Featured on ཡིག་ཚགས།

སྤེལ་ཞིབ་ཕྲ།

ཞོལ་ཁང་གསེར་རྡོ་རིང༌གཉིས། (7)

ཀ༽ ཁང་གསེར་རྡོ་རིང་གཉིས་ནི། གོར་བོད་སྡེ་གཟར་སྐབས་མན་ཇུ་གོང་མས་བོད་ལ་དམག་རོགས་བཏང་བའི་སྐོར་དང༌། སོག་པོ་ཇུན་གར་བ་གོང་མའི་དམག་དཔུང་གིས་མཐར་བསྐྲད་པའི་སྐོར་འཁོད་པའི་རྡོ་རིང་ཞིག་ཡིན་ཞིང༌། དེ་ཡང༌། ལྷ་ལྡན་ཞོལ་གྱི་ལྕགས་རིའི་ཕྱི་ལོགས་རྒྱལ་སྒོའི་མདུན་ངོས་ཤར་ནུབ་གཉིས་སུ་ཁང་སེར་རྫ་གཡམ་གཡུ་རྩིའི་ཐོག་ལྡན་གཉིས་ཀྱི་ནང་བཟོ་དབྱིབས་རྒྱ་ལུགས་དང་མཚུངས་པའི་རྡོ་རིང་རེ་ཡོད་པའི་ཤར་གྱི་རྡོ་རིང་དེར་རྒྱལ་པོས་བྲིས།
སྐར་ཆུང་རྡོ་རིང༌།   (6)

སྐར་ཆུང་གི་རྡོ་རིང་ནི། ལྷ་སའི་ལྷོ་ནུབ་ངོས་སྐྱིད་ཆུའི་ཕ་རོལ་ར་མ་སྒང་གྲོང་དབུས་༼དེང་སྟོད་ལུང་བདེ་ཆེན་རྫོང་ཁོངས་སྣེའུ་ཤང་ར་མ་སྒང་གྲོང་ཚོ་སྟེ་ལྷ་སའི་མེ་འཁོར་འབབ་ཚུགས་ཀྱི་ཉེ་འཁྲིས།༽སངས་རྒྱས་དགོན་གྱི་ལྷོ་ངོས་བྱེ་ཐང་དུ་བཙུགས་ཤིང༌། བཙན་པོ་ཁྲི་ལྡེ་སྲོང་བཙན་སྐབས་སྐར་ཆུང་རྡོ་རྗེ་དབྱིངས་ཀྱི་ཕོ་བྲང་ངམ་སྐར་ཆུང་གཙུག་ལག་ཁང་གསར་བཞེངས་སྐབས་༼སྤྱི་ལོ་ ༨༠༠ ཡས་མས་ནང་༽བཙུགས་པའི་རྡོ་རིང་ཞིག་ཡིན་ཅིང༌། རྡོ་རིང་གང་དུ་བསླངས་པའི་ལྷ་ཁང་དེ་ཉིད་ཀྱི་མིང་རྡོ་རིང་ལ་ཐོགས་ནས་སྐར་ཆུང་རྡོ་རིང་ཞེས་གྲགས།
འབྲི་གུང་ཞྭ་ལྷ་ཁང་གི་རྡོ་རིང་སྔ་ཕྱི་གཉིས། (5)

ཞྭ་ལྷ་ཁང་གི་རྡོ་རིང་ནི་ ༼ཞྭ་ལྷ་ཁང་ནི་མལ་གྲོ་གུང་དཀར་རྫོང་ཉི་མ་ལྕང་རྭ་ཤང་ངམ་རྫོང་ཞོལ་ཤང་ཞྭ་གྲོང་ཚོའི་ཁོངས་སུ་གནས་ཤིང༌།༽ བཙན་པོ་ཁྲི་སྲོང་ལྡེ་བཙན་གྱི་སྲས་མུ་ནེ་བཙན་པོའམ་ཁྲི་ལྡེ་སྲོང་བཙན་སད་ན་ལེགས་མཇིང་ཡོན་གྱིས་སྔ་རྗེས་ཆོས་བློན་མྱང་ཏིང་འཛིན་བཟང་པོ་ལ་བཀའ་གཙིགས་གཉིས་གནང་སྟེ། རྡོ་རིང་དང་པོ་ཡིག་ཕྲེང་ ༦༢ ཡོད་པ་ནི་ཕལ་ཆེར་སྤྱི་ལོ་ ༧༩༨ ནས་ ༨༡༢ ལོའི་བར་གྱི་ལོ་ལ་བཙུགས་པ་དང༌།
མཚུར་ཕུའི་རྡོ་རིང༌། (4)

