སྤེལ་ཞིབ་ཕྲ།

དག་ཡིག་གི་བསྟན་བཅོས་འགའི་མཚན་བྱང་ཕྱོགས་བསྡུས།

དག་ཡིག་གི་བསྟན་བཅོས་ཁག་ཅིག་གི་མཚན་བྱང་།    དེ་ལ་འདིར་དག་ཡིག་གི་བསྟན་བཅོས་རྣམས་ཀྱི་མཚན་བྱང་འགོད་པ་ལ། རང་གིས་མཐོང་བ་དང་ཐོས་པའི་དག་ཡིག་གི་བསྟན་བཅོས་རྣམས་ཀྱི་མཚན་བྱང་དང་མཛད་པ་པོ་བཅས་བྲིས་ཡོད་ལ། འདིས་ཀྱང་དག་ཡིག་ལ་སློབ་གཉེར་གནང་མཁན་རྣམས་ལ་ཕན་པ་ཅུང་ཟད་རེ་ཐོགས་པར་ཤོག དག་ཡིག་ཟ་མ་ཏོག དག་ཡིག་ངག་སྒྲོན། དག་ཡིག་ཤེས་བྱ་རབ་གསལ། དག་ཡིག་མཁས་པའི་འབྱུང་གནས།

སྒང་རི་དར།    ཐོག་མའི་ཡི་གེའི་བྱུང་བ།   དེ་ལ་སྤྱིར་གནའ་བོའི་ཡི་གེའི་ཆེས་ཐོག་མ་ནི་ཨེ་ཅིབ་ཀྱི་འདྲ་གཟུགས་ཡི་གེ་ཡིན་ཞིང་། དེ་ཡང་སྤྱི་ལོའི་སྔོན་གྱི་ལོ་༣༠༠༠ཡས་མས་སུ་བྱུང་། དེ་ནི་རྟགས་དང་རི་མོ་ངེས་ཅན་ཞིག་ལ་བརྟེན་ནས་བྱ་དངོས་གང་ཞིག་གི་ནང་དོན་གང་རུང་མཚོན་བྱེད་ཅིག་ལ་ཟེར། ཕྱིས་སུ་སྒྲ་ཚིག་མཚོན་པའི་རྟགས་མཚན་ཡང་བྱུང་བ་སྟེ། དཔེར་ན། ཨེ་ཅིབ་པས་བྱ་འུག་པ་ལ་མུའུ་ཞེས་འབོད་ཅིང་། དེ་མཚོན་པའི་རྟགས་ཀྱིས་ནི་བྱ་འུག་པ་མཚོན་པར་མ་ཟད། མུའུ་ཞེས་པའི་སྒྲའང་ཞོར་དུ་བརྗོད་དགོས་པ་ལྟ་བུའོ། །འདི་དག་ནི་དེང་སྐབས་ཨེ་ཅིབ་ཀྱི་ལྷ་ཡིག་ཟེར་བའི་འདྲ་གཟུགས་ཤིག་འདུག་པ་ལ་བལྟས་ན་ཡང་ཕལ་ཆེར་ཤེས་ནུས། ཡི་གེ་འདིའི་རྨང་གཞི་བྱས་ཐོག་གནའ་བོའི་རྒྱལ་རབས་ཀྱི་དུས་སྐབས་སུ་སླེབས་པ་ན་གསལ་བྱེད་ཡི་གེ་ཉེར་བཞིར་རིམ་འགྱུར་བྱུང་ཞིང་། འདི་ནི་མིའི་རིགས་ཀྱི་ལོ་རྒྱུས་སྟེང་ཆེས་ཐོག་མར་བྱུང་པའི་སྒྲ་སྦྱོར་ཡི་གེ་རེད་ལ། རྗེས་སོར་རྒྱ་གར་དང་ནུབ་ཕྱོགས་པའི་གསལ་བྱེད་ཡི་གེ་འབྱུང་བར་རྨང་གཞི་གལ་ཆེན་བཏིངས། རང་རེ་བོད་ཀྱི་ཡི་གེ་ཡང་འདི་ནས་བརྒྱུད་དེ་བྱུང་བར་འོག་ནས་འབྱུང་ངོ་། །
བོད་ཀྱི་བརྡ་སྤྲོད་དཔེ་ཚོགས་ཆེན་མོ་དཔར་དུ་བསྐྲུན་པ།

