སྤེལ་ཞིབ་ཕྲ།

རྩ་ཆེའི་གནའ་དཔེ་འབོར་ཆེན་རིང་མིན་སྤྲིན་ཀློག་ལམ་ནས་ལྟ་ཀློག་ཐུབ་རྒྱུའི་གཏམ་བཟང་།

༄༅། །བོད་ལྗོངས་ཀྱིས་གནའ་དཔེ་དང་ཚད་ལྡན་ཡིག་ཆ་གྲངས་གཞི་ཅན་དུ་འགྱུར་ཚད་ཇེ་མགྱོགས་སུ་གཏོང་བ་དང་ རྩ་ཆེའི་གནའ་དཔེ་འབོར་ཆེན་ཉེ་ཆར་“སྤྲིན་ཀློག”ལམ་ནས་བཀླག་ཐུབ་རྒྱུ་རེད། མི་དམངས་དྲ་བའི་འཕྲིན། ཟླ་3ཚེས་12ཉིན། གསར་འགོད་པས་བོད་རང་སྐྱོང་ལྗོངས་གནའ་དཔེ་སྲུང་སྐྱོང་ལྟེ་གནས་ནས་ཤེས་རྟོགས་བྱུང་གསལ། 2019ལོར་བོད་ལྗོངས་ཀྱིས་གནའ་དཔེ་པོ་ཏི་6000ལ་ཉེ་བའི་ཡིག་ཆ་ཡོངས་ཞིབ་ཐོ་འགོད་དང་གྲངས་གཞི་ལེགས་སྒྲིག་བྱས་ནས་ཡིག་ཚགས་སུ་བཅུག་སྟེ། བོད་ཡིག་གི་གནའ་དཔེ་ཚད་ལྡན་ཡིག་ཆ་TB6 གི་གྲངས་གཞི་ཅན་གྱི་གྲངས་མཛོད་འཛུགས་སྐྲུན་ལེགས་འགྲུབ་བྱུང་བ་དང་། གནའ་དཔེ་ཚད་ལྡན་ཡིག་ཆ་གྲངས་གཞི་ཅན་སྲུང་སྐྱོང་དང་བེད་སྤྱོད་གོམ་གང་མདུན་སྤོས་ངང་ཇེ་མགྱོགས་སུ་གཏོང་བར་སྐུལ་འདེད་བཏང་བ་རེད།
རྗེ་བཙུན་བློ་བཟང་ཐར་པ་རིན་པོ་ཆེ་མཆོག་ལ་བསྟོད་པ།

༼ བླ་མ་རིན་པོ་ཆེ་སྐུ་ཚེ་བརྟན།༽ རྩོམ་པ་པོ། རྒན་སྨོན་འདུན་ལགས།    ལང་ཚོའི་མེ་ཏོག་དབུས་སྟོད་ཡུལ་ན་བཞད་ཅིང་། མཛད་པའི་འཕྲིན་ལས་ཆོལ་གསུམ་ཀུན་ལ་ཁྱབ་པའི་དུས་ཀྱི་སྒྲོན་མེ།  །མེས་པོའི་བཀའ་དྲིན་རུས་གཏིང་ནས་གཅེས་ཉར་མཛད་པའི་བསམ་བློ་བ་ཆེན་པོ།  ཉག་ཕྲའི་དུས་འདིར་བསྟན་དང་འགྲོ་བའི་དོན་དུ་དཀའ་སྤྱད་ཀྱི་ཁུར་པོ་ལྕི་ཡང་ཞུམ་མེད་ཀྱི་སྙིང་སྟོབས་རེ་རེས་མཁས་པ་ཁྲི་ཡི་དབུས་ནས་བཞེངས་བཞིན་འགྲོ་དོན་ལ་གཞོལ།  །གཞལ་དཀའ་བའི་བཀའ་དྲིན་རེ་རེས་དབུས་གཙང་ཞིང་གི་དད་ལྡན་སེར་སྐྱ་ཡོད་དོ་ཅོག་གི་སེམས་ཁོང་ན་བརྗོད་དུ་མེད་པའི་ཚོར་མྱོང་རེ་སྦྱིན་ཞིང་རིན་ཐང་གི་མེ་ལྕེ་ལྷོག་ལྷོག་ཏུ་སྤར།  །རྒྱུ་ནོར་དང་ཁེ་སྙན་གྱིས་ནམ་ཡང་བསླུ་མྱོང་མེད་པའི་འདུལ་བའི་དོན་གྱི་བདག་པོ་ཞིག   །བླ་བྲང་དང་རྒྱས་སྤྲོས་ཀྱི་འཚོ་བར་མི་ཞེན་པའི་གྲྭ་རྐྱང་དཀྱུས་མའི་གྲལ་དུ་བཞུགས་པའི་ཤཀྱའི་དགེ་སྦྱོང་གསོན་པོ་ཞིག    །སྤྲུལ་མིང་དང་མཁན་མིང་གང་གི་གོ་ཐོབ་མི་འཛིན་པའི་བོད་ཀྱི་རྗེ་བོ་ངོ་མ་ཞིག   །
༄༅། །བླ་མ་དྲན་པའི་གདུང་དབྱངས།

