Featured on ཡུལ་སྡེ།

སྤེལ་ཞིབ་ཕྲ།

ལ་སྟོད་ལྷོ་དིང་རི་ཁུལ་གྱི་དགུ་ཐུག་ངོ་སྤྲོད་མདོར་བསྡུས་ཤིག

ལ་སྟོད་ནོར་བུ། དབུང་གཙས་གཉིས་ལས་གཙང་གི་ཁོངས་གཏོགས་ལ་སྟོད་ལྷོ་དིང་རི་ཁུལ་གྱི་དགུ་ཐུག་ངོ་སྤྲོད་མདོར་བསྡུས་ཤིག་ཞུ་རྒྱུ་ལགས་ན། དེ་ཡང་ལོ་རྙིང་པའི་ཟླ་བ་མཐའ་མ་སྟེ་བོད་ཟླ་བཅུ་གཅིག་པའི་ཚེས་༢༩ཉིན་ཏེ། ལོ་གཅིག་གི་འགལ་རྐྱེན་སེལ་བར་དམིགས་ནས་གླུད་རྫོང་བྱེད་པའི་ཡུལ་སྲོལ་རྒྱ་ཁྱབ་ཆེ་བ་ཞིག་ཡོད་པ་དེ་ལ་དགུ་ཐུག་ཅེས་ཟེར། དེ་བཞིན་དགུ་ཐུག་དེ་རོལ་བཅུད་ལྡན་པ་ཞིག་ཡོང་ཆེད་རྡོལ་གཙོ་བོ་ཤ་དང། ལ་ཕུག གྲོ་མ། ཕྲུ་ར། སྔོ་ཚོད་སོགས་ཟས་རིགས་སྣ་ཁ་དགུ་ཙམ་བླུགས་སྲོལ་ཡོད། དགུ་ཐུག་བསྐོལ་བའི་སྐབས་སུ་ནམ་ཀུན་དང་མི་འདྲ་བར་དོ་སྣང་བྱེད་དགོས་ས་གཅིག་ཡོད་པ་ནི་ནང་མིའི་གྲངས་འབོར་དང་མཉམ་པར་བག་རིལ་བྱིངས་ལས་དབྱིབས་ཏོག་ཙམ་ཆེ་བ་བཟོ་སྲོལ་ཡོད། དེ་བཞིན་བག་རིལ་དེ་དག་གི་ནང་དུ་རྫས་འདྲ་མིན་བླུགས་སྲོལ་ཡོད་པ་སྟེ། རྡོ་དཀར་གོང་། བལ་དཀར། དཀར་ཡོལ། སྐུད་པ་ནང་སྒྲིམ། སྐུད་པ་ཕྱི་སྒྲིམ། སོལ་བ། སི་པན། སྲན་རིལ། རྩོང་།…
ཁ་འབབ་རྣམ་བཞིའི་ཆུ་བོ་བཞི་ལས་འཕྲོས་པའི་གཏམ་མེ་ཏོག་གི་ཕྲེང་བ།

