སྤེལ་ཞིབ་ཕྲ།

རྗེ་བཙུན་རེ་མདའ་བ་གཞོན་ནུ་བློ་གྲོས་ལ་བསྟོད་པ།

རྗེ་རེ་མདའ་བ་གཞོན་ནུ་བློ་གྲོས་ལ་བསྟོད་པ། འཇམ་མགོན་བླ་མ་ཙོང་ཁ་པ་ཆེན་པོས་མཛད། ན་མོ་གུ་རུ་མཉྫུ་གྷོ་ཥཱཡ། མཁྱེན་རབ་གཞན་དང་སྐལ་བ་མི་མཉམ་ཞིང་། ། རིགས་པའི་ལམ་དུ་བརྩོན་པའང་མ་ལྷོད་པས། ། བསྟན་པའི་དེ་ཉིད་གཟིགས་ནས་སྟོན་པ་ལ། ། བསྒྲུབ་པའི་མཆོད་པས་དགྱེས་པ་བསྐྱེད་སླད་དུ། ། དབེན་པའི་གནས་ན་མང་དུ་ཐོས་པའི་དོན། ། ཚུལ་བཞིན་སྒྲུབ་པའི་དམ་ཆོས་བདུད་རྩིའི་རོས། ། ཡིད་ལ་སྐལ་བཟང་སྩོལ་བའི་དགོན་པ་པ། །
དཔལ་ལྡན་བླ་མ་དམ་པ་བསོད་ནམས་རྒྱལ་མཚན་དཔལ་བཟང་པོའི་བསྟོད་ཆེན།

དཔལ་ལྡན་བླ་མ་དམ་པ་བསོད་ནམས་རྒྱལ་མཚན་དཔལ་བཟང་པོའི་བསྟོད་ཆེན། མཁྱེན་རབ་མཁྱེན་རབ་དབང་ཕྱུག་འཇམ་དཔལ་བཞིན། ། ཐུགས་རྗེ་ཐུགས་རྗེ་ཆེན་པོ་ཉིད་དང་མཚུངས།། མཐུ་སྟོབས་མཐུ་སྟོབས་དབང་ཕྱུག་གསང་བདག་གི། ། དཔལ་ལྡན་དཔལ་ལྡན་བླ་མའི་ཞབས་ལ་འདུད། ། སྟོན་མཁའི་མཁའ་ལ་ཉ་བའི་ཟླ་བ་ལྟར། ། སྟོན་གཞན་རྒྱུ་སྐར་ཚོགས་རྣམས་ཟིལ་མནོན་ནས། ། སྟོན་པའི་བསྟན་པ་ལུང་དང་རྟོགས་པའི་ཆོས། ། སྟོན་པ་ཉིད་བཞིན་སྟོན་པར་མཛད་ལ་འདུད། ། ས་སྐྱོང་སོགས་ཀྱི་གཙུག་གི་རྒྱན་གྱུར་པ།། ས་སྟེང་འདི་ན་འགྲན་ཟླ་མ་མཆིས་ཀྱང་། ། ས་གཞི་ལྟ་བུར་ཐམས་ཅད་བཀུར་མཛད་པ། ། ས་གསུམ་བླ་མ་ཆོས་རྗེའི་ཞབས་ལ་འདུད།།
ཁྱེའུ་ཕ་འབོད་ཀྱི་གདུང་དབྱངས།