མཚུར་ཕུའི་རྡོ་རིང་ནི། བོད་ལྗོངས་ལྷ་ས་ས་ཁུལ་སྟོད་ལུང་བདེ་ཆེན་རྫོང་ཁོངས་ཀྱི་ཀརྨ་པའི་གདན་ས་མཚུར་ཕུ་དགོན་དུ་མཆིས་ཤིང༌། དེ་ཡང༌། མཚུར་ཕུའི་རྡོ་རིང་ནི་སྤྱི་ལོའི་དུས་རབས་དགུ་པའི་དུས་འགོ་སྟེ་སྤྱི་ལོ་ ༨༡༥ ལོ་ནས་ ༨༨༨ བར་མངའ་བདག་ཁྲི་རལ་གྱིས་སྲིད་དབང་བཟུང་བའི་ལོ་ག་གེ་མོ་ཞིག་ལ་བཙུགས་ཡོད་པ་འདྲ་ཞིང༌།
བསམ་ཡས་གཙུག་ལག་ཁང་གི་རྡོ་རིང༌།

བསམ་ཡས་དགོན་ནི་ལྷོ་ཁ་ས་ཁུལ་གྲ་ནང་རྫོང་ཁོངས་ཡར་ཀླུང་གཙང་པོའི་བྱང་ངོས་བསམ་ཡས་ཤང་ཧས་པོ་རིའི་འདབས་སུ་གནས་ཤིང༌། བོད་ཤིང་ཡོས་སྤྱི་ལོ་ ༧༧༥ ལོར་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་རྨང་གཞི་བཏིང་ནས་མེ་ཡོས་སྤྱི་ལོ་ ༧༨༧ ལོར་ཡོངས་སུ་ལེགས་བསྒྲུབས་ཟིན་ཅིང༌། གཙུག་ལག་ཁང་གི་དབུས་སུ་རིའི་རྒྱལ་པོ་རི་རབ་ལ་དཔེ་བླངས་ཏེ་དབུ་རྩེ་ལྷ་ཁང་ཆེན་མོ་བཞེངས། སྟེང་གི་གཡས་གཡོན་དུ་ཉི་མ་ལྷ་ཁང་དང༌། ཟླ་བ་ལྷ་ཁང་བཞེངས། གླིང་བཞི་གླིང་ཕྲན་བརྒྱད་མཚོན་པའི་ཆེད་དུ་ཕྱོགས་བཞི་མཚམས་བརྒྱད་དུ་ལྷ་ཁང་བཅུ་གཉིས་བཞེངས། ཕྱོགས་བཞིར་མཆོད་རྟེན་བཞི་དང་ལྕགས་རིའི་སྟེང་དུ་མཆོད་རྟེན་ཆུང་ངུ་བརྒྱ་དང་བཅུ་མེད་བརྒྱད་བཞེངས། སྒོ་བཞིར་རྡོ་རིང་བཞི་བཙུགས་ཚུལ་ལོ་རྒྱུས་སུ་འཁོད་ཀྱང་དེང་སྒོ་བཞིའི་རྡོ་རིང་མིང་གི་ལྷག་མར་གྱུར་ཟིན་ལ། རྡོ་རིང་འདི་ནི་བསམ་ཡས་གཙུག་ལག་ཁང་གི་དབུ་རྩེའི་མདུན་ངོས་སུ་བཙུགས་པའི་གནའ་བོའི་རྡོ་རིང་དེ་ཉིད་ཡིན།
ལྷ་སའི་རྡོ་རིང་ངམ་དབོན་ཞང་རྡོ་རིང༌།

དབོན་ཞང་རྡོ་རིང་ནི། ལྷ་ལྡན་གཙུག་ལག་ཁང་གི་རྒྱལ་སྒོའི་མདུན་ ༼དེ་སྔོན་ལྷ་སའི་དབུས་དང་ཕྱོགས་བཞིར་ཆོས་རྒྱལ་སྲོང་བཙན་སྒམ་པོ་དང༌། རྒྱ་བཟའ་ཀོང་ཇོ་རྣམ་གཉིས་ཀྱིས་བཙུགས་གནང་མཛད་པའི་གྲགས་ཅན་ཤིང་རྐང་ལྔ་ཞེས་ཤོད་སྲོལ་ཡོད་པ་ལས་དབུས་སུ་ཇོ་བོ་དབུ་སྐྲར་རྒྱ་ལྕང་རྐང་གཅིག་ཡོད་པའི་ཉེ་འཁྲིས། རྒྱ་ལྕང་དེ་རིག་གསར་སྐབས་གཅོད་བྲེག་གིས་སྡོང་སྐམ་སོང་བའི་ཉེ་འགྲམ་དུ་ལོ་བཅུ་ཕྲག་འགའ་སོང་བའི་ཤིང་སྡོང་ཞིག་ཡོད།༽
ཞོལ་གྱི་རྡོ་རིང་ཕྱི་ནང་གཉིས་ངོ་སྤྲོད་དང་། རྡོ་རིང་གི་མ་ཡིག (1)   

