སྤེལ་ཞིབ་ཕྲ།

སྔར་བོད་ཀྱི་གཞུང་ཞབས་སྒེར་པའི་ལས་རྟགས།

སྔ་མོ་བོད་གཞུང་གི་གཞུང་འབྲེལ་སྲིད་བཀའ་གཙོས་ལས་ཚན་རིམ་པའི་གཞུང་འབྲེལ་ཐམ་ཁ་དང་ལས་ཤོག་ཡོད་ལ། བླ་བྲང་ཁག་དང་། གཞུང་ཞབས་སྒེར་པ། ཚོང་རིགས་སོ་སོ་ལའང་སྒེར་ཐམ་དང་སྒེར་གྱི་རུས་མིང་ངམ་ཁྱིམ་མིང་གི་ལས་རྟགས་ལས་ཤོག་སོགས་མང་པོ་ཞིག་ཡོད་ཀྱང་རྒྱ་མི་གུང་ཁྲན་གྱིས་བོད་ས་ཧམ་བཟུང་བྱས་པ་དང་དེ་རྗེས་རིག་གནས་གསར་བརྗེ་ཆེན་པོ་ཞེས་པ་མི་སྤྱོད་ལས་འདས་པའི་གདུག་རྩུབ་ཅན་གྱི་ལས་འགུལ་རྙིང་པ་བཞི་རྩ་གཏོར་ཞེས་པ་དེའི་ནང་དུ་རྩ་ཆེའི་ལྷ་སྐུ་རྟེན་གསུམ་ལ་སོགས་པ་རྩ་མེད་བཟོས་ཏེ། ད་ལྟ་མིང་གི་ལྷག་མ་ཙམ་ཡང་མེད་པར་གྱུར།   ལོ་རྒྱུས་སྨྲ་བ་ཞྭ་སྒབ་པ་དབང་ཕྱུག་བདེ་ལྡན་དང་ཁང་གི་ལས་རྟགས། ཚ་རོང་དང་ཁོང་གི་ལས་རྟགས། ཀ་ཤོད་པ་དང་ཁོང་གི་ལས་རྟགས། ཡོང་ཁུངས། སྔ་མོའི་བོད་དང་བོད་མི། ཞེས་པའི་ངོ་དེབ་ལས་བཏུས།      
སྡེ་དགེའི་བསྟན་འགྱུར་མཚམས་སྦྱོར་མདོར་བསྡུས།

སྡེ་དགེའི་བསྟན་འགྱུར་མཚམས་སྦྱོར་མདོར་བསྡུས། ༡༽ སྡེ་དགེའི་བསྟན་འགྱུར་ཞེས་ཡོངས་སུ་གྲགས་པ་ནི། ངོར་ཆེན་རྡོ་རྗེ་འཆང་ཀུན་དགའ་བཟང་པོའི་ཆོས་ཀྱི་ཁྲི་ཆེན་པོ་ལ་མངའ་གསོལ་བའི་གདན་རབས་སུམ་ཅུ་པ་འཇམ་དབྱངས་བཀྲ་ཤིས་ལྷུན་གྲུབ་གྲགས་པའི་རྒྱལ་མཚན་དཔལ་བཟང་པོའི་བཀའ་ལུང་གིས་དགོངས་འགྲེལ་བསྟན་བཅོས་འགྱུར་རོ་འཚལ་པར་དུ་བསྒྲུབ་པར་བསྐུལ་བ་ལྟར། བོད་རབ་བྱུང་བཅུ་གཉིས་པའི་མེ་མོ་སྦྲུལ་ལོ་སྟེ་ཕྱི་ལོ་ ༡༧༣༧ ལོར་ཁམས་སྡེ་དགེའི་རྒྱལ་རབས་ཞེ་གཉིས་པ་ཆོས་རྒྱལ་བསྟན་པ་ཚེ་རིང་གིས་སྦྱིན་བདག་བགྱིས་ཏེ། པར་དུ་བརྐོ་བའི་དབུ་བརྩམས། གླེགས་བམ་བདུན་ཙམ་ཚར་མཚམས་ཆོས་རྒྱལ་དགོངས་པ་རྫོགས་ཀྱང་། དེའི་སྲས་སྡོམ་བརྩོན་རྒྱལ་པོའི་ཚུལ་ཅན་བླ་མ་ཀུན་དགའ་འཕྲིན་ལས་རྒྱ་མཚོས་པར་བརྐོའི་ལས་མཇུག་མཐར་ཕྱིན་པར་བསྐྱངས་ནས་ཤིང་བྱི་ཕྱི་ལོ་ ༡༧༤༤ ལོ་སྟེ་བགྲང་བྱ་བདུན་གྱི་རིང་ལ་ཞུས་དག་དང་བཅས་གྲུབ་པར་མཛད་དོ།།
ཆོ་འཕྲུལ་བསྟོད་པ།