      ཉེ་ཆར་བོད་ཀྱི་བརྡ་སྤྲོད་པའི་དཔེ་ཚོགས་ཆེན་མོ། ༼བོད་ཀྱི་བརྡ་སྤྲོད་ཕྱོགས་བསྒྲིགས།༽ཞེས་པའི་དཔེ་ཚོགས་པོད་ཕྲེང་ཉེར་ལྔའི་བདག་ཉིད་ཅན་འདི། སི་ཁྲོན་བོད་ཡིག་དཔེ་རྙིང་བསྡུ་སྒྲིག་ཁང་ནས་ཉེ་བའི་ལོ་ཤས་ཀྱི་རིང་ལ་འབད་བརྩོན་རྒྱ་ཆེར་བསྟེན་ཏེ་བསྡུ་རུབ་དང་རྩོམ་སྒྲིག་བྱས་ཤིང་། ད་ལྟ་དངོས་སུ་དཔར་དུ་བསྐྲུན་ཏེ་ལེགས་གྲུབ་བྱུང་ཡོད། དཔེ་ཚོགས་འདིར་གངས་ལྗོངས་ཁ་བ་རི་བའི་ཆོས་རིག་ཀུན་གྱི་གཞི་རྩར་གྱུར་པའི་བརྡ་སྤྲོད་པའི་བསྟན་བཅོས་སུམ་རྟགས་དག་གསུམ་དང་བརྡ་གསར་རྙིང་གི་རྣམ་གཞག་སྟོན་པའི་བསྟན་བཅོས་སྣ་ཚོགས་གཙོ་བོར་བཞུགས་པ་དང་། དུས་རབས་བདུན་པ་ནས་བཟུང་དུས་རབས་ཉི་ཤུ་པའི་བར་དུ་བྱོན་པའི་ས་དགེ་བཀའ་རྙིང་དང་བན་བོན་རིས་སུ་མ་ཆད་པའི་མཁས་དབང་དམ་པ་མང་པོས་མཛད་པའི་དཔེ་རྙིང་གཙོ་བོར་གྱུར་པ་ཇི་སྙེད་ཅིག་མཆིས་ཤིང་། ཁྱོན་སྡོམ་གཞུང་ཚན་ལྔ་བརྒྱར་ཉེ་བ་ཙམ་ཕྱོགས་གཅིག་ཏུ་བསྡུས་ཡོད།
བོད་ཀྱི་སྐད་ཡིག་འཕེལ་རྒྱས་གཏོང་ཕྱོགས་སྐོར་གྱི་ཐོག་མའི་བསམ་ཚུལ།  

རྩོམ་པ་པོ།  དུང་དཀར་བློ་བཟང་འཕྲིན།   དང་པོ།  སྤྱིར་ཡི་གེ་ཟེར་བ་གང་འདྲ་ཞིག་ལ་ངོས་འཛིན་དགོས་པའི་སྐོར།   གནའ་རབས་བོད་ཡིག་གི་དཔེ་དེབ་མང་ཆེ་བའི་ནང་བཤད་སྲོལ་ལ།  ༡ ཡི་གེ་ཟེར་བ་ནི་མིང་ཚིག་གཉིས་ཀྱི་རྩོམ་གཞིར་གྱུར་པའི་སྐད་ཀྱི་གདངས་ལ་ངོས་འཛིན་པ་དང་།  སྐད་ཀྱི་སྒྲ་གདངས་མཚོན་བྱེད་ཀྱི་རི་མོ་དེ་ལ་ཡིག་གཟུགས་ཟེར་བ་མ་གཏོགས་ཡི་གེ་ངོ་མ་མིན་ཟེར།  དེང་སང་ང་རང་ཚོའི་གོམས་གཤིས་ཐོག་ཡི་གེ་ཟེར་བའི་མིང་དེ་རྣ་བར་ཐོས་མ་ཐག་ཤོག་བུའི་ཐོག་ཏུ་བྲིས་པའི་སྐད་ཀྱི་སྒྲ་གདངས་མཚོན་བྱེད་ཀྱི་རི་མོ་དེ་ལ་གོ་བ་ལེན་གྱི་ཡོད་པ་དང་ཡི་གེ་དང་ཡིག་གཟུགས་གཉིས་གཅིག་ཡིན་པར་ངོས་འཛིན་བྱེད་ཀྱི་ཡོད་སྟབས།  བོད་ཀྱི་གནའ་རབས་དཔེ་དེབ་མང་ཆེ་བའི་ནང་མིང་ཚིག་གཉིས་ཀྱི་རྩོམ་གཞི་ཡིན་པའི་སྐད་ཀྱི་སྒྲ་གདངས་དེ་ཡི་གེ་ཡིན་ཞེས་བཤད་པ་མཐོང་དུས་གད་མོ་ཤོར་མདོག་ཁ་པོ་རེད།

དངུལ་ཆུ་དབྱངས་ཅན་གྲུབ་པའི་རྡོ་རྗེ།(༡༨༠༩-༡༨༨༧)   ཐུབ་དབང་ཆོས་ཀྱི་རྗེ་ལ་ཕྱག་འཚལ་ལོ། །གསར་རྙིང་བརྡ་ཡི་བྱེ་བྲག་ལས། །ཅུང་ཟད་ཚིག་ཏུ་བསྒྲིགས་པ་འདི། །ཤེས་ཀྱང་གསུང་རབ་དགོངས་པའི་དོན། །འབྱེད་ལ་བློ་གྲོས་ཡངས་པར་འགྱུར། །སྙམ་ནས་ཕན་པའི་བསམ་པ་ཡིས། །བཀོད་ཀྱི་གཟིགས་དང་འདི་ལྟ་སྟེ། །   བར་དུ་དགེ་བ་གཞུང་གི་དོན།   ཀྭ་ཡེ་ཀྱེ་ཧོ་བོད་པའི་བརྡ། །སྨྲོན་འདྲིན་གྲོགས་ལ་ཕུ་ནུ་སྤུན། །སྡུམ་པ་ཁྱིམ་ལ་བདོག་པ་ནོར། །ཚང་མང་ནག་ཚང་མེ་ཁང་སྟེ། །བྱ་ན་སྐྱུ་རུམ་ཚོད་མའི་མིང༌། །གཞོངས་ནི་ལྗོངས་ལ་ལྗོངས་ནི་ཡུལ། །འདོང་ནི་འགྲོ་ལ་དོང་ནི་སོང༌།…

