སྤེལ་ཞིབ་ཕྲ།

དབུ་མ་རྩ་ཤེར་རྒྱན་གྱི་མེ་ཏོག

༅། །དབུ་མ་རྩ་ཤེར་རྒྱན་གྱི་མེ་ཏོག་བཞུགས་སོ། །   བཅོམ་ལྡན་རིག་པའི་རལ་གྲི།   རྒྱ་གར་སྐད་དུ། པྲཛྙཱ་མཱུ་ལ་མ་དྷྱ་ཨ་ལཾ་ཀཱ་ར་པུཥྤ་ནཱ་མ། བོད་སྐད་དུ། དབུ་མ་རྩ་བ་ཤེས་རབ་རྒྱན་གྱི་མེ་ཏོག་ཅེས་བྱ་བ། ཕྱོགས་བཅུ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ཇི་བཞིན་ཇི་སྙེད་མཁྱེན་པའི་ཡེ་ཤེས་ཀྱིས། །འཁོར་འདས་ཆོས་ཀུན་མཐའ་གཉིས་དང་བྲལ་བར། །གཟིགས་ནས་མཐའ་གཉིས་ལྟ་བའི་མུན་སེལ་བ། །སྟོན་པ་ཉི་མའི་གཉེན་ལ་གུས་ཕྱག་འཚལ། །རྒྱལ་བས་ལུང་བསྟན་ས་རབ་དགའ་བ་ཐོབ། །རྒྱལ་སྲས་ཀླུ་སྒྲུབ་ཇི་ལྟར་བཞེད་པའི་གཞུང་། །རྟག་དང་ཆད་པར་སྨྲ་བའི་ལུགས་སྤངས་ཏེ། །བདེན་གཉིས་མི་འགལ་དབུ་མའི་ལུགས་སུ་བཤད། །
དབུ་མ་རྒྱན་གྱི་རྣམ་པར་བཤད་པ་ཚིག་དོན་གསལ་བའི་མེ་ཏོག

༄༅། །དབུ་མ་རྒྱན་གྱི་རྣམ་པར་བཤད་པ་ཚིག་དོན་གསལ་བའི་མེ་ཏོག་ཅེས་བྱ་བ་བཞུགས་སོ།།   བཅོམ་ལྡན་རིག་པའི་རལ་གྲི།   རྒྱ་གར་སྐད་དུ། མ་དྷྱ་མ་ཀ་ཨ་ལཾ་ཀ་ར་ཏིས་དཾ་ཨརྠ་ཨ་ལོ་ཀ་པུཥྤ་ན་མཿ བོད་སྐད་དུ་དབུ་མ་རྒྱན་གྱི་འགྲེལ་པ་ཚིག་དོན་གསལ་བའི་མེ་ཏོག་ཅེས་བྱ་བ། སངས་རྒྱས་ལ་ཕྱག་འཚལ་ལོ། །ཡོད་མེད་མཐར་འཛིན་ལྟ་བ་ཡི། །དྲྭ་བ་འཇོམས་བྱེད་ཆོས་སྟོན་པ། །སངས་རྒྱས་ཀུན་ལ་ཕྱག་འཚལ་ནས། །མཐའ་བྲལ་དབུ་མའི་རྒྱན་འདི་བཤད། །