ཆོ་འཕྲུལ་བསྟོད་པ། མཛད་པ་པོ། ༸རྒྱལ་བ་དགེ་འདུན་གྲུབ་པ་མཆོག ཚེས་གཅིག་གསལ་རྒྱལ་གྱིས་ནི་མཆོད་པའི་ཚེ།། ཚེམས་ཤིང་ས་ལ་བཙུགས་པས་ལྗོན་ཤིང་སྐྱེས།། དཔག་ཚད་ལྔ་བརྒྱར་ཁྱབ་པའི་ལོ་འབྲས་སྨིན།། དྲི་རོས་སྐྱེ་བོ་ཚིམས་མཛད་ཕྱག་འཚལ་ལོ།། ཚེས་གཉིས་ཨུ་ཏྲ་ཡ་ནས་མཆོད་པའི་ཚེ།། གཡས་གཡོན་གཉིས་སུ་རིན་ཆེན་རི་གཉིས་སྤྲུལ།། རི་རྩེ་ལ་སྐྱེས་འབྲས་དང་ཤིང་རྣམས་ཀྱིས།། མི་དང་དུད་འགྲོ་ཚིམས་མཛད་ཕྱག་འཚལ་ལོ།།
འཛམ་གླིང་སྤྱི་བཤད་བཞུགས་སོ།།

འཛམ་གླིང་སྤྱི་བཤད། མཛད་པ་པོ། སུམ་པ་མཁན་པོ། ཨོཾ་བདེ་ལེགས་སུ་གྱུར་ཅིག རང་ཅག་གི་འདྲེན་པ་དམ་པ་ཤཱཀྱ་ཐུབ་པ་དེ་ཉིད་ཀྱིས་ནམ་ཁའི་མཐའ་དང་མཉམ་པའི་རབ་འབྱམས་རྒྱ་མཚོའི་ཞིང་གི་སྐྱེ་དགུ་མ་ལུས་པའི་དོན་དུ་གནའ་སྔོན་ཐུགས་བསྐྱེད་རླབས་ཆེན་མཛད་དེ་ བསྐལ་པ་གྲངས་ལས་འདས་པར་སངས་རྒྱས་ཀྱི་ཞིང་སྦྱང་བ་དང་སེམས་ཅན་ཡོངས་སུ་སྨིན་པར་བྱ་བ་དང་སྨོན་ལམ་རྒྱ་མཚོ་རབ་ཏུ་རྫོགས་པར་མཛད་ནས་ཇི་ལྟ་ཇི་སྙེད་ཀྱི་ཤེས་བྱ་མཐའ་དག་མངོན་སུམ་དུ་མཁྱེན་པའི་ཆོས་སྐུ་དང་ལོངས་སྐུ་མངོན་དུ་བྱས་ཏེ། བསྡུ་བ་རྣམ་བཞིའི་སྒོ་ནས་གདུལ་བྱ་སྣ་ཚོགས་སྨིན་གྲོལ་ལམ་ལ་འདྲེན་ཆེད་དུ་མཆོག་གི་སྤྲུལ་པའི་སྐུའི་རྣམ་པས་སྤྱིར་རབ་འབྱམས་རྒྱ་མཚོའི་ཞིང་འདིའི་འཇིག་རྟེན་སོ་སོ་དང༌།
 ༄༅། །སྨོན་ལམ་འདོན་སྒྲིག་སྐོར་ལས་བརྩམས་ཏེ་དྲི་བ་མང་ཙམ་དྲིས་པའི་ལན་ཕྱོགས་གཅིག་ཏུ་བཀོད་པ་བཞུགས་སོ།།