༄༅། །ངོ་མཚར་མཁྱེན་པའི་འཁོར་ལོའི་མུ་ཁྱུད་ལ། །བརྟན་གཡོའི་ཆོས་ཀུན་ཟླུམ་པའི་དཔལ་ལྡན་པའི། །ཤེས་རབ་ནོར་བུའི་མཛོད་གྱུར་ཤཱཀྱ་ཐུབ། །སྙིང་དབུས་མི་ཤིགས་ཐིག་ལེར་རོལ་བར་མཛོད། །དེ་ལ་འདིར་སྒོམ་སྡེ་ལྷ་རམས་པ་ཐུབ་བསྟན་བསམ་གྲུབ་ཀྱིས་མཛད་པའི་སྒོམ་སྡེའི་ཚིག་མཛོད་ཆེན་མོ་ལས་ཁ་འབབ་ཀྱི་ཆུ་བོ་ཆེན་པོ་བཞི་ངོས་བཟུང་བའི་ཚུལ་ལ་དཔྱད་པར་བྱ་བ་ལ། རང་ལུགས་ཁ་འབབ་རྣམ་བཞིའི་ཆུ་བཞི་ངོས་བཟུང་བ་དང་། གཞན་ལུགས་མི་འཐད་པར་དགག་པ་དང་། དེ་ལ་རྩོད་པ་སྤོང་བའི་ཚུལ་བཤད་པ་དང་གསུམ་ལས། དང་པོ་ནི། ཁ་འབབ་རྣམ་བཞིའི་ཆུ་བོ་ཞེས་རང་རེ་བོད་ལ་གྲགས་པ་ནི། བོད་ཡུལ་གྱི་ཆུ་བཞི་ལ་ཟེར་བ་མིན་པར་རྒྱ་གར་གྱི་ཡུལ་གྱི་ཆུ་བོ་ཆེན་པོ་བཞི་ལ་གོ་བ་ནི་ཀུན་ཀྱིས་ཤེས་ལ། རྒྱ་གར་གྱི་ཆུ་བོ་དེ་བཞིའི་མགོ་བོ་ནི་བོད་ཡུལ་ནས་ཐོན་པར་གྲགས་ཤིང་ཆུ་མགོ་ངོས་འཛིན་ལུགས་མི་འདྲ་བ་ཡོད་མཆི་ཡང་དོན་ལ་དེ་ལྟར་བོད་ནས་ཐོན་པར་བྱས་ཀྱང་རུང་བར་མངོན་ནོ།།
དཔལ་ལྷའི་རི་རབ་བམ། དཔལ་ལྷའི་རི་ཁྲོད་ཀྱི་དུས་ཆེན་ངོ་སྤྲོད།

བོད་དབུས་ཁུལ་གྱི་དུས་ཆེན་ཞིག་སྟེ། བོད་ཟླ་བཅུ་པའི་ནང་ལྷ་ལྡན་སྤྲུལ་པའི་གཙུལ་ལག་ཁང་གི་གནས་སྲུང་གཙོ་བོ་དཔལ་ལྡན་ལྷ་མོའི་གསོལ་མཆོད་དུས་ཆེན་ཡིན་ཅིང། ཟླ་བ་དེའི་ཚེས་གཅིག་ནས་བཟུང་ལྷ་ས་ཁུལ་དུ་རྣམ་ཀུན་གྱི་སློང་མོ་བ་འདྲ་མིན་ཁག་ཙམ་མ་ཟད་བྱིས་པ་དང་ལྷ་ཁང་ཁག་གི་དཀོན་གཉེར་སོགས་ནས་དཔལ་ལྷའི་མདུན་ཆང་ཞེས་དངུལ་སློང་སྲོལ་ཡོད། ཚེས་བརྒྱད་དགུ་ཙམ་ནས་གཙུག་ལག་ཁང་གི་དཔལ་ལྷ་ལྕོག་ལ་རྨེ་རུ་དགོན་པའི་ཚོགས་ཡོངས་ནས་གཏོར་སྒྲུབ་ཚུགས། དེ་སྔོན་གུང་ཐང་བླ་མ་ཞང་གི་གཏེར་བཞེས་དཔལ་ལྷ་དྲག་མོའི་ཞལ་འབག་གསོལ་བའི་སྐུ་གསོབ་དེ་ན་བཟའ་དང་རྒྱན་ཆ་གཟབ་པར་སྒྲོན་ཐོག་གཙུག་ལག་ཁང་གི་ཐོག་ཁར་དཔལ་ལྷ་ལྕོག་གི་སྒོ་འགྲམ་གྱི་ཀ་ཕིབས་འོག་ཏུ་གདན་དྲངས། ཞལ་ལྷོ་རུ་གཟིགས་ནས་བཞུགས་སུ་གསོལ་བའི་མདུན་དུ་མཆོད་སྤྲིན་བཤམས། ལྷ་ས་བ་ཚོས་བསང་གསོལ་གསེར་སྐྱེམས་འབུལ་བ་སོགས་བྱེད།
གཏམ་བཟང་། གཙང་གི་སྲོལ་རྒྱུན་ཞིབ་འཇུག་དང་ལོ་རྒྱུས་ཀྱི་སྟོང་ཆ་ཁ་སྐོང་། གསར་ཐོན།