༄༅། །རྣལ་འབྱོར་སྤྱོད་པ་བཞི་བརྒྱ་པ་རྒྱན་གྱི་མེ་ཏོག་ཅེས་བྱ་བ་བཞུགས་སོ། །   བཅོམ་ལྡན་རིག་པའི་རལ་གྲི།   རྒྱ་གར་སྐད་དུ། བོ་དྷི་སཏྭ་ཡོ་ག་ཙརྻ་ཙ་ཏུ་ཤ་ཏ་ཀ་ཨ་ལཾ་ཀ་ར་པུཥྤ་ནཱ་མཿ བོད་སྐད་དུ། བྱང་ཆུབ་སེམས་དཔའི་རྣལ་འབྱོར་སྤྱོད་པ་བཞི་བརྒྱ་པའི་རྒྱན་གྱི་མེ་ཏོག་ཅེས་བྱ་བ། ཕྱོགས་བཅུ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འཁོར་འདས་བླང་དོར་གནས་རྣམས་མ་ལུས་པ། །སྒྲིབ་གཉིས་ཟད་པའི་ཡེ་ཤེས་མངོན་སུམ་གྱིས། །ཇི་བཞིན་རྟོགས་ནས་འགྲོ་ལ་ཐུགས་བརྩེ་བས། །སྟོན་པ་རྫོགས་སངས་རྒྱས་ལ་གུས་ཕྱག་འཚལ། །སིང་ག་གླིང་དུ་པདྨོ་ལས་འཁྲུངས་ཤིང་། །རྒྱལ་བས་ལུང་བསྟན་འཕགས་པའི་གནས་ཐོབ་ནས། །བརྩེ་ལྡན་རང་གི་སྤྱན་ཡང་སྦྱིན་མཛད་པ། །རྒྱལ་སྲས་སྤྱོད་པའི་གཞུང་འདི་ཁོ་བོས་བཤད། །

སྟོང་བ་ཉིད་བདུན་ཅུ་པའི་འགྲེལ་པ། རྒྱ་གར་སྐད་དུ། ཤརྫབྲཀཤྲནཡབྲཀཤྲཏཱ་སཡབྲཀཤྲས་པཏབྲཀཤྲཏི་བྲྀ་ནསྤྲ།བྲཀཤྲབོད་སྐད་དུ། སྟོང་པ་ཉིད་བདུན་ཅུ་པའི་འགྲེལ་པ། འཕགས་པ་འཇམ་དཔལ་ཡེ་ཤེས་སེམས་དཔའ་ལ་ཕྱག་འཚལ་ལོ། །གནས་པའམ་སྐྱེ་འཇིག་ཡོད་མེད་དམ། །དམན་པའམ་མཉམ་པའམ་ཁྱད་པར་ཅན། །སངས་རྒྱས་འཇིག་རྟེན་སྙན་དབང་གིས། །གསུང་གི་ཡང་དག་དབང་གིས་མིན། །གནས་པའམ་སྐྱེ་བའམ་འཇིག་པའམ། །ཡོད་པའམ་མེད་པའམ་དམན་པའམ། །མཉམ་པའམ་ཁྱད་པར་ཅན་ཡང་རུང་སྟེ། དེ་ཐམས་ཅད་ནི་འཇིག་རྟེན་གྱི་ཐ་སྙད་ཀྱི་དབང་གིས་སངས་རྒྱས་ཀྱིས་གསུང་གི་དེ་ཁོ་ནའི་དབང་གིས་ནི་མ་ཡིན་ནོ། །འདིར་སྨྲས་པ། བདག་ཅེས་བྱ་བ་དེ་ལྟ་བུ་ལ་སོགས་པའི་མངོན་པར་བརྗོད་པ་གང་ཡིན་པ་འདི་ཅི་ནས་མེད་པ་ཞིག་ཡིན་ནམ་བདག་མེད་དོ་སྙམ་པའི་བློ་དག་ཀྱང་འཇུག་པས་བདག་ནི་གདོན་མི་ཟ་བ་ཁོ་ནར་ཡོད་དོ། །འདིར་བཤད་པ། བདག་མེད་བདག་མེད་མིན་བདག་དང༌། བདག་མེད་མིན་པས་བརྗོད་འགའ་འང་མེད། །ཅིའི་ཕྱིར་ཞེ་ན། བརྗོད་པར་བྱ་བའི་ཆོས་རྣམས་བྲཀ༡༡༠ཁཤྲཀུན༑…

