Featured on མི་སྣ་ངོ་སྤྲོད།

སྤེལ་ཞིབ་ཕྲ།

༸རྒྱལ་བ་བསྐལ་བཟང་རྒྱ་མཚོའི་གསང་བའི་རྣམ་ཐར་ཐུགས་རྗེའི་ཉིན་བྱེད་འདྲེན་པའི་སྐྱ་རེངས།

༄༅། །རྒྱལ་བ་ཁྱབ་བདག་རྡོ་རྗེ་འཆང་ཆེན་པོ་དང་ངོ་བོ་དབྱེར་མ་མཆིས་པ་ རྗེ་བཙུན་བློ་བཟང་བསྐལ་བཟང་རྒྱ་མཚོ་དཔལ་བཟང་པོའི་ ཞལ་སྔ་ནས་ལ་གསང་བའི་རྣམ་པར་ཐར་པའི་སྒོ་ནས་ བསྟོད་པ་ཐུགས་རྗེའི་ཉིན་བྱེད་འདྲེན་པའི་ སྐྱ་རེངས་ཞེས་བྱ་བ་ བཞུགས་སོ། །     ༄༅། །རྒྱལ་བ་ཁྱབ་བདག་རྡོ་རྗེ་འཆང་ཆེན་པོ་དང་ངོ་བོ་དབྱེར་མ་མཆིས་པ་རྗེ་བཙུན་བློ་བཟང་བསྐལ་ཟང་རྒྱ་མཚོ་དཔལ་བཟང་པོའི་ཞལ་སྔ་ནས་ལ་གསང་བའི་རྣམ་པར་ཐར་པའི་སྒོ་ནས་བསྟོད་པ་ཐུགས་རྗེའི་ཉིན་བྱེད་འདྲེན་པའི་སྐྱ་རེངས་ཞེས་བྱ་བ། རྗེ་བཙུན་བླ་མ་དམ་པ་དེ་ཉིད་ཀྱི་ཞབས་ལ་གུས་པ་ཆེན་པོས་ཕྱག་འཚལ་ལོ། །ངོ་མཚར་བསྔགས་པའི་པདྨ་དཀར་པོའི་འཕྲེང། །སྤེལ་བས་གང་ལ་ཡང་ཡང་མཆོད་པའི་སླད། །རྒྱལ་ཀུན་ནམ་ཡང་བརྩོན་པ་མི་ལྷོད་པ། །ཐུགས་རྗེའི་བདག་ཉིད་བླ་མ་དེར་ཕྱག་འཚལ། །སྲིད་པའི་འབྲོག་ཏུ་ཉམ་ཐག་འགྲོ་ཀུན་ལ། །ཐུགས་རྗེའི་ཕྱག་རིང་རྐྱོང་པས་དབུགས་འབྱིན་པ། །དཔལ་ལྡན་ཐུབ་པ་ཀུན་གྱི་མཛད་པའི་ཁུར།…
ཀུན་བདེ་གླིང་གི་རྒན་བློ་བཟང་བྱམས་པ་མཆོག་གི་སྐུ་ཚེའི་ལོ་རྒྱུས།

རྒན་ལགས་ཀྱི་ལོ་རྒྱུས་མདོར་བསྡུས། ༡༩༣༤ བོད་རབ་བྱུང་བཅུ་བདུན་ཤིང་ཁྱི་ལོའི་ཟླ་བ་བཅུ་གཉིས་པའི་ཚེས་ཉི་ཤུ་ལྔའི་ས་སྲོས་མཚམས་སུ་ལྷ་སའི་ས་སྦོག་སྒང་ཞེས་པའི་ཁུལ་འདིར་ཡབ་་་་་་་་་་དང་། ཡུམ་འཆི་མེད་གཉིས་ཀྱི་སྲས་སུ་འཁྲུངས་ཤིང་མཚན་ལ་བྱམས་པ་ཞེས་གསོལ། ཡབ་ཡུམ་གཉིས་ལ་བུ་ལྔ་ཡོད་པའི་ནང་གི་ཆུང་ཤོས་དེ་ཡིན། དགུང་ལོ་དྲུག་ནས་བཅུ་གསུམ་བར་སེ་ར་དགོན་གྱི་གྲྭ་ཚང་སྨད་ཀྱི་ཡ་གྱལ་སྨར་ཉུང་ཁང་ཚན་དུ་སྒྲིག་ཞུགས་གནང་ནས་འདོན་ཆོས་སྤྱོད་སོགས་ལ་སྦྱང་པ་གནང་། ཚེ་སྨོན་གླིང་རིན་པོ་ཆེའི་སྐུ་མདུན་ནས་དགེ་ཚུལ་གྱི་སྡོམ་པ་བཞེས་ནས་མཚན་ལ་ཡེ་ཤེས་བྱམས་པ་ཞེས་གསོལ།
འཕན་ཡུལ་ཡུང་བའི་ཁམས་པ་ལུང་པ་ཆེན་པོའི་རྣམ་ཐར།

ཁམས་པ་ལུང་པ་ཆེན་པོ་ནི།  འཕན་ཡུལ་ཡུང་བར་ 1025 ཤིང་མོ་གླང་མ་འཁྲུངས།  རུས་སྒང་།  རྟེན་དགེ་བསྙེན་ཡིན་མཚན་ཤཱཀྱ་ཡོན་ཏན།  གཞོན་པའི་དུས་སྡེ་སྣོད་ལ་ཡང་སྦྱངས་པ་མཛད་དེ།  ཉིད་ཀྱི་ཞལ་ནས།  ངས་ལྷ་ས་སྙེ་ཐང་དུ་བ་མ་ཡིན་པ་དང་རྟ་མ་ཡིན་པ་ལ་མི་ཚེ་བསྐྱལ་ཞེས་གྲགས།  སྙེ་ཐང་དུ་ཇོ་བོ་ཉིད་དང་མཇལ་ཞིང་ཕྱིས་ར་སྒྲེང་དུ་དགེ་བཤེས་སྟོན་པ་ཡུན་རིང་དུ་བསྟེན་ཅིང་སྐུ་མཆེད་གསུམ་མམ་བཞི་ཞེས་གྲགས།  པོ་ཏོ་བའི་ཞལ་ནས།  ཡུང་བའི་དགེ་བཤེས་སྒང་ཤཱཀྱ་ཡོན་ཏན་གྱིས་ཆོས་བདེན་པར་བཟུང་ནས་སྐྱབས་སུ་མཆི་བྱས་པས།  ད་ལྟ་ཡུང་བ་ལུང་པ་ན་ཁོང་ལས་བདེ་སྐྱིད་ཆེ་བ་མེད་གསུང་།  དེ་ལྟར་དགེ་བཤེས་ཁམས་ལུང་པས་དགུང་ལོ་དགུ་བཅུའི་བར་སྒྲུབ་པའི་རྒྱལ་མཚན་བཙུགས་ཤིང་སེམས་ཅན་གྱི་དོན་མཛད་ནས་ 1115 ཤིང་མོ་ལུག་དགུ་བཅུ་རྩ་གཅིག་པ་རྟའི་ཟླ་བའི་ཚེས་བཅུ་བཞི་ལ་ཁམས་ལུང་དུ་སྐུ་གཤེགས།
རྔོག་ལོ་ཙཱ་བ་བློ་ལྡན་ཤེས་རབ་དང་ཁོང་གི་བརྡ་དག་ལ་དཔྱད་པ།