 རྩོམ་པ་པོ། དཀའ་ཆེན་བློ་བཟང་ཡོན་ཏན། རྣམ་འདྲེན་བཞི་པའི་གདུང་ཚོབ་ཟླ་མེད་པ། ། སྣང་མཐའི་མགོན་པོ་ཆོས་ཀྱི་རྒྱལ་མཚན་གྱིས། ། བཀའ་ལུང་ཟབ་མོས་མཁན་ཁྲིར་མངའ་གསོལ་བ། ། མཁ༵ན་ཆེ༵ན་རྡོ༵་རྗེ༵་འཆ༵ང་ཆེན་སྙིང་ནས་དྲན། ། གཞོན་ནུའི་དུས་ནས་རྣམ་དཔྱོད་ཤེས་རབ་ཀྱིས། ། ཆོས་ཚུལ་དར་ཞིང་རྒྱས་པའི་མཛད་འཕྲིན་ནི། ། ཚུར་མཐོང་ཡུལ་ལས་འདས་ཀྱང་རྣམ་ཐར་གྱི། ། ས་བོན་ཅུང་ཞིག་བརྗོད་ལ་སྤྲོ་བ་བརྟས། ། དགུང་ལོ་བཅུ་ཕྲག་གཉིས་ཀྱི་ལྷག་པའི་དུས། ། རྣམ་འགྲེལ་ཊིག་ཆེན་ཐུགས་ལ་ཡོངས་བཟུང་ནས། ། སྣང་མཐའི་མགོན་པོ་མཆོག་ལ་རྒྱུགས་ཕུལ་བས། ། རྒྱལ་བསྟན་ཡང་དར་བྱེད་པོ་ཐུགས་མཉེས་ནས། ། བྱ་དགའ་དངོས་པོའི་བདག་རྐྱེན་ཚད་མེད་དང་། ། ཚེ་རབས་རྗེས་འཛིན་སྨོན་ཚིག་བཀའ་དྲིན་བསྐྱངས། ། གྲྭ་ཚང་གསུམ་གྱི་མཁས་མང་འདུས་པའི་དབུས། ། རྣམ་འགྲེལ་གཞུང་ལ་དམ་བཅའ་འཇོག་པའི་ཚེ། ། ཆོས་ཀྱི་གྲགས་པ་གནས་འདིར་ཕེབས་སམ་ཞེས། ། བསྟོད་བཀུར་བསྔགས་པའི་མེ་ཏོག་ཚད་མེད་གཏོར། །
མཁས་དབང་རྒན་སྙན་གྲགས་ལགས་ཀྱི་སྙན་རྩོམ། རྣམ་རྟོག

ཕ་བླ་མ་མཁྱེན་ནོ་ལམ་རིམ་པ།། ཡང་སྐྱབས་གཅིག་མཁྱེན་ནོ་འབྲོག་མིའི་ཞབས།། བུ་བློ་ཁ་ཆོས་ལ་ཕྱོགས་པ་དང་།། ཆོས་ལམ་དུ་འགྲོ་བར་བྱིན་གྱིས་རློབས།།འདི་ན་ཀུན་གྱིས་འཚོལ་བའི་རྙེད་དཀའི་གནས།། ཐོག་མེད་དུས་ནས་ད་བར་སྟོར་བ་ཡི།། དབྱིངས་རིག་འདྲེས་པའི་ལྷ་མོའི་འཛུམ་ཆུང་དེར།། ཡིན་ཡིན་མིན་མིན་བཤད་བཤད་སྣ་ཚོགས་བྱེད།།
༄༅། །མཁས་དབང་རྡོ་རྗེ་རྒྱལ་པོ་མཆོག་གི་སྐུ་ཚེའི་ལོ་རྒྱུས།

