Featured on ཞིབ་འཇུག

སྤེལ་ཞིབ་ཕྲ།

ཕྱི་རོལ་མུ་སྟེགས་པ་དང་ནང་པ་ཆ་མཐུན་འགའི་སྐོར་ཟིན་བྲིས།

ཕྱི་རོལ་མུ་སྟེགས་པ་དང་ནང་པ་ཆ་མཐུན་འགའི་སྐོར་ཟིན་བྲིས།   ར་སེ་དཀོན་རྒྱམ། དེ་ཡང་གནའ་བོའི་རྒྱ་གར་ཡུལ་དུ་མིའི་རིགས་ཀྱི་དགོས་མཁོ་ལྟར་ཆོས་ལུགས་མང་དུ་དར་བ་ལས། བྲམ་ཟེའི་ཆོས་ལུགས་དང་དགེ་སྦྱོང་ཆོས་ལུགས་གཉིས་ནི་གྲགས་པ་ཆེ་ཤོས་གཉིས་ཡིན་ལ། བོད་ཡུལ་དུ་དར་བའི་ནང་པ་སངས་རྒྱས་པའི་བསྟན་པ་དང་། རིང་ལུགས་འདི་ཉིད་ནི་གནའ་བོའི་བྲམ་ཟེའི་ཆོས་ལུགས་ཀྱི་རིགས་རུས་མཆོག་དམན་གྱི་ལྟ་བ་ལ་སོགས་པར་ངོ་རྒོལ་མཐའ་གཅིག་བྱེད་པ་ཅིག་ཡིན་པ་དང་།
༄༅། །བོད་བཙན་པོའི་གདུང་རྒྱུད་ཨེ་ལྷ་རྒྱ་རིའི་མིང་གི་གྲུབ་ཚུལ་དང་གདུང་རྒྱུད་གང་ལས་མཆེད་ཚུལ་སྐོར་ལ་མདོ་ཙམ་དཔྱད་པ།

༄༅། །བོད་བཙན་པོ(གླང་དར་མ་འུ་དུམ་བཙན་)འི་གདུང་རྒྱུད་ཨེ་ལྷ་རྒྱ་རིའི་མིང་གི་གྲུབ་ཚུལ་དང་གདུང་རྒྱུད་གང་ལས་མཆེད་ཚུལ་སྐོར་ལ་མདོ་ཙམ་དཔྱད་པ། རྩོམ་པ་པོ། བསྟན་འཛིན་ཆོས་སྒྲོན། [ནང་དོན་གནད་བསྡུས།]དཔྱད་རྩོམ་འདིའི་ནང་ཨེ་ལྷ་རྒྱ་རི་ནི་བོད་བཙན་པོའི་གདུང་རྒྱུད་འཁྲུལ་མེད་ཅིག་ཡིན་ཚུལ་དང་། འགྲོ་མགོན་ཕག་མོ་གྲུ་པའི་དུས་ནས་(1110—1175)ད་བར་ལོ་ངོ་བརྒྱད་བརྒྱ་ལྷག་གི་རིང་ཁྲིམས་སྒོ་རང་བཙན་དུ་གནས་ཐུབ་པ་མ་ཟད། དུས་རབས་རིམ་བྱོན་གྱི་སྲིད་འཛིན་བདག་པོ་དེ་དག་གིས་སྡེ་དཔོན་མི་དྲག་གཞན་དང་མི་འདྲ་བར་མཐོང་གཟོས་བདག་རྐྱེན་དཔེ་མེད་ཇི་བཞིན་སྩོལ་གནང་མཛད་ཚུལ། ཨེ་ལྷ་རྒྱ་རིའི་མིང་གི་གྲུབ་ཚུལ་དང་དེ་ཉིད་བཙན་པོའི་གདུང་རྒྱུད་གང་ལས་མཆེད་ཚུལ་སྐོར་ལ་ལུང་དང་རིག་པས་དཔྱད་པ་ཅུང་ཟད་བྱས་ཡོད། [བརྡ་ཆད་གཙོ་བོ།] ཨེ། རྒྱ་རི། ཚ་རོང་བཙད་པོ། ལྷ་འབྲི་སྒང་། [ཀྲུང་གོའི་དཔེ་དེབ་དབྱེ་རྟགས།] K281 [ཡིག་ཚང་མཚན་བྱང་།] A [རྩོམ་གྱི་གོ་རིམ་ཨང་སྒྲིག] 1002-9060-2015-01-0016-10
༄༅། །བོ་དོང་པའི་བསྟན་པ་བྱུང་རིམ་མདོར་བསྡུས།

༄༅།།བོ་དོང་པའི་བསྟན་པ་བྱུང་རིམ་མདོར་བསྡུས།   ༈ དེ་ཡང་བོ་དོང་ཞེས་པ་ས་མིང་ཡིན་ཅིང་། ས་སྐྱ་དང་། ཇོ་ནང་སོགས་དང་འདྲ་བར་ས་མིང་གྲུབ་མཐའ་འམ་ཆོས་རྒྱུད་ལ་ ཐོགས་པ་ཞིག་ཡིན། ཨེ་ཆོས་འབྱུང་བའི་གནས་ཞེས་པ་དགོན་པའི་མིང་ཡིན། དེ་ཡང་ཨེ་དང་། ཆོས་འབྱུང་ཞེས་པ་ཡང་ས་དབྱིབས་གྲུ་གསུམ་ཡིན་པ་དང་འབྲེལ་པ་ཡོད་པ་མ་ཟད་གོང་གི་བོ་དོང་ཞེས་པ་ཡང་དེ་དང་འབྲེལ་བ་དང་ས་དབྱིབས་དེ་ནི་རྒྱལ་བའི་བསྟན་པ་སྤྱི་དང་གསང་སྔགས་དར་བ་ལ་དགེ་མཚན་མཆོག་ཏུ་ཆེ་བར་བཤད།
འབྲི་གུང་གླིང་ལོག་གི་དོན་རྐྱེན་ཞེས་པར་རགས་དཔྱད།

འབྲི་གུང་གླིང་ལོག་གི་དོན་རྐྱེན་ཞེས་པར་རགས་དཔྱད།། རྩོམ་པ་པོ།  ར་སེ་དཀོན་རྒྱམ།   དེ་ཡང་འབྲི་གུང་གླིང་ལོག་ཅེས་པ་འདི་ནི་འབྲི་གུང་ནང་ཁུལ་དུ་འཁྲུགས་པའི་དོན་མ་ཡིན་པར། ས་སྐྱའི་དབང་འཛིན་དུས་རབས་ནང་ས་སྐྱ་དང་འབྲི་གུང་ཁྲི་སྐོར་དབར་ལ་ནང་འཁྲུགས་ཚབས་ཆེན་བྱུང་སྟེ། དབུས་གཙང་བར་ལ་དམག་འཁྲུགས་བྱུང་བའི་ལོ་རྒྱུས་ཀྱི་རྗེས་ནག་གསུབ་ཐབས་བྲལ་བ་ཅིག་ཡིན་ཞིང་། དེའི་སྐོར་ལ་བོད་ཀྱི་ལོ་རྒྱུས་སྨྲ་བའི་རྩོམ་པ་པོ་གྲགས་ཅན་ཆ་རིས་སྐལ་བཟང་ཐོགས་མེད་ལགས་ཀྱིས་མཚོ་སྔོན་པོའི་དྲྭ་བའི་ཐོག འབྲི་གུང་གླིང་ལོག་ཅེས་པའི་ཆེད་རྩོམ་ལེགས་པོ་ཅིག་སྤེལ་གནང་འདུག་མོད། འོན་ཏེ་ཁོང་གི་དཔྱད་གཞིའི་དབང་གིས་ལྷོ་ཁ་ཟངས་རི་རྫོང་ཁོངས་སུ་གནས་པའི་ཕག་གྲུའི་གདན་ས་དང་། ལྷ་ས་མལ་དྲོ་གུང་མཁར་རྫོང་ཁོངས་གནས་པའི་འབྲི་གུང་གདན་ས་གཉིས་ནོར་ནས་འབྲི་གུང་གདན་སའི་བསྐོ་ཕྱོགས་མ་མཐུན་པའི་དབང་གིས་ས་འབྲིའི་དབར་ལ་རྩོད་པ་བྱུང་ཚུལ་འགྲེལ་བཤད་གནང་ཡོད་པ་འདིས། ཀློག་པ་པོ་སར་བུ་དག་ལའཁྲུལ་པ་བསྐྱེད་པའི་རྐྱེན་དུ་གྱུར་འདུག་སྙམ།
རྔོག་ལོ་ཙཱ་བ་བློ་ལྡན་ཤེས་རབ་དང་ཁོང་གི་བརྡ་དག་ལ་དཔྱད་པ།

