སྤེལ་ཞིབ་ཕྲ།

བཟོ་རིག་པ།

བཟོ་རིག་པ། རྩོམ་པ་པོ། ཀོང་སྤྲུལ་ཡོན་ཏན་རྒྱ་མཚོ། སྒོ་གསུམ་གྱི་བཟོ་རིག་བྱེ་བྲག་རྒྱས་པར་བཤད་པ། ས་བཅད་དང་པོ། ལུས་བཟོ། དང་པོ། ལུས་བཟོ་མཆོག་གི་རྣམ་གཞག་མདོར་བསྟན་པ། ལུས་བཟོ་མཆོག་ནི་སྐུ་གསུང་ཐུགས་རྟེན་ཏེ། ལུས་བཟོ་ལ་གཙོ་ཕལ་གཉིས་ཡོད་པའི་མཆོག་གམ་གཙོ་བོ་ནི་སྐུ་རྟེན་རྒྱལ་བའི་སྐུ་བརྙན་བྲིས་འབུར། གསུང་རྟེན་འཕགས་བོད་ཡིག་རིགས། ཐུགས་རྟེན་མཆོད་རྟེན་དང་ཕྱག་མཚན་གྱི་རིགས་ལ་སོགས་པ་རྣམས་ཡིན་པས་རིམ་པར་བཤད་པར་བྱ་སྟེ། ཞེས་སོ།། གཉིས་པ། རྒྱས་པར་བཤད་པ། (གཅིག) སྐུ་རྟེན། ༡.བཟོ་བོའི་མཚན་ཉིད་བྱིན་རླབས་སོགས་བཤད་པ། དང་པོ་ནི། ལྷ་བཟོ་མཁས་དར་གཙང་སྦྲ་བརྟེན་གནས་ལྡན། །གསང་སྔགས་ནང་པར་དབང་ཐོབ་དམ་ཚིག་ཅན། །རྒྱུ་དང་ལག་ཆར་བཅས་པར་བྱིན་གྱིས་བརླབ། །གང་གིས་རྟེན་སྐྲུན་པ་པོ་བཟོ་བོ་ལ་སྐྱོན་ཡོན་རྣམ་པ་གཉིས་ཡོད་དེ།

སངས་རྒྱས་བཅོམ་ལྡན་འདས་ཀྱི་རྣམ་ཐར་མདོར་བསྡུས། དུང་དཀར་བློ་བཟང་འཕྲིན་ལས། སངས་རྒྱས་ཤྰཀྱ་མུ་ནེ། ཤྰཀྱ་ནི་རུས་མིང་སྟེ་ཕོད་པའི་དོན་དང་། མུ་ནེ་ནི་ཐུབ་པའི་དོན་ཏེ་ཉོན་མོངས་པའི་བདུད་དང་། ཕུང་པོའི་བདུད། ལྷ་ཡི་བུའི་བདུད། འཆི་བདག་གི་བདུད་བཅས་བདུད་བཞི་པོ་དེ་ཐུབ་པའི་དོན་ཡིན་ཅིང་། ཞིབ་ཕྲ་གཞན་ལས་ཤེས་པར་བྱ། སྟོན་པ་ཤྰཀྱ་ཐུབ་པ་ནི་སངས་རྒྱས་ཆོས་ལུགས་གསར་གཏོད་མཛད་པ་པོ་ཡིན། ཁོང་གི་འཁྲུངས་འདས་ཐད་ལ་རྒྱ་གར་དང་རྒྱ་ནག་བོད་རྣམས་སུ་བཤད་སྟངས་མི་འདྲ་བ་ མང་པོ་ཡོད། སངས་རྒྱས་ཤྰཀྱ་མུ་ནེ་ནི་ཤྰཀྱའི་རིགས་རྒྱུད་ཡིན་པ་དང་མཛད་རྣམ་རྒྱས་པ་རྟོགས་ བརྗོད་དཔག་བསམ་འཁྲི་ཤིང་དང་། མདོར་བསྡུས་ཙམ་དེབ་ཐེར་དམར་པོ་རྣམས་སུ་གསལ། ཁོང་གི་ཡབ་ནི་ཤྰཀྱའི་རིགས་ཀྱི་རྒྱལ་བོ་ཟས་གཙང་མ་དང་། ཡུམ་སྒྱུ་མ་ལྷ་མཛེས་ཡིན་ཞིང་། ཟས་གཙང་མ་ལ་སྲས་གཉིས་ཡོད་པའི་ཆེ་བ་སངས་རྒྱས་ཤྰཀྱ་མུ་ནེ་དང་ཆུང་བ་ནི་གཅུང་ ཀུན་དཀའ་བོ་ཡིན། དགུང་ལོ་ཉི་ཤུ་རྩ་དགུ་བར་ཁྱིམ་དུ་བཞུགས་ནས། དེའི་རིང་ལ་རིག་གནས་ལྔ་དང་། སྒྱུ་རྩལ་བཅོ་བརྒྱད། མུ་སྟེགས་ཀྱི་གྲུབ་མཐའ་སོགས་ལ་མཁས་པར་སྦྱངས། དགུང་ལོ་བཅུ་དྲུག་པར་བཙུན་མོ་བཞེས་པའི་དུས་ལ་སླེབས་པ་དང་།སྐབས་དེར་ཤྰཀྱ་ལག་ ན་བེ་ཅོན་གྱི་སྲས་མོ་གྲགས་འཛིན་མ་ཟེར་བ་ཞིག་ཡོད་པ་དེ་མཛེས་ཤིང་རིག་གཞུང་ལ་ མཁས་པའི་ན་གཞོན་མ་སྐད་གྲགས་ཞིག་ཡིན་སྟབས་སློང་མཁན་ཧ་ཅང་མང་པོ་ཡོད་པར་བརྟེན། ཡབ་ཀྱིས་རྒྱུ་སྟོབས་དང་མིང་གྲགས་ལ་བལྟ་རྒྱུ་མིན་པར་རྒྱ་གར་རྒྱལ་ཡོངས་སུ་ ལུས་རྩལ་འགྲན་བསྡུར་ཆེན་པོ་ཞིག་བཙུགས་ནས་དེའི་ནང་ཨང་དང་པོ་ཐོབ་མཁན་དེར་ སྟེར་རྒྱུ་བྱས་པས་སངས་རྒྱས་ཀྱང་འགྲན་བསྡུར་དེའི་ནང་ཞུགས་པ་དང་། བཤད་སྲོལ་ལ་སངས་རྒྱས་ཀྱིས་གོམ་པ་བརྒྱའི་ནང་ཤིང་ཏྰ་ལའི་སྡོང་བོ་བདུན་བཙུགས་ ཐོག་སྡོང་བོ་རེའི་སྟེང་དུ་ལྕགས་ཀྱི་སླ་ང་རེ་རེ་བཙུགས་ཏེ་དེ་ལ་མདའ་བརྒྱབ་ནས་ ལྕགས་ཀྱི་སླ་ང་ཚང་མ་བརྟོལ་ནས་ད་དུང་མདའ་རྒྱང་རིང་བོ་ཕྱིན་པ་མ་ཟད། དུས་སྐབས་དེར་རྒྱ་གར་ཡོངས་སུ་སྐད་གྲགས་ཆེ་བའི་རིག་གནས་པ་དང་། སྒྱུ་རྩལ་མཁས་པ་མང་པོ་དང་འགྲན་བསྡུར་མཛད་པས་ཡང་རྩེར་སླེབས་ཏེ་བཙུན་མོ་གྲགས་ འཛིན་མ་ཁབ་ཏུ་བཞེས་ཤིང་དགུང་ལོ་ཉེར་དགུའི་བར་རྒྱལ་བོའི་ཕོ་བྲང་དུ་བཞུགས། དེ་ནས་ཕོ་བྲང་གི་ཕྱོགས་བཞིའི་སྒོ་འགྲམ་དུ་བྱོན་སྐབས། མི་རྒས་ཤིང་འཁོགས་པ་དང་། ནད་ཀྱིས་མནར་བ་དང་། ཤི་བ། དགེ་སློང་ཞི་དུལ་ཅན་བཅས་གཟིགས་པའི་རྐྱེན་བྱས་ནས་རྒྱལ་སྲིད་ལ་དབང་བསྐུར་…
༄༅།།བཟོ་རིག་པའི་སྐོར།