༄༅། །དེབ་འདི་རྩོམ་པ་པོ་སྐུ་གཤེགས་དཔའ་བོ་མཁས་དབང་རྒན་བློ་བཟང་དབང་ཕྱུག་གི་ལོ་རྒྱུས་མདོར་བསྡུས་དང༌། སྔོན་གླེང་མཚམས་སྦྱོར།     རྒན་བློ་བཟང་དབང་ཕྱུག་ནི་ནག་ཆུ་རྫོངས་ཁོངས་ཨ་མདོ་ཤོག་ཆུང་གི་འབྲོག་པའི་ཁྱིམ་ཚང་ཞིག་ཏུ་ ༡༩༡༤ རབ་བྱུང་བཅོ་ལྔ་པའི་ཤིང་སྟག་ཟླ་ ༩ ཚེས་ ༡༥ ཉིན་འཁྲུངས། ཆུང་ངུའི་དུས་ནས་ཁུལ་དེའི་གསང་འདུས་བྲག་དཀར་དགོན་ཞེས་པར་ཆོས་སྒོར་ཞུགས་ཏེ་དགོན་པ་དེ་གའི་ཆོས་སྤྱོད་སློབ་གཉེར་ཁག་ལ་འགྲུས་པར་མཛད། དགེ་ཚུལ་སློང་གི་སྡོམ་པ་རིམ་བཞིན་བཞེས།
༄༅། །རྒན་རིན་པོ་ཆེ་སྙན་གྲགས་ལགས་ལ་ཕུལ་བའི་ཚིགས་སུ་བཅད་པ་དད་སེམས་ཀྱི་རང་སྒྲ་ཞེས་བྱ་བ་བཞུགས་སོ།།

༄༅།།རྒན་རིན་པོ་ཆེ་སྙན་གྲགས་ལགས་ལ་ཕུལ་བའི་ཚིགས་སུ་བཅད་པ་དད་སེམས་ཀྱི་རང་སྒྲ་ཞེས་བྱ་བ་བཞུགས་སོ།། ནམ་ཡང་དྲན་གྱིས། ༡༽ མ་སྨད་ཚུལ་ཁྲིམས་གཙང་མའི་ས་གཞི་རུ།། མི་གཡོ་ཏིང་འཛིན་མྱུ་གུའི་རྩ་བ་བརྟན།། རྨད་བྱུང་ཤེས་རབ་འབྲས་བུའི་ཁུར་འཛིན་པ།། ཟླ་མེད་དྲིན་ཅན་བཤེས་དེ་གཏན་དུ་མཆོད།། ༢༽ དབང་སྐུར་དག་སྣང་སྤྲིན་གྱི་སྤྲོས་པ་དོར།། ལ་འུར་འདྲེན་མདོག་འུད་ཀྱི་འབྲུག་སྒྲ་སྤངས།། མཁྱེན་བརྩེ་ཆུ་ཁུར་ཀློང་ནས་ནང་ཆོས་ཀྱི།། ལྟ་སྤྱོད་སྦྲང་ཆར་སིམ་སིམ་འཇོ་ལ་འདུད།།
༄༅། །གཙང་གཞུང་རང་རེའི་རྒྱན་ཡིན།

༄༅། །གཙང་གཞུང་རང་རེའི་རྒྱན་ཡིན། རྩོམ་པ་པོ། རྣམ་གླིང་བསྟན་པ། གཙང་པའི་མི་ལ་ཆང་རག་བཏུང་ཤེད་འདུག་ཅེས་མ་གསུངས། ། གཙང་ཡུལ་ལྗོངས་ཀྱི་ཐོན་ཁུངས་གཙོ་བོ་འབྲུ་རིགས་རེད་ལགས། ། གཙང་གི་བུད་མེད་འཁེལ་འཐག་ལག་ཤེས་འདུག་ཅེས་མ་གསུངས། ། གཙང་པའི་བུ་མོ་ཨ་ཅེ་སྣང་བཟའི་རྒྱུད་འཛིན་རེད་ལགས། ། གཙང་པའི་མི་ལ་ལས་ཀའི་ཧུར་བརྩོན་འདུག་ཅེས་མ་གསུངས། ། བརྩོན་པ་སྔས་མགོར་བརྒྱབ་ནས་འདོད་དོན་སྒྲུབ་པར་བྱེད་ཀྱི། ། གཙང་པའི་མི་ལ་ཤེས་བྱ་ཡོན་ཏན་མི་འདུག་མ་གསུངས། ། གཙང་པའི་ཕོ་གཞོན་མོ་གཞོན་མགོ་བོ་དགྱེ་དགྱེར་བཞུགས་འདུག །
༄༅། །ཀ་སོགས་སུམ་ཅུ་ལ་སྤེལ་བ་བཞུགས།།