རྔོག་ལོ་ཙཱ་བ་བློ་ལྡན་ཤེས་རབ་དང་ཁོང་གི་བརྡ་དག་ལ་དཔྱད་པ།   གནད་བསྡུས། རྩོམ་ཡིག་འདིའི་ནང་དུ་རྔོག་ལོ་ཙཱ་བ་བློ་ལྡན་ཤེས་རབ་ཀྱི་ལོ་རྒྱུས་རགས་བསྡུས་སུ་བརྗོད་པ་བརྒྱུད་ནས་ཁོང་གིས་བརྩམས་པའི《དག་ཡིག་ཉེར་མཁོ་བསྡུས་པའི》པར་གཞི་དང་། ནང་དོན། སྒྲིག་གཞི་བཅས་གསེད་བཀྲོལ་བྱས་ཏེ་མིང་བརྡ་ཞིབ་བརྗོད་རིག་པ་དང་ཡིག་ཚང་ཞིབ་བསྡུར་རིག་པའི་ཐབས་ལམ་སྤྱད་དེ《དག་ཡིག་ཉེར་མཁོ་བསྡུས་པའི》རིན་ཐང་དང་། དག་ཡིག་ཞིབ་བརྗོད་ཀྱི་རྣམ་པ་གླེང་བརྗོད་བྱས་ཏེ། དག་ཡིག་འདི་ནི་སུམ་རྟགས་བརྩམས་གྲུབ་རྗེས་ཀྱི་བརྡ་སྤྲོད་ཀྱི་གཞུང་གལ་ཆེན་ཞིག་ཡིན་པ་མ་ཟད། བོད་སྐད་ཡིག་སྲོལ་གཏན་འབེབས་མཛད་པའི་ཚད་ལྡན་གྱི་བསྟན་བཅོས་ཤིག་ཡིན་པའི་དགོངས་ཚུལ་གླེང་འདུག གནད་ཚིག རྔོག་བློ་ལྡན་ཤེས་རབ། དག་ཡིག་ཉེར་མཁོ་བསྡུས་པ། རིན་ཐང་།
ཏུན་ཧོང་ཡིག་ཚངས་སུ་གསལ་བའི་ཕྱྭའི་ཡུལ་དེ་གང་ཡིན་ནམ།

