Featured on ཞིབ་འཇུག

སྤེལ་ཞིབ་ཕྲ།

མི་ལ་རས་པར་བསྐྱར་དཔྱད་ཟེར་བ་ལ་དཔྱད་པའི་གཏམ།

མི་ལ་རས་པར་བསྐྱར་དཔྱད་ཟེར་བ་ལ་དཔྱད་པའི་གཏམ། རྩོམ་འབྲི་བ། ར་སེ་དཀོན་རྒྱམ། དེིང་སྐབས་བོད་ཀྱི་ཡུལ་ལུང་ཕྱི་ནང་གང་དུ་ཡང་གནའ་དེང་གི་འགྲོ་ལུགས་འདུག་སྟངས་དང་། སྔོན་བྱོན་དག་གི་མཛད་པ་རྣམ་ཐར་དག་ལ་དཔྱད་པའམ། ཞིབ་འཇུག་དང་དོགས་སློང་སོགས་བྱེད་པ་འདི་དག་ནི་སྤྱི་ཚོགས་ཚན་རིག་གི་འགྲོ་ལུགས་སམ་རིག་པའི་དཔྱོད་ཚུལ་ཡིན་པས། དེ་ཉིད་ཇི་ཙམ་དར་ན་དེ་ཙམ་གྱིས་སྤྱི་ཚོགས་ཀྱི་སྔ་ཕྱིའི་གནད་དོན་གསལ་རྟོགས་དང་། ཞིབ་འགྲེལ་གྱིས་གནས་ལུགས་ཇི་མ་ཇི་བཞིན་ས་ལེར་རིག་ཐུབ་པའི་ཐབས་ལམ་ཟབ་མོ་ཡིན་པས། རྒྱལ་སྤྱིའི་ཐོག་རིག་པ་དེ་ཉིད་ནི་གལ་པོ་ཆེར་རྟོགས་ནས། ཆེད་ལས་མི་སྣ་གསོ་སྐྱོང་དང་ཆེད་ལས་ལས་ཁུངས་བཙུགས་ནས་སྤྱི་ཚོགས་ཚན་རིག་གི་ནུས་པ་གང་ལེགས་འདོན་བཞིན་ཡོད། རེད་དེ། ད་ལྟ་ཕྱི་ནང་གང་དུ་འང་རང་ཉིད་དཔྱོད་ལྡན་དུ་རློམ་ཞིང་། ལོ་རྒྱུས་སྨྲ་བ་པོ་དང་སྤྱི་ཚོགས་ཀྱི་གནད་དོན་གྱི་ཁུར་ཐང་ལེན་པར་རློམ་པ་མང་ཡང་། ཡང་དག་པའི་སྤྱི་ཚོགས་ཚན་རིག་གི་རིག་པ་གང་ཡང་མི་ཤེས་པར། རང་བློ་ཚད་འཛིན་དང་རང་དྲན་ཡང་དག་ཏུ་འཛིན་པ་དག་གིས་གནའ་མི་དག་དང་རྗེ་བཙུན་མི་ལ་རས་པར་གཤེ་བ་སོགས་བྱས་ཏེ། དྲྭ་ལམ་ཁག་ཏུ་མཁས་ཉམས་སྟོན་པར་དགའ་ན་ཡང་། དོན་ལ་རང་གིས་ཡང་དག་པའི་རྒྱལ་སྤྱིར་གྲགས་པའི་ཞིབ་འཇུག་རིག་ལམ་མི་ཤེས་པའི་རང་མཚང་ཐང་མར་བརྡལ་བཞིན་པ་མ་ཚོར་འདུག་གོ།
ཡུམ་བུ་བླ་སྒང་གི་དཀར་ཆག་རྩོམ་པ་པོ་ལྕང་གླིང་བ་ཡིན་མིན་གྱི་སྐོར།

ཡུམ་བུ་བླ་སྒང་གི་དཀར་ཆག་འབྲིང་པོ་རྩོམ་པ་པོ་ལྕང་གླིང་བ་ཡིན་མིན་གྱི་སྐོར།། རྩོམ་འབྲི་བ། ར་སེ་དཀོན་རྒྱམ།   བོད་ཀྱི་ལོ་རྒྱུས་ཐོག་སྙན་གྲགས་ཆེ་བའི་ཕོ་བྲང་ཡུམ་བུ་བླ་སྒང་གི་དཀར་ཆག་སྐོར་གླེང་ན། འདི་ཉིད་ལ་དཀར་ཆག་ཅི་རིགས་ཡོད་སྲིད་པ་ལས་འདིར་གླེང་བའི་དཀར་ཆག་འབྲིང་པོ་ཞེས་པ་འདི་ནི་ལྕང་གླིང་པ་རོལ་བའི་རྡོ་རྗེའི་དབོན་པོས་བརྩམས་པ་ཅིག་ཡིན་ལ། ཉེ་རབས་བརྩམས་པའི་བོད་ཀྱི་ལོ་རྒྱུས་རགས་རིམ་གཡུ་ཡི་ཕྲེང་བ་ཞེས་པའི་དཔེ་དེབ་སྟོད་སྨད་བར་གསུམ་དུ་ཡོད་པ་ལས། སྟོད་ཆའི་ངོས་༤༡པར། ལྕང་གླང་པ་རོལ་པའི་རྡོ་རྗེས་མཛད་པའི་ཡམ་བུ་བླ་སྒང་གི་དཀར་ཆག་འབྲིང་པོ་ཞེས་གསལ་པོར་བཀོད་ཅིང་ལུང་འདྲེན་གནང་འདུག་པས། ཁོང་གི་མཚན་དེ་ཉིད་ཡོངས་ཁྱབ་ཅན་དུ་གྱུར་པ་འདི་བྱུང་ཡོད།
ཚན་རིག་གིས་སྐྱེ་བ་སྔ་ཕྱི་ལ་གནོད་མིན་དཔྱད་པ། དཀའ་ཆེན་བློ་བཟང་ཉི་མ་མཆོག

༄༅། །ཚན་རིག་གིས་སྐྱེ་བ་སྔ་ཕྱི་ལ་གནོད་མིན་དཔྱད་པ་གཟུར་གནས་དཔྱོད་ལྡན་འཇུག་ངོགས་ཞེས་བྱ་བ་བཞུགས་སོ།།    སྣ་མང་ལྟ་གྲུབ་གློག་འོད་འཚེར་བ་ཡིས། ། མཁས་རྒུ་བག་ཡངས་རྩེན་པའི་དོ་ར་ཆེར།  ། གནའ་དེང་ངོ་མཚར་ཤེས་རིག་གར་སྟེགས་སུ།  ། རྣམ་དཔྱོད་གར་སྟབས་བསྒྱུར་བའི་ཟློས་གར་བསྔགས།  ། ཟབ་རྒྱས་རིགས་ཚུལ་ཡིད་འཕྲོག་སྤྲིན་བཞོན་གཞུ།  ། རྟག་ཏུ་ཡིད་མཁར་འཆར་བའི་རིགས་སྨྲའི་བུར།  ། གང་གི་དགྱེས་ཞལ་ཟླ་བ་འཛུམ་པའི་རླབས།  ། བསྟན་པར་འཚལ་ལོ་དྷརྨ་ཀིརྟིའི་ཞབས།  །
ཀུན་མཁྱེན་ཆོས་འབྱུང་། ཆོས་འབྱུང་བསྟན་པའི་པདྨོ་རྒྱས་པའི་ཉིན་བྱེད། ཆ་ཚང་།

༄༅། །ཆོས་འབྱུང་བསྟན་པའི་པདྨོ་རྒྱས་པའི་ཉིན་བྱེད་ཅེས་བྱ་བ་བཞུགས་སོ། ། མཛད་པ་པོ། ཀུན་མཁྱེན་པདྨ་དཀར་པོ།   ༄༅། །བཅོམ་ལྡན་འདས་འཇམ་པའི་དབྱངས་ལ་ཕྱག་འཚལ་ལོ། །ཚོགས་གཉིས་གསེར་གྱི་ཁམས་ལས་རང་བྱུང་རྫོགས་པའི་སངས་རྒྱས་ལྟེ་བ་ནས། །དམ་ཆོས་རྩིབས་སྟོང་ཀུན་ཏུ་བཀྱེ་ལ་ཚོགས་མཆོག་མུ་ཁྱུད་བཟང་འཁྲིལ་བ། །གྲགས་པའི་གཟི་རྒྱས་མཁའ་ལ་བསྐོར་ཏེ་ས་གསུམ་འགྲོ་བ་མ་ལུས་པ། །ཕྱོགས་ལས་རྣམ་རྒྱལ་ཆེན་པོར་འགོད་བྱེད་དཔལ་ལྡན་དེ་ལ་ཕྱག་འཚལ་ལོ། །གང་ཞིག་དགེ་ལེགས་ཐམས་ཅད་ནི། །རྟག་ཏུ་སྦྱིན་བཞིན་འཕེལ་འགྱུར་བའི། །ཐུབ་བསྟན་དཔག་བསམ་འཁྲི་ཤིང་གི །ངོ་མཚར་གླེང་ལ་སུ་མི་གུས། །རྣམ་ཀུན་འོད་ཀྱི་རྦ་ཀློང་འཁྲུག་པ་འགྱུར་མེད་བཻ་ཌཱུརྻ་མཐིང་གའི་ངོས། །རིག་པ་བྱེ་བའི་ནོར་བུའི་ཕྲ་ཚོམ་ལུང་གི་པ་ཏྲར་སྦྱར་བའི་ཕུལ། །དཔེར་བྱ་བརྗོད་དང་བསམ་པར་མི་ནུས་མངོན་༼༢༽སུམ་དམ་པར་བདུད་རྩིའི་གཏེར། །བསྟན་པ་མུ་ཐི་ལ་ཡི་མཆོད་སྡོང་མཐུ་ཆེན་དེ་ལ་འདི་མཆོད་སྤྲིན།…
རྗེ་བཙུན་མི་ལ་རས་པའི་རྣམ་ཐར་ནི་དུས་ཕྱིས་སུ་བརྩམས་པ་ཡིན་ནམ།