ས་པཎ་ཀུན་དགའ་རྒྱལ་མཚན། (༡༡༨༢-༡༢༥༡) ༄༅། །ཨོཾ་སྭསྟི་སིདྡྷཾ། །འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །རྒྱ་ཆེན་བློ་ཡི་སྣང་བ་སྐྱེད། །བསམ་ལས་འདས་པའི་ཡོན་ཏན་ཅན། །གསེར་ཞུན་ཉི་མ་འཆར་ཀའི་སྐུ། །འཇམ་དཔལ་མགོན་ལ་ཕྱག་འཚལ་ལོ། །གང་ཞིག་གསུང་རབ་རྣམས་ཀྱི་དོན། །གཏན་ལ་འབེབས་པར་སྨོས་ཅི་འཚལ། །འཇིག་རྟེན་ཕལ་པའི་རྣམ་གཞག་དག །བྱེད་ཀྱང་ཚིག་གི་སྦྱོར་བ་གཅེས། །དེ་སླད་སྔོན་གྱི་མཁས་པ་ཡི། །ལེགས་བཤད་འཐོར་བ་རྣམས་བསྡུས་ཤིང༌། །སྦས་པ་རྣམས་ཀྱང་ཕྱིར་ཕྱུང་ནས། །ཀུན་གྱིས་གོ་བར་བྱ་ཕྱིར་བརྩམས། །འཕྲུལ་ཡིག་སུམ་ཅུ་ཐམ་པ་ལ། །བུ་དང་འདོགས་རྣམས་བཏགས་ནས་ཀྱང༌། །འཕུལ་ཡིག་མཐའ་རྟེན་སྦྱར་བ་ཡིས།…
དུང་དཀར་རིན་པོ་ཆེ་དང་བོད་ཀྱི་སྐད་ཡིག་མཉམ་དུ་གླེང་བ།

 དུང་དཀར་རིན་པོ་ཆེ་དང་བོད་ཀྱི་སྐད་ཡིག་མཉམ་དུ་གླེང་བ། ཕན་བདེ་སྣང་གསལ།   སྐད་ཡིག་གི་ཐོག་མའི་ལོ་རྒྱུས།   གངས་ལྗོངས་མཁས་པའི་ཁྱུ་མཆོག་སློབ་དཔོན་ཆེན་པོ་དུང་དཀར་བློ་བཟང་འཕྲིན་ལས་མཆོག་ནི་དུས་རབས་སྔ་ཕྱི་གཉིས་ཀྱི་འགྱུར་འགྲོས་ནང་བོད་ཀྱི་རིག་གནས་ཐོག་གཟེངས་སུ་ཐོན་པའི་ཕྱག་རྗེས་ཡོད་མཁན་ཞིག་རེད། ཁོང་ཕྱི་ལོ་ ༡༩༣༡ ལོར་༧གོང་ས་བཅུ་གསུམ་པ་ཆེན་པོས་1དུང་དཀར་སྐུ་ཕྲེང་བདུན་པའི་ཡང་སྲིད་དུ་ངོས་འཛིན་གནང་ཞིང་། སེར་སྨད་གྲྭ་ཚང་དུ་ཆོས་ཞུགས་ཐོག་གཞུང་ཆེན་བཀའ་པོད་ལྔ་ལ་སྤྱངས་པ་མཐར་ཕྱིན་ཏེ་ཕྱི་ལོ་ ༡༩༤༧ ལོར་ལྷ་ལྡན་སྨོན་ལམ་ཆེན་མོར་དགེ་བཤེས་ལྷ་རམས་པ་ཨང་བཞི་པའི་མཚན་བཏགས་བཞེས། རྒྱུད་སྨད་གྲྭ་ཚང་ནས་སྔགས་རམས་པ་ཨང་གཉིས་པའི་མཚན་བཞེས་དང་རྒྱུད་པའི་དགེ་བསྐོས་སོགས་རིམ་གནང་གིས་དགའ་ལྡན་ཁྲི་པའི་ཕེབས་ལམ་གྱི་རྒྱུད་རིམ་ཕལ་ཆེ་བ་བརྒྱུད་ཟིན་པ་རེད། ཕྱི་ལོ ༡༩༥༥ ནས་ཐ་སྙད་རིག་གནས་ལ་སྦྱངས་པ་མཛད་པས་བཅུ་ཕྲག་རིག་པའི་གནས་ལ་མཁྱེན་པ་ཡངས་པའི་མཁས་པ་ཆེན་པོར་གྱུར།