ཏུན་ཧོང་ཡིག་ཚགས་སུ་གསལ་བའི་ཕྱྭའི་ཡུལ་དེ་གང་ཡིན་ནམ། ར་སེ་དཀོན་མཆོག་རྒྱ་མཚོ། ཐོག་མར་ཆེས་གདོད་མའི་དུས་ཀྱི་ས་མིང་དང་འབྲེལ་བའི་ས་ཕྱོགས་ངོས་འཛིན་པ་ནི་ལས་སླ་པོ་ཅིག་རྩ་བ་ནས་མ་རེད། དུས་ཀྱི་ཆ་ནས་འགྱང་ཐག་ཅང་གིས་རིང་བ་དང་། ཁུངས་ཀྱི་ཆ་ནས་དེ་འབྲེལ་ལོ་རྒྱུས་ཡིག་ཆ་ཧ་ཅང་ཉུང་བའམ་དཀོན་པ་དང་། དུས་རབས་སོ་སོར་ས་མིང་འགྱུར་བ་ཐེབས་པའང་མང་བ་སོགས་ཀྱི་དབང་གིས་གསལ་པོར་རྟོགས་རྒྱུར་དཀའ་ངལ་ཧ་ཅང་ཆེན་པོ་གནས་ཡོད། འདས་དོན་ནི་འདས་དོན་ཡིན་པས་ཤེས་རུང་མ་ཤེས་རུང་ཕན་མེད་པས་བསྐྱུར་ཞོགས་ཟེར་བར་མང་ན་ཡང་། འོན་ཏེ་བོད་ཀྱི་ལོ་རྒྱུས་རིག་གནས་ཆོས་ལུགས་སོགས་ལ་མི་རིགས་མང་པོས་འདི་དག་འདས་དོན་རེད་ཅེས་མི་འཇོག་པར། སོ་སོའི་སློབ་ཆེན་ཁག་ཏུ་གནད་དོན་དཔྱད་གླེང་དང་། མི་མཐུན་པ་ལ་ཞིབ་འཇུག་བྱེད་བཞིན་འདུག
བཞད་མཐོང་སྨོན་གྱི་བཞད་ནི་འཇད་ཀྱི་སྒྲ་འགྱུར་བ་ལས་བྱུང་བ་ཡིན།

བཞད་མཐོང་སྨོན་གྱི་བཞད་ནི་འཇད་ཀྱི་སྒྲ་འགྱུར་བ་ལས་བྱུང་བ་ཡིན། རྩོམ་འབྲི་བ། ར་སེ་དཀོན་རྒྱམ།   ད་ལྟ་བོད་ཀྱི་ས་ཁྲ་དང་རྫོང་ཐོ་དང་ཡིག་ཆ་ཁག་སོགས་སུ་བཞད་མཐོང་སྨོན་རྫོང་ཞེས་པའི་ས་མིང་འདི་ནི་ཡོངས་གྲགས་ཅན་དང་རྩོད་མེད་ཡོངས་ཁྱབ་ཅན་གྱུར་ཡོད་པ་འདི་རེད། འོན་ཏེ་རང་རེས་ཡུལ་གྲུ་འདི་ཡི་མིང་འདིའི་བྱུང་ཚུལ་ལ་ཕྱིར་རྟོག་རགས་རིམ་ཅིག་བྱས་ན། ཡུལ་གྲུ་འདིར་གནའ་སྔ་མོ་ནས་མིང་འདོགས་མཁན་མེད་པའམ་བཏགས་མ་ཤེས་པར་དུས་ཡུན་རིང་པོ་ལུས་ཡོད་པ་དང་། ཕྱིས་སུ་སྟབས་ལེགས་ནས་བཞད་ཅེས་པའི་མིང་བཟང་པོ་འདི་ཉིད་ཐོགས་པའི་ཚུལ་ཡང་། གཏམ་རྒྱུད་ཧ་ཅང་སྙན་པོ་ཡིད་ལ་འབབ་པ་ཅིག་བརྩམས་གནང་མཛད་ཡོད་པ་རེད། དེ་ལ་ད་ལྟའི་ཆར་བསམས་ན། གཙང་གཡས་རུའི་ཆར་གནས་པའི་ཡུལ་འདིའི་མིང་གི་བྱུང་བར་ཕྱིར་ལྡོག་ཞུས་ན། བཞད་ཀྱི་ལུང་བཤད་སོགས་སུ་བཞད་ཅེས་པའི་མིང་འདི་ཐོགས་ཚུལ་བཀོད་པ་ལྟར་ན། སློབ་དཔོན་པདྨ་སམ་བྷ་ཝ་བོད་དུ་གདན་དྲངས་དུས་ཡུལ་འདིར་ཕེབས་པའི་ཚེ། ཞབས་བརྐྱངས་ཏེ་གཟིགས་ནས་མཛུམ་ཤོར་ནས་བཞད་པས་ན་བཞད་དུ་ཐོགས་པ་དང་། ཞལ་འཛུམ་ཅམ་དང་ཡང་ཞལ་འཛུམ་པ་དང་ཡང་ཞལ་འཛུམ་ལན་གསུམ་མཛད་པས། མཆིམས་ཤཱཀྱ་བྷ་དྲས་དེའི་རྒྱུ་རྐྱེན་གང་ཡིན་ཞུས་པས། མ་འོངས་པ་ན་རྒྱལ་པོ་དུད་འགྲོའི་མིང་ཅན་གྱིས་བསྟན་པ་བསྣུབས་སྐབས་ལུང་པ་འདིར་དགེ་བཤེས་ཅིག་གིས་བསྟན་པ་དར་བར་བྱེད་པས་འཛུམ་ཞིག་ཤོར་སོང་།
ཏུན་ཧོང་ཡིག་རྙིང་ལས་བྱུང་བའི་བཙན་པོ་རིམ་བྱོན་གྱི་ལོ་རྒྱུས།