དཔེ་དེབ་གསར་ཐོན་གྱི་གཏམ་བཟང་། དེང་རབས་བོད་ཀྱི་ན་གཞོན་བསམ་བློ་བ་དང་རྩོམ་པ་པོ་ཨ་མའི་བུ་བསྟན་འཛིན་ཚེ་རིང་གིས་ཁ་སང་བཞུད་ཟིན་པའི་མི་ལོ་བཞི་ཙམ་གྱི་ནང་མཐོ་སློབ་ཀྱི་སྦྱོང་གཞིའི་སློབ་ཞོར་དུ་བྲིས་པའི་ <<གཙང་གི་སྲོལ་རྒྱུན་ཞིབ་འཇུག་དང་ལོ་རྒྱུས་ཀྱི་སྟོང་ཆ་ཁ་སྐོང་།>> ཞེས་པའི་དཔེ་དེབ་དེ། དེ་རིང་སྤྱི་ལོ་ ༢༠༡༩ ཟླ་བ་ ༡༡ ཚེས་ ༡༠ ཉིན་མཧཱ་པཎྜི་ཏ་ཟམ་གདོང་བླ་མ་བློ་བཟང་བསྟན་འཛིན་མཆོག་གིས་དབུ་འབྱེད་གནང་བ་ནི་དགའ་བ་སྒོམ་དགོས་པའི་གཏམ་བཟང་ཞིག་ཡིན་པ་མ་ཟད། རྩོམ་པ་པོ་རང་ཉིད་ལ་ཆ་མཚོན་ན། བཀྲ་ཤིས་གཉིས་བརྩེགས་སྒང་ལ་བཀྲ་ཤིས་གསུམ་བརྩེགས་ཞེས་པའི་དཔེ་ལྟར། རྟེན་འབྲེལ་བཟང་པའི་ཉིན་མོ་ཞིག་ཡིན་པར་སྨོས་ཅི་དགོས་ཨང་། དཔེ་དེབ་དེ་ནི་གཙང་གཞིས་རྩེ་རྫོང་ཁག་བཅོ་བརྒྱད་ཀྱི་ཕྱིའི་སྣོད་ཀྱི་འཇིག་རྟེན་དང་དེ་བཞིན་ནང་བཅུད་ཀྱི་འགྲོ་བ་མིའི་སྲོལ་རྒྱུན་རིག་གནས་སྣ་ཚོགས་པ་ཞིག་གི་ཐོག་ཞིབ་འཇུག་གང་ལྕོགས་ཤིག་བྱས་ཏེ། འདས་པའི་ལོ་རྒྱུས་དང་། ཐ་སྙད་སྒྲུབ་ཚུལ། རིག་གནས་ཀྱི་བྱུང་བ། ནང་བསྟན་གྱི་དགོན་རྙིང་། མི་གཞིའི་སློབ་གསོ།…
རྫོང་ཆེན་བཅུ་གསུམ་གྱི་ཡ་གྱལ་རིན་སྤུངས་རྫོང་།

