Featured on ཡིག་ཚགས།

སྤེལ་ཞིབ་ཕྲ།

ཏུན་ཧོང་ཡིག་རྙིང་ལས་བྱུང་བའི་བཙན་པོ་རིམ་བྱོན་གྱི་ལོ་རྒྱུས།

དང་པོ། ཏུན་ཧོང་གཏེར་ཡིག་ལས་བཙན་པོའི་གདུང་ཁུངས། ༄། །ཡུལ་དང་མཁར་དུ་བཅས་པཱ། སོ་སོ་ཡུལ་བདེ་བཞི་ལས། །སྤུ་རྒྱལ་བོན་གྀ་བཙན་པོ་ལྡེའུ་རྒྱལ་པོ་ཐོད་རྒྱལ་བྱུང་ཏེ། །ལ་ལ་འྀ་མཆྀད་ནས་ནྀ་རྒྱལ་ཕྲན། ། བཅུ་གཉིས་ལ་གཏོགས་ཤེས་ཀྱང་མཆྀ། ། མྱྀ་གཏོག་ཤེས་ཀྱང་མཆྀ། །བཙན་པོ་འྀ་གདུང་རབ་ཀྱྀ་ཁུངས་སྨོས་པའ། ། གནམ་དགུང་གྀ་སྟེང་ན། ། ལྷ་ཀུ་སྤྱྀ་སེར་བཞྀས་བརྒྱ་བའ། མ་སངས་ཐམ་ཅད་གྀ་བདག་པོ། །སྲྀད་པ་ཀུན་ལ་མངའ་མཛད་པའ། །ཕྱྭའྀ་ཡང་ཕྱྭ་ལགས་ཤེས་ཀྱང་མཆྀ། །རྣམ་གཉྀས་སུ་ནྀ་གདོལ་པར་ཤ་ཟ་འྀ་རྀགས། ། རྒྱལ་པོ་གདོང་དམར་གྱྀ་རྀགས། ། གངས་རྀ་བྱུན་ཀོར་གྱྀ་ནྀ་བདག་པོ། །གནོད་སྤྱྀན་ཛ་ཞེས་བགྱྀ་བ་འྀ་རྀགས་ལགས་ཤེས་ཀྱང་མཆྀ། ། རྣམ་གསུམ་དུ་ནྀ་གནམ་རིམ་པ་བཅུ་གསུམ་གྱྀ་སྟེང་ན། ། ཁྲྀ་བར་ལ་བདུན་ཚྀག ། ཤེས་བགྱྀ། །གནམ་གྀ་ལྷ་ལས། ས་ག་དོག་དྲུག་དུ། ། འགྲེང་འགོ་ནག་གྀ་རྗེས་མྱེད་གྀ་རྗེ། །དུད་རྔོག་ཆག་བླ་མེད་ཀྱྀ་བླར། ། བློན་པོ་ལྷོ་རྔེགས། ཆེན་པོ་མཚེ་གཅོ། ཕྱག་ཚང་ཤ་སྤུག…
ཏུན་ཧོང་གཏེར་ཡིག་ལས་སྟག་རི་གཉན་གཟིགས་ཀྱི་ལོ་རྒྱུས།

ཏུན་ཧོང་གཏེར་ཡིག། སྟག་རི་གཉན་གཟིགས་ཀྱི་ལོ་རྒྱུས།    མཁར་པྱིང་བ་སྟག་རྩེ་ན་ནི་རྒྱལ་སྟག་བུ་སྙ་གཟིགས་བཞུགས། །ཉེན་ཀར་རྙིང་པ་ནི་ཟིང་པོ་རྗེ་སྟག་སྐྱ་བོ་མཆིས། །སྤུར་བའི་ཡུ་སྣ་ན་ནི། །ཟིང་པོ་རྗེ་ཁྲི་བངས་སུམ་མཆིས། །འུང་ནས་ཟིང་པོ་རྗེ་སྟག་སྐྱ་བོ་ལྟ་ཞིག