བཟོ་རིག་པ་ལ་སྤྱིར་རྣམ་པར་མ་གྱུར་བའི་སེམས་ཀྱི་བཟོ་ནི་འཁོར་འདས་ཇི་ལྟར་འབྱུང་བ་སོགས་ཐམས་ཅད་དེ། ནང་རིག་པ་རྣམས་ཀྱང་འདིར་གཏོགས་སོ། །བརྗོད་པ་སྒྲའི་བཟོ་ནི་ངག་གི་འགྱུར་བ་སྟེ་སྒྲ་སྙན་ངག་དང་དབྱངས་དང་གླུ་དང་བརྗོད་པ་ཐམས་ཅད་འདིར་འདུས་སོ། །རྣམ་པར་གྱུར་པ་དབྱིབས་ཀྱི་བཟོ་ལ་བྱེད་པ་པོ་དང་མ་འབྲེལ་པ་འཇིག་རྟེན་ཆགས་པ་སོགས་དང་། བྱེད་པོ་དང་འབྲེལ་པ་སྐབས་འདིའི་བཟོ་ཉིད་དོ། །དེའི་ཡང་གཙོ་བོ་སྐུ་གསུང་ཐུགས་རྟེན་ཡིན་ལ་དེ་ལས་ཐོག་མར་བྱུང་བ་ནི་རི་མོ་སྟེ། སྔོན་མི་རྣམས་ཚེ་ལོ་འབུམ་ལས་བྲི་བའི་ཚེ་མིའི་རྒྱལ་པོ་འཇིགས་ཐུལ་ཞེས་བྱ་བ་བྱུང་སྟེ་དེས་ཆོས་བཞིན་ས་བསྐྱངས་ཚེ་ལོ་འབུམ་དུ་འཕེལ་ཞིང་ཤིན་ཏུ་བདེ་བར་གྱུར། དེ་ནས་རྒྱལ་པོ་དེས་དཀའ་ཐུབ་ཆེན་པོ་སྤྱད་པས་དབང་ཕྱུག་གི་ཡོན་ཏན་བརྒྱད་ཐོབ་ཅིང་ཚངས་པས་ལྷའི་མཚོན་དང་།

རྗེ་ལམ་རིམ་པ་ངག་དབང་ཕུན་ཚོགས་མཆོག་གི་གསུང་པར་དུ་བསྐྲུན་པའི་གསུང་འབུམ་པོད་བཞི་ དཀར་ཆག པོད་དང་པོ། ༡ ལམ་རིམ་ཟིན་བྲིས་མཁས་པའི་ཡིད་འཕྲོག ༢ ལམ་རིམ་སྡོམ་ཚིག་ཚིག་རྐང་བཅུ་གཉིས་པ། ༣ ལམ་སྒྲོན་གྱི་འགྲེལ་པ་ཡིད་ཀྱི་སྟེགས་བུ། ༤ ལམ་གཙོའི་འགྲེལ་ཆུང་དུས་མུན་འཇོམས་པའི་ཉི་འོད། ༥ བློ་སྦྱོང་ཚིགས་བརྒྱད་མ་རྩ་འགྲེལ། ༦ བློ་སྦྱོང་ཚིགས་བརྒྱད་མའི་མཆན་འགྲེལ། ༧ ཚེ་སྔ་ཕྱི་དང་ལས་རྒྱུ་འབྲས་ལས་བརྩམས་པའི་གཏམ་གྱི་ཕྲེང་བ་སྐལ་བཟང་མགུལ་རྒྱན། ༨ རང་སེམས་ཆོས་ལ་བསྐུལ་བའི་བཀའ་སློབ་དང་སྤྱན་རས་གཟིགས་ཀྱི་བླ་མའི་རྣལ་འབྱོར། ༩ རྒྱལ་སྲས་ཞེ་བརྒྱད་ཀྱི་སྡོམ་ཚིག ༡༠ དངོས་བརྒྱད་དོན་བདུན་ཅུའི་སྡོམ་ཚིག ༡༡ མཁྱེན་གསུམ་གྱི་རྣམ་པ་བརྒྱ་དང་དོན་གསུམ་གྱི་སྡོམ་ཚིག་ ཤེལ་དཀར་མེ་ལོང༌། ༡༢ ཐེག་ཆེན་གསོ་སྦྱོང་གི་སྡོམ་པའི་ཕན་ཡོན། ༡༣ བློ་སྦྱོང་གི་ཟིན་བྲིས་གཅེས་འཛིན་ཚ་གདུང་སེལ་བའི་ཁ་བའི་རེག་པ། ༡༤ བྱང་ཆུབ་སེམས་སྦྱོང་གི་གདམས་པ་གཅེས་འཛིན། ༡༥ བསླབ་བྱ་སྙིང་གི་གཟེར་བུ། ༡༦ སྡོམ་གསུམ་ལ་དྲན་ཤེས་བསྟེན་ཚུལ་སྐལ་བཟང་དགའ་སྟོན། ༡༧ སྤང་ལྟུང་ཐུན་མོང་བའི་ཟིན་བྲིས། ༡༨ འདུལ་བ་རྒྱ་མཚོའི་མཆན་འགྲེལ་མཁས་པ་དགའ་སྐྱེད།…
