ་པོ་ལྷ་བཟང་གིས་སྡེ་སྲིད་སངས་རྒྱས་རྒྱ་མཚོ་བཀྲོངས་ནས་སྲིད་དབང་བཟུང་རྗེས་སྐུ་རིམ་གྲྭ་ཚང་བཙུགས་ཏེ་ད་ལྟའི་སྔགས་པ་གྲྭ་ཚང་དེ་ཡིན། ཚོགས་ཆེན་གསར་པ་དེ་ནི་བཤད་སྲོལ་ལ་རྒྱལ་པོ་ལྷ་བཟང་གིས་སྡེ་སྲིད་བཀྲོངས་པའི་སྡིག་བཤགས་སུ་གསར་རྒྱག་བྱས་ཟེར། ད་ལྟའི་ཚོགས་ཆེན་ཀ་བ་བརྒྱ་དང་བརྒྱད་ཡོད་པ་དེ་བཞེངས་རྗེས་སུ་གྲྭ་ཚོགས་ཇེ་རྒྱས་ཇེ་འཕེལ་དུ་སོང་ནས་གྲྭ་ཚང་བཞིར་གྱེས་ཏེ་རྒྱ། འབྲོང་སྟེང་། སྟོད་པ། སྨད་པ་བཅས་གྲྭ་ཚང་བཞི་ཡོད། དེ་ནས་ཡུན་རིང་མ་སོང་བར་རྒྱ་དང་འབྲོང་སྟེང་གྲྭ་ཚང་གཉིས་ཡོངས་རྫོགས་སྟོད་པ་གྲྭ་ཚང་དུ་བསྒྲིལ་ནས་རེ་ཞིག་བར་གྲྭ་ཚང་སྟོད་སྨད་གཉིས་ལས་མེད། རྗེས་སུ་དུས་རབས་བཅོ་ལྔ་པའི་དཀྱིལ་དུ་ཀུན་མཁྱེན་བློ་གྲོས་རིན་ཆེན་སེང་གེས་སེ་རའི་མཁན་པོ་མཛད་སྐབས་སེ་ར་བྱེས་གྲྭ་ཚང་ཕྱག་བཏབ་པ་ནས་སྟོད་པ་གྲྭ་ཚང་གི་ནང་གསེས་སྤོ་བོ་དང་གུང་རུ་ཁང་ཚན་གཉིས་མ་གཏོགས་ཡོངས་རྫོགས་དང་། རྒྱ་གྲྭ་ཚང་ཡོངས་རྫོགས། འབྲོམ་སྟེང་གྲྭ་ཚང་གི་ཁག་གཅིག་བཅས་ཚང་མ་གྲྭ་ཚང་འདིར་འགྲིལ་ནས་རྒྱལ་པོ་ལྷ་བཟང་གི་སྐབས་སྔགས་པ་གྲྭ་ཚང་གསར་དུ་བཙུགས་པ་བཅས་བསྣན་པའི་ད་ལྟའི་གྲྭ་ཚང་བཞི་བྱུང་། གྲྭ་ཚང་དེ་ཚོ་ཡང་གྲྭ་རྒྱུན་ཡོང་ཁུངས་ས་གནས་མི་འདྲ་བའི་དབང་གི་ཁང་ཚན་ཁག་སུམ་ཅུ་སོ་གསུམ་དུ་གྱེས་པ་གཤམ་དུ་གསལ། སྟོད་པ་གྲྭ་ཚང་རྗེ་ཙོང་ཁ་པའི་དངོས་སློབ་གུང་རུ་རྒྱལ་མཚན་བཟང་པོས་ཐོག་མར་འདེབས་པ་གནང་ཞིང་། དེང་སང་ཁང་ཚན་སྤོ་བོ་དང་། གུང་རུ་གཉིས་ཙམ་མ་གཏོགས་གཞན་དག་མེད་ཐོག མཁན་པོ་ནི་མིང་ཙམ་ལས་གྲྭ་ཚང་ཟུར་ཚོགས་བྱེད་མཁན་མེད་པར་ལོ་མང་སོང་ཟིན་འདུག     