Tag: featured

ལྕགས་གླང་སྤྱི་ལོ་641ལོར་བོད་ཀྱི་རྒྱལ་པོ་སྲོང་བཙན་སྒམ་པོས་བོད་ཀྱི་རྒྱལ་ཕྲན་དང་ཚོ་པ་ཐམས་ཅད་གཅིག་ཏུ་བསྡུས་ནས་བོད་ཡོངས་གཅིག་གྱུར་བྱེད་པའི་སྲིད་དབང་བཙུགས་པ་སྲ་བརྟན་ཡོང་བ་དང༌། སྟོབས་དང་ལྡན་པ། སྤྱི་ཚོགས་བདེ་འཇགས་ཀྱི་སྒོ་ནས་ཞིང་འབྲོག་ཐོན་སྐྱེད་གོང་འཕེལ་ཡོང་བ། མཐའ་མཚམས་བརྟན་པོ་ཡོང་བ་བཅས་དགོས་པ་དུ་མའི་ཆེད་དུ་ཡིན་པ་ནི་སྨོས་མ་དགོས། སྐབས་དེར་ཁྲིམས་ཡིག་གཏན་ལ་ཕབ་པའི་སྐོར་ལས་དམག་དོན་སྐོར་<<ཆོས་འབྱུང་མཁས་པའི་དགའ་སྟོན་>>ལས་གསལ་བར། བོད་ཡུལ་རུ་ཆེན་ལྔ་རུ་ཕྱེས། ། དམག་གི་རུ་སྒར་བརྒྱད་དུ་བཏབ། ། རུ་དར་རུ་རྟ་གཏན་ལ་ཕབ། ། ཡུལ་གྱི་དབང་རིས་བཅོ་བརྒྱད་ཕྱེས། ། རྒོད་ཀྱི་སྟོང་སྡེ་རེ་གཅིག་དང་། ། གཡུང་ལ་རྗེ་བྲན་རིམ་ལྔར་ཕྱེས། ། དཔའ་སྡེ་གསུམ་གྱིས་སོ་ཁ་སྲུང་། །

༄༅།།རྗེ་བཙུན་ས་སྐྱ་པ་ཡབ་སྲས་རྣམ་གསུམ་དང་ཁོང་རྣམས་ཀྱིས་མཛད་པའི་གསོ་བ་རིག་པའི་བསྟན་བཅོས་ཀྱི་སྐོར་མདོ་ཙམ་གླེང་བ་འཇམ་མགོན་དགྱེས་པའི་མཆོད་སྤྲིན།   བན་ཟུར་འཇིགས་མེད།  བོད་ལྗོངས་བོད་ལུགས་གསོ་རིག་སློབ་ཆེན་ཞིབ་འཇུག་སློབ་མའི་དོ་དམ་ཚན་ཁག ནང་དོན་གནད་བསྡུས།  རྩོམ་ཡིག་འདིའི་ནང་གངས་ལྗོངས་གསོ་རིག་བསྟན་པའི་ཉིན་བྱེད་རིམ་བྱོན་ལས་ས་སྐྱ་པ་ཡབ་སྲས་རྣམ་གསུམ་སྟེ།  རྗེ་བཙུན་གྲགས་པ་རྒྱལ་མཚན་དང་།  དཔལ་ཆེན་འོད་པོ་ཆེ།  ས་སྐྱ་པཎ་ཆེན་ཀུན་དགའ་རྒྱལ་མཚན་གསུམ་མཚམས་སྦྱོར་མདོར་བསྡུས་དང་།  ཁོང་རྣམས་ཀྱིས་མཛད་པའི་གསོ་བ་རིག་པའི་བསྟན་བཅོས་གསོ་དཔྱད་རྒྱལ་པོའི་དཀོར་མཛོད་དང་།  བརྒྱད་ཆུང་ཉི་མའི་འཁོར་ལོ།  ཡན་ལག་བརྒྱད་པའི་སྙིང་པོ་སོགས་ཀྱི་སྐོར་ལ་དཔྱད་པ་ཞུས་ཡོད། བརྡ་ཆད་གཙོ་བོ།  ས་སྐྱ་པ།  ཡབ་སྲས་རྣམ་གསུམ།  གསོ་བ་རིག་པའི་བསྟན་བཅོས། བརྟན་པའི་འཁོར་ལོ་མི་ཡི་ཟོལ་དུ་བྱོན།  ། སྨན་གྱི་བླ་མའི་བྱིན་རླབས་དངོས་སུ་ཞུགས།  ། གསོ་རིག་བསྟན་པའི་ཉིན་བྱེད་ས་སྐྱ་པ།  ། ཡབ་སྲས་བརྒྱུད་པར་བཅས་ལ་ཕྱལ་འཚལ་ལོ།  །