སྟོང་བ་ཉིད་བདུན་ཅུ་པའི་ཚིག་ལེའུར་བྱས་པ། ཐཀཤྲ།དཾརྫཀཏཾརྫཀཔཉཆཾརྫཀཕཀནབཉབཾརྫཀབྲཕཇཾརྫམདཝཀརྒྱ་གར་སྐད་དུ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།སྟོང་པ་ཉིད་བདུན་ཅུ་པའི་ཚིག་ལེའུར་བྱས་པ་ཞེས་བྱ་ བ།།བོད་སྐད་དུ།།གནས་པའམ་སྐྱེ་འཇིག་ཡོད་མེད་དམ།།དམན་པའམ་མཉམ་དང་ཁྱད་པར་ཅན།། སངས་རྒྱས་འཇིག་རྟེན་སྙད་དབང་གིས།།གསུང་གི་ཡང་དག་དབང་གིས་མིན།།བདག་མེད་བདག་མེད་ མིན་བདག་དང༌།།བདག་མེད་མིན་པས་བརྗོད་འགའ་མེད།།བརྗོད་བྱ་མྱ་ངན་འདས་དང་མཚུངས།། དངོས་པོ་ཁྱེད་ཀྱི་དངོས་པོ་བྲཀ༢༤ཁཤྲསྟོང༌།།གང་ཕྱིར་དངོས་རྣམས་ཐམས་ཅད་ཀྱི།།རང་བཞིན་རྒྱུ་རྐྱེན་ ཚོགས་པའམ།།སོ་སོ་དངོས་པོ་ཐམས་ཅད་ལ།།ཡོད་མིན་དེ་ཕྱིར་སྟོང་པ་ཡིན།།ཡོད་ཕྱིར་ཡོད་པ་སྐྱེ་མིན་ཏེ།། མེད་ཕྱིར་མེད་པ་སྐྱེ་མ་ཡིན།།ཆོས་མི་མཐུན་ཕྱིར་ཡོད་མེད་མིན།།སྐྱེ་བ་མེད་པས་གནས་འགག་མེད།། གང་ཞིག་སྐྱེས་དེ་བསྐྱེད་བྱ་མིན།།མ་སྐྱེས་པ་ཡང་བསྐྱེད་བྱ་མིན།།སྐྱེས་པ་དང་ནི་མ་སྐྱེས་པའི།། སྐྱེ་བཞིན་པ་ཡང་བསྐྱེད་བྱ་མིན།།འབྲས་བུ་ཡོད་པས་འབྲས་ལྡན་རྒྱུ།།རྒྱུ་མིན་དང་མཚུངས་མེད་པ་ཡང༌།། མེད་དེ་ལ་ཡང་རྒྱུ་མིན་མཚུངས།།ཡོད་མིན་མེད་པའང་མིན་ན་འགལ།།དུས་གསུམ་རྣམས་སུ་འཐད་མ་ ཡིན།།གཅིག་མེད་པར་ནི་མང་པོ་དང༌།།མང་པོ་མེད་པར་གཅིག་མི་འཇུག།དེ་ཕྱིར་རྟེན་ཅིང་འབྲེལ་ འབྱུང་བའི།།དངོས་པོ་མཚན་མ་མེད་པ་ཡིན།།རྟེན་འབྱུང་ཡན་ལག་བཅུ་གཉིས་གང༌།།སྡུག་བསྔལ་ འབྲས་ཅན་དེ་མ་སྐྱེས།།སེམས་གཅིག་ལ་ཡང་མི་འཐད་ཅིང༌།།དུ་མ་ལ་ཡང་འཐད་མ་ཡིན།།རྟག་མིན་ མི་རྟག་མིན་བདག་དང༌།།བདག་མིན་གཙང་མིན་མི་གཙང་མིན།། བདེ་མིན་སྡུག་བསྔལ་མ་ཡིན་ཏེ།།དེ་ཕྱིར་ཕྱིན་ཅི་ལོག་རྣམས་མེད།།དེ་མེད་ཕྱིན་ཅི་ལོག་བཞི་ལས།། སྐྱེས་པའི་མ་རིག་མིན་སྲིད་ལས།།དེ་མེད་འདུ་བྱེད་མི་འབྱུང་ཞིང༌།།ལྷག་མ་རྣམས་ཀྱང་དེ་བཞིན་ནོ།། མ་རིག་འདུ་བྱེད་མེད་མི་འབྱུང༌།།དེ་མེད་འདུ་བྱེད་མི་འབྱུང་ཞིང༌།།ཕན་ཚུན་རྒྱུ་ཕྱིར་དེ་གཉིས་ནི།། རང་བཞིན་གྱིས་ནི་མ་གྲུབ་ཡིན།།གང་ཞིག་བདག་ཉིད་རང་བཞིན་གྱིས།།མ་གྲུབ་དེ་གཞན་ཇི་ལྟར་བསྐྱེད།།…

རྩོད་པ་བཟློག་པའི་འགྲེལ་བ། རྒྱ་གར་སྐད་དུ། པིགྲ་ཧ་བྱ་བརྟ་ནི་བྲྀ་ནསྤྲ། བོད་སྐད་དུ། རྩོད་པ་བཟློག་པའི་འགྲེལ་པ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །གལ་ཏེ་དངོས་པོ་ཐམས་ཅད་ཀྱི། །རང་བཞིན་ཀུན་ལ་ཡོད་མིན་ན། །ཁྱོད་ཀྱི་ཚིག་ཀྱང་རང་བཞིན་མེད། །རང་བཞིན་བཟློག་པར་མི་ནུས་སོ། །གལ་ཏེ་དངོས་པོ་ཐམས་ཅད་ཀྱི་རང་བཞིན་ནི་རྒྱུ་དང་རྐྱེན་དང༌། རྒྱུ་དང་རྐྱེན་ཚོགས་པ་དང་ཐ་དད་པ་ཀུན་ལ་ཡོད་པ་མ་ཡིན་པའི་ཕྱིར་དངོས་པོ་ཐམས་ཅད་སྟོང་པ་ཡིན་ཏེ། མྱུ་གུ་ནི་རྒྱུ་ས་བོན་དུ་གྱུར་པ་ལ་ཡང་མེད། རྐྱེན་ཞེས་བྱ་བས་དང་ཆུ་དང་མེ་དང་རླུང་ལ་སོགས་པ་རེ་རེ་ལ་ཡང་མེད། རྐྱེན་འདུས་པ་དག་ལ་ཡང་མེད། རྒྱུ་དང་རྐྱེན་ཚོགས་པ་དག་ལ་ཡང་མེད། རྒྱུ་དང་རྐྱེན་ཚོགས་པ་ལས་མ་གཏོགས་པ་ཐ་དད་པ་ལ་ཡང་མེད་དོ། །གང་གི་ཕྱིར་རང་བཞིན་འདི་ཐམས་ཅད་ལ་ཡང་མེད་པ་དེའི་ཕྱིར་མྱུ་གུའི་རང་བཞིན་མེད་དེ་དེ་བས་ན་སྟོང་པ་ཡིན་ནོ། །ཇི་ལྟར་མྱུ་གུ་རང་བཞིན་མེད། རང་བཞིན་མེད་པ་ཉིད་ཡིན་པའི་ཕྱིར།…

རྟེན་འབྲེལ་བསྟོད་པ། ན་མོ་གུ་རུ་མཉྫུགྛགྷོཥཡ། གང་ཞིག་གཟིགས་ཤིང་གསུང་བ་ཡིས། །མཁྱེན་དང་སྟོན་པ་བླ་ན་མེད། ། རྒྱལ་བ་རྟེན་ཅིང་འབྲེལ་བར་འབྱུང༌། །གཟིགས་ཤིང་འདོམས་པ་དེ་ལ་འདུད། ། འཇིག་རྟེན་རྒུད་པ་ཇི་སྙེད་པ། །དེ་ཡི་རྩ་བ་མ་རིག་སྟེ། ། གང་ཞིག་མཐོང་བས་དེ་ལྡོག་པ། །རྟེན་ཅིང་འབྲེལ་བར་འབྱུང་བར་གསུངས། ། དེ་ཚེ་བློ་དང་ལྡན་པ་ཡིས། །རྟེན་ཅིང་འབྲེལ་བར་འབྱུང་བའི་ལམ། ། ཁྱོད་ཀྱི་བསྟན་པའི་གནད་ཉིད་དུ། །ཇི་ལྟར་ཁོང་དུ་ཆུད་མི་འགྱུར། །…