མཁས་གྲུབ་ནོར་བཟང་རྒྱ་མཚོ་མཆོག་གི་རྣམ་ཐར་མདོར་བསྡུས།   སྐུ་གསུམ་གོ་འཕང་མངོན་གྱུར་ནོར་བུ་བཟང༌། ། ཞེས་བསྔགས་པ། མཁས་གྲུབ་ནོར་བཟང་རྒྱ་མཚོ་ནི། གཙང་རྟ་ནག་རང་བྱུང་དུ། ཡབ་ནམ་མཁའ་དཔལ་བཟང་དང༌། ཡུལ་ཆོས་སྐྱབས་འབུམ་གཉིས་ཀྱི་སྲས་སུ་མཛེས་བྱེད་ཀྱི་ (རབ་བྱུང་བདུན་པའི་ཆུ་མོ་ཡོས་ལོ་སྟེ་ཕྱི་ལོ་ ༡༤༢༣) ལོ་ལ་ངོ་མཚར་བའི་ལྟས་དང་བཅས་ཏེ་སྐུ་འཁྲུངས། གཞོན་ནུ་ཉིད་ནས་ཆོས་ཀྱི་བག་ཆགས་བརྟས་པས་ཀློག་ཡིག་སོགས་ཚེགས་མེད་པར་མཁྱེན་ཅིང༌། ཁྱིམ་གྱི་གནས་ནི་ཉེས་པ་དུ་མའི་འབྱུང་གནས་སུ་རིག་ནས། སྤྱིར་འཁོར་བའི་ཕུན་ཚོགས་མཐའ་དག་དང༌།

རྒྱལ་སྤྱིའི་གསར་འགོད་རང་དབང་ཉིན་མོའི་བསམ་གཞིག ལྔ་པའི་ཚེས་གསུམ་རྒྱལ་སྤྱིའི་གསར་འགོད་རང་དབང་ཉིན་མོ་སྲུང་རྩི་ཆེད་དུ་བྲིས།   ཨ་རིའི་རླུང་འཕྲིན་ཁང་གི་རྒྱ་གར་ལྷོ་ཕྱོགས་ཀྱི་གསར་འགོད་པ་རྒྱལ་མཚན་ཆོས་གྲགས།   སྔོན་གླེང་། དུས་རབས་༢༡ ཀྱི་འཛམ་གླིང་ནང་གསར་འགྱུར་བརྒྱུད་ལམ་གྱི་ནུས་པ་ནི་ཧ་ཅང་ཆེན་པོ་ཡིན། དེས་མི་མང་གི་བསམ་བློ་དང་ལྟ་ཚུལ་ལ་ཤུགས་རྐྱེན་ཐེབས་པ་མ་ཟད། སྤྱི་ཚོགས་ཀྱི་བསམ་པའི་འཁྱེར་སོ་དང་ཆབ་སྲིད་ཀྱི་ཁ་ཕྱོགས་ལའང་ཤུགས་རྐྱེན་ཐེབས་ཐུབ། བོད་མིའི་སྤྱི་ཚོགས་ནང་ཨ་རིའི་རླུང་འཕྲིན་ཁང་(VOA) དང་ཨེ་ཤི་ཡ་རང་དབང་རླུང་འཕྲིན་ཁང་(RFA) གྱི་བོད་སྐད་སྡེ་ཚན་གཉིས་ཀྱིས་བོད་མི་མང་པོའི་བསམ་བློ་དང་ལྟ་ཚུལ་ལ་ཤུགས་རྐྱེན་ཆེན་པོ་ཐེབས་ཡོད།

བཀྲ་ཤིས་རྟགས་བརྒྱད་ཀྱི་མཆོད་པ་འབུལ་ཚུལ། བཀྲ་ཤིས་རྟགས་བརྒྱད་ནི། ཚངས་པ་ལ་སོགས་པས་སངས་རྒྱས་ལ་ཕུལ་བ་དང་སངས་རྒྱས་རང་གི་སྐུ་ལ་དབུ་གདུགས་ལྟར་དུ་ཡོད་པ་སོགས་བསོད་ནམས་དང་ཡེ་ཤེས་ཀྱི་རང་རྩལ་ལས་སོ་སོའི་མཚན་མ་ཡོད་པ་དེདང་དེ་ལ། རང་གཞན་གྱི་བསོད་ནམས་བསག་པའི་སླད་དུ་ལྷག་པ་གཟུགས་བརྙན་གྱི་དམིགས་རྟེན་ཙམ་དུ་བྱས་ནས་འབུལ་ན། རིན་ཆེན་གདུགས་མཆོག གདུགས་དཀར་པོ་གསེར་གྱི་ཡུ་བ་ཅན་དར་སྣ་ཚོགས་ཀྱི་འཕུར་ལྡིང་གཡོ་བ་རིན་པོ་ཆེའི་ཏོག་གིས་མཛེས་པ་དབུ་ལ་ཕུལ་བས་རང་གཞན་སེམས་ཅན་ཐམས་ཅད་ཉོན་མོངས་པའི་ཚ་གདུང་ལས་སྐྱོབ་པར་ཤོག་ཅིག

དམག་སྤྱི་ལས་ཁུངས། དེ་སྔ་བོད་ས་གནས་སྲིད་གཞུང་སྐབས་ཀྱི་དམག་སྤྱི་ལས་ཁུངས་ཞེས་པ་འདི་ནི་རབ་བྱུང་བཅོ་ལྔ་པའི་ཆུ་བྱི་(༡༩༡༢)ལོ་ལུའུ་ཅུན་རྒྱ་དམག་མཐར་འབུད་རྗེས་ཆུ་གླང་ (༡༩༡༣)ལོ་ཏཱ་ལའི་བླ་མ་སྐུ་ཕྲེང་བཅུ་གསུམ་པ་ཆེན་པོ་སྟོན་འཁོར་རྒྱ་གར་ནས་ལྷ་སར་ཞབས་སོར་འཁོད་འཕྲལ་ལྷ་སའི་དམག་དོན་སྤྱི་ཁྱབ་མཁན་དྲུང་བྱམས་པ་བསྟན་དར་ལ་དམག་དོན་བྱས་རྗེས་སུ་བཀའ་བློན་བླ་མ་བསྐོ་གཞག་ཐོག་མདོ་སྨད་ཁུལ་གྱི་ཞི་དྲག་སྤྱི་འདོམས་སུ་ལས་བྱ་དཔོན་རིགས་དང་བཅས་བསྐོ་རྫོངས་གནང་ཚབ་སྤྱན་བསལ་གནམ་གང་ཟླ་བཟང་དགྲ་འདུལ་ལ་ཛ་སག་ཐོག་དམག་སྤྱི་ཆེ་བའི་གོ་གནས་དང་།

འབྲས་སྤྱི་རྙིང་པ་སར་སྦི་སིལ་སྒུལ་ཌ་མཆོག་ལ།   ༄༅། །ད་ལམ་ཨ་མི་རི་ཀ ཨེང་ལན། རྒྱ་ནག་སོགས་སུ་ཚོང་དོན་བལྟ་ཞིབ་དང་། གསེར་དངུལ་སྒྲུབ་འདོན་དུ་བོད་གཞུང་དངུལ་ཁང་སྤྱི་ཁྱབ་རྩིས་དཔོན་ཞྭ་སྒབ་པ་དང་། ལས་རོགས་མཁན་ཆུང་ཆང་ཁྱིམ་པ་གཉིས་ཆེད་བརྫོངས་སོང་བ་ཚོང་དོན་གང་ཅིར་རོགས་རམ་ཆ་འཇོག་ཡོང་བ་ཡིད་འཇགས་འཚལ། རྟེན་ཁ་བཏགས་དང་། ངོས་ཀྱི་འདྲ་པར་དམ་འབྱར་གཅིག་བཅས་ཏཱ་ལའི་བླ་མས། བོད་ལུགས་མེ་ཕག་ཟླ་བ་ ༨ ཚེས་ ༢༥ བཟང་པོ་ལ།།

༄༅། །འབུལ་འབྲས། བོད་སྤྱིའི་བདེ་ཐབས་སུ་རྒྱ་གར། ཨ་མི་རི་ཀ རྒྱ་ནག ཨེང་ལན་སོགས་ནས་བོད་ལ་ཚུར་ཡོང་བའི་ཚོང་ཟོགས་དང་། བོད་ནས་བལ་རྔ་པགས་རིགས་ཀྱིས་མཚོན་ཟོགས་རིགས་ཕར་འགྲོའི་ཚོང་གི་ཁེ་གྱོང་བལྟ་ཞིབ་དོན་གཅོད་དུ་བསྐྱོད་མི་བོད་གཞུང་དངུལ་ཁང་སྤྱི་ཁྱབ་རྩིས་དཔོན་ཞྭ་སྒབ་པ་དང་། ལས་རོགས་མཁན་ཆུང་ཆང་ཁྱིམ་པ་གཉིས་ཆེད་བརྫོངས་སོང་བ་ཚོང་དོན་དང་། ཨ་མི་རི་ཀའི་དངུལ་བརྗེས་ལ་རྒྱ་གར་དང་། བོད་མཐུན་ལམ་བཟང་པོར་དགོངས་པས་རོགས་རམ་ཆ་འཇོག་ཡོད་པ་དགོངས་འཇགས་ཞུ།