ལ་སྟོད་ལྷོ་དིང་རི་ཁུལ་ནས་བྱོན་པའི་རྣལ་འབྱོར་མ་བཅུའི་ལོ་རྒྱུས།

ཕ་དམ་པ་སངས་རྒྱས་ཀྱི་དངོས་སློབ་རྣལ་འབྱོར་མ་ཉི་ཤུ་རྩ་བཞི་ལས་ལ་སྟོད་ལྷོ་དིང་རི་ཁུལ་ནས་བྱོན་པའི་རྣལ་འབྱོར་མ་བཅུའི་ལོ་རྒྱུས་བྱ་བ་བཞུགས་སོ། །       དང་པོ།  མ་གཅིག་ཞ་མ། འདི་ཉིད་ཡབ་ཞ་མ་རྡོ་རྗེ་རྒྱལ་མཚན་དང་ཡུམ་རྒྱ་གར་ལྷ་མོ་གཉིས་ལ་རབ་བྱུང་དང་པོའི་ཆུ་སྟག་༡༠༦༢ལོར་ཡུལ་ཕ་དྲུག་ན་སྐུ་འཁྲུངས། སྐུ་ལུས་ལ་སྤྱིར་པདྨ་ཅན་གྱི་མཚན་རྣམས་དང༌། བྱེ་བྲག་ཏུ་ལྟེ་བ་ན་པདྨ་དམར་པོ་རྩ་བ་གསུམ་པ། ནུ་མ་གཉིས་ཀྱི་བར་ན་རིན་པོ་ཆེའི་ཕྲེང་བ་གསུམ་སྐོར་དུ་ཡོད་པས་ལྟེ་བར་སླེབས་པ། ཕྲག་སོ་གཉིས་ལ་གཡུང་དྲུང་རིས་རེ། རྣ་བ་གཉིས་ཀྱི་རྒྱབ་ན་དུང་པདྨ་ལྟར་འཁྱིལ་བ་རེ། ལྕེའི་འོག་ན་རལ་གྲི་ཨུཏྤལ་ལའི་མདོག་ཅན་ཏཱཾ་ཡིག་གིས་མཚན་པ། སྨིན་མཚམས་ན་ཉི་ཟླའི་རྒྱལ་མཚན་འཁོར་ལོ་ཏོག་དང་བཅས་པ་ཡོད་པ་ཞིག་བྱུང༌།
སེར་བྱེས་མཁན་ཟུར་རྗེ་བཙུན་བློ་བཟང་དོན་ཡོད་མཆོག་གི་མཛད་རྣམ་རགས་བསྡུས།

༄༅། །སེར་བྱེས་མཁན་རབས་དོན་གཉིས་པ་རྗེ་བཙུན་བློ་བཟང་དོན་ཡོད་མཆོག་གི་མཛད་རྣམ་རགས་བསྡུས། མདོ་སྔགས་གཞུང་བརྒྱ་སྨྲ་བའི་དབང་ཕྱུག་ངེས་པ་དོན་གྱི་རྣལ་འབྱོར་པ་དགེ་བའི་བཤེས་གཉེན་ཆེན་མོ་སེར་བྱེས་མཁན་ཟུར་བློ་བཟང་དོན་ཡོད་མཆོག་ནི། བོད་ལྗོངས་གཙང་གཞིས་རྩེ་ས་གནས་ལྷ་རྩེ་རྫོང་ལྷ་རྩེ་ཞོལ་དུ་ཡུམ་སླེའུ་གཞིས་ཀའི་མི་རྒྱུད་ཡིན་པ་སྒྲོལ་མ་ཚེ་རིང་གི་སྲས་སུ་ཤིང་གླང་སྤྱི་ལོ་ ༡༩༢༥ ལོར་སྐུ་འཁྲུངས།
ཐུབ་པའི་དབང་པོའི་རྣམ་པར་ཐར་པ་ལ་བསྟོད་པ་བདུད་དཔུང་ཕྱེ་མར་འཐག་པ།

