རྫོང་གསར་བཤད་གྲྭའི་མཁན་རབས་བཅུ་དྲུག་པ་མཁན་པོ་འཇམ་དབྱངས་ཆོས་འཕེལ་མཆོག

རྫོང་གསར་བཤད་གྲྭའི་མཁན་རབས་བཅུ་དྲུག་པ་མཁན་པོ་འཇམ་དབྱངས་ཆོས་འཕེལ་མཆོག

༄༅། །རྫོང་སར་བཤད་གྲྭའི་མཁན་པོ་འཇམ་དབྱངས་ཆོས་འཕེལ་མཆོག་ནི། བོད་ལྗོངས་གཞིས་རྩེ་ས་ཁུལ་ལྷ་རྩེ་རྫོང་ཆུ་ཤར་གྲོང་རྡལ་ཡུལ་གསར་གྲོང་ཚོར་ཡབ་བློ་གསལ་དང་། ཡུམ་ཚེ་རིང་གཉིས་ཀྱི་སྲས་སུ་སྤྱི་ལོ་ ༡༩༧༩ ལོར་འཁྲུངས། དགུང་ལོ་བརྒྱད་ནས་བཅུ་གཅིག་བར་བོད་ཡིག་དང་། ཨང་རྩིས། རྒྱ་ཡིག་བཅས་ལ་སློབ་གཉེར་གནང་། སྤྱི་ལོ་ ༡༩༩༢ ལོར་ལྷ་རྩེ་མང་མཁར་བསམ་གྲུབ་དགོན་གསར་དུ་ཆོས་ཞུགས་དང་། རབ་ཏུ་བྱུང་ནས་འདོན་རྟ་དབྱངས་སོགས་ལ་སྦྱངས་པ་གནང་། སྤྱི་ལོ་ ༡༩༩༨ ལོར་རྫོང་སར་བཤད་གྲྭར་འཛུལ་ཞུགས་ཀྱིས་གྲགས་ཆེན་བཅོ་བརྒྱད་ཆ་ལག་དང་བཅས་པར་སློབ་གཉེར་མཛད། སྤྱི་ལོ་ ༢༠༠༢ ལོར་དབུ་མ་དང་། ༢༠༠༥ ལོར་བསྟན་བཅོས། ༢༠༠༧ ལོར་སློབ་དཔོན་འཛིན་གྲྭ་བཅས་ལེགས་པར་ཐོན་པའི་ཕྱག་འཁྱེར་བཞེས།

Image may contain: 1 person, standing, sky, tree and outdoor

སྤྱི་ལོ་ ༢༠༠༦ ལོར་བཤད་གྲྭའི་དབུ་མཛད་ཀྱི་ལས་འཁུར་དང་། སྤྱི་ལོ་ ༢༠༡༣ ལོར་བཤད་གྲྭའི་དྲུང་ཆེ། སྤྱི་ལོ་ ༢༠༡༥ ལོ་ནས་བཟུང་ཡིག་ཚད་སྡེ་ཚན་དུ་རྒྱུགས་ཞིབ་པའི་ཐུགས་འགན་བཞེས། སྤྱི་ལོ་ ༢༠༠༦ ལོར་བཤད་གྲྭའི་འཛིན་སྐྱོང་ནས་སྐྱོར་དཔོན་དུ་བསྐོ་གཞག་བྱུང་སྟེ་ལོ་གཉིས་དང་ཕྱེད་ཀའི་རིང་སྐྱོར་དཔོན་གྱི་ཐུགས་འགན་བཞེས། སྤྱི་ལོ་ ༢༠༠༨ ལོའི་ལོ་ཕྱེད་ནས་དགེ་རྒན་དུ་ཐད་བསྐོས་གནང་བ་ནས་བཟུང་བསྟུད་མར་ལོ་ཤས་རིང་དཔེ་འཁྲིད་དགེ་རྒན་གྱི་ཐུགས་འགན་བཞེས། སྤྱི་ལོ་ ༢༠༡༣ ལོར་མཁན་པོའི་མཚན་གནས་བཞེས། སྤྱི་ལོ་ ༢༠༡༤ ལོར་དཔལ་ས་སྐྱའི་འཁོན་གདུང་ཤཱཀྱའི་དགེ་སློང་འཇམ་དབྱངས་ཀུན་དགའ་ཐུབ་བསྟན་འཇིགས་མེད་རིན་པོ་ཆེ་མཆོག་གི་ཡོངས་འཛིན་དུ་ཕེབས་ཤིང་། ལོ་དེར་གདུང་སྲས་རིན་པོ་ཆེ་དང་ལྷན་དུ་རྫོང་སར་བཤད་གྲྭར་ཕེབས་ཤིང་། རིན་པོ་ཆེའི་ཡོངས་འཛིན་གྱི་ཐུགས་འགན་མུ་མཐུད་བཞེས་ཏེ་སྤྱི་ལོ་ ༢༠༡༩ བར་བཤད་གྲྭ་འདིར་འཆད་ཁྲིད་མཛད་པ་དང་། སྤྱི་ལོ་ ༢༠༢༠ ཟླ་བ་ ༥ ཚེས་ ༡༢ ཉིན་བསྟན་པའི་བདག་པོ་༸སྐྱབས་རྗེ་མཁྱེན་བརྩེ་རིན་པོ་ཆེས་འཕགས་ཡུལ་རྫོང་སར་བཤད་གྲྭའི་མཁན་རབས་བཅུ་དྲུག་པའི་ཁྲིར་མངའ་གསོལ་མཛད་པའོ།། །།

Image may contain: 2 people, indoor

Image may contain: 3 people, people standing, child, outdoor and nature

Image may contain: 23 people, people standing

Image may contain: 2 people, indoor

Image may contain: 1 person, standing

Image may contain: 1 person, sitting and indoor

Image may contain: 1 person, sitting and indoor

Image may contain: 3 people, indoor

Image may contain: 3 people, indoor

 

ཡོང་ཁུངས། ཆོས་ཀྱི་བློ་གྲོས་རྩོམ་སྒྲིག་ཁང་དང་། འཁྲུངས་ཡུལ་སོགས་ཁ་སྣོན་བྱས།

བརྒྱུད་སྐུལ།

མཆན་སྤེལ།