རྡོ་རིང་ཡི་གེ། རྡོ་རིང་ཡི་གེ་ནི་དུས་རབས་བརྒྱད་པ་ནས་དགུ་བའི་བར་བོད་ཡུལ་དུ་བཞེངས་ཤིང་ད་ལྟའི་བར་གནས་པའི་ལྷ་སའི་ གཙུག་ལག་གི་རྡོ་རིང་སོགས་རྡོ་རིང་བཅུ་ལྷག་ལས་བྱུང་བའི་ཡི་གེ་རྣམས་ལ་བྱ་ ཞིང་། དེ་དག་གི་ནང་དོན་ནི་རྒྱ་བོད་མི་རིགས་མཇལ་དུམ་མཛད་པའི་མནའ་ཚིག་དང་། མཆོད་ཚིག སྨོན་ཚིག་སོགས་ཡིན་ལ། ཡིག་གཟུགས་ནི་སྐད་གསར་བཅད་ཀྱི་གོང་གི་མནའ་བོའི་ཡི་གེ་ཡིན་པས། བོད་ཀྱི་ལོ་རྒྱུས་དང་། རྒྱ་བོད་གཉིས་ཀྱི་ཡུན་རིང་བོའི་འབྲེལ་བ་དང་། བོད་ཀྱི་ཡི་གེ་སོགས་རྟོག་དཔྱོད་ཞིབ་འཇུག་བྱེད་པ་ལ་མེད་དུ་མི་རུང་བའི་ཡིག་ཆ་ རིན་ཐང་ཆེ་བ་ཞིག་རེད། བློ་མཐུན་ཝང་ཡའོ་ནས་མཛད་པའི་སྤུར་རྒྱལ་བོད་ཀྱི་ཅོང་དང་རྡོ་རིང་ཡི་གེ་ཞེས་ བྱ་བར། ལྷ་སའི་གཙུག་ལག་ཁང་གི་རྡོ་རིང་སོགས་རྡོ་རིང་བཅུ་དང་། བསམ་ཡས་གཙུག་ལག་ཁང་གི་ཅོང་སོགས་ཅོང་གསུམ་གྱི་སྟེང་གི་ཡི་གེ་ཕྱོགས་གཅིག་ཏུ་ བསྡུས་ནས། རྒྱ་ཡིག་ཏུ་བསྒྱུར་ཅིང་དཔྱད་འགྲེལ་ལེགས་པར་མཛད། གཤམ་དུ་བཀོད་པ་ནི་དེ་ལས་བཤུས་པའི་ལྷ་སའི་གཙུག་ལག་ཁང་གི་རྡོ་རིང་ནུབ་ལོགས་ ཀྱི་ཡི་གེ་ཡིན། བོད་ཀྱི་རྒྱལ་པོ་ཆེན་པོ་འཕྲུལ་གྱྀ་ལྷ་བཙན་པོ་དང་།། རྒྱའྀ་རྒྱལ་པོ་ཆེན་པོ་རྒྱ་རྗེ་ཧྭང་ཏེ་དབོན་ཞང་གཉིས།། ཆབ་སྲིད་གཅྀག་ཏུ་མོལ་ནས།།མཇལ་དུམ་ཆེན་པོ་མཛད་དེ་གཙྀགས་བཅས་པ།། ནམ་ཞར་ཡང་མྀ་འགྱུར་བར་ལྷ་མྱྀ་ཀུན་གྱྀས་ཤེས་ཤིང་དཔང་བྱས་ཏེ།། ཚེ་ཚེ་རབས་རབས་སུ་གཏམ་བརྗོད་དུ་ཡོད་པའྀ་ཕྱིར།། མཇལ་དུམ་གྱི་གཙྀགས་ཀྱྀ་མདོ་རྡོ་རིངས་ལ་བྲིས་པའོ།། འཕྲུལ་གྱྀ་ལྷ་བཙན་པོ་ཁྲི་གཙུག་ལྡེ་བརྩན་ཀྱྀ་ཞལ་སྔ་ནས།། རྒྱ་རྗེ་བྰུན་བྰུ་ཧེའུ་ཏག་ཧྭང་ཏེ་དང་།། དབོན་ཞང་གཉིས། སྒམ་དཀྱེལ་ཆེན་པོས་ནི།། འཕྲལ་ཡུན་ཡུལ་གྱྀ་ལེགས་ཉེས་ཅྀ་ཡང་བསྲུང་སྟེ།། ཐུགས་རྗེ་ཆེན་པོས་ནི།། བཀའ་དྲྀན་གྱིས་དགབ་པ་ཕྱྀ་ནང་མྱེད་པར།། མང་པོ་ཀུན་བདེ་སྐྱིད་པར་བྱ་བ་ལ་ནྀ་དགོངས་པ་གཅྀག་ཡུན་རྀང་པོར་ལེགས་པའྀ་དོན་ ཆེན་པོ་ལ་ནྀ་བཀའ་གྲོས་མཐུན་ཏེ།། གཉེན་རྙིང་པའྀ་སྲི་ཞུ་ནྀ་དང་སྔའི་ཁྱྀམ་ཚེས་དགྱེས་པའི་ཚུལ་སླར་དུ་བརྩེགས་པར་ མོལ་ནས།། མཇལ་དུམ་ཆེན་པོ་ནི་མཛད་དེ།། བོད་རྒྱ་གཉིས། ད་ལྟར་དུ་མངའ་བའི་ཡུལ་དང་མཚམས་སྲུང་ཞིང་།…

ཞིབ་ཏུ་མཇལ་བའི་བརྒྱུད་རིམ། དུང་དཀར་བློ་བཟང་འཕྲིན་ལས། ད་ཡོད་ཀྱི་དཔྱད་གཞིའི་ཡིག་ཆ་གཞིར་བཟུང་ན། དེ་སྔོན་བོད་ཀྱི་བཙན་པོ་སྲོང་བཙན་སྒམ་པོ་མ་བྱོན་གོང་གི་ལོ་བདུན་བརྒྱ་སུམ་ཅུ་སོ་གཅིག་གི་སྔོན་ལ་བཙན་པོ་གཉའ་ཁྲི་བཙན་པོ་བྱུང་ཞིང་། དེའང་རང་རྒྱལ་གྱི་ཧན་ནུབ་མའི་རྒྱལ་རབས་ཀྱི་གོང་མ་ཧན་ཨུ་རྡི་དང་ཕལ་ཆེར་དུས་མཚུངས་པར་སྣང་སྤྱི་ལོའི་གོང་གི༡༤༠སྤྱི་ལོ༨༧བར། དེ་ནས་རྒྱལ་རབས་སུམ་ཅུ་པ་འབྲོ་གཉན་ལྡེའུའི་བར་བོད་ཀྱི་ས་གནས་ཁག་རྣམས་རུས་རྒྱུད་ཚོ་པ་ཁག་མང་པོས་བཅད་བཟུང་བྱས་ཏེ་ཁ་འཐོར་དུ་གནས་པ་ལས་སུས་ཀྱང་གཅིག་ གྱུར་བྱེད་མ་ཐུབ། རྒྱལ་པོ་སྟག་རི་སྙན་གཟིགས་ཀྱིས་སྲིད་དབང་བཟུང་རྗེས། བན་པ་རྗེ་དང་། འ་ཞ་རྗེ། བྲང་དཀར་རྗེ་སོགས་རུས་རྒྱུད་ཚོ་བའི་རྒྱལ་ཕྲན་འགའ་ཞིག་མངའ་འོག་ཏུ་བསྡུ་མགོ་ཚུགས།དེའི་སྲས་གནམ་རི་སྲོང་བཙན་གྱི་དུས་སུ་འཕན་ཡུལ་གྱི་ཟིང་པོ་རྗེ་དང་གཙང་ གི་མར་མུན། དྭགས་པོ་ས་ཁུལ་བཅས་མངའ་འོག་ཏུ་བསྡུས་ཏེ།བོད་ས་གནས་ཀྱི་རུས་རྒྱུད་ཚོ་པ་རྣམས་གཅིག་གྱུར་བྱེད་པའི་རྨང་གཞི་བཏང་། དེ་རྗེས་བཙན་པོ་སྲོང་བཙན་སྒམ་པོས་སྲིད་དབང་བཟུང་རྗེས།སྔར་ཡོད་བཙན་པོ་གོང་ མའི་དུས་ཀྱི་མངའ་ཁོངས་སྲ་བརྟན་དུ་བཏང་ཐོག་ད་དུང་ནུབ་ཕྱོགས་ཀྱི་ཞང་ཞུང་དང་། བྱང་ཕྱོགས་ཀྱི་འ་ཞ་དང་།གྲུ་གུ སུམ་པ་བཅས་དང་། ལྷོ་ཕྱོགས་ཀྱི་འཇང་བཅས་མངའ་འོག་ཏུ་བསྡུས་པ་ལས་མངའ་ཁོངས་སྔར་ལས་རྒྱ་ཆེ་རུ་ སོང་བ་མ་ཟད། རུས་རྒྱུད་ཚོ་པ་ཁག་གཅིག་གྱུར་བྱས་ཏེ་བོད་མི་རིགས་ཀྱི་རྣམ་པ་ལྡན་པའི་སྲིད་དབང་ཐོག་མར་འཛུགས་ཐུབ་པའང་བྱུང་ངོ་།། རིམ་བཞིན་སྤེལ་བར་བྱ།

ཞང་ཞུང་གི་རྒྱལ་རབས་ལོ་རྒྱུས་སྐོར། ཡོངས་འཛིན་བསྟན་འཛིན་རྣམ་དག རྟག་གཟིགས་ཞང་ཞུང་བོད་བཅས་ཀྱི། །མི་རིགས་ས་ཡུལ་ལས་སོགས་ཞིབ་བཤད་ན། །རྟག་གཟིགས་ཕུགས་པ་དག་ཞིང་འོལ་མོ་གླིང་། །མུ་ཁྱུད་བདལ་མཚོ་སོ་གངས་རིས་བསྐོར། །གཡུང་དྲུང་དགུ་བརྩེགས་ཕོ་བྲང་གླིང་བརྒྱད་དང་། ཕྱི་ནང་བར་གྱི་གླིང་དང་མཐའ་གླིང་ལ། ནང་བཅུད་དམུ་གཤེན་ཧོས་ཤག་དཔོ་རྒྱ་གཏོ་དཔྱད་གཉན། ། རྒྱལ་རིགས་རྗེ་རིགས་དམངས་རིགས་བྲམ་ཟེ་བཅས། ། རྒྱལ་བློན་འབངས་བཅས་བསམ་མཐའ་ཡས་པས་ཁེངས། ། སྐད་ནི་ནང་གླིང་གཡུང་དྲུང་ལྷ་ཡི་སྐད། བར་གླིང་བཅུ་གཉིས་དེ་ལས་བསྒྱུར་བའི་སྐད། ། འབབ་ཆུ་བརྒྱད་བརྒྱུད་བསྒྱུར་བའི་སྐད་བརྒྱད་ནི། །གཙང་མ་ལྷ་སྐད་ན་ར་ཛ་རའི་རྒྱུད། །དད་པ་ལྷ་སྐད་ལ་པཀྵུ་བྱང་གི་རྒྱུད། །སཾསྐྲིཏ་ལྷ་སྐད་གྱིམ་ཤང་ནུབ་ཀྱི་རྒྱུད། །ཁྲི་ཝེར་ལྷ་སྐད་སིན་ངྷུ་ལྷོ་རྒྱུད་བསྒྱུར། །ཧོ་ཅི་འཕྲུལ་སྐད་ལྷོ་ཤར་གངྒྰའི་རྒྱུད། །སྤོས་ཅི་འཕྲུལ་སྐད་ལྷོ་ནུབ་སི་ཏའི་རྒྱུད། །ཅི་གུང་འཕྲུལ་སྐད་སེང་ག་བྱང་ནུབ་རྒྱུད། །ཅུང་ཙེ་འཕྲུལ་སྐད་བྱང་ཤར་གསེར་ལྡན་རྒྱུད། །བཅུས་གཙོས་སྐད་རིགས་བརྒྱ་དང་དྲུག་ཅུ་བཞི། །ཡི་གེའི་གཟུགས་ནི་སྤུངས་སོ་ཆེ་ཆུང་སོགས། །གཟུགས་དབྱིབས་བཀོད་པ་མི་འདྲ་དུ་མར་གསུངས། །འདི་ཉིད་དག་ཞིང་མོས་པའི་ཡིད་ཡུལ་ལས། །ས་སྟེང་འདི་ན་བརྟག་སྟེ་བཙལ་བ་བླུན། །གལ་ཏེ་ཏི་སེའི་སྐོར་དང་པར་ཤ་སོགས། །ཡིན་པར་འདོད་པ་ངེས་ན་དེར་སྐྱེ་བའི། ། སྨོན་ལམ་འདེབས་ཡུལ་ཁོ་ན་བྱེད་དགོས་པ་ཅིའི་ཕྱིར་ཡོད། དེ་ཡང་བདག་ཅག་གི་སྟོན་པས། སྐྱེ་སྒོ་གཅོད་པའི་མདོ་ལས། འོལ་མོ་ལུང་རིང་གནས་སུ་སྐྱེ་བར་ཤོག །ལུས་ངན་འཁོར་བའི་ལུས་སུ་མི་སྐྱེ་ཞིང་། །ཞེས་གསུངས་པས།…