ཞོལ་རྡོ་རིང་ཕྱི་མ།   ཞོལ་རྡོ་རིང་ཕྱི་མ་ནི། གངས་ལྗོངས་ལྷ་ལྡན་ཕོ་བྲང་པོ་ཏཱ་ལའི་མདུན་ ༼དེང་ཐང་ཆེན་གཞུང་ལམ་གྱི་ལྷོ་ངོས་འགྲམ།༽ དུ་བཙུགས་ཤིང༌། རྡོ་རིང་དེའི་རིང་ཚད་ལ་སྤྱི་ཁྲེ་བདུན་སྐོར་དང༌། རྡོ་བརྩིགས་ཀྱི་རྭ་སྐོར། ཞབས་སྟེགས་རྡོ་བརྩིགས་བང་རིམ་གསུམ། རྩེར་མོར་རྡོའི་ཆར་ཁེབས་གྲུ་བཞི་བང་རིམ་ཏོག་དང་བཅས་པ་དེའི་བྱང་ངོས་སུ་ཡིག་ཕྲེང་དྲུག་ཅུ་རེ་བརྒྱད་དང༌། ཤར་ངོས་སུ་ཡིག་ཕྲེང་བཅུ་དྲུག ལྷོར་ཡིག་ཕྲེང་བདུན་ཅུ་དོན་བཞི་བཅས་ངོས་གསུམ་ལ་བོད་ཡིག་བཀོད་ཡོད་པ་ལས་ནུབ་ངོས་སྟོང་པ་ཡིན།
༄༅། །ཕོ་བྲང་སྟོང་ཐང་ལྡན་དཀར་གྱི་ཆོས་འགྱུར་རོ་ཅོག་གི་དཀར་ཆག་བཞུགས།།

  ཐམས་ཅད་མཁྱེན་པ་ལ་ཕྱག་འཚལ་ལོ། །ཤེས་རབ་ཀྱི་ཕ་རོལ་ཏུ་ཕྱིན་པ་འབུམ་ལ་སོགས་ཏེ། བོད་ཀྱི་རྒྱལ་ཁམས་སུ་དམ་པའི་ཆོས་འགྱུར་རོ་འཚལ་གྱི་མཚན་བྱང་དཀར་ཆག་བྲིས་ཤིག་ཅེས་བཅོམ་ལྡན་འདས་ཀྱི་རིང་ལུགས་ཀྱི་མདུན་ས་ནས། འབྲུག་གི་ལོ་ལ་ཕོ་བྲང་ལྷན་དཀར་ན་བཞུགས་པའི་སྟོན། སྒྲ་བསྒྱུར་གྱི་བནྡེ་དཔལ་བརྩེགས་དང་། བནྡེ་ཀླུའི་དབང་པོ་ལ་སོགས་པས་དམ་པའི་ཆོས་ཐེག་པ་ཆེ་ཆུང་གི་མདོ་སྡེ་དང༌། གཟུངས་ཆེ་ཕྲ་དང༌། མཚན་བརྒྱ་རྩ་བརྒྱད་དང༌། བསྟོད་པ་དང༌། སྨོན་ལམ་དང༌། བཀྲ་ཤིས་དང༌། འདུལ་བའི་སྡེ་སྣོད་དང༌། མདོ་སྡེའི་ཊཱི་ཀཱ་དང༌། དབུ་མའི་བསྟན་བཅོས་དང་། བསམ་གཏན་གྱི་ཡེ་གེ་དང༌། རྣམ་པར་ཤེས་པའི་བསྟན་བཅོས་དང༌། ཏར་ཀའི་གཞུང་ལ་སོགས་པ་བོད་ཁམས་སུ་ཆོས་འགྱུར་རོ་འཚལ་གྱི་མཚན་བྱང་བམ་པོ་དང་ཤློ་ཀའི་གྲངས་སུ་མཆིས་པ་གཏན་ལ་ཕབ་ནས་ཡི་གེར་བྲིས་པ།