ཇི་ལ་ཡང་བ་ནི་ཉེས་པར་བཅུག་གོ། འཛངས་པ་སྙིང་ཉེ་བ། ལེགས་པའི་སྲིད་བྱས་བློ་བསྟན་པ་ནི་མྱི་ཉན། །མྱི་གཅམ་བུ་གསགི(126)ངོ་ཟ་རི་(127)བྱེད་པའི་ཚིག་ནི། །ཆེད་དུ་ཡང་ཉན་ཏོ། །མྱི་འདི་སྟེ་བུའི་ཡུས་བྱུང་ངོ། །མྱི་འཛངས་པ་དྲང་མཁྲང་བྱེད་པ་(128)དང་། དཔའ་བོ་ཆུ་གང་(129)བྱེད་པ་ལ་སྡང་སྟེ། རི་མོ་བསྐྱུངས་(130)། །མ་འོངས་པའི་ཆད་པ་ནི་ནན་ཆེ་འོ། །མྱི་མཁོའ་བ་འི་ལས་ཀྱི་སྣ་གྲངས་ནི་མངས་སོ། །འུང་ལྟར་ཟིང་པོ་རྗེ་སྟག་སྐྱ་བོ། །ཆོས་ལོག་ཆིང་སྲིད་གྱུར་པས། །རྗོ་བོ་ཉེས་དགུ་བྱེད་པ། མྱི་ཆིག་གིས། མཐོང་ཡང་། ཉེས་པའི་བློ་གདབ་(131)དུ་མ་འོས་པའི་ཆད་པ་ནན་ཆེས། ཚིག་དྲག་གིས། །ཇི་ག་སུས་ཀྱང་བློ་གདབ་མ་ཕོད་དོ། །
ཏུན་ཧོང་གཏེར་ཡིག་ལས་གནམ་རི་སྲོང་བཙན་གྱི་ལོ་རྒྱུས།

ཏུན་ཧོང་གཏེར་ཡིག །གནམ་རི་སྲོང་བཙན་གྱི་ལོ་རྒྱུས།   །།བཙན་པོ་སློན་མཚན་དང་།སློན་ཀོལ་མཆེད་གཉྀས་ཀྱིས།མྱང་ཙེ་སྐུ་དང་།དབའས་དབྱྀ་ཚབ་དང་།དབའས་མྱེས།སྣང་དང་།དབའས་པུ་ཚབ་དང་།མནོན་འདྲོན་པོ་དང་།ཚེས་པོང་ནག་སེང་དྲུགབྲོ་སྩལ་པའི་ཚྀག་ནི།དེང་ཕན་ཆད།ཟིང་པོ་རྗེ་རྒྱབ་དུ་མྱྀ་དོར་རེ།སྤུ་རྒྱལ་པང་དུ་མྱྀ་ལེན་རེ།།བཙན་པོ་སྤུ་རྒྱལ་ལ་གློ་བ་འདྲྀང་(153)རེ།།མཐང་གྲང་རེ།མན་ངག་ཐུབ་པར་མྱི་འཚལ་རེ།པྱི་མ་ནང་འཚལ་རེ།སོམ་ཉི་བགྱིད་རེ།།བརྟུལ་ཕོད་པར་མྱྀ་འཚལ་རེ།།སྲོག་སྤོངས་(མྱི)འཚལ་རེ།།བཙན་པོ་སློན་བཙན་གྱིས།།བཀའ་ཇྀ་སྩལད་པ་བཞྀན་མྱི་ཉན་རེ།གཞན་སུས་བསླུས་ཀྱང་ཉན་རེ་བར་བྲོ་སྩོལ་ཏོ།།མྱང་ཙེང་ཅུང་དང་མྱང་མུ་རྣམས་བྲོ་ལ་གཐོགསོ།།དེ་ནས་དགུང་ཐུས་བགོས་སྟེ།སླར་མཆིས་སོ།།གཅུང་སློན་ཀོལ་དང་།ཡུལ་སྟོང་ཙུན་གཉིས་ནྀ།།སླད་ན་ཡུལ་འཚོའ།།ཞྀང་བཞུགས་སོ།།