            དང་པོ་བྱི་བ། རང་གཤིས་འཇམ་ལ་དྲང་མོ་ཡིན།རིག་པ་གསལ་བས་བྱ་བ་ཐམས་ཅད་ཚོར་སྣང་གིས་ཐག་གཅོད་བྱེད། ནུས་པ་ལྡན། བྲེལ་མྱུར་ཆེ། བློ་རྩེ་གཉིས་ཡོད་པས་དཔལ་འབྱོར་སོགས་གང་ཅིའི་ཐད་ནས་ཕམ་ཁ་ཡོད།བརྩེ་བ་ཡོད། ཡིད་དུ་འོང་། རང་བཞིན་འཇམ་པོ་ཡིན་པས་རང་ལ་དགའ་བའི་མི་ཧ་ཅང་མང་། གྲོགས་ཀྱི་བརྩེ་བར་ཧ་ཅང་མཐོང་ཆེན་བྱེད་པས་གྲོགས་ལ་མི་འོས་པའི་བྱ་བ་མི་སྒྲུབ།དོན་མེད་ཀྱི་སྐད་ཆ་ཉུང། རླུང་རྟ་ཚེ་གང་པོར་ཅུང་བཟང་། བྱ་གཞག་ཕྱོགས་ནས་བར་སྐབས་སུ་མི་བཟང་། འོན་ཀྱང་རྒྱུ་ནོར་གསོག་འཇོག་བྱེད་པས་སྐྱོན་མེད།སྤྱིར་བཏང་གི་འཚོ་བའི་མི་ཚེ་མཇུག་རྫོགས།བྱ་བ་སྒྲུབ་སྐབས་རང་སྣང་མཐོ་བའི་དབང་གིས་བྱ་བ་ལེགས་པ་ཞིག་བསྒྲུབས་དཀའ།སྤྲེའུ་དང་གླང་། འབྲུག་གསུམ་གྲོགས་ལ་བཟང་། བྱ་བ།རྩོམ་པ་པོ།སྒྱུ་རྩལ་བ། སྨན་པ། དགེ་རྒན་བཅས་བཟང་།

དྷཱིཿལྷ་ལྡན། ༼༧༨༤—༨༦༦༽ བོད་བཙན་པོའི་དུས་སུ་བྱོན་པའི་སྒྲ་སྒྱུར་གྱི་ལོ་ཙཱ་བ་ཆེན་པོ་གནུབས་ཆེན་སངས་རྒྱས་ཡེ་ཤེས་ཞེས་ཡོངས་སུ་གྲགས་པ་རྗེ་འབངས་ཉེར་ལྔའི་ཡ་གྱལ། སྔགས་པ་རལ་བ་ཅན་དག་ལས་མཐུ་དང་ནུས་པ་མཆོག་ཏུ་ལྡན་པར་གྲགས་པ་གང་དེའི་འཁྲུངས་འདས་ལོ་ཚིགས་ད་སྔའི་ལོ་རྒྱུས་དང་ཚིག་མཛོད་གཞན་དག་ཏུ་མི་གསལ་ཞིང་། པོ་ཏ་ལར་བཞུགས་པའི་རྙིང་མའི་གསུང་འབུམ་དཀར་ཆག་ཏུ། ཆུ་བྱི་ཕྱི་ལོ༨༣༢ལོར་འཁྲུངས་ཤིང་། ཆུ་སྟག་ཕྱི་ལོ༩༤༢ལ་གྲོངས་པས་དགུང་ལོ་བརྒྱ་དང་བཅུ་གཉིས་བཞུགས་པར་བྲིས་འདུག་མོད། གནུབས་ཀྱི་རང་རྣམ་དང་། བཻ་རོའི་འདྲ་འབགས། དགོངས་ཉམས་བླ་མ་བརྒྱུད་པའི་རྣམ་ཐར་སོགས་ལོ་རྒྱུས་ཁུངས་ལྡན་དག་དང་བསྡུར་ན་མི་འགྲིག་པར་སྣང་།

