སྤེལ་ཞིབ་ཕྲ།

དཔལ་དུས་ཀྱི་འཁོར་ལོའི་ཆོས་སྐོར་གྱི་འབྱུང་ཁུངས་ཉེར་མཁོ་བསྡུས་པ།

རྗེ་བཙུན་ཏཱ་ར་ནཱ་ཐས་མཛད་པའི་དཔལ་དུས་ཀྱི་འཁོར་ལོའི་ཆོས་སྐོར་གྱི་བྱུང་ཁུངས་ཉེར་མཁོ་བསྡུས་པ་ལས[1]། རྒྱུད་ཐམས་ཅད་ཀྱི་མཆོག་ཏུ་གྱུར་པ་མཆོག་གི་དང་པོའི་སངས་རྒྱས་དུས་ཀྱི་འཁོར་ལོ་ནི། སྟོན་པ་ཡང་དག་པར་རྫོགས་པའི་སངས་རྒྱས་མངོན་པར་སངས་རྒྱས་པའི་ཕྱི་ལོ་ནག་པའི་ཉ་ལ། དཔལ་ལྡན་འབྲས་སྤུངས་ཀྱི་མཆོད་རྟེན་ཆེན་པོར། དཔལ་ལྡན་རྒྱུ་སྐར་གྱི་དཀྱིལ་འཁོར་ཆེན་པོ་མངོན་པར་སྤྲུལ། འཁོར་སངས་རྒྱས་བྱང་སེམས་དཔའ་བོ་མཁའ་འགྲོ་དཔག་ཏུ་མེད་པ་དང་། ལྷ་ཆེན་བཅུ་གཉིས་སོགས། ལྷ་ཀླུ་གནོད་སྦྱིན་འབྱུང་པོའི་ཚོགས་དང་། ཆུ་བོ་སཱི་ཏའི་བྱང་ཕྱོགས་གྲོང་བྱེ་བ་ཕྲག་དགུ་ཅུ་རྩ་དྲུག་གི་མིའི་འགྲོ་བ་སྐལ་ལྡན་དཔག་ཏུ་མེད་པ་འདུས་པའི་དབུས་སུ། ཕྱག་ན་རྡོ་རྗེའི་སྤྲུལ་པའི་སྐུ་རྒྱལ་པོ་ཟླ་བ་བཟང་པོས་ཞུས་པའི་ངོར་གསུངས་པ་ཡིན་ལ། དེར་རྒྱུད་འདིར་མ་ཟད། རྒྱུད་མཐའ་དག་གསུངས་ནས། ཕྱག་ན་རྡོ་རྗེ་ལ་གཏད་པ་ཡིན་ཅིང་། མི་དང་མི་མ་ཡིན་པ་བགྲང་བ་ལས་འདས་པ་འདོད་པའི་དངོས་གྲུབ་ཐོབ་པར་གྱུར། རེ་ཤིག་མིའི་འཇིག་རྟེན་གཞན་དུ་མ་དར། ཤམྦྷ་ལར་རྒྱལ་པོ་ཟླ་བ་བཟང་པོས་རྒྱུད་མཐའ་དག་གླེགས་བམ་ལ་བྲིས། དུས་ཀྱི་འཁོར་ལོའི་རྩ་རྒྱུད་མཆོག་གི་དང་པོའི་སངས་རྒྱས་སྟོང་ཕྲག་བཅུ་གཉིས་པ་ལ། འགྲེལ་བཤད་སྟོང་ཕྲག་དྲུག་ཅུ་པ་མཛད། རྒྱུ་རིན་པོ་ཆེ་སྣ་ཚོགས་པ་ལས། ལྷའི་བཟོ་བའི་འདུ་བྱེད་ཀྱིས་དཀྱིལ་འཁོར་གྱི་བཀོད་པ་ཁྲུ་བཞི་བརྒྱ་པ་བཞེངས། སྐྱེ་བོའི་ཚོགས་ལ་སྔགས་ཀྱི་ཐེག་པ་རྒྱ་ཆེར་གསུངས། མང་པོ་ཞིག་དངོས་གྲུབ་མཆོག་ལ་བཀོད། རྩ་རྒྱུད་གསུངས་པའི་དུས་ནས་ལོ་གཉིས་པ་ལ། སའི་སྙིང་པོའི་སྤྲུལ་པ་སྲས་ལྷའི་དབང་པོ་རྒྱལ་སྲིད་དུ་བསྐོས་ནས་ཆོས་ཀྱི་དབྱིངས་སུ་གཤེགས་སོ།།
དཔལ་བོ་དོང་པའི་གྲུབ་མཐའི་བྱུང་བ་རགས་བསྡུས།