བཀའ་གདམས་ཆོས་འབྱུང་ལེགས་བཤད་ངོ་མཚར་རྒྱ་མཚོ།

༄༅། །དགེ་བའི་བཤེས་གཉེན་བཀའ་གདམས་པ་རྣམས་ཀྱི་དམ་པའི་ཆོས་བྱུང་བའི་ཚུལ་ལེགས་པར་བཤད་པ་ངོ་མཚར་རྒྱ་མཚོ་ཞེས་བྱ་བ་བཞུགས་སོ། ། རྩོམ་པ་པོ། ཨ་མེས་ཀུན་དགའ་བསོད་ནམས་གྲགས་པ་རྒྱལ་མཚན།   ༄༅༅།།ན་མོ་ཤྲཱི་ཝན་གུ་རུ་དྷརྨ་སྭ་མི་བུདྡྷ་དྷྭ་ཛ་ཡེ། །ལྷ་མིའི་བླ་མ་སྟོན་མཆོག་ཉི་མའི་གཉེན། །སྒྲིབ་གཉིས་དྲི་མ་ཀུན་སེལ་དམ་པའི་ཆོས། །ཡང་དག་ལམ་གྱིས་རྒྱུད་གྲོལ་དགེ་འདུན་ཚོགས། །སྐྱབས་མཆོག་རྣམས་ལ་བྱང་ཆུབ་བར་དུ་འདུད། །རྒྱལ་བ་མར་མེ་མཛད་དང་འབྲོམ་སྟོན་རྗེ། །ཕུ་ཆུང་པ་དང་སྤྱན་སྔ་པོ་ཏོ་བ། །ཡབ་སྲས་སྐུ་མཆེད་བརྒྱུད་པར་བཅས་པ་ཡི། །རྣམ་ཐར་དྲན་པས་ལན་བརྒྱར་ཕྱག་བགྱི་འོ། །འཇིག་རྟེན་དབང་ཕྱུག་ཞིང་ཁམས་གངས་ལྗོངས་འདིར། །ཡོངས་རྫོགས་བསྟན་པའི་མངའ་བདག་ས་སྐྱ་པ། །ཀུན་དགའ་སྙིང་པོ་སྲས་དང་དབོན་དུ་བཅས། །རིམ་པར་བྱོན་ལ་བདག་ཅག་སྙིང་ནས་དད། །སྙིགས་དུས་བསྟན་པའི་མེ་རོ་གསོ་བ་ལ། །བསམ་བཞིན་སྐྱེ་བ་བཞེས་པའི་སྔགས་འཆང་རྗེ། །གང་གི་ཐུགས་སྲས་བསོད་ནམས་དབང་པོ་དང་། །གྲགས་པ་བློ་གྲོས་སྐྱེ་དགུའི་གཙུག་ན་མཛེས། །ཨ་ཏི་ཤ་དང་རྒྱལ་བའི་འབྱུང་གནས་ལྟར། །བདག་ལ་གཅིག་ཏུ་དགོངས་པའི་ཐུགས་རྗེ་ཅན། །བཀའ་དྲིན་མཉམ་མེད་རྒྱལ་བ་མུས་པ་ཆེ། །སངས་རྒྱས་བསྟན་པའི་རྒྱལ་མཚན་འཛིན་ཁྱོད་བསྔགས། །གང་གི་ཟབ་ཡངས་གསུང་གི་བདུད་རྩིའི་རྒྱུན། །ངོམ་པར་གསོལ་བའི་སྐྱེས་ཆེན་མཆོག་རྣམས་དང་། །གཞན་ཡང་འགྲོ་ཀུན་དགའ་མཛད་རང་གཞན་གྱི། །དོན་གཉིས་ལྷུན་གྲུབ་སྤྱན་སྔ་རིན་ཆེན་རྒྱལ། །
རྒྱ་གར་ཆོས་འབྱུང་།