  རྩོམ་འབྲི་བ། ར་སེ་དཀོན་རྒྱམ།   དེ་ལ་དགེ་བཤེས་ངག་དབང་འབྱོར་མཆོག་གིས་གཙོ་གཉེར་མཛད་པའི་ཆོས་འབྱུང་གླིང་ཞེས་པའི་དྲྭ་ཚོམས་སུ་གསུངས་ཤིང་། བཀྲ་ཤིས་འཕྲིན་སྟེགས་སུ་སྤེལ་བའི་རྒྱ་གར་ཆོས་འབྱུང་གི་དྲི་བ་དྲིས་ལན་གྱི་སྒྲ་ཕབ་སྟོད་ཆའི་དུམ་བུ་འགའ་ལ་ཉན་པས། དེར་དགེ་བཤེས་ངག་གི་དབང་ཕྱུག་གིས་གསུང་བཤད་ནང་། རྭ་ལོ་ཙཱ་བའི་རྣམ་ཐར་ཆེན་པོ་དེ་ཚར་གཅིག་ཀློག་པ་ཡིན། རྣམ་ཐར་དེ་རྗེ་བཙུན་མི་ལའི་རྣམ་ཐར་ལས་ལྷག་པ་ཅིག་རེད། རྗེ་བཙུན་མི་ལའི་རྣམ་ཐར་ནི་ཕྱིས་སུ་ཕྱིས་སུ་མཛད་པ་ཅིག་རེད། རྭ་ལོ་ཙཱ་བའི་རྣམ་ཐར་ཁོ་རང་གི་དངོས་སློབ་རྭ་ཆོས་རབ་དཔོན་སློབ་ཀྱི་མཛད་པ་ཅིག་རེད། ཅེས་ཚིག་ཐག་ཆོད་པོས་གསུང་བར་མཛད་འདུག
  རྗེས་འཇུག་ག་དང་ཡང་འཇུག་ས་གཉིས་བསྡུས་ནས་འབྲི་ཚུལ་ལ་ཅུང་ཟད་དཔྱད་པ།

༈  རྗེས་འཇུག་ག་དང་ཡང་འཇུག་ས་གཉིས་བསྡུས་ནས་འབྲི་ཚུལ་ལ་ཅུང་ཟད་དཔྱད་པ།                                      …
བོད་གནའ་རབས་གནུབས་ཀྱི་རུས་རྒྱུད་སྐོར་ལ་ཅུང་ཙམ་དཔྱད་པ།