སྨད་པ་གྲྭ་ཚང་རྗེ་ཙོང་ཁ་པའི་དངོས་སློབ་ཀུན་མཁྱེན་བྱང་ཆུབ་འབུམ་པས་ཕྱག་བཏབ་ཅིང་། གྲྭ་ཚོགས་ཇེ་རྒྱས་སུ་སོང་སྟེ་ཁང་ཚན་བཅུ་དྲུག་ཡོད་པ་སྟེ། སྨར་ཉུང་། ཐེ་བོ། ཨ་ར། ཚ་རྡོར། གཞུང་པ་སྟེ་ཅོ་ནེ་ཁག་ལྔ་དང་། ཡེར་པ། རོང་པོ། སྤོ་བོ། གུང་རུ། ཚ་བ། སྤོ་འབོར། མི་ཉག  ཏཱ་དབེན། རྒྱལ་རོང་། གཙང་པ། ཀོང་པོ་བཅས་ཡིན་པས་སེར་སྨད་ཀྱི་གྲྭ་རྒྱུན་མང་ཆེ་བ་ནི་སྨད་མདོ་ཁམས་སྒང་གསུམ་གྱི་ནང་ཚན་བར་ཁམས་ཕལ་ཆེ་བ་དང་། ལྷོ་བརྒྱུད་ཡུན་ནན་ཞིང་ཆེན་ཁོངས་ནས་ལི་ཐང་། རྒྱལ་ཐང་། མུ་ལི། ཨ་མདོ། རྔ་པ་ཁོངས་ནས་རྒྱལ་རོང་རྒྱལ་ཁག་གསུམ། ཨ་མདོའི་ཁོངས་ནས་ཅོ་ནེ་ཡུལ་ཚོ་ལྔ། ཀོང་པོ་དང་། གཙང་ཁུལ་གྱི་དགོན་པ་ཁག་གཅིག་བཅས་ཡིན། བར་སྐབས་དུས་རབས་བཅོ་བརྒྱད་པའི་འགོ་ཙམ་ནས་རིམ་བཞིན་མདོ་སྨད་ཕྱོགས་ནས་དབུས་གཙང་དུ་གྲྭ་རྒྱུན་ཡོང་མཁན་ཉུང་དུ་སོང་རྐྱེན་ཨ་མདོའི་ཐོབ་ཁུངས་ཁང་ཚན་སོ་སོར་ལྷ་སའི་ཉེ་འཁོར་གྱི་འཕན་པོ་དང་སྟོད་ལུང་། ཟད། ཆུ་ཤུལ། འབྲི་གུང་། མལ་དྲོ་སོགས་ནས་མི་མང་པོ་སོ་སོའི་ངོ་ཤེས་འབྲེལ་བཏགས་བརྒྱུད་ནས་གྲྭ་པ་མང་པོ་གསར་དུ་ཞུགས་པ་ནས་གྲྭ་རྒྱུན་དང་ཉེ་འཁོར་བ་ཞེས་པའི་ཁྱད་པར་དེ་བྱུང་། ཚེ་སྨོན་གླིང་སྐུ་ཕྲེང་དང་པོ་ངག་དབང་ཚུལ་ཁྲིམས་བོད་ཀྱི་སྲིད་སྐྱོང་གནང་སྐབས་གོང་གསལ་གྱི་གནས་ཚུལ་དང་། རང་ཉིད་སྐུ་ན་གཞོན་དུས་ཨ་མདོའི་ཡུལ་ནས་གྲྭ་རྒྱུན་བྱས་ཏེ་སེ་རར་ཆོས་ཞུགས་སློབ་གཉེར་རྒྱུན་རིང་གནང་རིང་ཐག་རིང་ནས་ཡོང་བའི་གྲྭ་རྒྱུན་ཚོའི་དངོས་ཡོད་དཀའ་ངལ་མང་པོ་མྱོང་ཚོར་བྱུང་བར་གཞིགས་ཏེ་གདན་ས་གསུམ་གྱི་གྲྭ་རྒྱུན་རྣམས་ལ་གཞོན་ཁྲལ་རྒྱུག་མི་དགོས་པ་དང་། དུང་པ་རྒྱ་གླིང་གི་ཁྲལ་རྒྱུག་མི་དགོས་པའི་དམིགས་བསལ་ཡོད་པ་དང་། ཉེ་འཁོར་ནས་ཡོང་བའི་གྲྭ་པ་རྣམས་དཔེ་ཆ་བལྟ་མཁན་ཡིན་ན་དམིགས་བསལ་ཡོད་པའི་གཏན་འབེབས་ཐོག་མར་བཟོ་གནང་མཛད།