༄༅། །དམ་པའི་ཆོས་རིན་པོ་ཆེ་འཕགས་པའི་ཡུལ་དུ་ཇི་ལྟར་དར་བའི་ཚུལ་གསལ་བར་སྟོན་པ་དགོས་འདོད་ཀུན་འབྱུང་ཞེས་བྱ་བ་བཞུགས་སོ།།   མཛད་པ་པོ། ཇོ་ནང་རྗེ་བཙུན་ཏཱ་ར་ནཱ་ཐ།   དཀར་ཆག   མཆོད་བརྗོད་དང་རྩོམ་པར་དམ་བཅའ་བ། ཉེར་མཁོའི་སྡོམ་ཚིག རྒྱལ་པོ་མ་སྐྱེས་དགྲའི་སྐབས་ཀྱི་གཏམ་སྟེ། དང་པོ། རྒྱལ་པོ་ལག་བཟང་གི་དུས་སུ་བྱུང་བའི་གཏམ་སྟེ། གཉིས་པ། རྒྱལ་པོ་གཞུ་བཟང་གི་དུས་སུ་བྱུང་བའི་གཏམ་སྟེ། གསུམ་པ། འཕགས་པ་ཉེ་སྦས་ཀྱི་དུས་སུ་བྱུང་བའི་གཏམ་སྟེ། བཞི་པ། འཕགས་པ་དྷཱི་ཏི་ཀའི་དུས་ཀྱི་གཏམ་སྟེ། ལྔ་པ། རྒྱལ་པོ་མྱ་ངན་མེད་ཀྱི་ལོ་རྒྱུས་ཀྱི་སྐབས་ཏེ། དྲུག་པ། རྒྱལ་པོ་མྱ་ངན་མེད་དང་དུས་མཚུངས་སུ་བྱུང་བའི་གཏམ་གྱི་སྐབས་ཏེ། བདུན་པ། རྒྱལ་པོ་མྱ་ངན་བྲལ་གྱི་དུས་ཀྱི་གཏམ་སྟེ། བརྒྱད་པ། འོད་སྲུངས་གཉིས་པའི་དུས་ཀྱི་གཏམ་སྟེ། དགུ་པ། འཕགས་པ་སྤུ་ཆེན་པོ་ལ་སོགས་པའི་དུས་ཀྱི་གཏམ་སྟེ། བཅུ་པ། རྒྱལ་པོ་པདྨ་ཆེན་པོའི་དུས་ཀྱི་གཏམ་སྟེ། བཅུ་གཅིག་པ། བཀའ་བསྡུ་བ་གསུམ་པའི་དུས་ཀྱི་གཏམ་སྟེ། བཅུ་གཉིས་པ། ཐེག་པ་ཆེན་པོ་ཤིན་ཏུ་རྒྱས་པར་འགོ་བརྩམས་པའི་སྐབས་ཀྱི་གཏམ་སྟེ། བཅུ་གསུམ་པ། བྲམ་ཟེ་སྒྲ་གཅན་འཛིན་གྱི་དུས་ཀྱི་གཏམ་སྟེ། བཅུ་བཞི་པ། འཕགས་པ་ཀླུ་སྒྲུབ་ཀྱིས་བསྟན་པ་སྐྱོང་བའི་དུས་ཀྱི་གཏམ་སྟེ། བཅོ་ལྔ་པ།…
ཀུན་མཁྱེན་ཆོས་འབྱུང་། ཆོས་འབྱུང་བསྟན་པའི་པདྨོ་རྒྱས་པའི་ཉིན་བྱེད། ཆ་ཚང་།

༄༅། །ཆོས་འབྱུང་བསྟན་པའི་པདྨོ་རྒྱས་པའི་ཉིན་བྱེད་ཅེས་བྱ་བ་བཞུགས་སོ། ། མཛད་པ་པོ། ཀུན་མཁྱེན་པདྨ་དཀར་པོ།   ༄༅། །བཅོམ་ལྡན་འདས་འཇམ་པའི་དབྱངས་ལ་ཕྱག་འཚལ་ལོ། །ཚོགས་གཉིས་གསེར་གྱི་ཁམས་ལས་རང་བྱུང་རྫོགས་པའི་སངས་རྒྱས་ལྟེ་བ་ནས། །དམ་ཆོས་རྩིབས་སྟོང་ཀུན་ཏུ་བཀྱེ་ལ་ཚོགས་མཆོག་མུ་ཁྱུད་བཟང་འཁྲིལ་བ། །གྲགས་པའི་གཟི་རྒྱས་མཁའ་ལ་བསྐོར་ཏེ་ས་གསུམ་འགྲོ་བ་མ་ལུས་པ། །ཕྱོགས་ལས་རྣམ་རྒྱལ་ཆེན་པོར་འགོད་བྱེད་དཔལ་ལྡན་དེ་ལ་ཕྱག་འཚལ་ལོ། །གང་ཞིག་དགེ་ལེགས་ཐམས་ཅད་ནི། །རྟག་ཏུ་སྦྱིན་བཞིན་འཕེལ་འགྱུར་བའི། །ཐུབ་བསྟན་དཔག་བསམ་འཁྲི་ཤིང་གི །ངོ་མཚར་གླེང་ལ་སུ་མི་གུས། །རྣམ་ཀུན་འོད་ཀྱི་རྦ་ཀློང་འཁྲུག་པ་འགྱུར་མེད་བཻ་ཌཱུརྻ་མཐིང་གའི་ངོས། །རིག་པ་བྱེ་བའི་ནོར་བུའི་ཕྲ་ཚོམ་ལུང་གི་པ་ཏྲར་སྦྱར་བའི་ཕུལ། །དཔེར་བྱ་བརྗོད་དང་བསམ་པར་མི་ནུས་མངོན་༼༢༽སུམ་དམ་པར་བདུད་རྩིའི་གཏེར། །བསྟན་པ་མུ་ཐི་ལ་ཡི་མཆོད་སྡོང་མཐུ་ཆེན་དེ་ལ་འདི་མཆོད་སྤྲིན། །གཏན་ཚིགས་བཟང་པོས་བོངས་འོས་ཀྱང་། །དལ་བར་བྱོལ་བས་མདོར་བསྡུས་འདི། །རྒན་པོས་རབ་བཀྲམ་གཏམ་གཞིའི་རྫས། །ཟོང་དུ་བཏང་ཡང་ཕྲག་དོག་མིན། །དེས་ན་ཆོས་ཀྱི་རྒྱལ་པོའི་མདུན། །མོལ་མཆིད་ཕུན་ཚོགས་འབྱུང་བ་ལ། །ཡིད་གཞུངས་བསམ་མནོའི་ཕ་མཐའ་བའི། །དཔྱད་གསུམ་དག་པ་འདི་འོས་སོ། །
ཆོས་འབྱུང་མཁས་པའི་དགའ་སྟོན། སྨད་ཆ།

སློབ་དཔོན་ཀ་མ་ལ་ཤཱི་ལ་དང་ཧྭ་ཤང་མ་ཧྭ་ནའི་སྐོར།   དེའི་ཚེ་རྒྱ་ནག་གི་ཧྭ་ཤང་མ་ཧཱ་ཡ་ན་༼ཇ༡༡༥ན༽བྱ་བ་ཞིག་བྲག་དམར་དུ་མཆིས་པ་ལས། དེས་ལུས་ངག་གི་ཆོས་སྤྱོད་མི་དགོས། ལུས་ངག་གི་དགེ་བས་འཚང་མི་རྒྱ། དྲན་པ་མེད་ཅིང་ཡིད་ལ་བྱར་མེད་པ་བསྒོམས་པས་འཚང་རྒྱ་ཟེར་ནས་སྒོམ་བསླབས་པས་བོད་ཀྱི་བན་དྷེ་རིལ་པོ་ཐལ་གྱིས་ཁོའི་ཆོས་ལ་བསླབས་ཏེ་བསམ་ཡས་ཀྱི་གཙུག་ལག་ཁང་ལ་མཆོད་པ་འཕྲོ་ཆད། སློབ་གཉེར་དང་ལུས་ངག་གི་དགེ་བ་རྒྱུན་ཆད། རྦ་རཏྣ་དང་བཻ་རོ་ཙ་ན་ལ་སོགས་ཉུང་ཤས་ཅིག་བོ་དྷི་ས་ཏྭའི་ཆོས་སློབ་བོ། །དེར་ལྟ་བ་མ་མཐུན་ནས་རྩོད་སྟེ་འཁྲུགས་པས་བཙན་པོས་རྒྱའི་སྟོན་པའི་ཆོས་འདི་བག་ཙམ་མིན་ནམ་གསུངས་པས་སྟོན་མིན་པ་བྱ་བར་གྲགས། གཅིག་ཤོས་ན་རེ་དྲང་སྲོང་བཟོད་པར་སྨྲ་བས་ལུས་ལ་མེ་བཏང་ནས་ཀྱང་མཆོད་པ་ཕུལ་བས་སེམས་ཅན་ལ་བརྩེ་བའི་བསམ་པས་ཚོགས་བསག་པ་གལ་ཆེ་ཟེར་བས། རྒྱལ་པོ་ན་རེ་ལུས་ལ་མེ་གཏོང་བའི་བརྩེ་བ་དེ་ཡང་ཆོས་མིན་ནམ་བྱས་པས་བརྩེ་མིན་པ་བྱ་བར་གྲགས།
ཆོས་འབྱུང་མཁས་པའི་དགའ་སྟོན། སྟོད་ཆ།

དཔའ་བོ་གཙུག་ལག་ཕྲེང་བས་མཛད་པའི་ཆོས་འབྱུང་མཁས་པའི་དགའ་སྟོན།   ༼ཀ༡ན༽༄༅། །དམ་པའི་ཆོས་ཀྱི་འཁོར་ལོས་བསྒྱུར་བ་རྣམས་ཀྱི་བྱུང་བ་གསལ་བར་བྱེད་པ་མཁས་པའི་དགའ་སྟོན་ཞེས་བྱ་བའི་ལེགས་པར་བཤད་པ་ལ་ཡན་ལག་ཆེན་པོ་ལྔ་ལས་ཡན་ལག་དང་པོ་འཇིག་རྟེན་ཀྱི་ཁམས་སྤྱིར་བསྟན་པ་དང༌། ཡན་ལག་གཉིས་པ་རྒྱ་གར་གྱི་སྐབས་ལ་ལེའུ་བཞི་ལས་དང་པོ་སྟོན་པའི་མཛད་པ་བཤད་པ། གཉིས་པ་བཀའ་བསྡུ་བ་ཁྱད་པར་དུ་བཤད་པ། གསུམ་པ་དཀོན་མཆོག་གསུམ་གྱི་རྟེན་བྱུང་ཚུལ་བཞི་པ་རྒྱ་གར་གྱི་རྒྱལ་རབས་རྣམས་བཞུགས་སོ། །   མཆོད་པར་བརྗོད་པ།   ༼ཀ༡བ༽༄༅༅། །དམ་པའི་ཆོས་ཀྱི་འཁོར་ལོས་སྒྱུར་རྒྱལ་རྣམས་ཀྱི་བྱུང་བ་གསལ་བར་བྱེད་པ་མཁས་པའི་དགའ་སྟོན་ཞེས་བྱ་བའི་ལེགས་པར་བཤད་པ། ཐམས་ཅད་མཁྱེན་པ་སྲས་དང་སློབ་མར་བཅས་པ་ལ་ཕྱག་འཚལ་ལོ། །དོན་ཀུན་རབ་གྲུབ་སྐྱེ་འགྲོའི་རྟེན་གནས་གཅིག་པོ་གང༌། །ཐེག་གསུམ་དམ་པའི་ཆོས་ཀྱི་འཁོར་ལོས་མངའ་སྒྱུར་བ། །སྟོན་པ་མཆོག་དང་དེ་སྲས་སློབ་མར་བཅས་ཀུན་ལ། །བྱང་ཆུབ་བར་དུ་སྤྱི་བོས་འདུད་ཏོ་རབ་འདུད་ཏོ། ། བརྩམ་པར་དམ་བཅའ་བ།