དཔལ་དེ་ཁོ་ན་ཉིད་འདུས་པའི་བསྟན་པ་རིན་པོ་ཆེ་ཇི་ལྟར་བྱུང་བའི་ཚུལ་ནི། གདན་ས་ཐམས་ཅད་ཀྱི་ཡང་རྩེ་དཔལ་ལྡན་བོ་དོང་ཨེ་ཆོས་འབྱུང་བའི་རྒྱ་མཚོ་ཆེན་པོ་མཁས་པའི་ངང་པ་ཅན་དེ་ཡིན་པས། དེའི་ལོ་རྒྱུས་ནི་གཉན་ལོ་ཙཱ་བ་དར་མ་གྲགས་དེ་ཉིད་ཀྱིས་རྒྱ་གར་དུ་དམ་པའི་ཆོས་དང་ལོ་ཙཱ་བ་སློབ་པར་བྱོན་པས་སྤྱིར་རིག་པའི་གནས་ལྔ་ལ་མཁས། སྒོས་སུ་རྒྱ་མཚོའི་མཐའི་སྐད་རིགས་ལ་མཁས་པར་གྱུར་པས། བོད་དུ་ངའི་ཡོན་ཏན་གྱི་ཆེ་བ་འདོན་མཁན་དགོས་པར་འདུག་དགོངས་ནས་རྒྱ་གར་ཤར་ཕྱོགས་པའི་ཡུལ་དེའི་རྒྱལ་པོ་ལ་ཞུས་པས་རྒྱལ་པོས་རང་གི་མངའ་འོག་གི་པཎྚི་ཏ་ཐམས་ཅད་ཀྱི་གཙུག་གི་ནོར་བུ་ལྟ་བུ་པཎ་ཆེན་འབུམ་ཕྲག་གསུམ་པ་རྒྱལ་པོས་བོད་ལ་ཐེགས་པར་གསོལ་ནའང་པཎྚི་ཏ་བྱོན་མ་འདོད་པས། ལོ་ཙཱ་བས་སྒྲོན་མ་ཡིད་ཀྱི་ལྕགས་ཀྱུ་སྒྲུབ་ནས་པཎྚི་ཏའི་སེམས་བཀུག །པཎྚི་ཏས་ནམ་ཕྱེད་ལ་བཞེངས་ནས་འགྲོ་འགྲོ་བོད་ལ་འགྲོ་གསུངས་ནས་བོད་དུ་བྱོན་ནས་གཙང་དུ་འགྲོ་དོན་རྒྱས་པར་བྱུང་།
གྲུབ་མཐའ་རྒྱ་མཚོར་འཇུག་པའི་གྲུ་རྫིངས།

༄༅། །རྗེ་བཙུན་ཐམས་ཅད་མཁྱེན་པའི་གསུང་འབུམ་ཐོར་བུ་ལས་གྲུབ་མཐའ་རྒྱ་མཚོར་འཇུག་པའི་གྲུ་རྫིངས་ཞེས་བྱ་བའི་བསྟན་བཅོས་བཞུགས་སོ།། ༸རྒྱལ་བ་དགེ་འདུན་རྒྱ་མཚོ།   གྲུབ་མཐའ་རྒྱ་མཚོར་འཇུག་པའི་གྲུ་རྫིངས་ཞེས་བྱ་བའི་བསྟན་བཅོས། སྨྲ་བ་ཐམས་ཅད་ཀྱི་དབང་པོ་ཐམས་ཅད་མཁྱེན་པ་ལ་ཕྱག་འཚལ་ལོ། །ནང་པ་སངས་རྒྱས་པའི་གྲུབ་མཐའི་རྣམ་གཞག་བཤད་པ་ལ་སྤྱིར་བསྟན་པ་དང་། བྱེ་བྲག་ཏུ་བཤད་པའོ། །དང་པོ་ནི། སྟོན་པ་མཉམ་མེད་ཤཱཀྱའི་རྒྱལ་པོ་དེ་ཉིད་ཀྱིས་དང་པོར་བྱང་ཆུབ་མཆོག་ཏུ་ཐུགས་བསྐྱེད། བར་དུ་བསྐལ་པ་གྲངས་མེད་གསུམ་དུ་ཚོགས་བསགས། མཐར་རྡོ་རྗེ་གདན་གྱི་སྤོ་ལ་མངོན་པར་རྫོགས་པར་སངས་རྒྱས་ཏེ། དམན་པ་ལ་མོས་པ་རྣམས་ལ་ཆགས་བྲལ་གྱི་སྤྱོད་པ། རྒྱ་ཆེན་པོ་ལ་མོས་པ་རྣམས་ལ་ས་དང་ཕ་རོལ་ཏུ་ཕྱིིན་པའི་ཐེག་པ། ཟབ་མོ་ལ་མོས་པ་རྣམས་ལ་ཆགས་བཅས་ཀྱི་སྤྱོད་པས་ཆོས་ཀྱི་འཁོར་ལོ་ལེགས་པར་བསྐོར་ཏེ། མུ་སྟེགས་སྟོན་པ་དྲུག་ལ་སོགས་པའི་ལོག་པར་སྨྲ་བ་ཐམས་ཅད་ཟིལ་གྱིས་མནན་ནས་ལུས་ཅན་རྣམས་ཀྱི་ཕན་བདེའི་གསོས་སུ་བསྟན་པ་རིན་པོ་ཆེ་ཡུན་རིང་དུ་གནས་པར་མཛད་དོ། །
གྲུབ་མཐའ་རྒྱན་གྱི་མེ་ཏོག