ཚངས་དབྱངས་རྒྱ་མཚོའི་གསང་རྣམ།

༄༅། །སརྦཛྙཝཱགཱིནྡྲདྷརྨཀཱིརྟྟིཤྲཱིབྷདྲསྱབིམོཀྵབྷྲྀཤཾཀརསུཀཐཱམདྷུརདེབཏམྦུརསྱཏནྟྲཤབྡགྷོཥནཱམབིཧརཏིསྨ། ༄༅། །ཐམས་ཅད་མཁྱེན་པ་ངག་དབང་ཆོས་གྲགས་རྒྱ་མཚོ་དཔལ་བཟང་པོའི་རྣམ་པར་ཐར་པ་ཕུལ་དུ་བྱུང་བའི་མཛད་པ་བཟང་པོའི་གཏམ་སྙན་ལྷའི་ཏམྦུ་རའི་རྒྱུད་ཀྱི་སྒྲ་དབྱངས་ཞེས་བྱ་བཞུགས་སོ།། མཛད་པ་པོ། ལྷ་བཙུན་ངག་དབང་རྡོ་རྗེ།       དཀར་ཆག མཆོད་བརྗོད་དང་འབྲེལ་བའི་གཏམ། ལེའུ་དང་པོ། ཡུལ་གང་དུ་སྐུ་འཁྲུངས་པ་དང་རབ་ཏུ་བྱུང་ནས་གདན་སར་ཕེབས་པའི་སྐབས།   ལེའུ་གཉིས་པ། གཞན་དོན་དུ་དཀའ་བ་སྤྱད་ཅིང་སྒྲུབ་པ་མཛད་པའི་སྐབས། 
དེ་བཞིན་གཤེགས་པའི་གཟུགས་སྐུའི་མཚན་དཔེ་རྒྱུ་དང་བཅས་པའི་རྣམ་བཤད་དཔག་བསམ་ཡོངས་འདུའི་ལྗོན་པ།

༄༅།།དེ་བཞིན་གཤེགས་པའི་གཟུགས་སྐུའི་མཚན་དཔེ་རྒྱུ་དང་བཅས་པའི་རྣམ་བཤད་དཔག་བསམ་ཡོངས་འདུའི་ལྗོན་པ། རྩོམ་པ་པོ། འཇམ་དཔལ་རྒྱལ་མཚན། གང་གིས་དང་པོ་ཉིད་ནས་གཞན་ཕན་ཐུགས་བསྐྱེད་མ་གཡོས་ཤིང་།། གྲངས་མེད་གསུམ་དུ་རླབས་ཆེན་ཚོགས་གཉིས་རབ་ཏུ་རྫོགས་པའི་མཐུས།། མཚན་བཟང་སོ་གཉིས་དཔེ་བྱད་བརྒྱད་ཅུས་ཡོན་ཏན་མངོན་པར་འཕགས།། བལྟ་བས་མི་ངོམས་སྐུ་གཟུགས་མཆོག་དེར་དང་བས་ཕྱག་བགྱི་འོ།། དེ་ལ་འདིར་སངས་རྒྱས་ཀྱི་གཟུགས་ཀྱི་སྐུའི་མཚན་བཟང་པོ་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུའི་དབྱེ་བ་དང་དེ་དག་གང་ལས་བྱུང་བའི་རྒྱུ་དང་བཅས་པའི་བཤད་པ་མདོར་བསྡུས་སྤེལ་བ་ལ་གསུམ། མཚན་བཟང་པོ་དང་དེ་དག་གི་རྒྱུ་བཤད་པ་དང་།
རེག་པ་རྩ་ཡི་མདོ་བཞུགས་སོ།།