【གནད་བསྡུས།】 དུས་རབས་བཅུ་གསུམ་པའི་དུས་མགོ་མ་ཟིན་ཙམ་ན་རྒྱ་གར་འཕགས་ཡུལ་དུ་ཏུ་རུ་ཥའི་དམག་གིས་དཔུང་འཇུག་བྱས་ཏེ་བསྟན་པར་ཆག་འཇིག་བློ་ཡུལ་ལས་འདས་པ་འབྱུང་སྐབས་བསྟུན། ཆོས་རྗེ་ཉིད་ཀྱིས་ལུས་སྲོག་བློས་བཏོང་གིས་ཡུལ་དེའི་གནས་བབས་ཀུན་ལ་རྒྱུས་མྱོང་དང་། ཆག་འཇིག་ཁུར་དུ་བླངས་ཏེ་བསྟན་པ་རྒྱས་པར་མཛད་པའི་སྐུ་ཚེའི་བྱུང་བ་དངོས་སོ།། 【གནད་ཚིག】 ཆག་ལོ་ཙྰ་བ། ཆག་གྲོང་། ཏི་རུ་ཥ། རྡོ་རྗེ་གདན། ན་ལེན་དྲ། སྔགས་ལོག་སུན་འབྱིན། པཎ་ཌི་ཏ་རྰ་ཧུ་ལ་ཤྲི་བྷ་དྲ།

༡༽ སྐ་བ་ཤཱཀྱ་དབང་ཕྱུག རྩོམ་པ་པོ། བྱམས་པ་འཕྲིན་ལས།   སྐ་བ་ཤཱཀྱ་དབང་ཕྱུག་གམ་འཚོ་སྨད་མཁན་ཆེན་དུ་གྲགས་པ་ནི། ལོ་ཙཱ་བཀའ་དྲིན་ཆེ་བ་ལྔའི་ནང་ཚན་སྐྱེས་མཆོག་སྐ་བ་དཔལ་བརྩེགས་སོགས་མཁས་ཤིང་གྲུབ་པ་བརྙེས་པའི་དབང་ཕྱུག་དང་། བོད་རྒྱལ་པོའི་མདུན་ན་འདོན་སོགས་དཔའ་མཛངས་བརྟུལ་ཕོད་རིམ་པར་བྱོན་པའི་ནང་ནས། སྐ་བའི་བརྒྱུད་པ་སྟོད་ལུང་གླང་གྲོང་དུ་སྐུ་བལྟམས་ཤིང་། ཟུར་མཁར་མཉམ་ཉིད་རྡོ་རྗེའི་དངོས་སློབ་འཕྲིན་ལས་མཐར་ཕྱིན་ཕྲག་དབོན་བསོད་ནམས་བཀྲ་ཤིས་ཀྱིས་མཚོན་མཁས་པ་མང་དག་བསྟེན་ནས་རིག་གནས་སྤྱི་དང་། གསོ་བ་རིག་པ་ལ་མཁས་པར་གྱུར།

གསང་ཕུ་ཀུན་དགའ།   གསང་ཕུ་དགོན་པའམ་མཚན་རྒྱས་པར་གསང་ཕུ་ནེའུ་ཐོག་ཅེས་པའི་དགོན་འདི་ཉིད་ནི་ལྷ་སའི་སྐྱིད་ཆུའི་ལྷོ་ངོས་ཀྱི་ཐུབ་པ་རི་འདབས་སུ་ཆགས་ཡོད་ཅིང་བར་ཐག་ལྷ་ས་ནས་སྤྱི་ལེ་ཉི་ཤུ་རྩ་ལྔའི་མཚམས་ལ་ཡོད། དགོན་འདི་ནི་གསང་བདེ་གུང་གསུམ་དང་དགའ་སྐྱོར་ཟུལ་གསུམ་ཞེས་པའི་བོད་ཀྱི་གདན་ས་ཆེན་པོ་དྲུག་གི་ཡ་གྱལ་ཡིན།