 ༄༅།། སྨོན་ལམ་འདོན་སྒྲིག་སྐོར་ལས་བརྩམས་ཏེ་དྲི་བ་མང་ཙམ་དྲིས་པའི་ལན་ཕྱོགས་གཅིག་ཏུ་བཀོད་པ་བཞུགས་སོ།།                      མཛད་པ་པོ། དབལ་མང་དཀོན་མཆོག་རྒྱལ་མཚན།  ན་མོ་གུ་རུ། བདུད་དང་མུ་སྟེགས་ཐམས་ཅད་སྟོབས་བཅུའི་སྒོ་ནས་ཟིལ་གྱིས་གནོན་པའི་བཅོམ་ལྡན་འདས་རྒྱལ་བ་ཤཱཀྱ་ཐུབ་པ་དང་ངོ་བོ་དབྱེར་མ་མཆིས་པའི་དཔལ་ལྡན་བླ་མ་དམ་པའི་ཞབས་ལ་གུས་པ་ཆེན་པོས་ཕྱག་འཚལ་ཞིང་སྐྱབས་སུ་མཆིའོ།།          དེ་ལ་འདིར་དྲི་བ་རྣམས་ཀྱི་ལན་ཕྱོགས་གཅིག་ཏུ་འགོད་ན། ཆོ་འཕྲུལ་སྨོན་ལམ་འཚོགས་པའི་སྐབས་སུ་བླ་མ་ཕེབས་སྐབས་དམིགས་བརྩེ་མ་འཐེན་ཞིང་གསུངས་པ་ནི། བླ་མ་དང་རྗེ་རིན་པོ་ཆེ་དབྱེར་མེད་དུ་གོ་དགོས་པའི་བརྡ་ཡིན་པས་སྐབས་ཀུན་དུ་ཤེས་དགོས། ལེགས་བྲིས་མ་ནི་རྒྱལ་བ་དགེ་འདུན་གྲུབ་ཀྱིས་གསུངས་པ་ཡིན་པས།
༸རྒྱལ་དབང་སྐུ་གསུམ་པ་ཆེན་པོས་སྩལ་བའི་ཡོངས་ཁྱབ་ཆུ་གླང་བཀའ་རྩ་བསྒྲགས་གཏམ་ཆེན་མོ་བཞུགས་སོ།།

༄། །བོད་རྒྱལ་ལོ་ ༢༠༤༠ རབ་བྱུང་བཅོ་ལྔ་པའི་ཆུ་གླང་ཟླ་ ༡ ཚེས་ ༨ ཉིན་༸རྒྱལ་མཆོག་བཀའ་དྲིན་ཟླ་མེད་སྐུ་ཕྲེང་བཅུ་གསུམ་པ་ཆེན་པོ་མཆོག་ནས་སྩལ་བའི་བོད་ཞི་བདེ་རང་དབང་རྒྱལ་ཁབ་ཏུ་གནས་པའི་ཡོངས་ཁྱབ་བཀའ་རྩ་བསྒྲགས་གཏམ་ཆེན་མོ་བཞུགས་སོ།། ༄། །འཕགས་པའི་ཡུལ་ནས་སངས་རྒྱས་ཀྱི་བཀའ་ལུང། ༸རྒྱལ་དབང་འཇིག་རྟེན་གསུམ་མགོན་དུས་ཀུན་ས་སྟེང་༸རྒྱལ་བསྟན་ཡོངས་རྫོགས་ཀྱི་བདག་པོ་ཐམས་ཅད་མཁྱེན་པ་རྡོ་རྗེ་འཆང་རྒྱ་མཚོའི་བླ་མར་འབོད་པའི་གཏམ། བསིལ་ལྡན་རྭ་བ་དཀར་པོས་ཁོར་ཡུག་ཏུ་བསྐོར་བའི་སྨན་ལྗོངས་ཆེན་པོ་འདིའི་ཁོངས་སུ་གཏོགས་པའི་སྐྱེ་བོ་སེར་སྐྱ་དྲག་ཞན་བར་པ་བཅས་དང་། བྱ་བ་ཞི་དྲག་གི་སྣེ་མོར་མངགས་སླེབས་མཐའ་དག་ལ་བཟློ་བ།
༄༅། །བོད་བཙན་པོའི་གདུང་རྒྱུད་ཨེ་ལྷ་རྒྱ་རིའི་མིང་གི་གྲུབ་ཚུལ་དང་གདུང་རྒྱུད་གང་ལས་མཆེད་ཚུལ་སྐོར་ལ་མདོ་ཙམ་དཔྱད་པ།