དེ་ནས་དྲང་སྲོང་ཡིད་ལས་སྐྱེས་ཀྱིས་འདི་སྐད་ཅེས་ཞུས་སོ། །ཀྱེ་དྲང་སྲོང་ཆེན་པོ་རིག་པའི་ཡེ་ཤེས་ལགས། །རེག་མཐོང་གཉིས་ཀྱིས་ནད་ཀྱི་ངོས་འཛིན་པ། ། རེག་པ་རྩ་ལ་ཇི་ལྟར་བརྟག་པར་བགྱི། །མཐོང་བ་ཆུ་ལ་ཇི་ལྟར་བརྟག་པར་བགྱི། །གལ་འགག་བཞི་ཡི་འཁྲུལ་སོ་ཇི་ལྟར་བསལ། །འཚོ་མཛད་སྨན་པའི་རྒྱལ་པོས་བཤད་དུ་གསོལ། །ཞེས་ཞུས་པ་ལས། སྟོན་པས་གསུངས་པ། ཀྱེ་དྲང་སྲོང་ཆེན་པོ་ཡིད་ལས་སྐྱེས། དང་པོ་རེག་པ་རྩ་ལ་བརྟག་པ་ནི། །ནད་དང་སྨན་པ་བརྡ་སྦྱོར་འཕྲིན་པ་རྩ། །སྔོན་འགྲོ་ཟས་སྤྱོད་བསླབ་དང་བལྟ་དུས་བསྟན། །བལྟ་གནས་མནན་ཚད་བལྟ་ཚུལ་ཤེས་པ་ཡིས། །ཐ་མལ་རྩ་ལ་རྩ་རྒྱུད་གསུམ་དུ་བརྟག །དུས་བཞིའི་རྩ་ལ་ཁམས་ལྔ་འབྱུང་བ་རྩི། །ངོ་མཚར་རྩ་བདུན་ནད་མེད་མི་ལ་བལྟ། །ནད་དང་ནད་མེད་འཕར་བའི་གྲངས་ལས་དཔགས།

མཁན་སློབ་རྣམ་གཉིས་ཀྱི་མཛད་རྣམ། དུང་དཀར་བློ་བཟང་འཕྲིན་ལས། ༄༅།།རྣམ་དག་སྡོམ་གསུམ་ནོར་བུས་ཡོངས་གཏམས་ཞི་དུལ་བཙུན་པའི་འོ་མཚོ་ལས།། ལེགས་འཁྲུངས་བརྩེ་ཆེན་ཡལ་འདབ་རབ་རྒྱས་བྱང་ཆུབ་ཐུགས་ཀྱི་པདྨ་དཀར།། གཞན་ཕན་ཐུགས་རྗེའི་དྲི་བསུང་ཡོངས་འཕྲོ་འཕྲིན་ལས་བཟང་བོའི་འགྲོ་བ་འདུལ།། མ་ནོར་ལམ་སྟོན་ས་མཁན་ཟླ་མེད་བདག་ཉིད་ཆེན་པོ་ཞི་བ་འཚོ།། ཟབ་ལམ་རིམ་གཉིས་སྨན་མཆོག་རྩི་ཡིས་ཐ་མལ་སྒོ་གསུམ་ལྕགས་ཀྱི་ཁམས།། ཡོངས་དར་རྒྱལ་བའི་སྐུ་གསུམ་རིན་ཆེན་གསེར་སྦྱངས་གཤིས་སུ་བསྒྱུར་བ་ཡིས།། ཚེ་གཅིག་ཟུང་འཇུག་གོ་འཕང་མཆོག་བརྙེས་མ་རུངས་འདྲེ་སྲིན་འདུལ་བ་ལ།། མཚུངས་ཟླ་མེད་པའི་གངས་ཅན་སྐྱབས་གཅིག་གྲུབ་དབང་པདྨ་ཀྰ་རར་གུས།། ཕུལ་བྱུང་གཞན་ཕན་ལེགས་མཛད་བཟང་པོ་ཁྲི་གདུགས་ཉི་མའི་དཔལ་ལ་འགྲན།། ལུགས་གཉིས་ཁྲིམས་སྲོལ་དྲང་པོར་ལེགས་སྲོང་འགྲོ་ཀུན་དགའ་བདེའི་དཔལ་སྦྱོར།། མ་འདྲེས་བླང་དོར་གཟུགས་བརྙན་ཀུན་གསལ་རིན་ཆེན་ནོར་བུའི་ལྡེ་མིག་གིས།། མདོ་སྔགས་ཆོས་ཀྱི་སྒོ་འཕར་བཙན་པོ་བདེ་བླག་འབྱེད་མཁས་ཁྲི་སྲོང་རྗེ།། ཞེས་སྙན་ཚིག་དང་འབྲེལ་བའི་བསྔགས་བརྗོད་ཅུང་ཟད་དང་བཅས་ཏེ་འདིར་གླེང་བར་བྱ་བ་ ནི། གངས་ཅན་ལྗོངས་འདིར་ལུགས་གཉིས་ཀྱི་བཀའ་ཁྲིམས་བཟང་བོའི་ཁྱབ་པར་ཅིང་། མདོ་སྔགས་རིག་གནས་ཀྱི་སྲོལ་བཟང་དར་རྒྱས་སུ་མཛད་པ་ལ་གཞན་དང་མི་མཉམ་པའི་ཐུགས་ རྗེ་དང་བཀའ་དྲིན་མཚུངས་ཟླ་མེད་པ་མཁན་སློབ་ཆོས་གསུམ་ཞེས་གྲགས་པ་དོན་ལྡན་གྱི་ མཚན་སྙན་ས་གསུམ་ཁྱབ་པར་མཛད་་པའི་མཛད་བཟང་རགས་བསྡུས་སུ་བཀོད་དགོས་ཀྱང་དགོས་ དབང་གིས་མཁན་སློབ་རྣམ་གཉིས་ལས་རྒྱལ་པོའི་མཛད་རྗེས་ལོ་རྒྱུས་སུ་འགོད་པར་བྱ། མཁན་ཆེན་བོ་ངྷི་ས་ཏྭ།མཚན་དངོས་ཞི་བ་འཚོ་སྟེ། རྒྱ་གར་སྐད་དུ་ཤནྟི་རཀྵི་ཏ་ཞེས་ཟེར། བོད་ཀྱི་ལོ་རྒྱུས་ཡི་ཆ་མང་པོར་དགུང་ལོ་དགུ་བརྒྱ་ལྷག་ཙམ་གྱི་བར་དུ་བཞུགས་པ། རྒྱལ་པོ་ལྷ་ཐོ་ཐོ་རི་གཉན་བཙན་གྱི་སྐབས་ལོ་ཙྰ་བ་ལི་ཐེ་སི་ལ་མདོ་སྡེ་སྤང་ སྐོང་ཕྱག་རྒྱ་སོགས་བསྐུར་གནང་མཛད། རྒྱལ་པོ་ཁྲི་སྲོང་ལྡེ་བཙན་གྱི་དུས་སུ་བོད་དུ་གདན་དྲངས་ཏེ་བྱོན་པ་དང་། མཁན་ཆེན་དེ་སྐུ་ཚེ་ཧ་ཅང་རིང་པོར་བཞུགས་པའི་དབང་གིས་སྐུ་ཚེ་སྟོད་དང་། བར། སྨད་སོགས་གསུམ་གྱི་སློབ་མ་མང་པོ་ཡོད་ཅེས་བཤད་སྲོལ་འདུག ཇོ་ནང་ཏྰ་ར་ནྰ་ཐས་མཛད་པའི<<རྒྱ་གར་ཆོས་འབྱུང་>>ལེའུ་ཉི་ཤུ་རྩ་ དགུ་པའི་ནང་བོད་ཀྱི་ཡུལ་དུ་བྱོན་པའི་ཨྰ་ཙྰརྱ་བོ་ངྷི་ས་ཏྭ་ནི། རྒྱལ་པོ་གོ་པྰ་ལ་ནས་རྒྱལ་པོ་ངྷརྨ་པྰ་ལའི་བར་དུ་ངེས་པར་བཞུགས་པར་མངོན་ལ། བོད་ཀྱི་ལོ་རྒྱུས་ཁུངས་ཆེ་བར་བྱས་པ་མང་པོ་ཞིག་གི་ནང་བོད་ཀྱི་རྒྱལ་པོ་དགུ་ མཁན་པོ་འདིའི་སྐུ་ཚེའི་རིང་ལ་འདས་ཟེར་བར་སྣང་བས་དེ་ལྟར་ན་སློབ་དཔོན་འཕགས་པ་ ཐོགས་མེད་སྐུ་མཆེད་གཉིས་ཀྱི་ཞབས་ཟིན་པ་ཙམ་དུ་བྱེད་དགོས་ཏེ་ཇི་བཞིན་ཡིན་པར་ དཀའ་འོ།།ཞེས་གསལ་བར་དེ་རང་གཞིར་བཟུང་ན། རྒྱ་གར་ཤར་ཕྱོགས་ཀྱི་རྒྱལ་པོ་གོ་པྰ་ལས་སྲིད་དབང་བཟུང་བའིདུས་ནི་ནི་སྤྱི་ ལོའི་དུས་རབས་བདུན་པའི༦༨༥—༧༢༠བར་ཡིན་ཅིང་། དེ་ནས་རྩིས་པའི་རྒྱལ་རབས་བཞི་པ་རྒྱལ་པོ་ངྷ་རྨ་པྰ་ལས་སྲིད་དབང་བཟུང་བའི་དུས་…
རོང་སྟོན་ཆེན་པོའི་རྣམ་ཐར་མདོར་བསྡུས་ངོ་མཚར་བང་མཛོད།