ངམ་རིང་བ་བསྟན་འཛིན་རྡོ་རྗེས་བཏུས་ཏེ་བསྒྲིགས། པར་སྐྲུན་གསལ་བཤད། མཁས་དབང་རྡོ་རྗེ་རྒྱལ་པོ་མཆོག་ནི། ལ་སྟོད་ངམ་རིང་རྫོང་དུ་ཕྱི་ལོ་ ༡༩༡༣ ལོར་འཁྲུངས་ཤིང་། བཀྲས་ལྷུན་དཀའ་ཆེན་འགྱུར་མེད་མཆོག་དང་། དཀར་ལེབ་དྲུང་ཡིག་པདྨ་རྡོ་རྗེ་སོགས་བསྟེན་ནས་མདོ་སྔགས་རིག་གནས་སོགས་ལ་གསན་བསམ་མཐར་ཕྱིན་གནང་སྟེ་མཁས་པར་གྱུར། མཁན་དྲུང་མཁྱེན་རབ་དབང་ཕྱུག་དང་། གྲོ་སྤྱི་སྤོམ་མདའ་བློ་བཟང་ཡར་འཕེལ། ཀུན་གཟིགས་༧པཎ་ཆེན་རིན་པོ་ཆེ་བཅས་ཀྱི་དྲུང་ཡིག་ཆེན་མོའི་ཞབས་ཞུ་བསྒྲུབས་ཤིང་། ཟངས་རི་རྫོང་གི་རྫོང་ཚབ་དང་། རྒྱ་དཀར་ནག་ཏུའང་ཕེབས་ཏེ་ཆོས་རིག་གི་མཛད་པ་བསྐྱངས། ས་སྐྱའི་ལྷ་ཁང་ཆེན་མོ་ཉམས་གསོའི་དོ་དམ་པ་དང་། ལས་བྱེད་སློབ་གྲྭའི་དགེ་རྒན། མི་རིགས་དཔེ་སྐྲུན་ཁང་དུ་ཡིག་སྒྱུར་དང་ཞུ་དག་པ། རིག་གསར་སྐབས་ངལ་རྩོལ་བསྒྱུར་བཀོད་དང་ལྷག་པར་སྲོག་ཁྲིམས་ཀྱང་བཅད་མྱོང་ཡོད།
དཔྱད་རྩོམ་ཕྱོགས་བསྒྲིགས་ལུང་རིགས་སྤུངས་པའི་ཚོམ་བུ། གསར་ཐོན་གྱི་གཏམ་བཟང་།

རྩོམ་པ་པོའི་ལོ་རྒྱུས་སྙིང་བསྡུས།   མིང་། བློ་བཟང་རྡོ་རྗེ། རུས། མྱང་། གྲོང་མིང་། བཞད་པ། སྨྱུག་མིང་། མྱོང་གི་ཕོ་ཉ། སྐྱེས་ཡུལ། གཞིས་ཀ་རྩེ་དགེ་ལྡིང༌། ཆུང་དུས་གཞི་རིམ་སློབ་གྲྭར་བསྐྱོད་རྗེས་གཙང་ལྗོངས་ས་ཡི་ལྟེ་བ་མྱང་སྨད་གཞིས་ཀ་རྩེའི་བཀྲ་ཤིས་ལྷུན་པོར་དཀའ་རབས་འབྱམས་པ་དགེ་བའི་བཤེས་གཉེན་དུ་མའི་ཞབས་ལ་བཏུགས་ཏེ་གཞུང་ཆེན་པོ་ཏི་ལྔའི་རྩ་བ་དང་། ཐེག་པ་ཆེན་པོ་མདོ་སྡེའི་རྒྱན། གྲུབ་མཐའི་རྩ་བ། དོན་བདུན་ཅུ། ས་ལམ་གྱི་རྣམ་གཞག་སོགས་བློ་འཛིན་བྱས། བསྡུས་གྲྭ། ཚད་མ་རྣམ་འགྲེལ། ཕར་ཕྱིན། དབུ་མ་གསར་པའི་བར་གཞུང་ཆེན་དག་ལ་སློབ་གཉེར་མཐར་ཕྱིན། ༢༠༠༧ ལོར་རྒྱ་གར་དུ་སླེབས་ནས་༸གོང་ས་༸སྐྱབས་མགོན་ཆེན་པོའི་ཐུགས་རྗེའི་བཀའ་དྲིན་འོག ཤེས་རབ་དགའ་ཚལ་གླིང་དུ་ལོ་གསུམ་རིང་སློབ་སྦྱོང་བྱས། ༢༠༡༠ ནས་ལོ་ངོ་གསུམ་གྱི་རིང་ནོར་གླིང་བོད་ཀྱི་རིག་གནས་ཆེས་མཐོའི་སློབ་གཉེར་ཁང་ནས། བོད་གཞུང་ཤེས་རིག་ལས་ཁུངས་ཀྱིས་ངོས་འཛིན་ཐོབ་པའི་རིག་གནས་རབ་འབྱམས་པ་དང་འབྲིང་རིམ་དགེ་རྒན་འོས་སྦྱོང་གི་མཐར་ཕྱིན་ལག་ཁྱེར་བླངས། ༢༠༡༣ ནས་བོད་ཀྱི་ཐུན་མོང་མ་ཡིན་པའི་རིག་གཞུང་དཔལ་ལྡན་གསོ་བ་རིག་པར་བོད་ཀྱི་སྨན་རྩིས་ཁང་དུ་ལོ་ངོ་དྲུག་རིང་སློབ་གཉེར་བྱས་ཏེ་སྨན་པ་དཀའ་བཅུ་པའི་བསླབ་པ་མཐར་སོན་བཅས་ནི། རང་གི་སློབ་གཉེར་གྱི་ལོ་རྒྱུས་སྙིང་བསྡུས་སུ།
ཆོས་ལུགས་ཀྱི་འཇིག་རྟེན་དང་བུད་མེད་ཀྱི་ལས་དབང་ཞེས་པའི་དཔེ་དེབ་གསར་ཐོན་གྱི་གཏམ་བཟང་།