བར་གྱི་སྟེང་གཉིས་ཀྱི་སྐོར། བརྩོན་འགྲུས་རབ་རྒྱས། སྲིབ་ཁྲི་བཙན་པོའི་སྲས་གྲི་གུམ་བཙན་པོ་ཡིན་པ་དང་ཁོང་གི་སྲས་སྤུ་དེ་གུང་རྒྱལ་ཡིན་ལ། འདི་གཉིས་ལ་བར་གྱི་སྟེང་གཉིས་སུ་གྲགས། གྲི་གུམ་བཙན་པོར་སྲས་ཤ་ཁྲི་དང་ཉ་ཁྲི། བྱ་ཁྲི་གསུམ་དང་སྲས་མོ་གཅིག་འཁྲུངས། སྐུ་གཤིན་གཅོའུ་ཚེམས་དཀར་གྱིས་མཛད་པ་དང་གསས་མཁར་ས་ལེ་བྱེ་ཚང་བཞེངས། རྒྱལ་སྲིད་ཡབ་མེས་བཞིན་བསྐྱངས་པས་དབུ་འཕང་མཐོ་བར་གྲགས། ཕྱིས་སུ་ལོ་ངམ་གྱིས་བཀྲོངས། བོད་དུ་སྐུ་ཕུང་ས་འོག་ཏུ་སྦས་པའི་སྲོལ་གྱི་འགོ་ཚུགས། རྒྱ་ནག་གི་གོ་ཁྲབ་སྨར་ཁམས་བརྒྱུད་ནས་བོད་ལ་དྲངས། སྐབས་དེར་རྒྱལ་གཤེན་དོ་མཉམ་པ་ཞིག་བྱུང་བར་མ་ཟད།གཤེན་ངག་ཚིག་གསུམ་མ་བྱུང་བར་རྒྱལ་པོས་བཀའ་མི་སྩོལ།བློན་པོས་གྲོས་མི་འཆའ།གཤེན་གླུ་དེང་（ཐེངས）གསུམ་མ་བླངས་པར་རྒྱལ་བློན་གླུ་བྲོ་མི་རོལ།ཞེས་བློན་གྱི་མཛོད་སྒྲ་འགྲེལ་སོགས་ལས་འབྱུང་བ་བཞིན་བཙན་པོའི་གོང་དུ་སྐུ་གཤེན་ཆེ་བའི་སྲོལ་ཆགས་པར་བརྟེན་བློན་པོ་ལི་བཙན་བཞེར་སོགས་ཀྱིས་དུས་ད་ལྟ་རྒྱལ་གཤེན་དོ་མཉམ་ཙམ་དུ་གདའ་སྟེ།དུས་ལན་གཅིག་ཙམ་ན།སྲས་དབོན་རྣམས་ཀྱི་སྐུ་རིང་ལ།རྒྱལ་སྲིད་བོན་པོས་འཁྱེར་བར་མཆིའོ།།བོན་ལ་ཆབ་གསོལ་(གསོད)བར་བཀའ་མི་ཕེབས་པས།གཤེན་པོ་མཐའ་རུ་སྤྱུགས་པའི་བཀའ་མཆིད་བསྲིང་བར་ཞུ་ཞེས་མང་དུ་གླེང་བས།བཙན་པོ་ཡང་ཐུགས་འཁྲུགས་ནས་བདེན་པར་སྙམ་སྟེ་སྐུ་སྲུང་པའི་བོན་ཙམ་ལས་གཤེན་པོ་རྣམས་མཐའ་རུ་སྤྱུགས་ནས་བོན་བསྣུབས་ཞེས་《ལུང་གི་སྙིང་པོ་》སོགས་སུ་གསལ་བ་ལྟར་ཡིན་པ་སེམས།དེ་ནས་ལོ་ངམ་རྟ་རྫིས་བཙན་པོའི་བྱ་སྤྱོད་དེར་མི་འདོད་པའི་རྣམ་འགྱུར་བསྟན་པར་མ་ཟད།བཙན་པོས་བསྐྲད་པའི་བོན་གཤེན་རྣམས་ཀྱིས་ཀྱང་ལོ་ངམ་ལ་སྐྱབས་བཅོལ་བས།ལོ་ངམ་གྱི་བྱ་སྤྱོད་དེ་བས་རྩུབ་ཏུ་སོང་སྟེ་བཙན་པོའི་སྲིད་ལ་གྱེན་ལོག་སྤེལ་རྩིས་བྱས་ཕྱིར།བཙན་པོས་ལོང་ངམ་གྱི་སར་གསང་ཉན་པ་མངགས་གཏོང་དང་ཆབས་ཅིག་དཔུང་འཇུག་བྱས་ཀྱང་ལོ་ངམ་གྱིས་ཤེས་ནས།དམག་ཇུས་རྫུན་བཟོ་བྱས་ཏེ་བཙན་པོ་བསླུས།བཙན་པོ་གཡུལ་སར་ཆས་ཏེ་མྱང་རོ་ཐལ་བ་ཚལ་དུ་འཐབ་ནས་གཡུལ་ཕམ་ཞིང་བཙན་པོ་རང་ཡང་གཡུལ་སར་འདས།ལོ་ངམ་གྱིས་བཙན་པོའི་སྲིད་བརླགས་རྗེས་བཙན་པོའི་སྲས་གཉིས་པོ་སྤོ་བོ་དང་ཉིང་པོ་སོགས་ཡུལ་མཐར་བྲོས།སྲས་མོ་ལོ་ངམ་གྱིས་བཙུན་མོར་བླངས་པ་དང་།བཙུན་མོ་གཡོག་ཏུ་བཀོལ།རྒྱལ་སྲིད་ལོ་བཅུ་གསུམ་དུ་བཟུང་བར་གྲགས། བར་གྱི་སྟེང་གཉིས་ཀྱི་ཡ་གྱལ་སྤུ་དེ་གུང་རྒྱལ་ནི་གྲི་གུམ་བཙན་པོ་དང་ཡུམ་ཀླུ་སྲིང་མེར་ལྕམ་གཉིས་ཀྱི་སྲས་སུ་འཁྲུངས་ཤིང་མཚན་གཞན་ལ་བྱ་ཁྲི་བཙན་པོ་ཡང་ཟེར་ལ།སྐུ་མཁར་ཕྱིང་བ་སྟག་རྩེ་བརྩིགས།འོམ་ཐང་སྨན་མཚོ་ཁབ་ཏུ་བཞེས།ཁོང་གིས་རུ་ལས་སྐྱེས་ཀྱི་ནུས་མཐུ་ལ་བརྟེན་ནས་ལོ་ངམ་ལ་དུག་སྦྱར་ཏེ་བཀུམ་ཞིང་།རུ་ལས་སྐྱེས་ཀྱིས་མྱང་རོ་ཤམ་པོར་དམག་དྲངས་ནས་ལོ་ངམ་གྱི་སྟོབས་ཤུགས་སྒོ་ཀུན་ནས་ཕམ་པར་མཛད་པ་ནི་ཏུན་ཧོང་ཡིག་རྙིང་ལས།ལོ་ངམ་གྱི་ཕོ་བརྒྱ་ནི་ཟངས་བུ་བརྒྱ་མགོ་ལ་བཀབ་ནས་ལྕེབས་སོ།།ལོ་མང་གྱི་མོ་བརྒྱ་ནི་སླ་ང་བརྒྱ་བྲང་ལ་སྦྱར་ཏེ་བརྒྱལ་ལོ།།མཁར་མྱང་རོ་ཤམ་པོ་ཕབ་བོ།།མི་རྣམས་བཙོན་དུ་བཟུང་།།དུད་འགྲོ་རྣམས་དཔའ་རྟགས་སུ་བཞེས།ཞེས་པ་བཞིན་ཡིན་ལ།ལོ་ངམ་ཕམ་རྗེས་སྲས་བྱ་ཁྲི་བཙན་པོ་གསེར་ཁྲི་ལ་མངའ་གསོལ་ནས་བཙན་པོའི་གདུང་རྒྱུད་རིམ་བྱོན་གྱིས་བོད་ཁམས་ལ་དབང་བསྒྱུར་མཛད་པས།མཚན་ལའང་བུ་དེ་ཀུན་ལས་རྒྱལ་ཞེས་གསོལ་ཞིང་ཕྱིས་སུ་སྤུ་དེའམ་པུ་དེ་གུང་རྒྱལ་ཞེས་སྒྲ་འགྱུར་བར་བཤད།རུ་ལས་སྐྱེས་ནི་སྤུ་དེ་གུང་རྒྱལ་གྱི་བློན་པོ་གཙོ་བོ་ཞིག་ཡིན་ལ་བོད་ཀྱི་མཛངས་བློན་བདུན་གྱི་དང་པོ་ཡིན།མཛངས་བའི་ལས་སུ་ཤིང་བསྲེག་སོལ་བ་བྱུང་།།དེ་ཡིས་རྡོ་བཞུ་གསེར་དངུལ་ཟངས་ལྕགས་བྱུང་།།ཤིང་ལ་མིག་ཕུག་གཤོལ་དང་གཉའ་ཤིང་བྱས།།ས་གཞི་བརྐོས་ནས་ཕུ་ཆུ་ཡུར་དུ་དྲངས།།རྨོན་པ་དོར་སྡེབ་སྤང་ཐང་ཞིང་དུ་རྨོས།།བརྒལ་བས་མི་ཐར་ཆུ་ལ་ཟམ་པ་བཙུགས།།བ་གླང་འབྲི་གཡག་ར་ལུག་ཁྱིམ་དུ་གསོས།།ཞེས་《མཁས་པའི་དགའ་སྟོན་》ལས་བྱུང་བ་བཞིན་ནོ།།

བཙན་པོ་རིམ་བྱུང་གི་ལོ་རྒྱུས། ལེའུ་དང་པོ། ༄།།དྲི་གུམ་བཙན་པོ་སྐུ་ཆུང་བའི་ཚེ་མཚན་ཇིར་གདགས་ཤེས་（８４）། །མ་མ་གྲོ་ཞ་མ་སྐྱི་བརླིང་མ་ལ་དྲྀས་ན། མ་མ་འི་མཆིད་ནས། སྐྱྀ་བྲག་མར་བ་ནི་རྙིལ་ཏམ་མ་རྙིལ། དན་མ་འབྲི་སྤངས་ནི་མྱེས་ཚིག་གམ་མ་ཚིག། མཚོ་དམ་ལེ་དབལ་མཚོ་ནི་སྐམས་སམ་མ་སྐམས་ཤེས་མཆི། བྲག་མ་རྙིལ། མཚོ་ཡང་མ་སྐམས་སྤང་ཡང་མྱེས་མ་ཚིག་ཅེས་བགྱིསྣ། མ་མ་གྲོ་ཞ་མ། རྒས་ནས་རྣ་ལོག་པར་ཐོས་སྟེ། བྲག་ཀྱང་རྙིལ། སྤང་ཡང་མྱེས་ཚིག མཚོ་ཡང་སྐམས་ཤེས་ཐོས་ནས། འོན་ཏང་ཆུ་དགུམ་སྲི་དགུམ（８５）གྱིས། དྲི་གུམ་བཙན་པོར་མཚན་ཐོག་ཤིག་ཆེས་མཆི་ནས། །དྲྀ་གུམ་བཙན་པོར་མཚན་བཏགས་ནས། མཚན་བཏགས་ནོང་སྟེ། ཐུགས་སུ་ཡང་ཞུགས། ལྡེ་སྲས་མྱྀ་འི་མྱི་ཚུལ་ཏེ། མངོན་བར་དགུང་དུ་གཤེགས་པ་ལ་སྩོགས་པ་འཕྲུལ་དང་བྱྀན་ཆེད་པོ（８６）མངའ་བས། དྲོད་དང་དྲེགས་མ་ཐུབ་སྟེ། །བཙན་འདྲན་བདའ་（８７）ནས། ཡབ་འབངས་ཕ་དགུའ་དང་། ཡུམ་འབངས་ཚན་གསུམ་ལ་དགྲ་རུ་རྒལ་（８８）གཡག（གཡོག）（）དུ་དྲུང་ཕོད་དམ་ཞེས་བཀའ་སྩལ་ན། སོ་སོ་ནས་ཀུན་གྱིས་མྱྀ་ཕོད་ཆེས་གསོལ་ཏོ། །ལོ་ངམ་རྟ་རྫིས་ཀྱང་མྱི་ཕོད་ཅེས་གསོལ་པ་ལས་མ་གནས་སྟེ། འུང་ནས་ལོ་ངམ་གྱྀས་གསོལ་པ། དེ་ལྟར་མྱྀ་གནང་ན། །ལྷ་འི་དཀོར་མདུང་རང་འདེབས་དང་། །རལ་གྱྀ་རང་གཅོད་དང་། ཁྲབ་རང་གྱོན་(གྱོད)དང་། ཕུབ་རང་བཛུང་ལ་སྩོགས་པ། འཕྲུལ་གྱི་དཀོར་ཆེད་པོ་མངའ་བའྀ་རྣམས་མདག་ལ་སྩོལ་ན་ཕོད་ཅེས་གསོལ་ཏོ། དེ་ནས་ལྷའྀ་དཀོར་ཐམ་ཤད་སྩལ་ཏོ། །འུང་ནས་ལོ་ངམ་རྟ་རྫྀ་ཡང་། མཁར་མྱང་རོ་ཤམ་པོར་སྔར་མཆིས་སོ། །བཙན་པོ་ཡང་མྱང་རོ་ཤམ་པོར་གཤེགས་ནས། མྱང་རོ་ཐལ་བ་ཚལ་དུ་གཡུལ་བྲེས་ནས།…