༄༅།།རོང་སྟོན་ཆེན་པོའི་རྣམ་ཐར་མདོར་བསྡུས་ངོ་མཚར་བང་མཛོད། ཚུལ་ཁྲིམས་རྒྱལ་མཚན།   ཤེས་བྱ་ཀུན་གཟིགས་མཁས་པའི་རྣམ་དཔྱོད་དང་།  །ངོ་མཚར་གྲུབ་པའི་རོལ་རྩོད་དུ་མ་ཡིས། །ཤཱཀྱའི་བསྟན་པའི་རྒྱལ་མཚན་སྲིད་མཐའི་བར། །བསྒྲེངས་མཛད་དཔའ་ལྡན་འཕྲིན་ལས་བཟང་པོ་རྒྱལ། །དིར་འཕན་ཡུལ་ནཱ་ལེནྡྲའི་ཆོས་སྡེ་ཆེན་པོ་ཕྱག་འདེབས་པ་པོ་དཔལ་ས་སྐྱའི་བསྟན་འཛིན་གངས་ཅན་མཛེས་པའི་རྒྱན་བདུན་དུ་གྲགས་པའི་གཙོ་བོ། མདོ་ལ་མཁས་པ་གཡག་རོང་གཉིས་སུ་གྲགས་པའི་ཡ་གྱལ། རོང་སྟོན་ཤཱཀྱའི་རྒྱལ་མཚན་གྱི་རྣམ་ཐར་མདོ་བསྡུས་བྲི་བ་ལ། ཐོག་མར་སྤྲུལ་གཞི་གང་ལས་སྤྲུལ་པའི་ཚུལ་ནི། ངེས་དོན་དུ་རྒྱལ་ཚབ་བྱམས་པ་མགོན་པོའི་ཐུགས་རྣམ་པར་མི་རྟོགས་པའི་ཡེ་ཤེས་ཀྱི་སྒྱུ་འཕྲུལ་ཡིན་ཞིང་། དྲང་བའི་དོན་དུ་མཁས་གྲུབ་སྐྱེས་མཆོག་གྲངས་མེད་པའི་སྐུའི་སྐྱེ་བ་བཞེས་ནས། འཛམ་བུའི་གླིང་འདིར་བསྟན་འགྲོ་སྐྱོང་བའི་འཕྲིན་ལས་བསམ་གྱིས་མི་ཁྱབ་པར་མཛད།
ལྷ་མོ།

ལྷ་མོ། ས་གོང་དབང་འདུས། བོད་ཀྱི་ལྷ་མོའི་སྒྱུ་རྩལ་ལ་དུས་ཡུན་རིང་པོའི་ལོ་རྒྱུས་ཡོད། དེའང་ལོ་རྒྱུས་ཡུན་རིང་ལྡན་པའི་དགོན་སྡེ་འགའ་ཞིག་གི་ལྡེབས་རིས་སུ་བཀོད་པ་ལྟར་ན། མི་ལོ་ཆིག་སྟོང་སུམ་བརྒྱའི་གོང་ཚུན་ནས་བོད་དུ་འབག་དཀར་པོ་ཞེས་གདོད་མའི་ལྷ་མོ་འཁྲབ་སྲོལ་ཡོད། དེ་རྗེས་ཆབ་སྲིད་དང་། དཔལ་འབྱོར། རིག་གནས་བཅས་གོང་འཕེལ་བྱུང་བ་དང་ཆབས་གཅིག་ལྷ་མོའི་འཁྲབ་གཞུང་ལའང་འཕེལ་རྒྱས་བྱུང་ནས། སྔ་རབས་ཀྱི་ཁེར་འཁྲབ་དང་འབྲོང་རྩེད་སོགས་ལས་རིམ་བཞིན་འཁྲབ་གཏོང་གཙོ་བོར་བྱེད་པའི་སྒྱུ་རྩལ་གྱི་འཁྲབ་སྟོན་དུ་གོང་འཕེལ་བྱུང་བ་རེད། ཨ་ལྕེ་ལྷ་མོ་ཞེས་པ་ནི་གྲུབ་ཆེན་ཐང་སྟོང་རྒྱལ་པོས་སྤྱི་ལོ་1385ལོ་ཙམ་ལ་གསར་གཏོད་མཛད་པ་ཞིག་ཡིན། ཏཱ་ལའི་བླ་མ་སྐུ་ཕྲེང་ལྔ་པ་ཆེན་པོའི་དུས་སུ་སླེབས་མཚམས་སུ་དེ་གླུ་གར་གྱི་རྣམ་པའི་ཐོག་ནས་རྩོམ་རིག་གི་སྒྲུང་གཏམ་ནང་དོན་དུ་བྱས་པའི་སྣེ་མང་ཕྱོགས་བསྡུས་ཀྱི་སྒྱུ་རྩལ་འཁྲབ་སྟོན་ཞིག་ཏུ་འཕེལ་རྒྱུས་བྱུང་བ་རེད། ལྷ་མོའི་ཁྱད་ཆོས་ནི་སྒྲུང་གཞི་ཆ་ཚང་བ་དང་། རྣམ་ཐར་གྱི་གདངས་ཆ་འཕོ་འགྱུར་མང་བ། གར་སྟབས་ཀྱི་ཉམས་འགྱུར་ལྷོང་ཅིང་འགྱིངས་ཉམས་དང་ལྡན་པ་བཅས་ཡོད། རྣམ་ཐར་གྱི་གདངས་ཁོ་ནར་དཔལ་འགྱོགས་ཉི་ཤུ་ལྷག་ཙམ་འདུག་པ་རྣམས་ནི་འཁྲབ་གཞུང་གི་འཕེལ་ཚུལ་དང་བསྟུན་ནས་གང་ལ་ཅི་འཚམས་ཀྱི་དལ་མགྱོགས་སྤྱད་པ་དང་མི་སྣ་འདྲ་མིན་ལ་གཞིགས་ནས་རྣམ་ཐར་གྱི་གདངས་ཀྱང་མི་འདྲ་བ་ཡོད། དེ་རྣམས་འཁྲབ་གཞུང་ནང་གི་མི་སྣའི་འདུ་ཤེས་མཚོན་ཐབས་ལ་བརྟེན་ནས་དེའི་སེམས་ཁམས་ཀྱི་འཆར་སྒོ་རྣམས་འགྲུབ་པར་བྱེད། ལྷ་མོའི་འཁྲབ་གཞུང་ལ་སྤྱིར་བཏང་གོ་རིམ་དུམ་བུ་གསུམ་དུ་དབྱེ་ནས་འཁྲབ་པ་སྟེ། ཐོག་མར་རྔོན་པའི་འདོན་ཞེས་འཁྲབ་འགོ་འཛུགས་པའི་འགོ་དང་། གཉིས་པ་གཞུང་ཞེས་འཁྲབ་གཞིའི་གཞུང་དངོས་གང་ཡིན་དེ་འཁྲབ་པ། གསུམ་པ་བཀྲ་ཤིས་བཅད་པ་ཞེས་འཁྲབ་སྟོན་མཇུག་སྒྲིལ་བའི་མཇུག་འཁྲབ་བཅས་གསུམ་ཡོད་པ་ལས་སྔར་ལམ་ལྟར་ན་མཇུག་ཏུ་བཀྲ་ཤིས་གཅོད་སྐབས་སྦྱིན་བདག་དང་གཟིགས་མོ་བས་གནང་སྦྱིན་ལེགས་འབུལ་གནང་སྲོལ་ཡོད། ལྷ་མོའི་འཁྲབ་གཞུང་མི་ཉུང་བ་ཞིག་གི་ཁུངས་བརླགས་ཟིན་པ་ཕུད། ད་ལྟ་རྒྱུན་འཛིན་ཐུབ་པའི་འཁྲབ་གཞུང་བཅུ་གྲངས་ཡོད་ནའང་རྒྱུན་དུ་ཤོད་རྒྱུན་ལ་ལྷ་མོའི་འཁྲབ་གཞུང་ཆེན་པོ་བརྒྱད་ཟེར་བ་རྣམས་ཀྱི་ནང་དོན་མང་ཆེ་བ་ནི་ལོ་རྒྱུས་ཀྱི་དོན་རྐྱེན་དང་། རྣམ་ཐར་རྟོགས་བརྗོད། དམངས་ཁྲོད་སྒྲུང་གཏམ་ལ་སོགས་ཡིན། དེའི་ནང་ཅུང་གྲགས་ཆེ་བ་ནི་《གཟུགས་ཀྱི་ཉི་མ་》དང་། 《འགྲོ་བ་བཟང་མོ》《རྒྱ་བཟའ་ཀོང་ཇོ།》《སྣང་ས་འོད་འབུམ》《པད་མ་འོད་འབར་།》《གཅུང་པོ་དོན་ཡོད་དོན་གྲུབ།》《ཆོས་རྒྱལ་དྲི་མེད་ཀུན་ལྡན།》《ཆོས་རྒྱལ་ནོར་བཟང་།》ཞེས་པ་སོགས་ཡིན།