སྤྱིར་བོད་ཡུལ་དུ་གནས་རི་གྲགས་ཅན་དང་། ཆུ་བོ་གྲགས་ཅན་བགྲང་གིས་མི་ལངས་པ་ཡོད་མོད། འོན་ཀྱང་འདིར་གཙོ་ཆེ་བ་འགའ་ངོ་སྤྲོད་བྱས་ཡོད། ༡ ཇོ་མོ་གླང་མ། ﹙སྨི་ ༨༨༤༤.༤༣﹚珠穆朗玛   འདི་ནི་བོད་ལྗོངས་དང་བལ་བོ་གཉིས་ཀྱི་བར་མཚམས་སུ་ཡོད་ཅིང་། ཧི་མ་ལ་ཡ་རི་རྒྱུད་ཀྱི་ཆེས་མཐོ་བའི་རི་ཡིན་པར་མ་ཟད། འཛམ་གླིང་གི་ཆེས་མཐོ་བའི་རིའང་ཡིན། མཐོ་ཚད་འདི་ནི་༢༠༠༥ལོའི་ཟླ་༥ཚེས་༢༢ཉིན་ཀྲུང་གོའི་ཇོ་མོ་གླང་མའི་མཐོ་ཚད་བསྐྱར་གཞལ་རུ་ཁག་རི་རྩེར་འགོས་ནས་འཇལ་པའི་མཐོ་ཚད་ཡིན་ཏེ། དེ་ནས་བཟུང་༡༩༧༥ལོའི་སྨི་༨༨༤༨.༡༣དེ་སྤྱོད་མཚམས་བཞགངག་རྒྱུན་དུ་ཧི་མ་ལ་ཡ་རི་རྒྱུད་ཀྱི་རྩེ་མཐོན་པོ་ལྔ་ནི་ཚེ་རིང་མཆེད་ལྔ་ཡིན་ལ། དེ་ལས་ཇོ་མོ་གླང་མ་ཡོད་པའི་ཕྱོགས་དེ་ནི་མཛེས་སྡུག་ཡིད་དུ་འོང་ཞིང་སྐྱེ་དགུས་བདེ་སྐྱིད་ཀྱི་དཔལ་ལ་རོལ་ས་ཞིག་ཡིན་པར། ནམ་ཞིག་ཤིན་ཏུ་མ་རུངས་པའི་བདུད་ཅིག་འོངས་ནས་ཀུན་ལ་འཚེ་བ་བྱས་ཙ་ན། སྙིང་རྗེ་ཅན་གྱི་ལྷ་མོ་ཞིག་གིས་བདུད་དེ་རི་ཆེན་པོ་ཞིག་གི་འོག་ཏུ་མནན་པས་རྗེས་སུ་མི་རྣམས་ཀྱིས་རི་དེ་ལ་“ཇོ་མོ་གླང་མ”ཞེས་འབོད།
ལོ་པཎ་རྣམ་ཐར་ཕྱོགས་བསྒྲིགས་ལེགས་གྲུབ་བྱུང་བའི་གསལ་བསྒྲགས།

རྩོམ་པ་པོ། དྷཱིཿལྷ་ལྡན།      བོད་ཀྱི་སྔོན་བྱོན་ལོ་ཙཱ་བ་དེ་དག་གིས་རང་རེ་བོད་ཀྱི་ཡུལ་འདིར་རིག་གནས་ཀྱི་ཚེ་སྲོག་ཕྲ་མོ་ཞིག་གི་དབུགས་རྒྱུན་མཐུད་ཕྱིར་དང་། ཆོས་དང་རིག་གནས་ཀྱི་རྫོང་མཐུག་པོ་ཞིག་གི་རྨང་འཛུགས་སླད། མཐའ་མེད་པའི་ཏི་ར་ཧི་ཏའི་ཡུལ་གྱི་རི་ལུང་མང་པོར་གྲོགས་མེད་ཁེར་རྐྱང་དུ་ཕྱིན། ཧི་མ་ལ་ཡའི་རི་ཚོགས་ཀྱི་