༄༅། །གྲུབ་མཐའ་རྒྱན་གྱི་མེ་ཏོག་བཞུགས་སོ། །   བཅོམ་ལྡན་རིག་པའི་རལ་གྲི།   རྒྱ་གར་སྐད་དུ། སིདྡྷི་ཨནྟ་བི་བྷ་ག་ཨ་ལཾ་ཀ་ར་པུཥྤ་ན་མ།  བོད་སྐད་དུ། གྲུབ་པའི་མཐའ་རྣམ་པར་དབྱེ་བ་རྒྱན་གྱི་མེ་ཏོག་ཅེས་བྱ་བ། སངས་རྒྱས་ལ་ཕྱག་འཚལ་ལོ། །གྲུབ་པའི་མཐར་ཕྱིན་ཤེས་བྱ་ཀུན་མཁྱེན་ནས། །འགྲོ་བས་མཐོ་རིས་ཐར་པ་འགྲུབ་བྱའི་ཕྱིར། །གྲུབ་པའི་གསུང་དབྱངས་ཡན་ལག་དྲུག་བཅུ་ཡིས། །རང་གཞན་གྲུབ་མཐའ་སྟོན་པ་དེ་ལ་འདུད། །
དུང་དཀར་འཆད་ཁྲིད། ལེའུ་དགུ་པའི་འཕྲོས། ༢

ད) རིགས་པའི་རྒྱལ་པོ་རྟེན་འབྲེལ་གྱི་གཏན་ཚིགས། རང་ངོས་ནས་གྲུབ་པ་དང་རང་བཞིན་གྱིས་གྲུབ་ཡོད་ན། མེ་ལོང་ལ་རང་གིས་བལྟས་མིན་ལ་མ་ལྟོས་པར་གཟུགས་བརྙན་དེ་ཡོད་དགོས་ཀྱང་དེ་མེད། མེ་ལོང་ལ་རང་གིས་བལྟས་ན་མ་གཏོགས་གཟུགས་བརྙན་དེ་མི་འཆར་བ་དང་། ཡང་གཟུགས་བརྙན་དེ་མེ་ལོང་གི་ངོས་སུ་འཆར་བ་ལའང་རྒྱུ་རྐྱེན་མང་པོ་ཞིག་ཚང་དགོས། རྒྱུ་རྐྱེན་རྟེན་འབྲེལ་ཏེ་རྒྱུ་རྐྱེན་ཚོགས་ན་གཟུགས་བརྙན་འཆར་བ་དེ་རྟེན་འབྲེལ་ཡིན། རྟེན་འབྲེལ་ཞེས་པ་ནི་བརྟེན་ནས་བྱུང་བའམ་དེ་དང་ཕན་ཚུན་འབྲེལ་བ་ཡོད་པ་ཞིག་སྟེ། གཟུགས་བརྙན་དེ་ཡང་རྒྱུ་རྐྱེན་རྟེན་འབྲེལ་འཛོམས་པ་ལ་བརྟེན་ནས་མེ་ལོང་གི་ངོས་སུ་འཆར་བ་ལས་མེ་ལོང་རང་ཉིད་ཀྱི་ངོས་ནས་ཚུར་གྲུབ་པ་ཞིག་མིན། 
དུང་དཀར་འཆད་ཁྲིད། ལེའུ་དགུ་པའི་འཕྲོས།