༄༅། །བོད་ཆེན་པོའི་སྲིད་ལུགས་དང་འབྲེལ་བའི་རྒྱལ་རབས་དེབ་ཐེར་དཀར་པོ་ཞེས་བྱ་བ་བཞུགས་སོ།། ༡ ན་མ་སྟྲེ་ལོཀྱ་ནཱ་ཐཱ་ཡ། འདྲེན་པ་འགྲོ་བའི་ལེགས་བྱས་འོ་མའི་མཚོར། ། དགྱེས་པའི་རྦ་རླབས་འཁྱིལ་བའི་ཞལ་སྒོ་ནས། ། ཟླ་བའི་མདངས་ལྡན་ཐགས་བཟང་བཞི་བཅུའི་ཚེམས། ། འཛུམ་པའི་འོད་ཀྱིས་ཁྱོད་ལ་སྲུངས་གྱུར་ཅིག ། རིགས་གཅིག་མུ་ཏིག་ཆེ་བའི་འོད་ལྡན་འོད་ད་གསལ་ལྷ་ཡི་གདུང་བརྒྱུད་འཛིན། ། སྡེ་བཞིའི་ལྷུན་ཆགས་སྲིད་ཀྱི་གང༵ས་རི་གང༵ས་ཅན་དབུས་ན་མཐོ་བར་བྱས། ། བཀའ་ཡིས་བསྐྱངས་པའི་འབངས་ཀྱི་བ༵དེ་སྐྱིད་བ༵དེ་ལྡན་ཞིང་གི་རྗེས་འགྲོར་མཛད། ། ཀུན་རིག་འཕྲུལ་མངའ་སྲིད་པའི་མེ༵ས་པོ་མེ༵ས་དབོན་རྣམས་གསུམ་རྒྱལ་གྱུར་ཅིག ། ལྷ་གཅི༵ག་ཕྱག་ན་པདྨོ་མི་རྗེའི་ཚུལ། ། ལུགས་གཉི༵ས་འཁོར་ལོ་བསྒྱུར་བའི་དབང་ཕྱུག་ཆེ། ། སྲིད་གསུ༵མ་ཟིལ་གནོན་སྲོང་བཙན་སྒམ་པོ་ཡིས། ། མཐའ་བཞི༵འི་རྒྱལ་ཁམས་དབང་དུ་བསྡུས་པའི་ཚུལ། ། ངེས་པའི་སྒྲོས་དང་གསལ་བའི་ལོ་ཚིགས་སུ། ། བཀོད་པའི་ཡིག་རྙིང་ཇི་སྙེད་བསྒྲིགས་པ་ལས། ། བོད་ཁམས་དང་པོའི་སྲིད་དང་དབང་གི་ཚད། །ཅུང་ཟད་འཇལ་བའི་སྤོབས་པ་བདག་ལ་སྐྱེས། ། སྙིང་སྟོབས་དགུ་འགྱུར་སྲོག་གི་དབྱུག་པ་ལ། ། རྟ་མཆོག་ཁྲོས་པའི་བཀའ་ཡི་རྒྱས་བཏབ་པའི། ། སྲིན་པོ་གདོང་དམར་བོད་ཀྱི་དམག་དཔུང་གིས།…

གཟི་ཡི་ཕྲེང་བ། ནམ་མཁའི་ནོར་བུ། ༄༅།། བོད་མིའི་ཆོས་དང་ཤེས་རིག་ཡུན་དུ་གནས་མི་གནས་པ་དེ་ནི་གཙོ་ཆེར་བོད་མི་རང་ལ་རག་ལས་ཤིང་། དེ་ཡང་བོད་མི་གཞོན་ནུ་འཚར་ལོང་ཅན་རྣམས་ལ་རག་ལས་ཀྱི་ཡོག་རེད། བོད་ཀྱི་ཆོས་དང་ཤེས་རིག་གི་རྒྱུན་བསྐྱངས་པ་ལ། བོད་མི་གཞོན་ནུ་ཚོས་ཨུ་ཚུགས་དང་བསམ་ཞེན་བསྐྱེད་པ་ཙམ་གྱིས་མི་ཆོག་ཅིང་། ཁོང་ཚོ་ལ་བོད་མིའི་ཆོས་དང་ཤེས་རིག་གི་གོ་རྟོགས་ངེས་པར་དུ་ཆགས་ཐུབ་པ་ཞིག་དགོས་ཀྱི་ཡོག་རེད། བོད་མི་གཞོན་ནུ་འཚར་ལོང་ཅན་རྣམས་ལ་བོད་མིའི་ཆོས་དང་ཤེས་རིག་ལོ་རྒྱུས་དང་བཅས་པའི་གོ་རྟོགས་གཏིང་ཚུགས་པ་ཞིག་ཆགས་ཐུབ་བམ་མི་ཐུབ་པ་དེ་ནི་ཕྱོགས་གཅིག་ནས་གཞོན་ནུ་འཚར་ལོང་ཅན་རྣམས་རང་རང་གི་མོས་པ་ལ་རག་ལོས་མོད། གོ་རྟོགས་མེད་ན་མོས་པ་འབྱུང་བའི་ཁུངས་མེད་པས། ཆེས་གལ་ཆེ་བ་ནི་བོད་ཀྱི་ཆོས་དང་ཤེས་རིག་ལོ་རྒྱུས་བཅས་པར་གོ་རྟོགས་དང་ཉམས་མྱོང་ཡོད་པའི་སྐུ་བགྲེས་མཁྱེན་ཡོན་ལྡན་པ་རྣམས་ནས་གཞོན་ནུ་འཚར་ལོང་ཅན་རྣམས་ལ་གོ་དོན་རང་རྒྱུད་དུ་འབྱོར་ངེས་པའི་སློབ་གསོ་གཏིང་ཚུགས་པ་རེ་གནང་དགོས་པ་ལ་རག་ལས་ཀྱི་ཡོད་པར་མཐོང་གི་འདུག