ཕྲེང་བ་མང་པོ་ཞབས་ཐང་དུ་བརྒལ། ཤི་སྐྱིད་ཇག་ཚོགས་སོགས་ཨར་ཇག་གི་འཚེ་བ་མང་པོ་གདོང་དུ་བསུས། སྟག་གཟིག་སྦྲུལ་དང་མ་ཧེ་སོགས་གཅན་གཟན་དང་དུག་སྦྲུལ་གྱི་འཇིགས་པ་མང་པོ་ཐོད་དུ་བླངས། ཚ་བ་དང་གངས་རླུང་སོགས་རང་བྱུང་གི་གནོད་འཚེ་མང་པོ་ཕྲག་ཏུ་ཁུར་ཏེ། ཨེ་ཤ་ཡའི་གླིང་གི་རིག་གནས་ཀྱི་ཕ་ཁྱིམ་ལྟ་བུའི་རྒྱ་གར་འཕགས་པའི་ཡུལ་ཏུ་ཕེབས་ཏེ། ཆོས་དང་རིག་གནས་ཀྱི་གླེགས་བམ་རི་བོའི་གཏོས་དང་མཉམ་པ་ཞིག་བོད་ཀྱི་སྐད་དུ་བསྒྱུར་ཅིང་གདན་དྲངས་བར་བྱས།  
སངས་རྒྱས་དང་རྒྱན་དྲུག་མཆོག་གཉིས་ཀྱི་རྣམ་ཐར།

  སངས་རྒྱས་ཤཱཀྱ་ཐུབ་པ།  སངས་རྒྱས་བཅོམ་ལྡན་འདས་ལ་ཕྱགས་འཚལ་ལོ། ད་ལྟ་ནས་བརྩིས་པའི་ལོ་ཉིས་སྟོང་དྲུག་བརྒྱ་ལྷག་ཙམ་གྱི་གོང་དུ་རྒྱ་གར་བྱང་ཕྱོགས་སུ་ཤཱཀྱའི་རིགས་རྒྱུད་ཀྱི་རྒྱལ་པོ་ཟས་གཙང་ཞུ་བ་ཞིག་བྱུང༌། ཁོང་གིས་རྒྱ་གར་བྱང་ཕྱོགས་རྣམས་ལ་དབང་བསྒྱུར་བ་དང༌། རྒྱལ་པོ་ཟས་གཙང་ལ་བརྩུན་མོ་གཉིས་ཡོད། བརྩུན་མོ་ཆེ་བའི་མཚན་ལ་སྒྱུ་མ་ལྷ་མཛེས་དང༌། ཆུང་བའི་མཚན་ལ་སྐྱེ་དགུའི་བདག་མོ་ཞེས་ཟེར། ཡིན་ནའང་བཙུན་མོ་དེ་གཉིས་ལ་ཡུན་རིང་སྲས་མ་བྱུང༌། རྒྱལ་སྲིད་སྐྱོང་བར་སྲས་ངེས་པར་དུ་དགོས་པར་བརྟེན་རྒྱལ་པོ་ཟས་གཙང་གིས་ཡར་དཀོན་མཆོག་མཆོད་པ་འབུལ། མར་དབུལ་ཕོངས་ལ་སྦྱིན་པ་བཏང་པས། དེའི་རྗེས་མཚན་གཅིག་བཙུན་མོ་སྒྱུ་མ་ལྷ་མཛེས་ཀྱི་རྨི་ལམ་དུ། གླང་པོ་ཆེའི་ཕྲུ་གུ་ཁ་དོག་ཐལ་དཀར་མཆེ་བ་དྲུག་ཡོད་པ་གཅིག་དང༌།
དྲུག་པ་ཚེས་བཞི། ཆོས་སྐོར་དུས་ཆེན།