༡) དབུ་མའི་ལྟ་བས་མཐའ་གཉིས་སྤོང་ཚུང་དང་། མཚན་ཉིད་རིག་པའི་ངེས་ཚིག དགེ་ལུགས་པའི་གཞུང་དུ་སྣང་བས་ཡོད་མཐའ་སེལ་བ་དང་། སྟོང་པས་མེད་མཐའ་སེལ། ཞེས་གསུངས་པ་ཞིག་ཡོད། ཁ་སང་ཁ་ཉིན་ཁྱེད་རང་ཚོར་གྲུབ་མཐའ་ཁྲིད་སྐབས་གསུངས་ཡོད་ཤས་ཆེ། སྣང་བས་ཡོད་པའི་མཐའ་སེལ་བ་དང་། སྟོང་པས་མེད་པའི་མཐའ་སེལ། ཞེས་པའི་ཡོད་པའི་མཐའ་དེ་གང་རེད་ཅེ་ན། རང་བཞིན་གྱིས་གྲུབ་པ་དེ་རེད། མེད་པའི་མཐའ་དེ་རྩ་བ་ནས་མེད་པ་དེ་རེད། མེད་པའི་མཐའ་དེ་སྣང་བ་ཀུན་རྫོབ་ཅིག་ཡོད་པ་དེས་སེལ་བ་དང་། རང་བཞིན་གྱིས་མ་གྲུབ་པ་དེས་ཡོད་པའི་མཐའ་སེལ་གྱི་ཡོད་ལ། ཡོད་པའི་ཡོད་ལུགས་ཡོད་སྟངས་ཤིག་ཡོད། ཡོད་ལུགས་དངོས་གནས་པ་མ་ཡིན་པར་ཡོད་པའི་མཐའ་ཞིག་ཡོད། 
དུང་དཀར་འཆད་ཁྲིད། ལེའུ་བརྒྱད་པ་དང་དགུ་པ།

ལེའུ་བརྒྱད་པ། བསམ་གཏན་གྱི་ལེའུ། སྤྱོད་འཇུག་གི་ཤེས་རབ་ལེའུའི་སྐོར་ཆ་ཚང་ཞིག་ཁྲིད་རོགས་གསུང་གི་འདུག རྒྱས་པོ་སློབ་ཁྲིད་བྱ་རྒྱུ་ཡོང་ཐབས་མེད་པས་རྒྱས་བསྡུས་འབྲིང་ཙམ་ཞིག་འཆད་རྒྱུ་དང་། དེའི་ཞོར་ལ་ཁ་སང་དྲི་བ་ཁ་ཤས་འདུག དེ་དག་ཤེས་རབ་ལེའུ་དང་འབྲེལ་བ་ཡོད་པ་ཆགས་ཡོད། དེ་དག་གི་ལན་ཡང་མཉམ་དུ་འཐུས་པ་བྱ་རྒྱུ་ཡིན། ད་ལྟ་ང་ཚོར་སྤྱོད་འཇུག་གི་ཕྱག་དཔེ་མེད། སྤྱོད་འཇུག་གི་ཤེས་རབ་ལེའུའི་ནང་དོན་གཙོ་བོ་སྟོང་ཉིད་ཀྱི་ལྟ་བ་རེད། བསམ་གཏན་ལེའུའི་རྗེས་སུ་ཤེས་རབ་ལེའུ་ཡོང་དགོས་པ་ནི་དེ་གཉིས་བར་འབྲེལ་བ་ཞིག་ཡོད། འབྲེལ་བ་དེ་གང་འདྲ་ཞིག་རེད་ཅེ་ན། བསམ་གཏན་ལེའུའི་ནང་རང་ཉིད་བློས་བཏང་ནས་གཞན་གཅེས་པར་འཛིན་པའི་བསམ་བློ་དེ་གཙོ་བོ་བཤད་ཡོད། རང་གཅེས་པར་འཛིན་པའི་བསམ་བློ་ཡོང་བའི་རྩ་བ་དེ་མེད་པ་བཟོ་དགོས་ཤིང་། རང་གཅེས་པར་འཛིན་པའི་བསམ་བློ་དེ་གང་ཟག་གི་བདག་འཛིན་ལས་བྱུང་བ་རེད།