ཁོ་བོས་འདིར་བོད་ཀྱི་ཤེས་རིག་གི་ཁུངས་དང་ལོ་རྒྱུས་སོགས་ཉུང་ངུའི་ཚིག་ལམ་ནས་གོ་བདེར་ཅུང་ཟད་བཀྲལ་བ་འདིའང་བོད་རིགས་གཞོན་ནུ་འཚར་ལོངས་ཅན་རྣམས་ལ་གོ་རྟོགས་ཐད་ཀར་འབྱུང་ཐུབ་པར་དམིགས་ཏེ་རང་གི་ཤེས་ཚོད་དང་བསྟུན་ནས་བཀོད་པ་ལགས་ཤིང་། ད་དུང་དེ་ལས་ཀྱང་མང་བར་མཁྱེན་འདོད་པ་རྣམས་ནས་ཁོ་བོས་བྲིས་པ་ནོར་བུའི་དོ་ཤལ་ལ་གཟིགས་པར་ཞུའོ།། བོད་ཀྱི་མི་རིགས། དེང་དུས་ཡོངས་གྲགས་སུ། བོད་ཀྱི་མི་རིགས་འདི་མི་རིགས་སེར་པོའམ། སོག་པོའི་མི་རིགས་སུ་བརྩི་གི་ཡོག་རེད། དེ་ལྟར་ནའང་བོད་རིགས་འདི་མི་རིགས་སེར་པོའམ་སོག་རིགས་ནས་ཚུར་ཆད་པ་དང་སོག་པོའི་རིགས་དེ་བོད་རིགས་ནས་ཕར་ཆད་པ་ཞིག་ཡིན་པ་ནི་སུས་ཀྱང་ཐག་གཅད་ཆོག་ཆོག་ཅིག་ཡོག་མ་རེད། སྤྱིར་བཏང་བོད་རིགས་དང་འདྲ་བའི་མི་རིགས་ནི་བེ་རུ་ཝི་ཡའི་ཨིན་ཁ་སེ་དང་། མེ་ཟིཀྐོའི་ཨབྷཀྵ་སོགས་ལྷོ་ཨ་མེ་རི་ཁ་དང་། བྱང་ཨ་མེ་རི་ཁའི་མི་རིགས་དམར་པོ་ཧོ་པི་དང་ན་པ་ཧོ་སོགས་མི་འདྲ་བ་མང་པོ་ཞིག་ཡོད་པ་དེས་བོད་ཀྱི་མི་རིགས་འདི་གནའ་དུས་ཀྱི་མི་རྒྱུད་ཁྱད་པར་ཅན་ཞིག་ཡིན་པ་མངོན་སུམ་དུ་བསྟན་གྱི་ཡོག་རེད། འབར་མའི་ལོ་རྒྱུས་རྣམས་ནས་འབར་མའི་མི་རིགས་དེ་བོད་ནས་མར་ཆད་པའི་བཤད་སྲོལ་བྱུང་བཞག འབར་མའི་སྐད་དུའང་མེ་ལ་མི་དང་། ལག་པ་ལ་ལག ཚྭ་ལ་ཚ། མིག་ལ་མྲིག ལམ་ལ་ལན། ང་ལ་ང་། ཁྱི་ལ་ཁྭེ། རྣ་ལ་ན། གཅིག་ལ་ཏིཏ། གཉིས་ལ་ནཱི་ཏ། ལྔ་ལ་ང་། དྲུག་ལ་ཁྲུའུག་སོགས་བོད་སྐད་འདྲ་བོ་ཞེ་དྲག་མང་བོ་ཡོག་རེད། ང་ཚོས་འབར་མའི་མི་རིགས་འདི་བོད་ནས་མར་ཆད་པ་རེད་ཅེས་བཤད་ཐུབ་པ་དཀའ་ནའང་འབར་མའི་ལོ་བརྒྱུད་རང་ལ་ཡོད་པའི་ལོ་རྒྱུས་དེ་དག་གིས་ཀྱང་བོད་ཀྱི་མི་རིགས་འདི་ མི་རྒྱུད་རྙིང་གྲས་ཤིག་ཡིན་པ་གསལ་བོར་བསྟན་གྱི་ཡོག་རེད། བོད་ཡུལ་དུ་རིན་པོ་ཆེའི་རིགས་རྣམས་ཀྱི་ནང་ནས་རིན་ཐང་ཆེ་ཤོས་སུ་བརྩི་བ་གཅིག་ནི་གཟིའི་རིགས་རྣམས་རེད། རིན་ཐང་ཆེ་བའི་རྒྱུ་མཚན་ཡང་གཟིའི་རྒྱུ་དེ་རིན་པོ་ཆེའི་རིགས་ཤིག་ཡིན་པ་ཙམ་དུ་མ་ཟད། དེང་དུས་བཟོ་འཕྲུལ་ཡར་རྒྱས་ཆེན་པོ་འདི་འདྲ་བའི་དུས་སུ་གཟི་དངོས་དག་ནི་སུས་ཀྱང་གསར་བཟོ་བྱེད་མི་ཤེས་ཤིང་གཟིའི་རི་མོ་དེ་དག་རྫས་སྦྱོར་གང་འདྲ་ཞིག་ལ་བ རྟེན་ནས་བཟོས་ཡོད་པའང་ཧ་གོ་ཐུབ་ཀྱི་མེད་པ་དེ་ག་རེད།…

༄༅།།སའི་ལེགས་དྲུག་གི་སྐོར། བརྩོན་འགྲུས་རབ་རྒྱས། བོད་རྒྱལ་གྱི་གདུང་རབས་དགུ་པ་སྤུ་དེ་གུང་རྒྱལ་བྱ་ཁྲི་བཙན་པོ་དང་ཡུམ་འོམ་ཐང་སྨན་མཚོ་གཉིས་ཀྱི་སྲས་སུ་སའི་ལེགས་དྲུག་གི་ཐོག་མ་ཨེ་ཤོ་ལེགས་སྤྱི་ལོའི་དུས་རབས་དང་པོའི་དཀྱིལ་ཙམ་ལ་འཁྲུངས་ཤིང་རྨུ་ལྕམ་བྲ་མ་ན་ཁབ་ཏུ་བཞེས། རུ་ལས་སྐྱེས་ཀྱི་སྲས་ལྷ་བུ་མགོ་དཀར་གྱིས་བློན་པོ་མཛན།ཞིང་འབྲོག་ལས་རིགས་དར་རྒྱས་ཆེས་ཆེར་ཕྱིན། བློན་པོ་ལྷ་བུ་མགོན་དཀར་ནི་བོད་ཀྱི་མཛངས་བློན་བདུན་གྱི་གཉིས་པ་ཡིན་ཏེ། 