བོད་ཟླ་དྲུག་པའི་ཚེས་བཞི་ནི་བདག་ཅག་གི་སྟོན་པ་མཉམ་མེད་ཐུབ་པའི་དབང་པོས་རྡོ་རྗེ་གདན་གྱི་སྤོ་ལ་མངོན་པར་སངས་རྒྱས་ནས་ཆོས་ཀྱི་འཁོར་ལོ་བསྐོར་བའི་དུས་ལ་མ་བབས་བར་རེ་ཞིག་མི་སྨྲ་ནགས་ཀྱི་དབྱིངས་སུ་བཞུགས་པ་དང་། ལྷའི་རྒྱལ་པོ་ཚངས་པ་དང་། བརྒྱ་བྱིན་གྱིས་གསེར་གྱི་འཁོར་ལོ་རྩིབས་སྟོང་འབར་བ་དང་། ཆོས་དུང་དཀར་པོ་གཡས་སུ་འཁྱིལ་བ་ཕུལ་ཏེ་ཆོས་འཁོར་བསྐོར་བར་སྐུལ་བའི་གསོལ་བ་བཏབ་པ་ན་ཟླ་བ་དྲུག་པའི་ཚེས་བཞི་ཉིན་དུས་ལ་བབས་པར་གཟིགས་ནས་ཡུལ་ཝ་རཱ་ཎ་སཱིའི་དྲང་སྲོང་ལྷུང་བ་རི་དྭགས་ཀྱི་ནགས་སུ་ཕེབས་ནས་འཁོར་ལྔ་སྡེ་བཟང་པོར་བཀའ་དང་པོ་བདེན་བཞིའི་ཆོས་འཁོར་ཐོག་མར་བསྐོར་བའི་དུས་ཆེན་ཁྱད་འཕགས་ཅན་ལ་བརྟེན་ནས་སྟོན་པའི་བཀའ་དྲིན་རྗེས་སུ་དྲན་པའི་ཆེད་ལྷ་ལྡན་སྤྲུལ་པའི་གཙུག་ལག་ཁང་དང་།
སྡེ་པ་ཡར་རྒྱབ་པའི་སྐོར།

དཔྱིད་ཀྱི་རྒྱལ་མོའི་གླུ་དབྱངས་སུ། “ཡར་རྒྱབ་པ་ནི། ཆོས་ཀྱི་རྒྱལ་པོ་སྲོང་བཙན་སྒམ་པོའི་བློན་པོ་ཐོན་མི་སཾ་བྷོ་ཊ་ཞེས་བྱ་བ་འཇམ་དབྱངས་ཀྱི་རྣམ་པར་སྤྲུལ་པ། སྔར་བོད་དུ་ཡི་གེའི་སྲོལ་མེད་པ་ལ། རྒྱ་ཡིག་ལྔ་བཅུ་ཐམ་པ་བོད་ཡིག་སུམ་ཅུར་གཏན་ལ་འབེབས་པའི་ཤིང་རྟ་ཆེན་པོ་དེ་ཉིད་ཀྱི་གདུང་བརྒྱུད་ཡིན་ལ། ཁ་ཅིག་བྷོ་ཊ་ཞེས་སྨྲ་བ་ནི་མི་རིགས་པར་སཾ་བྷོ་དྲར་འདོད་པ་མཆིས་ནའང་། སཾ་བྷོ་ཊ་ཞེས་གངས་རིས་བསྐོར་བའི་ལྗོངས་འདིར་ལེགས་པར་སྦྱར་བ་ལྷའི་སྐད་སྨྲ་བ་ལ་འགྲན་པའི་ཟླ་ཐམས་ཅད་དང་བྲལ་བ་ཞུ་ཆེན་གྱི་ལོ་ཙཱ་བ་ཆེན་པོ་ཞ་ལུ་བ་ཆོས་སྐྱོང་བཟང་པོས་མཛད་པའི་བརྡ་སྤྲོད་པའི་བསྟན་བཅོས་ཟ་མ་ཏོག་ཏུ། གངས་ཅན་ཁྲོད་པའི་བླ་མ་མཆོག །སཾ་བྷོ་ཊ་ཞེས་རབ་གྲགས་པའི། །ཞེས་གསུངས་པས་སོ།།