རྔོག་ལོ་ཙཱ་བ་བློ་ལྡན་ཤེས་རབ་དང་ཁོང་གི་བརྡ་དག་ལ་དཔྱད་པ།   གནད་བསྡུས། རྩོམ་ཡིག་འདིའི་ནང་དུ་རྔོག་ལོ་ཙཱ་བ་བློ་ལྡན་ཤེས་རབ་ཀྱི་ལོ་རྒྱུས་རགས་བསྡུས་སུ་བརྗོད་པ་བརྒྱུད་ནས་ཁོང་གིས་བརྩམས་པའི《དག་ཡིག་ཉེར་མཁོ་བསྡུས་པའི》པར་གཞི་དང་། ནང་དོན། སྒྲིག་གཞི་བཅས་གསེད་བཀྲོལ་བྱས་ཏེ་མིང་བརྡ་ཞིབ་བརྗོད་རིག་པ་དང་ཡིག་ཚང་ཞིབ་བསྡུར་རིག་པའི་ཐབས་ལམ་སྤྱད་དེ《དག་ཡིག་ཉེར་མཁོ་བསྡུས་པའི》རིན་ཐང་དང་། དག་ཡིག་ཞིབ་བརྗོད་ཀྱི་རྣམ་པ་གླེང་བརྗོད་བྱས་ཏེ། དག་ཡིག་འདི་ནི་སུམ་རྟགས་བརྩམས་གྲུབ་རྗེས་ཀྱི་བརྡ་སྤྲོད་ཀྱི་གཞུང་གལ་ཆེན་ཞིག་ཡིན་པ་མ་ཟད། བོད་སྐད་ཡིག་སྲོལ་གཏན་འབེབས་མཛད་པའི་ཚད་ལྡན་གྱི་བསྟན་བཅོས་ཤིག་ཡིན་པའི་དགོངས་ཚུལ་གླེང་འདུག གནད་ཚིག རྔོག་བློ་ལྡན་ཤེས་རབ། དག་ཡིག་ཉེར་མཁོ་བསྡུས་པ། རིན་ཐང་།
གཡག་སྟོན་སངས་རྒྱས་དཔལ་གྱི་རྣམ་ཐར་མདོར་བསྡུས།

དཔལ་ས་སྐྱའི་གངས་ཅན་མཛེས་པར་བྱེད་པའི་རྒྱན་དགུའི་བྱེ་བྲག་མདོ་ལ་མཁས་པ་གཡག་རོང་གཞོན་གསུམ་ལས་བྱམས་མགོན་རྣམ་འཕྲུལ་གཡག་ཕྲུག་སངས་རྒྱས་དཔལ་ནི། རོང་སྟོན་ཤེས་བྱ་ཀུན་རིག་གིས་མཛད་པའི་ཀུན་མཁྱེན་གཡག་སྟོན་ཆེན་པོ་སངས་རྒྱས་དཔལ་ལ་རྣམ་ཐར་དང་མཐུན་པའི་བསྟོད་པ་ལས། སྔོན་ཚེ་མ་ག་དྷ་ཡི་གཙུག་ལག་ཏུ། །ལྔ་རིག་པཎ་ཆེན་བཅུ་ཡི་མཆོག་གྱུར་ཅིང་། །ཕྱོགས་བཞིའི་མུ་སྟེགས་སྟོན་པ་ཕམ་མཛད་ནས། །གངས་རིའི་ཁྲོད་འདིར་འཁྲུངས་ལ་ཕྱག་འཚལ་ལོ། །ཞེས་དང་། པཎ་ཆེན་ཤཱཀ་མཆོག་པའི་རྣམ་ཐར་ལས། ཉང་སྟོད་རབ་འབྱམས་པ་ལྷུན་གྲུབ་དཔལ་བཟང་པོའི་དགོངས་ཉམས་ལས། བདག་ཉིད་ཆེན་པོ་འདི་ནི་དབྱིག་གཉེན། ཆོས་གྲགས། རིན་ཆེན་འབྱུང་གནས་ཞི་བ་སྟེ་ཡོངས་སུ་གྲགས་པའི་ཤནྟི་བ་རྣམས་ཀྱི་སྐུའི་སྐྱེ་བར་དགོངས་ཤིང་བཀའ་སྩལ་དུ་བྱོན་པ་ལ་ཡང་ཀླན་ཀའི་གནས་མེད་པའོ། །
རྗེ་བཙུན་མི་ལ་རས་པ་དེ་ཉིད་ངོ་མ་སྨྱོན་པ་ཡིན་ནམ།