དེ་ཡང་རྒྱ་མཚོའི་ཕྱི་ནང་གི་རིག་གནས་འདྲ་མིན་གྱི་བཙུར་གནོན་དང་ལྟ་བ་སོགས་དམིགས་ཡུལ་ཐ་དད་པའི་ཀླན་ཀའི་བར་ནས་སློབ་དཔོན་ཐོན་མི་ཟེར་བ་ལ་རྩོད་རྙོག་གི་མདའ་མོ་དཔྱིད་ཀྱི་དྲག་ཆར་བཞིན་འཕེན་བཞིན་ཡོད་ལ།ཡོད་པ་ལ་ལྷ་སྒྲུང་གི་ཤུབས་བསྐོན་ནས་དངོས་ཡོད་ལོ་རྒྱུས་ཀྱི་གཟུགས་རིས་མཐོང་མི་ཐུབ་པའམ།མེད་པ་ལ་དགོས་དབང་གིས་དྲི་མ་གོས་ཏེ་བདེན་པའི་གནས་ལུགས་དང་ར་འཕྲོད་དཀའ་བ་སོགས་ཅི་ཡིས་ལན་ཡིན་པ་མི་ཤེས་མོད།ད་བར་དུ་མཐའ་ཆོད་པ་དང་གཏིང་ཕྱིན་པའི་མཐའ་དཔྱད་ཅིག་ལར་ནས་མཐོང་མ་སོང་།འོན་ཀྱང་བབས་ལྟ་ཙམ་བྱས་ན་དེ་དག་གིས་རྐྱེན་བསླངས་པའི་ཐོན་གྱི་མི་ཆུང་གི་སྐོར་ལ་དོགས་པ་མི་འདྲ་བ་གཉིས་བསླངས་ཡོད་པར་སྙམ་མོ།དང་པོ་དེ་ནི་ཐོན་མི་ཟེར་བ་ཞིག་དོན་དངོས་སུ་སྲོང་བཙན་སྐབས་སུ་བྱུང་ཡོད་མེད་དང་།གཉིས་པ་ནི་གལ་ཏེ་བྱུང་ཡོད་ཀྱང་བོད་ཡིག་དེ་ཐོན་མིས་གསར་བཟོ་བྱས་མིན་གྱི་སྐོར་དེ་རེད།