དེ་ཡང་རིན་སྤུངས་ནི་དུས་རབས་བཅུ་དྲུག་པའི་ནང་བོད་ཀྱི་རྒྱལ་ས་ཡིན་ལ། རྫོང་འདི་ནི་སྐབས་དེར་བོད་ཀྱི་རྒྱལ་པོའི་ཕོ་བྲང་ཡིན། དེ་ལྟའི་རིན་སྤུངས་རྫོང་འདི་ཕལ་ཆེར་1353-1355 བར་བརྩིགས་པ་འདྲ་པོ་འདུག །ཕག་གྲུ་བྱང་ཆུབ་རྒྱལ་མཚན་གྱིས་དམག་དཔུང་འཁྲིད་དེ་དཔོན་ཆེན་རྒྱལ་བ་བཟང་པོ་ས་སྐྱའི་བཙོན་ནས་བཏོན་སྐབས། གཙང་ཕྱོགས་འདི་ཞི་བདེ་མ་བྱུང་བར་རིན་སྤུངས་འདི་ངེད་ཀྱིས་ཉ་ར་བྱེད་ཀྱི་ཡིན། ཞེས་མཁར་འདི་བརྩིགས་སུ་བཅུག་འདུག །དཔོན་ཆེན་རྒྱལ་བ་བཟང་པོས། ལུང་པ་ཆུང་ཆུང་ལ་མཁར་ཆེན་པོ་འདི་འདྲ་ཅི་ཡིན་ཞེས་དྲིས་པར། བྱང་རྒྱལ་གྱིས། ཆུ་ཞལ་མགུར་གསུམ། ལ་སྟོད་ལྷོ་བྱང་ཕྱིན་གྱི་རྐང་པ་ལ་འཇུ་བར་གདའ། ཞེས་ལན་བཏབ།
གཙང་ཁུལ་གྱི་ཤོ་བཤད་འགའ་ཞིག

དིང་རི་སྐྱིད་པོའི་གཞོང་གཞོང་ན། ། རྩྭ་སྐོར་བུ་མོ་གླུ་སྒྲ་ཤང་ཤང་རེད།། དིང་རི་སྐྱིད་པོ་མི་འདུག ། ཚོ་ལྔ་དཔོན་པོའི་འོག་རེད།། ཐིག་རྒྱག་སར་གྲིའུ་མ་ཕྱིན་ན། ། ང་ལྷམ་བཟོ་བའི་ཕྲུ་གུ་ཡིན་མདོག་མེད།། ཐིགས་པ་མི་རྒྱག་དགུ་རྒྱག ། རྒན་མོའི་སློག་ཧྲུལ་སྒང་ལ་ཐིགས་ཐིགས།། སྡིག་པའི་ཕྲུ་ཆུང་བརྒྱབ་ལ་འཁུར། ། ཁ་ནས་ཨོཾ་བཟང་མ་ཎི་འདྲེན།། རི་སྡིང་སྡིང་གླ་བ་ཉལ་ས་རེད། ། གླ་བ་ཉལ་ཐག་རིང་ན་འཆི་ལེ་རེད།། རི་ལུག་པ་ཐག་པས་མི་ཐུམ། །…
པདྨ་བཀོད། མེ་ཏོག་རྫོང་གི་གཞི་རྩའི་ངོ་སྤྲོད།

མེ་ཏོག་རྫོང་ནི་བོད་རང་སྐྱོང་ལྗོངས་ཟེར་བའི་ཤར་ལྷོའི་མཚམས་དང་།ཉིང་ཁྲི་གྲོང་ཁྱེར་གྱི་ཤར་ལྷོའི་རྒྱུད། ཡར་ཀླུང་གཙང་པོའི་སྨད་རྒྱུད། ཧི་མ་ལ་ཡའི་རི་རྒྱུད་ཤར་མ་དང་གངས་རི་དཀར་པོའི་ནུབ་ལའི་རི་རྒྱུད་དུ་གནས་ཡོད། ས་ཁོངས་ཧ་ལམ་སའི་གོ་ལའི་བྱང་གི་འཕྲེད་ཐིག27°34′ནས29°56′དང་ཤར་གྱི་གཞུང་ཐིག93°46′ནས96°05′ཐོག་ཏུ་གནས་ཡོད། རྫོང་སྲིད་གཞུང་གི་གནས་ཡུལ་མེ་ཏོག་གྲོང་རྡལ་ནི་ཧ་ལམ་སའི་གོ་ལའི་བྱང་གི་འཕྲེད་ཐིག29°19′དང་ཤར་གྱི་གཞུང་ཐིག95°19′ཐོག་ཏུ་གནས་ཡོད་ཅིང་། ས་ཁོངས་ཧྲིལ་པོའི་ཤར་ནུབ་ཀྱི་ཞེང་ཚད་ལ་སྤྱི་ལེ227དང་ལྷོ་བྱང་གི་རིང་ཚད་ལ་སྤྱི་ལེ262ཙམ་ཡོད།