རྗེ་བཙུན་མི་ལ་རས་པ་དེ་ཉིད་ངོ་མ་སྨྱོན་པ་ཡིན་ནམ། རྩོམ་འབྲི་བ། ར་སེ་དཀོན་རྒྱམ། ད་ལྟ་བོད་འདིར་རྟོགས་སད་པ་དང་བསམ་བློ་བ། མི་ཆོས་འཚོ་གནས་སྨྲ་བར་རློམ་པ་དག་གིས་དྲྭ་ཚོམས་སོགས་སུ་བགྲོ་གླེང་བྱེད་པར་རློམ་ཞིང་། ནང་ཆོས་དང་ཚན་རིག་གླེང་སྟེགས་ཞེས་པའི་དྲྭ་ཚོམས་སོགས་སུ་ཁ་ཅིག་གིས་སྔོན་བྱོན་མི་སྣ་དག་ལ་དཔྱད་བརྗོད་བྱེད་སྐབས། རྗེ་བཙུན་མིད་ལ་རས་པ་ནི་རྩ་མ་ཚང་བའི་མི་དང་། མི་སྨྱོན་པ་ཅིག་ཡིན་ལུགས་ཡང་ཡང་བརྗོད་ཅིང་། བོད་ཀྱི་སྤྱི་ཚོགས་ནང་དུ་མི་བུ་རྣལ་མ་འཚོ་གནས་པའམ། འཇིག་རྟེན་པ་རྣལ་མ་ཅིག་མ་གནང་བར་མི་ཚེ་ཆོས་ལ་བསྐྱལ་བའི་བསམ་པའམ་འདུ་ཤེས་དེ་ནི་ནོར་འཁྲུལ་ཚབས་ཆེན་ཡིན་ལུགས་ཡང་ཡང་བཤད་གནང་འདུག
ཡོངས་འཛིན་ཡེ་ཤེས་རྒྱལ་མཚན་གྱི་རྣམ་ཐར།

ཡོངས་འཛིན་ཡེ་ཤེས་རྒྱལ་མཚན་གྱི་རྣམ་ཐར།   མདོ་སྔགས་རིག་གནས་དང་བཅས་པ་ལ་མི་འཇིགས་པའི་སྤོབས་པ་ཐོབ་ཅིང་། མཁས་དགུའི་གཙུག་ན་རྒྱལ་མཚན་གྱི་ཏོག་ལྟར་མངོན་པར་མཐོ་བ། བདུད་དང་ཕྱི་རོལ་རྒོལ་བ་གང་གིས་ཀྱང་འགྲན་པའི་རྔོ་མི་ཐོགས་པ་ཡོངས་འཛིན་ཡེ་ཤེས་རྒྱལ་མཚན་ཁོང་ནི། གཙང་སྟོད་སྐྱིད་གྲོང་པད་ཁུད་ནང་བའི་རིགས་སུ་ཡབ་ཚངས་པ་དཀར་པོ་དང་ཡུམ་ཚེ་རིང་དཔལ་འཛོམས་གཉིས་ཀྱི་སྲས་སུ་རབ་བྱུང་བཅུ་གཉིས་པའི་ཆུ་སྦྲུལ་ཕྱི་ལོ་ ༡༧༡༣ ལོར་དགེ་ལེགས་ཀྱི་མཚན་མ་དང་བཅས་ཏེ་སྐུ་འཁྲུངས། དགུང་ལོ་བདུན་ཏེ་ས་ཕག་ཕྱི་ལོ་  ༡༧༡༩ ལོར་ཐོས་བསམ་གླིང་གི་ཆོས་རྗེ་ཚེ་བརྟན་རྣམ་རྒྱལ་གྱི་དྲུང་དུ་དབུ་སྐྲ་གཙུག་ཕུད་ཕུལ་ཏེ་མཚན་ལ་དབུ་རྒྱན་ཆོས་འཕེལ་ཞེས་བསྩལ། ཨ་ནེས་ཀློག་བསླབས། དགུང་ལོ་བརྒྱད་དེ་ལྕགས་བྱི་ཕྱི་ལོ་  ༡༧༢༠ ལོར་གཙང་བཀྲ་ཤིས་ལྷུན་པོའི་དྲུང་རམས་པ་ནས་ཆོས་སྤྱོད་ཀྱི་རིགས་འཛིན་སྐྱོར་ཟླ་མེད་གནང༌། དགུང་ལོ་བཅུ་སྟེ་ཆུ་སྟག་ཕྱི་ལོ་ ༡༧༢༢ ལོར་གཙང་བཀྲ་ཤིས་ལྷུན་པོའི་ཆོས་སྒོར་ཞུགས་ཤིང༌། ལོ་དེར་པཎ་ཆེན་བློ་བཟང་ཡེ་ཤེས་ཀྱི་དྲུང་ནས་རབ་བྱུང་གི་སྡོམ་པ་བཞེས་པས་མཚན་ཡེ་ཤེས་རྒྱལ་མཚན་ཞེས་འདོགས་པར་གནང༌།