༄༅། །ཀ་སོགས་སུམ་ཅུ་ལ་སྤེལ་བ་བཞུགས།། ༄༅། །ཨོཾ་སྭ་སྟི་སིདྡྷཾ། ན་མོ་མཉྫུ་གྷོ་ཥཱ་ཡ། ཀ་ལ་པིངྐའི་དབྱངས་ལྟར་སྙན་གསུང་གིས། ། ཁ་ན་མ་ཐོའི་ཚོགས་འཇོམས་ཐར་པའི་གླིང༌། ། ག་ལ་བ་དེར་གདུལ་བྱ་འདྲེན་མཛད་ཅིང༌། ། ང་དང་ང་ཡིར་འཛིན་སྤངས་དེ་ལ་འདུད། །
ཐུབ་པའི་དབང་པོའི་རྣམ་པར་ཐར་པ་ལ་བསྟོད་པ་བདུད་དཔུང་ཕྱེ་མར་འཐག་པ།

༄༅། །བཅོམ་ལྡན་འདས་ཐུབ་པའི་དབང་པོའི་རྣམ་པར་ཐར་པ་ལ་བསྟོད་པ་བདུད་དཔུང་ཕྱེ་མར་འཐག་པ་ཞེས་བྱ་བ་བཞུགས་སོ།།[1]   བདུད་དཔུང་ཕྱེ་མར་འཐག་པ་ཞེས་བྱ་བ། བླ་མ་དང་སངས་རྒྱས་བྱང་ཆུབ་སེམས་དཔའི་ཚོགས་དང་བཅས་པ་ལ་ཕྱག་འཚལ་ལོ། །གསེར་གྱི་ལྷུན་པོ་ཉིན་བྱེད་འབུམ་གྱི་འོད། །ཀུན་ནས་འཕྲོ་བ་བས་ཀྱང་མདངས་གསལ་ཞིང་། །མཚན་དཔེའི་དཔལ་འབར་གཟི་བརྗིད་ཕུང་པོའི་སྐུ། །ཐུབ་པའི་ཞབས་པད་བདག་གི་སྤྱི་བོར་ཞོག །ཐེ་ཚོམ་དྲ་བ་མ་ལུས་གཅོད་པའི་མཚོན། །ཁམས་གསུམ་དབུགས་འབྱིན་བདུད་དཔུང་སྐྲག་མཛད་པའི། །ཐུབ་པའི་གསུང་དབྱངས་ཡན་ལག་དྲུག་ཅུའི་སྒྲས། །འགྲོ་ཀུན་མ་རིག་གཉིད་ལས་ད་ལོངས་ཤིག །
ཐུབ་པའི་བསྟོད་པ་ལུང་ཀུན་ལས་བཏུས་པ།

  ༩༽ ཐུབ་པའི་བསྟོད་པ་ལུང་ཀུན་ལས་བཏུས་པ།[1]   ཐམས་ཅད་མཁྱེན་པ་ལ་ཕྱག་འཚལ་ལོ། །གཅིག་ཏུ་དཀར་བའི་ལྷག་བསམ་ལན་གཅིག་མིན་པར་གོམས་མཛད་འགྲོ་ཀུན་བུ་གཅིག་ལྟར་དགོངས་ཐུགས་རྗེ་ཅན། །གཅིག་དང་དུ་མའི་ཆོས་ཀུན་གཅིག་དང་དུ་མ་དང་བྲལ་ཆོས་དབྱིངས་ངང་དུ་རོ་གཅིག་ཉིད་དགོངས་ཏེ། །སྐད་ཅིག་གཅིག་ཀྱང་གཡེལ་བ་མེད་པར་རྩེ་གཅིག་ཉིད་དུ་མཉམ་པར་བཞག་པས་སྲུང་བ་གཅིག་པུ་བ། །བདུད་དཔུང་གཅིག་ཏུ་མཐར་མཛད་ཉག་གཅིག་དཔའ་བ་མཚུངས་མེད་སྟོན་པ་གཅིག་པུ་དེ་ལ་འདུད། །