རྩོམ་པ་པོ་ཉི་མ་ཚེ་རིང་ལགས་ནི། སྤྱི་ལོ་ ༡༩༩༠ ལོར་བོད་ཀྱི་རྒྱལ་ས་ལྷ་སར་སྐྱེས་ཤིང་ ༢༠༠༠ ལོར་བཙན་བྱོལ་དུ་སླེབས་ཏེ་མ་སུ་རི་བོད་ཁྱིམ་དུ་སློབ་ཞུགས་བྱས། གཞི་རིམ་སློབ་མཐར་ཕྱིན་རྗེས་ ༢༠༠༧ ལོར་ཡིག་རྒྱུགས་ཀྱི་ལམ་ནས་ཝཱ་རཱ་ཎ་སཱི་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་ལ་སློབ་ཞུགས་ཀྱིས་ ༢༠༡༨ བར་ཤཱསྟྲི་ (Shastri) ཨཱཙཱརྱ་ (Acharya) ཁྱད་འཕགས་སློབ་དཔོན་ (M.Phil) བཅས་ལེགས་པར་མཐར་ཕྱིན། ད་ལྟའི་ཆར་ནང་དོན་རིག་པའི་ཐོག་འབུམ་རམས་པའི་སློབ་གཉེར་བྱེད་བཞིན་ཡོད། ཁོང་ནི་གཞི་རིམ་སློབ་གྲྭ་ནས་བཟུང་བོད་ཀྱི་སྐད་ཡིག་ལ་དོ་སྣང་དང་དགའ་མོས་ཤུགས་ཆེར་ལྡན་པར་མ་ཟད། ཆུང་དུས་ནས་རྩོམ་ཡིག་འགྲན་སྡུར་ཁྲོད་བྱ་དགའ་འང་ཐོབ་མྱོང་ཡོད། ལྷག་པར་དུ་བོད་ཀྱི་གཙུག་ལག་སློབ་གཉེར་ཁང་དུ་ཞུགས་པ་ནས་བཟུང་ཝཱཎའི་རིག་རླབས་སོགས་ཀྱིས་གོ་སྒྲིག་ཞུས་པའི་རྩོམ་ཡིག་འགྲན་སྡུར་ཁྲོད་ཨང་རིམ་དང་པོ་དང་གཉིས་པའི་བྱ་དགའ་དང་། སྡེ་ཚན་འདྲ་མིན་གྱིས་གོ་སྒྲིག་ཞུས་པའི་དབྱིན་བོད་གཉིས་ཀྱི་བགྲོ་གླེང་ཁྲོད་ཨང་རིམ་དང་པོ་དང་གཉིས་པའི་བྱ་དགའ་ལན་འགར་ཐོབ་མྱོང་ཡོད།