རབ་བྱུང་བཅུ་གསུམ་པའི་ལྕགས་སྦྲུལ(སྤྱི་ལོ1761)ལོར་གྲྭ་ཚང་ལ་མེ་སྐྱོན་བྱུང་སྟེ། དེ་མོ་བདེ་ལེགས་རྒྱ་མཚོས་གསར་བཞེངས་གནང་། དེ་རྗེས་སླར་ཡང་རབ་བྱུང་བཅུ་དྲུག་པའི་འགོ་ཚུགས་ཙམ་ལ་ད་ལྟའི་གྲྭ་ཁང་འདིའི་ཉམས་གསོ་གསར་བཞེངས་དང་ཁྱད་མེད་བྱས། བྱེས་གྲྭ་ཚང་ནི་ཏཱ་ལའི་བླ་མ་སྐུ་ཕྲེང་དང་པོའི་དངོས་སློབ་ཀུན་མཁྱེན་བློ་གྲོས་རིན་ཆེན་སེང་གེས་ཐོག་མར་ཕྱག་བཏབ། དེ་ནས་རེ་ཞིག་བར་དར་རྒྱས་ཆེ་ཙམ་བྱུང་ཡང་། ལྡན་མ་ངག་དབང་པ་ཆབ་མདོར་ཕེབས་པ་དང་། ཛྙ་ན་ཤྲི་སྐུ་གཤེགས་པ་བཅས་ཀྱི་རྐྱེན་ལས་འཆད་ཉན་བར་སྟོང་བྱུང་ཞིང་། དེ་རྗེས་རབ་བྱུང་བརྒྱད་པའི་ལྕགས་གླིང(སྤྱི་ལོ1481)ལོར་གཉལ་སྟོན་དཔལ་འབྱོར་ལྷུན་གྲུབ་སེ་རའི་ཁྲིར་ཕེབས་རྗེས་སྣེའུ་རྫོང་དཔོན་དཔལ་འབྱོར་རྒྱལ་པོ་དང་། དཔོན་མོ་བུ་ཁྲིད་དཔལ་འཛོམས་གཉིས་ཀྱིས་སྦྱིན་བདག་བྱས་ཏེ་སླར་ཡང་གྲྭ་ཚང་འདི་གསར་དུ་བཙུགས་ཤིང་སྟོད་གྲྭ་ཚང་ནས་སྤོ་བོ་ཁང་ཚན་དང་གུང་རུ་ཁང་ཚན་གཉིས་མ་གཏོགས་ཡོངས་རྫོགས་དང་འབྲོམ་སྟེང་གྲྭ་ཚང་གི་ཁག་གཅིག་བཅས་ཚང་མ་གྲྭ་ཚང་འདིར་འགྲིལ། ཐོག་མར་བཞུགས་ཡུལ་གཏན་འཇགས་མེད་པར་ཚལ་གུང་ཐང་དང་དབུས་སྟོད་སོགས་སུ་ཆོས་ཐོག་ལ་ཕེབས་པས་བྱེས་པ་གྲྭ་ཚང་དུ་གྲགས། དེ་ནས་མཁན་ཐོག་ཁ་ཤས་སོང་རྗེས་འཁོན་སྟོན་དཔལ་འབྱོར་ལྷུན་གྲུབ་ཀྱིས་གྲྭ་ཚང་འདིའི་མཁན་པོ་མཛད་སྐབས་ནས་བཟུང་སེ་རར་གཏན་ཆགས་སུ་བཞུགས་ཤིང་གྲྭ་ཚང་འདི་སེ་རར་བཞུགས་སྐབས་ཀྱི་ཐོག་མའི་བཞུགས་ཡུལ་ནི་འདུ་ཁང་སྦུག་གི་དུས་གསུམ་སངས་རྒྱས་བཞུགས་སའི་ལྷ་ཁང་འདི་ཡིན་ཅིང་། རྗེས་སུ་ཕོ་ལྷ་བསོད་ནམས་སྟོབས་རྒྱས་ཀྱིས་བོད་ས་གནས་ཀྱི་སྲིད་དབང་བཟུང་སྐབས་ད་ལྟའི་འདུ་ཁང་ཆེན་མོ་འདི་གསར་བཞེངས་བྱས་པ་དང་། དེའི་སྐབས་ཀྱི་ལྡེབས་བྲིས་རྣམས་ད་ལྟ་ཡང་མཐོང་རྒྱུ་ཡོད་པ་འདི་ཡིན། གྲྭ་ཚང་འདིར་ཁང་ཚན་ཉི་ཤུ་རྩ་གཅིག་ཡོད་པ་སྟེ། ཧར་གདོང་། བསམ་བློ། བྱ་བྲལ ཀྲེ་བོ། བྲ་ཏི། ཚ་བ། ལྷོ་པ། སྒོམ་སྡེ། ལ་བ། ལྡན་མ། མངའ་རིས་གུ་གེ ། མངའ་རིས་དཔེ་ཐུབ། མངའ་རིས་ཟངས་དཀར། སྟག་མོ། གཙང་པ། རྒྱལ་བྱེད། ཨེ་པ། གཉལ་པ། དྭགས་པོ། རྩེད་ཐང་། སྤོ་བོ་བཅས་ཡིན། གྲྭ་རྒྱུན་ཡོང་ཁུངས་སྐོར་ཕྱི་སོག་དང་། ནང་སོག    མགོ་ལོག     ཧོར་ཚོ་པ་དྲུག     ཚ་བ་རོང་སོགས་བར་ཁམས་ཁུལ། འདན་མ་སྟོད་སྨད། མངའ་རིས་སྐོར་གསུམ། གཙང་ཁུལ་ནས་ཁག་གཅིག     ལྷོ་རྒྱུད་ཨེ་དང་། གཉལ་སྡེ་དྲུག དྭགས་པོ་ཁུལ། འཕྱོངས་རྒྱས་ཁུལ། སྤོ་བོ་ཁུལ་བཅས་ཡིན་ཅིང་། དུས་རབས་བཅོ་བརྒྱད་པའི་འགོ་ཙམ་ནས་གོང་དུ་གསལ་བ་ལྟར་ལྷ་ས་དང་ཐག་ཉེ་བའི་བྱང་རྒྱུད་དང་། བར་ཁམས་གཙང་དང་། ལྷོ་ཁ་སོགས་འགའ་ཞིག་མ་གཏོགས། མན་ཆིང་སྲིད་གཞུང་གི་མངའ་འོག་ཏུ་ཡོད་པའི་བོད་སོག་གི་དགོན་པ་ཁག་ནས་གྲྭ་རྒྱུན་ཡོང་མཁན་ཧ་ཅང་ཉུང་དུ་སོང་འདུག བྱམས་ཆེན་ཆོས་རྗེ་ནས་པཎ་ཆེན་བློ་བཟང་ཆོས་རྒྱན་བར་ཁྲི་ཐོག་བཅོ་བརྒྱད་བྱུང་ཞིང་། བཅུ་དགུ་པ་ཏཱ་ལའི་བླ་མ་སྐུ་ཕྲེང་ལྔ་པ་ནས་བཟུང་ཏཱ་ལའི་བླ་མ་སྐུ་ཕྲེང་ན་རིམ་ནས་སེ་རའི་ཁྲི་པའི་མཚན་བ་ཞེས་པས་ཁྲི་པ་ཟུར་དུ་འཛུགས་སྲོལ་མེད། དགོན་བདག་ཡིག་ཚང་ལས་ཁུངས་ཡིན་པ་དང་། རབ་བྱུང་བཅུ་དྲུག་པའི་ས་ཕག་ལོར་གྲྭ་གྲངས9900སྐོར་ཡོད། སེ་ར་དགོན་པའི་རྟེན་རྫས་དང་། སྐུ་གསུང་ཐུགས་རྟེན། རིག་གནས་དངོས་རྫས་སོགས་བརྗོད་ཀྱིས་མི་ལང་བས་འདིར་རོབ་ཙམ་ཞུས་ན། རྩ་ཆེའི་རིག་དངོས་རིགས་དུ་མ་ཡོད་པ་སྟེ། གདན་ས་འདིའི་སྐུ་གསུང་ཐུགས་རྟེན་སྐོར་ཚོགས་ཆེན་འདུ་ཁང་ཆེན་མོའི་ནང་དུ་སྤྱན་རས་གཟིགས་བཅུ་གཅིག་ཞལ་དགེ་སློང་དཔལ་མོའི་ཐུགས་དམ་རྟེན་དུ་གུང་རུ་རྒྱལ་མཚན་བཟང་པོས་བཀའ་བསྒོ་ཕུག་ནས་གདན་དྲངས་པ་དེ་དང་། ཡང་དུར་ཁྲོད་ཆེན་པོ་བསིལ་པ་ཚལ་གྱི་རྡོ་ནག་ལས་གྲུབ་པའི་མགོན་པོ་ཕྱག་བཞི་པ་སོགས་དང་། ཐུགས་རྟེན་ཇོ་བོ་རྗེའི་ཚེམས་བཞུགས་པའི་གདུང་རྟེན་སོགས་ཉིས་བརྒྱ་དང་ཉི་ཤུ་བཞུགས།

གསུང་རྟེན་སྡེ་སྲིད་ཟངས་རི་བས་ཕུལ་བའི་བཀའ་འགྱུར་གསེར་དངུལ་འདྲེས་མས་བཞེངས་པ་དང་། ཆོས་སྐྱོང་སྐོར་གྱི་སྐུ་ཐང་བྱིན་ཅན་ལྔ། བྱམས་ཆེན་གྱི་ཞལ་རས་ལྷ་ཁང་དུ་ཇོ་བོ་རྗེའི་སྐུ་ནང་རྟེན་ནོར་བུ་བསམ་འཕེལ་དང་། རིང་བསྲེལ་སོགས་བཞུགས་པ་དང་། གཞན་ཡང་ཏཱ་མིང་རྒྱལ་པོས་བྱམས་ཆེན་ཆོས་རྗེར་ཕུལ་བའི་ཐུབ་དབང་གི་ཞལ་ཐང་མཁའ་འགྲོ་བཀྲལ་བཏགས་མ་དང་། བཀའ་འགྱུར་ལྷ་ཁང་དུ་རྟེན་གྱི་གཙོ་བོ་བྱམས་ཆེན་ཆོས་རྗེ་ལ་གོང་མ་ཏཱ་མིང་རྒྱལ་པོས་ཕུལ་བའི་པད་མ་ར་གའི་བཀའ་འགྱུར་ངོ་མཚར་ཅན། གོང་མ་ཏཱ་མིང་རྒྱལ་པོའི་ནང་བློན་སྐྱ་མིང་ལ་ཁུང་ཇེ་ཏཱ་བཞིན་དང་ཆོས་མིང་བུཎྚ་རི་ཀ་ཤྲི་ཞེས་པས་བརྒྱད་སྟོང་པའི་དོན་རྣམས་ཇི་ལྟ་བ་བཞིན་ཤེས་ནས་ཏཱ་ལའི་ལོ་མ་ལ་བྲིས་པའི་རྒྱ་གར་གྱི་དཔེ་ལ་མ་ཕྱི་བྱས་ནས་གསེར་འབའ་ཞིག་ལས་ལཉྪའི་ཡི་གེས་བརྒྱད་སྟོང་པ་ཚར་གཉིས་བཞེངས་པའི་གཅིག་རྒྱ་ནག་ཤར་ཕྱོགས་སུ་བཞུགས་གཅིག་རྒྱ་གར་དུ་གདན་འདྲེན་མཛད་རྩིས་མཛད་པ་དེ་འདིར་བཞུགས་པ་འདིའི་དཀར་ཆག་རྒྱ་ཡིག་དང་བོད་ཡིག་གཉིས་ཀ་ཡོད་པར་གསལ་བ་ལྟར་དང་། ཏཱ་ལའི་བླ་མ་སྐུ་ཕྲེང་ལྔ་པས་གནང་བའི་བཀའ་འགྱུར། བསྟན་འགྱུར་བྲིས་མ་རྙིང་པ་ཚར་གཅིག་དང་། མི་དབང་ཇུན་དབང་ཕོ་ལྷ་ནས་ཀྱིས་གནང་བའི་བསྟན་འགྱུར་དཔར་མ་གཅིག