༄༅། །བོད་བཙན་པོ(གླང་དར་མ་འུ་དུམ་བཙན་)འི་གདུང་རྒྱུད་ཨེ་ལྷ་རྒྱ་རིའི་མིང་གི་གྲུབ་ཚུལ་དང་གདུང་རྒྱུད་གང་ལས་མཆེད་ཚུལ་སྐོར་ལ་མདོ་ཙམ་དཔྱད་པ། རྩོམ་པ་པོ། བསྟན་འཛིན་ཆོས་སྒྲོན། [ནང་དོན་གནད་བསྡུས།]དཔྱད་རྩོམ་འདིའི་ནང་ཨེ་ལྷ་རྒྱ་རི་ནི་བོད་བཙན་པོའི་གདུང་རྒྱུད་འཁྲུལ་མེད་ཅིག་ཡིན་ཚུལ་དང་། འགྲོ་མགོན་ཕག་མོ་གྲུ་པའི་དུས་ནས་(1110—1175)ད་བར་ལོ་ངོ་བརྒྱད་བརྒྱ་ལྷག་གི་རིང་ཁྲིམས་སྒོ་རང་བཙན་དུ་གནས་ཐུབ་པ་མ་ཟད། དུས་རབས་རིམ་བྱོན་གྱི་སྲིད་འཛིན་བདག་པོ་དེ་དག་གིས་སྡེ་དཔོན་མི་དྲག་གཞན་དང་མི་འདྲ་བར་མཐོང་གཟོས་བདག་རྐྱེན་དཔེ་མེད་ཇི་བཞིན་སྩོལ་གནང་མཛད་ཚུལ། ཨེ་ལྷ་རྒྱ་རིའི་མིང་གི་གྲུབ་ཚུལ་དང་དེ་ཉིད་བཙན་པོའི་གདུང་རྒྱུད་གང་ལས་མཆེད་ཚུལ་སྐོར་ལ་ལུང་དང་རིག་པས་དཔྱད་པ་ཅུང་ཟད་བྱས་ཡོད། [བརྡ་ཆད་གཙོ་བོ།] ཨེ། རྒྱ་རི། ཚ་རོང་བཙད་པོ། ལྷ་འབྲི་སྒང་། [ཀྲུང་གོའི་དཔེ་དེབ་དབྱེ་རྟགས།] K281 [ཡིག་ཚང་མཚན་བྱང་།] A [རྩོམ་གྱི་གོ་རིམ་ཨང་སྒྲིག] 1002-9060-2015-01-0016-10
འབྲོང་གཉན་ལྡེའུའི་རིང་ལ་བོད་དུ་དཀར་ཡོལ་བཟོ་རྒྱུའི་ལག་རྩལ་དར་བའི་སྐོར།

སྤུ་རྒྱལ་སུམ་ཅུ་པ་འབྲོང་གཉན་ལྡེའུའི་རིང་ལ་བོད་དུ་དཀར་ཡོལ་བཟོ་རྒྱུའི་ལག་རྩལ་དར་བའི་སྐོར《རྒྱ་བོད་ཡིག་ཚང་ཆེན་མོ》ལས དེའི་རྗེས་སུ་བྱུང་བའི་དཀར་ཡོལ་གཉིས། ། འབྲོ་བརྙན་ལྡེའུ་གུའི་རིང་ལ་བོད་དུ་དར། ། རྒྱལ་པོའི་གསོལ་ཞལ་དབང་པོའི་གཏེར་དུ་སྦས། ། དེ་ཡི་རྟིང་ལ་རླུང་ནམ་འཕྲུལ་རྒྱལ་དུས། ། མཁས་པའི་བཟོ་བོས་སོ་ནག་ཐང་པོ་ཆེར། ། འཆིང་བུའི་རྒྱུ་ལ་རྣ་ཐོས་དཔེ་བྱས་ནས། ། སུམ་ཅུ་རྩ་གཉིས་ཆེ་ཆུང་འབྲིང་གསུམ་སྟོན། ། རབ་དང་འབྲིང་དཀར་ཐ་མ་སྔོ་ཤས་ཆེ། ། བོད་ཡུལ་དབུས་གཙང་མཐིལ་ན་ནོར་བུ་ལས། ། གྲུབ་པའི་འབྲུག་བརྒྱབ་གྲགས་པ་དེ་རྩལ་ལོ། ། འདི་ལ་ཡོན་ཏན་དཔག་མེད་ལྡན། ། སྐལ་ལྡན་རྣམས་ཀྱིས་འདི་ཟུངས་ཤིག ། དེ་ལ་ཟླ་བོ་གསུམ་ཡོད་དར་རྩེ་དང༌། ། འདོལ་ལ་བྱང་སྐྱ་གསུམ་དུ་གྲགས་པ་ཡིན། ། དེ་རྣམས་བོད་དུ་བྱུང་བའི་དཀར་ཡོལ་ཡིན། ། ཞེས་སོགས་བོད་དུ་དཀར་ཡོལ་བྱུང་བའི་དུས་ཚོད་དང༌། དཀར་ཡོལ་བཟང་ངན་བརྟག་ཐབས་སོག་གསལ་པོར་གསུང་ཡོད།