  རིན་སྤུངས་ཉི་མ་དོན་གྲུབ། ༼ ད་ལྟའི་གཙང་རོང་རིན་སྤུངས་གནུབས་ཡུལ ༽ ནང་དོན་གནད་བསྡུས། དཔྱད་རྩོམ་འདིའི་ནང་གནུབས་ཀྱི་རུས་པའི་འབྱུང་ཚུལ་དང་ལོ་རྒྱུས་ཁྲོད་ཀྱི་འཕེལ་གྲིབས། གནས་བབས། གནུབས་ཡུལ་གྱི་ས་ཆ་གང་དུ་ངོས་འཛིན་དགོས་མིན་སོགས་ཀྱི་སྐོར་ལ་དེབ་ཐེར་འགའ་བསྡུར་བ་བྱས་ནས་དཔྱད་པ་ཅུང་ཙམ་བྱས་ཡོད། བརྡ་ཆད་གཙོ་བོ། གནུབས་ཡུལ། གནུབས་ཀྱི་རུས་རྒྱུད། གཙང་རོང་། གླེང་གཞི། ལོ་རྒྱུས་ཀྱི་ཆོས་འབྱུང་ཁག་ནང་གནུབས་ཀྱི་རུས་རྒྱུད་ནི་བོད་རྒྱལ་གཉའ་ཁྲི་བཙན་པོའི་སྔ་རོལ་ནས་བོད་ཁ་བ་ཅན་གྱི་ཞིང་ཁམས་དེར་འཚོ་སྡོད་བྱེད་པའི་གདོད་མའི་རུས་རྒྱུད་ཚོ་པ་ཞིག་ཡིན་པ་དང་དེའང་བོད་གདོད་མའི་སྤྱི་ཚོགས་སུ་ཡུལ་དེར་ཁ་ལོ་བྱེད་པའི་རྒྱལ་ཕྲན་བཅུ་གཉིས་ཀྱི་ཡ་གྱལ་ཞིག་ཡིན། གཉའ་ཁྲི་བཙན་པོ་བོད་གཡག་དྲུག་གི་རྗེར་གཤེགས་པས་ན་གྲལ་རིམ་ཐོན་འགོ་ཚུགས་ཤིང་གནུབས་རུས་རྒྱུད་དེའང་བོད་ཀྱི་ཡབ་འབངས་རུས་དྲུག་གི་ཁོངས་སུ་གཏོགས་ཡོད། དེ་ནས་རིམ་བཞིན་སྤུ་རྒྱལ་གྱི་དུས་སུ་གནུབས་ཀྱི་རུས་ལས་མཆེད་པའི་མི་སྣས་བོད་ཀྱི་ཆབ་སྲིད་ཐོག་དང་ཆོས་ལུགས་ཐོག་གནས་བབས་ངེས་ཅན་བཟུང་ཡོད། དེ་ཡང་གནུབས་ཀྱི་རུས་རྒྱུད་ཀྱི་འཕེལ་གྲིབས་དང་ད་ལྟའི་གཙང་རོང་གནུབས་ཡུལ་གྱི་ངོས་འཛིན་བཅས་ཀྱི་ཐད་ནས་རང་བློས་གང་ཐུབ་ཀྱིས་ཅུང་ཙམ་གླེང་བར་བྱ།
བོད་ཀྱི་ས་གནས་ལོ་རྒྱུས་ཐོག་གི་རྒྱལ་ཚབ་འོས་མི།

གཡང་སྒྲོན་གྱིས་བརྩམས།   འཇམ་དཔལ་གྱིས་བསྒྱུར།   [གནད་བཏུས] བོད་ཀྱི་ས་གནས་རྒྱལ་ཚབ་དང་རྒྱལ་ཚབ་ལམ་ལུགས་ཀྱིས་རྒྱལ་ཁབ་ཕྱི་ནང་གི་རྒྱལ་ཚབ་ལོ་རྒྱུས་ཐོག་ཏུ་དཔེ་མཚོན་རང་བཞིན་དང་དམིགས་བསལ་རང་བཞིན་གྱི་ནུས་པ་ཞིག་ཐོན་ཡོད་པའི་ཁར། ལོ200ཙམ་ལ་ཉེ་བའི་རིང་བོད་ཀྱི་ས་གནས་ལོ་རྒྱུས་འཕེལ་རིམ་ནང་ཤུགས་རྐྱེན་གལ་ཆེན་ཐོན་ཡོད། དཔྱད་རྩོམ་འདིའི་ནང་དུ་བོད་ཀྱི་ས་གནས་ལོ་རྒྱུས་ཐོག་གི་རྒྱལ་ཚབ་ཀྱི་སྣང་ཚུལ་དང་། རྒྱལ་ཚབ་འོས་མིའི་གོམས་སྲོལ། དེ་བཞིན་རྒྱལ་ཚབ་འོས་མིའི་དཔེ་ཁྱད་པར་ཅན་བཅས་ལ་དམིགས་ཏེ། བོད་ས་གནས་ཀྱི་རྒྱལ་ཚབ་འོས་མིའི་ཁྱད་ཆོས་ལ་ཞིབ་འཇུག་བྱས་པ་དང་འབྲེལ་པཎ་ཆེན་རིན་པོ་ཆེའི་སྐུ་ཕྲེང་དང་རྒྱལ་ཚབ་བར་གྱི་འབྲེལ་བར་དབྱེ་ཞིབ་གང་ལེགས་བྱས་ཡོད། [གནད་ཚིག] བོད། རྒྱལ་ཚབ། འོས་མི། གོམས་སྲོལ། དཔེ་ཁྱད་པར་ཅན།