འབུམ་ལ་སོགས་པ་གསུང་རབ་མང་དུ་བཞུགས། ཟ་དམ་ཀརྨའི་་ཆོས་རྫོང་ནས་གདན་དྲངས་པའི་གོས་སྐུ་གླིང་གསུམ་མ་ཆེན་མོ། ཁལ་ཁ་སན་ཁང་གིས་ཕུལ་བའི་གནས་བཅུའི་གོས་སྐུ་གླིང་གསུམ་མ། ཏཱ་མིང་རྒྱལ་པོས་བྱམས་ཆེན་ཆོས་རྗེར་ཕུལ་བའི་གནས་བཅུའི་གོས་ཐང་ཆེ་བ། རྗེ་རིན་པོ་ཆེ། ཐུབ་པ་ལོངས་སྐུ་མ། གོང་ས་ལྔ་པ། པཎ་ཆེན་བློ་བཟང་ཆོས་ཀྱི་རྒྱལ་མཚན། བྱམས་པའི་ལྡེམ་བཅས་ཀྱི་གོས་ཐང་ཆུང་བ་རེ་རེ་རྣམས་བཞུགས་སོ། །

བྱེས་གྲྭ་ཚང་དུ་ཀུན་མཁྱེན་བློ་གྲོས་རིན་ཆེན་སེང་གེའི་ཐུགས་དམ་རྟེན་རྟ་མགྲིན་ཡང་གསང་ཡབ་ཡུམ་ཡི་དམ་དངོས་དང་ཁྱད་པར་མེད་ཟེར་བའི་བྱིན་ཅན་ཞིག་དང་། གྲུབ་ཐོབ་འདར་ཕྱར་གྱི་ཕུར་པ་གཏེར་མ་བྱིན་ཅན་གཅིག་སོགས་དང་། བྱམས་ཁང་ནང་དུས་གསུམ་སངས་རྒྱས་དང་། ཉེར་སྲས་བརྒྱད་སོགས་ནང་རྟེན་དུ། ཀུན་མཁྱེན་པའི་ཤངས་མཚལ་ལས་གྲུབ་པའི་རྟ་མགྲིན་ཡང་གསང་གི་སྐུ་ཐང་། རྗེ་བཙུན་པའི་ཐུགས་དམ་འབྲལ་སྤངས་མགོན་དཀར་གྱི་སྐུ་ཐང་། རྗེ་དགེ་འདུན་རྒྱ་མཚོའི་ཕྱག་བྲིས་ལྕམ་སྲིང་གི་སྐུ་ཐང་། རྗེ་དཔོན་དར་མའི་ཐུགས་དམ་རྟེན་མགོན་པོ་ཕྱག་དྲུག་པའི་སྐུ་ཐང་། རྗེ་ཕྱ་པ་ཆོས་ཀྱི་སེང་གེའི་ཐུགས་དམ་རྟེན་བརྒྱད་སྟོང་པ་གཡུ་ཕྲ་ཅན། ཕྱ་པའི་ཆོས་དུང་མི་འགྱུར་བའི་གཟེར་རྟགས་ཅན། རྗེ་བཙུན་ཙོང་ཁ་པའི་ཕྱག་སྦུབ། རྗེ་ཡོན་ཏན་རྒྱ་མཚོའི་རྡོ་རྗེ་རྩེ་ལྔ་གཏེར་བྱོན། མཁན་ཆེན་བྷོ་ངྷི་སཏྭའི་བཞེས་ཞལ་གཟི་དམར་ལས་གྲུབ་པ་ཟུར་བརྒྱད་པ་སོགས་དང་། གསུང་རྟེན་བཀའ་འགྱུར་ཚར་བཞི་དང་། བསྟན་འགྱུར་བྲིས་མ། དེ་མིན་སྐུ་རྟེན་ལི་མ་དང་གསེར་སྐུ་སོགས་མང་དུ་བཞུགས། སྨད་ཐོས་བསམ་ནོར་བུའི་གླིང་དུ་ཐུབ་དབང་གི་སྨན་སྐུ་ཐོག་ཚད་མ་འདིའི་ནང་བཞུགས་འཕེལ་གདུང་སོགས་མང་པོ་དང་། རྗེ་རིན་པོ་ཆེའི་ཤངས་མཚལ་གྱིས་བྲིས་པའི་རྗེ་ཉིད་འཁོར་དག་པ་རྣམ་བརྒྱད་ཀྱིས་བསྐོར་བ། ནག་པོ་སྐོར་གསུམ་རྣམ་སྲས་དང་བཅས་པས་བསྐོར་བ་འཁྲུལ་མེད། བསམ་ཡས་དགེ་རྒྱས་བྱེ་མ་གླིང་གི་རྟེན་གཙོ་ཛེེ་ཀྵིམ་ལས་གྲུབ་པའི་ཐུབ་པ་གྲོང་ཁྱེར་མ། ར་ལོའི་ཐུགས་དམ་ཛེེཀྵིམ་ལས་གྲུབ་པའི་འཇིགས་བྱེད་སྐུ། རྗེ་རིན་པོ་ཆེའི་ཐུགས་དམ་རྟེན་འཇིགས་བྱེད་བདུད་ལས་རྣམ་རྒྱལ་སླེའུ་ཆུང་བའི་ཕྱག་བཟོ་སོགས་མང་དུ་བཞུགས་སོ། ། འདུ་ཁང་གི་ཁོར་ཡུག་ཏུ་ཏཱ་ལའི་བླ་མ་སྐུ་ཕྲེང་བཅུ་གསུམ་པའི་དུས་སུ་གྲྭ་ཚང་འདི་ཉམས་གསོའི་སྐབས་བཞེངས་པའི་མཛད་བརྒྱ་དཔག་བསམ་འཁྲི་ཤིང་དང་མདོ་སྔགས་བརྒྱུད་པའི་བླ་མ་རྣམས་ཀྱི་ལྡེབས་བྲིས་ཧ་ཅང་བྲིས་ཆ་ལེགས་པོ་ཞིག་བཅས་ཡོད།

ཚོགས་ཆེན་འདུ་ཁང་རྙིང་པའམ་དེང་སང་སྔགས་པ་གྲྭ་ཚང་དུ་ཡོད་པའི་ནང་རྟེན་ཐུབ་པ་འདུད་འདུལ་གཙོ་བོར་བྱས་པའི་འཕགས་པའི་གནས་བརྟན་བཅུ་དྲུག་དགེ་བསྙེན། ཧཱ་ཤང་། རྒྱལ་པོ་ཆེན་པོ་བཞི་དང་བཅས་པ་འདི་ནི་བྱམས་ཆེན་ཆོས་རྗེ་ཤཱཀྱ་ཡེ་ཤེས་ཞེས་མཁྱེན་པ་དང་བརྩེ་བའི་བདག་ཉིད་ཅན་དེ་རྗེ་ཙོང་ཁ་པ་ཆེན་པོའི་སྐུ་ཚབ་ཏུ་རྒྱ་ནག་ཏཱ་མིང་གི་གཡུ་ལོས་རྒྱལ་པོའི་ཏི་ཤྲིར་ཕེབས་ཏེའགྲོ་དོན་རྒྱ་ཆེར་མཛད་ནས་ཙནྡན་དཀར་པོ་ལས་བཞེངས་པའི་གནས་བཅུ་གདན་དྲངས་པ་རྣམས་ནང་བཞུགས་སུ་མཛད་ནས་ལྷ་བཟོ་སྤྲུལ་སྐུ་སླེའུ་ཆུང་བས་བཞེངས་པ་སྟེ། ལོ་རྒྱུས་ཐོག་བཤད་སྲོལ་ལ་འདིའི་ནང་ནས་འཕགས་པ་ཡན་ལག་འབྱུང་འདི་ཀུན་མཁྱེན་པ་སེ་རར་ཐོག་མར་ཕེབས་པའི་ཚེ། ཀུན་མཁྱེན་ཆེན་པོ་བྱོན་པ་ལེགས། བསྟན་པའི་རྒྱལ་མཚན་བཙུགས་པ་ལེགས་ཞེས་གསུང་བྱོན་ཞིང་། དེང་སང་ཡང་ཕྱག་གཉིས་ཕྱག་ཕེབས་ཞུ་བའི་ཚུལ་དུ་ཡོད་ལ། དགེ་བསྙེན་ངྷརྨ་ཏ་ལ་འདི་ཡང་ཕུག་པ་འདི་ཅུང་ཟད་དོག་འདུག་གསུངས་ནས་ཕུག་པའི་ནང་ནས་ཅུང་ཟད་མདུན་དུ་བྱོན་པ་དང་། ད་དུང་ཀརྨ་པ་ཆོས་གྲགས་རྒྱ་མཚོ་དང་རིན་སྤུངས་པ་དོན་ཡོད་རྡོ་རྗེ་མཆོད་ཡོན་གྲོས་མཐུན་གྱིས་སེ་འབྲས་གཉིས་ཀྱི་ཁ་གནོན་དུ་ལྷ་སའི་ཤར་ཕྱོགས་སུ་ཀརྨ་དགོན་གསར་བཏབ་ཐོག     