༄༅། །བཅོམ་ལྡན་འདས་ཐུབ་པའི་དབང་པོའི་རྣམ་པར་ཐར་པ་ལ་བསྟོད་པ་བདུད་དཔུང་ཕྱེ་མར་འཐག་པ་ཞེས་བྱ་བ་བཞུགས་སོ།།[1]   བདུད་དཔུང་ཕྱེ་མར་འཐག་པ་ཞེས་བྱ་བ། བླ་མ་དང་སངས་རྒྱས་བྱང་ཆུབ་སེམས་དཔའི་ཚོགས་དང་བཅས་པ་ལ་ཕྱག་འཚལ་ལོ། །གསེར་གྱི་ལྷུན་པོ་ཉིན་བྱེད་འབུམ་གྱི་འོད། །ཀུན་ནས་འཕྲོ་བ་བས་ཀྱང་མདངས་གསལ་ཞིང་། །མཚན་དཔེའི་དཔལ་འབར་གཟི་བརྗིད་ཕུང་པོའི་སྐུ། །ཐུབ་པའི་ཞབས་པད་བདག་གི་སྤྱི་བོར་ཞོག །ཐེ་ཚོམ་དྲ་བ་མ་ལུས་གཅོད་པའི་མཚོན། །ཁམས་གསུམ་དབུགས་འབྱིན་བདུད་དཔུང་སྐྲག་མཛད་པའི། །ཐུབ་པའི་གསུང་དབྱངས་ཡན་ལག་དྲུག་ཅུའི་སྒྲས། །འགྲོ་ཀུན་མ་རིག་གཉིད་ལས་ད་ལོངས་ཤིག །
སངས་རྒྱས་ཀྱི་གསུང་ལ་བསྟོད་པ།

སངས་རྒྱས་ཀྱི་གསུང་ལ་བསྟོད་པ།[1] ཨོཾ་བདེ་ལེགས་སུ་གྱུར་ཅིག།ཕྱོགས་བཅུའི་སེམས་ཅན་ཐམས་ཅད་ལ། །སོ་སོའི་སྐད་དུ་གསུང་གཅིག་གིས། །དམ་ཆོས་ཅིག་ཅར་གསུང་མཛད་པའི། །རྒྱལ་བའི་གསུང་ལ་ཕྱག་འཚལ་ལོ། །ཐོས་པ་ཙམ་གྱིས་གསུང་བ་པོ། །ཐམས་ཅད་མཁྱེན་པར་མཚོན་བྱེད་པ། །ཡན་ལག་དྲུག་ཅུ་དང་ལྡན་པའི། །རྒྱལ་བའི་གསུང་ལ་ཕྱག་འཚལ་ལོ། །
༄༅། །སྐུ་མཁར་ཆེན་པོ་ཡུམ་བུ་བླ་སྒང་གི་དཀར་ཆག་འབྲིང་པོ་བཞུགས་སོ།།

༄༅། །སྐུ་མཁར་ཆེན་པོ་ཡུམ་བུ་བླ་སྒང་གི་དཀར་ཆག་འབྲིང་པོ་བཞུགས་སོ།།   ཡེ་ཤེས་དམ་པའི་དཀྱིལ་འཁོར་རབ་ཏུ་ཡངས། ། ཡོན་ཏན་བསམ་ཡས་རི་བོང་གིས་མཚོན་ཞིང་། ། དམ་ཆོས་འོད་དཀར་འགྲོ་བའི་སྙིང་མུན་སེལ། ། ཐུབ་དབང་སྨྲ་བའི་ཟླ་བ་རྟག་ཏུ་རྒྱལ། ། དེ་ལ་ཕོ་བྲང་ཆེན་པོ་འདི་ཉིད་ཀྱི་ལོ་རྒྱུས་ཟུར་ཙམ་ཞིག་སྙན་དུ་གསོལ་ན། མི་རྗེ་ཇི་ལྟར་ཕེབས་ཚུལ། བསྟན་པ་དམ་ཆོས་དར་ཚུལ། སྐུ་རྟེན་ཇི་ལྟར་བཞེངས་ཚུལ་གསུམ་གྱི་སྒོ་ནས་ཞུ་དགོས་འདུག   དང་པོ། བོད་ཀྱི་མི་རྗེ་ཇི་ལྟར་ཕེབས་ཚུལ་སྐོར།
རྡོ་རྗེ་ཕག་མོ་སྐུ་ཕྲེང་བཅུ་གཉིས་པ་བདེ་ཆེན་ཆོས་ཀྱི་སྒྲོན་མེའི་རྣམ་ཐར་སྙིང་བསྡུས།

༄༅། །རྡོ་རྗེ་ཕག་མོ་སྐུ་ཕྲེང་བཅུ་གཉིས་པ་བདེ་ཆེན་ཆོས་ཀྱི་སྒྲོན་མེའི་རྣམ་ཐར་སྙིང་བསྡུས། སྐུ་ཕྲེང་བཅུ་གཉིས་པ་བདེ་ཆེན་ཆོས་ཀྱི་སྒྲོན་མེ་ནི། སྙེ་མོ་ཐོན་གཞིས་སྐྱིད་རུར་ཡབ་རིག་ལྡན་རྒྱལ་པོ་དང་། ཡུམ་བསོད་ནམས་སྒྲོན་མ་གཉིས་ཀྱི་སྲས་མོར་རབ་བྱུང་བཅུ་དྲུག་པའི་ས་སྟག་ ༡༩༣༨ ལོར་སྐུ་འཁྲུངས། སྔོན་གནས་རྗེས་དྲན་གྱི་དམ་པའི་རིགས་སད་དེ། ལྷ་ལྡན་མཚམས་ཁུང་དུ་ཆོས་བཞུགས་མཛད། དགུང་གྲངས་དྲུག་སྟེང་ལ་བླ་ལྷ་རྣམས་ཀྱི་ལུང་དང་གསེར་བུམ་བརྟག་པ་སོགས་ནས་སྐུ་ཕྲེང་བཅུ་གཅིག་པའི་ཡང་སྲིད་རིན་པོ་ཆེར་ཕེབས་དགོངས་བཞིན་སྲིད་སྐྱོང་སྟག་བྲག་རིན་པོ་ཆེར་མཇལ་ཕྱག་དང་བཅས་ཐོན་ཕྱག་ཞུས་ནས་གཞུང་ཞབས་སྨན་སྡོད་པ་སོགས་རྫོངས་བད་མཛད་དེ།
ཐུབ་པའི་བསྟོད་པ་ལུང་ཀུན་ལས་བཏུས་པ།

  ༩༽ ཐུབ་པའི་བསྟོད་པ་ལུང་ཀུན་ལས་བཏུས་པ།[1]   ཐམས་ཅད་མཁྱེན་པ་ལ་ཕྱག་འཚལ་ལོ། །གཅིག་ཏུ་དཀར་བའི་ལྷག་བསམ་ལན་གཅིག་མིན་པར་གོམས་མཛད་འགྲོ་ཀུན་བུ་གཅིག་ལྟར་དགོངས་ཐུགས་རྗེ་ཅན། །གཅིག་དང་དུ་མའི་ཆོས་ཀུན་གཅིག་དང་དུ་མ་དང་བྲལ་ཆོས་དབྱིངས་ངང་དུ་རོ་གཅིག་ཉིད་དགོངས་ཏེ། །སྐད་ཅིག་གཅིག་ཀྱང་གཡེལ་བ་མེད་པར་རྩེ་གཅིག་ཉིད་དུ་མཉམ་པར་བཞག་པས་སྲུང་བ་གཅིག་པུ་བ། །བདུད་དཔུང་གཅིག་ཏུ་མཐར་མཛད་ཉག་གཅིག་དཔའ་བ་མཚུངས་མེད་སྟོན་པ་གཅིག་པུ་དེ་ལ་འདུད། །