དགེ་འདུན་ཉི་ཤུའི་སྤྱི་དོན་ལེགས་པར་བཤད་པའི་སྙིང་པོ་པད་མ་དཀར་པོའི་འཕྲེང་བ་ཞེས་བྱ་བ་བཞུགས་སོ།
མཁས་གྲུབ་སྨྲ་བའི་ཁྱུ་མཆོག་དགེ་འདུན་བསྟན་དར་བ་ཆེན་པོའི་གསུང་དྲང་ངེས་རྣམ་འབྱེ{དགེ་འབྱུང་གནས། :རྒླལ་སྐྱོང་ཆོས་འཁོར་གླིང་། རྩོམ་པ་པོ།: དུས་ཚོད།:2009-09-01 ༄༅། །མཁས་གྲུབ་སྨྲ་བའི་ཁྱུ་མཆོག་དགེ་འདུན་བསྟན་དར་བ་ཆེན་པོའི་གསུང་དྲང་ངེས་རྣམ་འབྱེ{དགེ་འདུན་ཉི་ཤུའི་སྤྱི་དོན་ལེགས་པར་བཤད་པའི་སྙིང་པོ་པད་མ་དཀར་པོའི་འཕྲེང་བ་ཞེས་བྱ་བ་བཞུགས་སོ། ། །དབང་པོ་རྟུལ་དང་རྣོན་པོ་དག །ཅེས་སོགས་ཀྱི་སྐབས་སུ། མཐའ་དཔྱད་པ་ལ། མཚོན་བྱེད་དཔེའི་དགེ་འདུན་བཤད་པ་དང༌། མཚོན་བྱ་དོན་གྱི་དགེ་འདུན་བཤད་པ་གཉིས། དང་པོ་ལ། འབྲས་བུའི་རྣམ་གཞག་དང༌། གང་ཟག་གི་རྣམ་གཞག་གཉིས། དང་པོ་ལ། དགེ་སྦྱོང་གི་ཚུལ་བཤད་པ། དེའི་འབྲས་བུ་བཤད་པ། དེ་དག་ས་གང་ལ་བརྟེན་ནས་ཐོབ་པ་སོགས་བཤད་པ་དང་གསུམ། དང་པོ་ལ། ཉན་ཐོས་ཀྱི་ཟག་མེད་བར་ཆད་མེད་ལམ་རྣམས་དགེ་སྦྱོང་གི་ཚུལ་ཡིན་ལ། གཉིས་པ་འབྲས་བུ་ནི། རང་འཐོབ་བྱེད་ཀྱི་ཐབས་སུ་གྱུར་པའི་དགེ་སྦྱོང་ཚུལ་གྱི་སྟོབས་ཀྱིས་ཐོབ་པའི་ཉན་ཐོས་ཀྱི་རྣམ་བྱང་བདེན་པ། ཉན་ཐོས་ཀྱི་དགེ་སྦྱོང་ཚུལ་གྱི་འབྲས་བུའི་མཚན་ཉིད། དེ་ལ་ཆེ་ལོང་རགས་པའི་སྒོ་ནས་དབྱེ་ན། རྒྱུན་ཞུགས་ཀྱི་འབྲས་བུ་སོགས་བཞི་ཡོད། ཞིབ་མོ་རྣམ་དག་གི་སྒོ་ནས་དབྱེ་ན། དེར་གྱུར་པའི་ཁམས་གོང་འོག་གི་མཐོང་སྤངས་ཉོན་མོངས་བརྒྱད། ཁམས་གསུམ་ས་དགུའི་སྒོམ་སྤངས་ཉོན་མོངས་གྱ་གཅིག་སྤངས་པའི་འདུས་བྱས་རྣམ་གྲོལ་ལམ་གྱ་དགུ༌།འདུས་མ་བྱས་འགོག་བདེན་གྱ་དགུ་དང་བཅས་པ་ཡོད་དེ། མཛོད་ལས་དགེ་སྦྱོང་ཚུལ་ནི་དྲི་མེད་ལམ། །འབྲས་བུ་འདུས་བྱས་འདུས་མ་བྱས། །གྲོལ་ལམ་ཟད་པ་རྣམས་དང་བཅས། །དེ་དག་བརྒྱད་ཅུ་རྩ་དགུའོ། །ཞེས་གསུངས་པའི་ཕྱིར། མདོ་ལས། དགེ་སྦྱོང་ཚུལ་གྱི་འབྲས་བུ་ལ་བཞིར་འཇོག་པའི་རྒྱུ་མཚན་ཡོད་དེ། ཐར་པ་ཐོབ་པའི་གེགས་ཀྱི་གཙོ་བོ་ལ་མཐོང་སྤངས་ཀུན་སྦྱོར་གསུམ། ཐ་མའི་ཆ་མཐུན་ལྔ། གོང་མའི་ཆ་མཐུན་ལྔ་དང་བཅས་པ་ཡོད་པ་ལས། དང་པོ་གསུམ་པོ་སྤངས་པའི་ཆ་ནས་རྒྱུན་ཞུགས་ཀྱི་འབྲས་བུ་བཞག…