《མཁས་པའི་དགའ་སྟོན》ལས། མཛངས་པའི་ལས་སུ་ཞིང་ལ་དོར་ཁ་བརྩིས། འབྲོག་ལ་ཐུལ་རྩིས་ཕུ་ཆུ་ཡུར་དུ་དྲངས། །མདའ་རུ་ཆུ་མ་རྨོ་བ་འདི་ནས་དང་། །ཞེས་པ་ལྟར་རོ། །སྐབས་དེར་ཞིང་ལས་ལ་རྨོན་པ་དོར་གཅིག་གིས་ཉིན་གཅིག་ལ་རྨོ་ནུས་པའི་ས་ཞིང་གི་ཚད་རྩིས་གཞིར་མཛད་དེ་དོར་ཁ་གཅིག་ཅེས་བྱ་ཞིང་། འབྲོག་ལས་ཐད་ལུག་པགས་སོགས་ལྭ་གཅིག་གི་བཟོ་ཚད་ལོངས་པའི་གྲངས་རྩིས་གཞིར་བཟུང་ནས་ཐུལ་ཁ་གཅིག་ཅེས་བྱ་བའི་སྲོལ་བཏོད། གཞན་དུ་ཕུ་ཆུ་མདའ་རུ་དྲངས་ཤིང་མདའ་ལ་ཆུ་བེད་ཀྱི་ལས་ཀ་གོང་འཕེལ་དུ་ཕྱིན་པར་གྲགས། ཨེ་ཤོ་ལེགས་དང་རྨུ་ལྕམ་བྲ་མ་ན་གཉིས་ཀྱི་སྲས་སུ་དེ་ཤོ་ལེགས་འཁྲུངས་ཤིང་ཀླུ་སྨན་མེར་མོ་ཁབ་ཏུ་བཞེས། སྐུ་གཤེན་མི་མོ་ཆུང་ལ་མཛད་ཅིང་གསས་མཁར་ཁོ་མ་ཡང་རྩེ་བཞེངས། ཁོང་གཉིས་ཀྱི་སྲས་སུ་ཐི་ཤོ་ལེགས་འཁྲུངས་ཤིང་བཙུན་མོ་གུར་སྨན་ཁབ་ཏུ་བཞེས། སྐུ་གཤེན་འཛིན་བོན་ཁོག་དེས་མཛད། གསས་མཁར་ས་ལེ་བང་བང་བཞེངས། ཁོང་གཉིས་ཀྱི་སྲས་སུ་གུ་རུ་ལེགས་འཁྲུངས་ཤིང་བཙུན་མོ་མཚོ་སྨན་འབྲོང་མ་ཁབ་ཏུ་བཞེས། སྐུ་གཤེན་མཚེས་པ་གནམ་འདུལ་གྱིས་མཛད། གསས་མཁར་རིན་ཆེན་ཟུར་མང་བཞེངས། ཁོང་གཉིས་ཀྱི་སྲས་སུ་འབྲོང་ཞི་ལེགས་འཁྲུངས་ཤིང་བཙུན་མོ་གནམ་སྨན་བུ་མོ་ཁབ་ཏུ་བཞེས། སྐུ་སྲུང་ལྷ་བོན་ཆེ་གཤེན་བདུད་འདུལ་གྱིས་མཛད།ཁོང་གཉིས་ཀྱི་སྲས་སུ་ཨི་ཤོ་ལེགས་འཁྲུངས་ཤིང་བཙུན་མོ་རྨུ་ལྕམ་སྨད་ལེགས་ཁབ་ཏུ་བཞེས།ཞེས་པ་ནི་《ལེགས་བཤད་རིན་པོ་ཆེའི་གཏེར་མཛོད》ལྟར་བཀོད། ལེགས་དྲུག་བང་སོ་གཡའ་སྤང་མཚམས་སུ་བཏབ། །སྤང་ལ་འཇའ་ཚོན་རྒྱས་པ་འདྲའོ་སྐད།།ཅེས་གོང་གསལ་གྱི་བཙན་པོ་དྲུག་གི་དུས་སུ་སྤུར་ས་ལ་ལུས་པས་མིང་ལའང་ས་ལ་ལེགས་དྲུག་ཐོགས་པ་དང་། འདིའི་སྐབས་སུ་ད་དུང་སྟག་རྩེ། རྒོད་རྩེ།ཁྲ་རྩེ། རྩེ་མོ་ཁྲུང་རྒྱལ། ཁྲི་བརྩིགས་འབུམ་གདུགས་ཞེས་པའི་འཆིང་（ཕྱིང་）བ་རྩེ་དྲུག་བརྩིགས་ཞེས་པ་ནི་《མཁས་པའི་དགའ་སྟོན》ལྟར་བཀོད་པ་ཡིན་ལགས།

༄༅།།རྒྱལ་ཕྲན་དང་རྒྱལ་རབས་རིམ་བྱུང་གི་མིང་། རྒྱལ་ཕྲན་རིམ་བྱུང་གི་མིང་། རྒྱལ་ཕྲན་ཡུལ་ཡུལ་ན། མཁར་བུ་རེ་རེ་ན་གནསྟེ། རྒྱལ་ཕྲན་བགྱིད་པ་དང་། རྒྱལ་ཕྲན་གྱི་བློན་པོ་བགྱིད་པའི་རང་(རབ)ལ།། ཞང་ཞུང་ངར་པའི་རྗོ་བོ་ལིག་སྙ་ཤུར། བློན་པོ་ཁྱུང་པོ་ར་སངས་རྗེ་དང་། སྟོང་ལོམ་མ་ཙེ་གཉིས།། མྱང་རོའི་པྱེད་ཀར་ན། རྗེ་རྩང་རྗེའི་ཐོད་ཀར། བློན་པོ་སུརུ་དང་གནང་གཉིས།། ཡུལ་གནུབས་ཀྱི་གླིང་དགུའ་ནི་རྗེ་གནུབས་རྗེའི་སྲིས་པ། བློན་པོ་རྨེའུ་དང་གྲོ་གཉིས།། ཡུལ་མྱང་རོའི་ཤམ་པོ་ན། རྗེ་ལོང་མ་གྱི་བྲོམ་ཚ། བློན་པོ་མྱ་དང་བྲེ་གཉིས།། ཡུལ་སྐྱི་རོའི་ལྗང་སྔོན་ན། རྗེ་སྐྱི་རྗེའི་མང་པོ། བློན་པོ་ཤེ་འུ་དང་སུག་གཉིས།། ཡུལ་ངས་པོའི་ཁྲ་སུམ་ན། རྗེ་དགུག་གྲི་འི་ཟིང་པོ་རྗེ། བློན་པོ་མགར་དང་མཉན་གཉིས།། ཡུལ་དབྱེ་རོ་ཡལ་བཞི་ན། རྗེ་དབྱེ་རྗེ་འི་མཁར་པ། བློན་པོ་དབོ་དང་རྡུག་གཉིས།། ཡུལ་འོ་ཡུལ་གྱི་སྤང་ཀར་ན། རྗེ་འོལ་རྗེའི་ཟིན་བྲང་ཚ། བློན་པོ་རྔོ་དང་དབའས་གཉིས།། ཡུལ་རྔེགས་ཡུལ་གྱི་གྲུ་བཞི་ན། རྗེ་རྔོགས་རྗེའི་ལ་བྲང་། བློན་པོ་སས་པ་དང་མྱང་ནད་གཉིས།། ཡུལ་ཀླུང་རོའི་ཡ་སུམ་ན་རྗེ་ནམ་པའི་བུ་གསེར་ཏི། བློན་པོ་མྱང་དང་སྦྲང་གཉིས།། ཡུལ་སྲིབས་ཡུལ་ཀྱི་རལ་མོ་གོང་ན། རྗེ་དྲང་རྗེའི་རྣོལ་ནམ། བློན་པོ་ཞུག་ཚམས་དང་དབྲད་གཉིས།། ཡུལ་རྐོང་ལ་བྲེ་སྣར་ན། རྗེ་རྐོང་རྗེའི་དཀར་པོ། བློན་པོ་མཁར་བ་དང་ཕ་དྲུག་གཉིས།…

༄༅། །དོན་ཆེན་གནད་བསྡུས་ཀྱི་ལོ་ཚིགས། དོན་ཆེན་གནད་བསྡུས་ཀྱི་ལོ་ཚིགས་ཞེས་པ་འདི་ནི་སྟོང་སྐུའི་བྲག་ཕུག་ནས་ཐོན་པ་ཞིག་ཡིན་ཞིང་། ཡི་གེ་རྣམས་ཀྱང་བརྡ་རྙིང་ཤ་སྟག་ཡིན་པས་གོ་དཀའ་བ་ཞིག་ཏུ་སྣང་བ་ལས་དེའི་ལོ་རྒྱུས་ཀྱི་དཔྱད་གཞིའི་ཡིག་ཆའི་རིན་ཐང་ཞིག་མངོན་བཞིན་ཡོད་ཙ་ན། བོད་ཀྱི་རིག་གནས་ལོ་རྒྱུས་ལ་བརྟག་ཅིང་དཔྱོད་པར་འདོད་པ་རྣམས་ལ་ཉེ་བར་མཁོ་བ་ཞིག་ཡིན་སྙམ་དུ་སེམས་ཏེ་འདིར་ཁ་ཚང་་བཀོད་པ་ལགས་སོ། ། ……བཙན་མོ་：མུན་ཆང་：ཀོང་ཅོ། མགར་སྟོང་རྩན་ཡུལ་ཟུང་གྱིས་སྤྱན་དྲངསྟེ་བོད་ཡུལ་དུ་གཤེགསོ། བལ་བོ་ཡུ་སྣ་ཀུག་ཏི་བཀུམ། ན་རི་བ་བ་རྒྱལ་ཕོར་བཆུག། གནག་ནད་ཆན་﹙ཆེན﹚པོ་བྱུང་། །།དེ་ནས་ལོ་གསུམ་ན། བཙན་པོ་ཁྲི་སྲོང་རྩན་གྱི་རིང་ལའ། ལི་སྙ་ཤུར་བརླག་སྟེ་ཞང་ཞུང་ཐམས་ཅད་འབངས་སུ་བཀུག་སྟེ་མངའོ།། །།དེ་ནས་ལོ་དྲུག་ནའ། བཙན་པོ་ཁྲི་སྲོང་རྩན་དགུང་དུ་གཤེགསོ། །བཙན་མོ་མུང་ཅང་ཀོང་ཅོ་དང་དགུང་ལོ་གསུམ་བཤོས་སོ།། 1.ཁྱིའི་ལོ་ལ་བབ་སྟེ།བཙན་པོ་མྱེས་ཁྲི་སྲོང་རྩན་གྱི་སྤུར་ཕྱིང་བའི་རིང་ཁང་(1)ནའ་རིང་མཁྱུད(2)ཆིང་བཞུག་སྟེ། བཙན་པོ་སྦོན་(3)ཁྲི་མང་སློན་མང་རྩན་མེར་ཀེ་ན་བཞུགས་པར་ལོ་གཅིག 2.ཕགི་ལོ་ལ་བབ་སྟེ། བཙན་པོ་ཉེན་ཀར་ན་བཞུགས་ཤིང་། ཕྱིང་བར། བཙན་ཕོ་མྱེས་ཁྲི་སྲོང་རྩན་གྱི་མདའང་བཏང་བར་(4)ལོ་གཅིག 3.བྱི་བའི་ལོ་ལ་བབ་སྟེ། བཙན་པོ་ཉེན་ཀར་ན་བཞུགས་ཤིང་། བློན་ཆེ་སྟོང་རྩན་གྱིས་གློ་བོ་དང་རྩང་རྷྱའ་བཀུག་ཕར་ལོ་གཅིག 4.གླང་གི་ལོ་ལ་བབ་སྟེའ། བཙན་པོ་ཉེན་ཀར་ན་བཞུགས་ཤིང་། བློན་ཆེ་སྟོང་རྩན་གྱིས། གཡུག་ཏུ་གནག་ལིངས་བཏབ(5)། ད་རྒྱལ་མང་པོ་རྗེས་ཞིང་གྱི་ཕྱིང་རིལ(6)བགྱིས། ར་སང་རྗེའི་བློན་རིང་སྟག་རྷྱ་དང་ཞིང་གྱི་ཚོང་ཆེན་དབྱརད(7)། ཞང་ཞུང་ཡུལ་གྱི་མངན(8)དུ་སྤུག་གྱིམ་རྩན་རྨ་ཆུང་བཆུག མདོ་སྨདུ་ཀམ་ཁྲི་བཟང་བྱེ་འདའ་ཐོང་མྱིས་(9)བཀུམ་སྟེ་ཤ་གཉེརད་ཕར(10)ལོ་གཆིག། 5.སྟགི་ལི་ལ་བབ་སྟེ། བཙན་ཕོ་མེར་ཁེ་ནའ་བཞུགས་ཤིང་། བློན་ཆེ་སྟོང་རྩན་གྱིས། མོང་པུ་སྲལ་མཛོད་དུའ་བསྡུསྟེ། རྒོད་གཡུང་(11)དབྱེ་ཤིང་། མཁོ་ཤམ་(12)ཆེན་ཕོ་བགྱི་བའི་རྩིས་མགོ་བགྱི་བར་(13)ལོ་གཆིག…