དགེ་ལུགས་པའི་སྦྱིན་བདག་གཙོ་བོ་སྣེའུ་རྫོང་པ་ཡུལ་བཏོན་སྐབས། ཀརྨ་སྒར་པས་གསེར་གསོལ་ལ་སྙད་བཏགས་ནས་ནང་རྟེན་ཙནྡན་གྱི་སྐུ་རྣམས་གདན་འདྲེན་རྩིས་བྱས་པར་གསེར་གསོལ་བ་མ་བཞེས་པ་དང་། ནང་རྟེན་འདོན་པའི་ཐོག་མར་མ་ཕམ་པའི་ཐུགས་ཀར་གྲི་བཙུགས་པས་མ་ཕམ་པའི་ཞལ་ནས་ངེད་རྣམས་འདིར་བཞག་པ་འགྲོ་དོན་ཆེ་གསུངས་མ་ཐག་དེ་རྣམས་དཔའ་ཞུམ་སྟེ་རྟེན་རྣམས་ལ་གནོད་པར་མ་ནུས། མ་ཕམ་པ་འདིའི་ཐུགས་ཀར་དྲོད་རྟ་རྔ་ཙམ་ཡོད་པ་དང་། བསམ་སྦྱོར་ངན་པ་བྱས་པའི་བླ་དཔོན་འཁོར་བཅས་མི་རིང་བར་ན་ཤི་རྒུད་པས་ཟད་ནས་གསར་དུ་བརྩིགས་པའི་དགོན་པ་དང་ལྷ་ཁང་ཡང་བདག་པོ་མེད་པར་གྱུར་ཏེ་རང་ཞིག་ཏུ་སོང་ཟེར་སྲོལ་ཡོད།

སྔགས་པ་གྲྭ་ཚང་གི་འདུ་ཁང་གི་ནུབ་ངོས་ཀྱི་སྦུག་ཏུ་བྱམས་ཆེན་ཆོས་རྗེའི་སྨན་སྐུ་སོགས་དང་གཙོ་བོའི་གཡས་ཀ་རྒྱབ་ཏུ་དགེ་འདུན་འདུ་བའི་མཆོད་རྟེན་གྱི་ནང་དུ་མཚུངས་མེད་ཆོས་ཀྱི་རྗེ་རྒྱལ་མཚན་བཟང་པོའི་སྐུ་གདུང་རིལ་པོར་བཞུགས་པ། སྒོ་རྒྱན་ལ་རྗེ་དེ་ཉིད་ཀྱི་ཤངས་མཚལ་ལས་བཞེངས་པའི་རྒྱལ་བ་སེང་གེའི་ང་རོའི་སྐུ་དང་། སྒོ་ཁྱིམ་ནང་དུ་ཆོས་ཀྱི་རྗེ་དེ་ཉིད་རང་གིས་ཕྱག་བཟོ་མཛད་པའི་རྒྱལ་བ་ཙོང་ཁ་པ་ཆེན་པོའི་སྨན་སྐུ་བཞུགས་པ། སྔར་རིང་བསྲེལ་མང་དུ་འཛག་ཅིང་། གདོན་གྱིས་གཟིར་བ་རྣམས་ཀྱིས་མཇལ་བ་ཙམ་གྱིས་གདོན་ལས་གྲོལ་ནུས་པ་སོགས་བྱིན་རླབས་ཤིན་ཏུ་ཆེ་བ་ཞིག་ཡིན་ཞེས་ཟེར་སྲོལ་ཡོད་པ་བཅས་དེ་དག་ནི་དགོན་གནས་འདིའི་རྟེན་གྱི་གཙོ་བོ་ཡིན།

 

 

 

 

བརྒྱུད་སྐུལ།

མཆན་སྤེལ།