སྤེལ་ཞིབ་ཕྲ།

༄། །སྒོམ་ཆེན་ཚུལ་ཁྲིམས་དང་། རྫ་ཙིག་གཉིས་ཀྱི་རྩོད་གཏམ།

༄༅། །ཨྃསྭསྟི། དང་པོའི་སངས་རྒྱས་རྒྱལ་བ་རབས་བདུན་དང་། །རིགས་ལྡན་ཉེར་ལྔ་སྟོབས་ལྡན་འཁོར་ལོ་ཆེར། ། སྙིང་ནས་འདུད་དོ་འདི་ནས་འཕོས་མ་ཐག །ཞིང་མཆོག་ཤམྦྷ་ལ་རུ་དྲང་དུ་གསོལ།། ༈ ན་མོ་ལོ་ཀེ་ཤྭ་རཱ་ཡ། ཧྲི༔  འཇིག་རྟེན་མགོན་པོ་བླ་མ་སྤྱན་རས་གཟིགས། །བདག་སོགས་ལས་ངན་རིགས་དྲུག་སེམས་ཅན་རྣམས། །གཅིག་ལ་གཅིག་གནོད་བསམ་སྤྱོར་ཞི་བ་དང་། །ཕན་ཚུན་དག་སྣང་འབྱོངས་པར་བྱིན་གྱིས་རློབས། དེ་ཡང་། བདག་ཉིད་བྲག་སྐྱ་སེང་བདེ་ཕྲུག་ཅེས་བྱ་བའི་དབེན་གནས་ཤིག་ན། མཚན་དུས་དགེ་སྦྱོར་གྱི་རྒྱུན་ལ་ཅུང་ཟད་གནས་པའི་ཚེ། ནམ་སྲོད་ཙམ་ལ་སྤྱིལ་བུའི་ནང་དུ་སྔོན་མེད་ཚིག་ཚོབ་དང་། ཐོ་ཅོའི་སྒྲ་ཆེན་པོ་ཞིག་བྱུང་བས་ཅི་ཡིན། སྔར་ངའི་གནས་འདི་དབེན་ཞིང་སོས་བསོད་པ་ལ། ད་རེས་ནི་ཐུག་ཆོམ་དང་འ་འུར་གྱི་སྒྲ་ཆེན་པོ་དེ་ཅི་རང་ཡིན། སྒོམ་ཆེན་མཆོད་སྡོར་ཞན་པས་རླུང་ལངས་པ་ཡིན་ནམ། ཆོམ་རྐུན་དང་ལྷ་འདྲེའི་འཕྲུལ་ཞིག་ཡིན་ནམ། དགེ་སྦྱོར་གྱི་འཕྲོ་ཡང་སྟོར། ཅུང་ཞིག་ཧར་ཏེ་ལུས་བྱུང་།
༄༅། །བྱ་སྤྲེལ་གྱི་གཏམ་རྒྱུད་བཞུགས་སོ།།

༄༅༅། །ཨོྃ་སྭ་སྟི། སྔོན་ཡུལ་ཀ་ཤི་མཛེས་དགའི་ཡུལ་གྱི་རི་ཀུན་བཟང་ཞེས་པ་རྩ་བ་ནགས་འདབ། སྐེད་པ་སྤང་རི། རྩེ་མོ་གངས་རི་ཡིན་པ་ཞིག་ཡོད་པར། དེའི་རྩེ་མོ་ལ་སེངྒེ་དཀར་མོའི་ཁྱུ། སྤང་རི་ལ་ལྷ་བྱ་གོང་མོས་གཙོས་བྱ་སྣ་ཚོགས། རྩ་བ་ལ་སྟག་གཟིག་དོམ་དྲེད་ལ་སོགས་པའི་གཅན་གཟན་སྣ་ཚོགས་དང་། ནགས་ཚལ་དེའི་ཁུལ་ཞིག་ན་སྤྲེའུ་སྤྲིན་གྱི་སྒྲ་གཅན་སོགས་སྤྲེའུ་མང་ཙམ་གནས་སོ། །ནམ་ཞིག་ཙ་ན་གནས་བདག་སྒེར་བཟུང་བའི་ཚུལ་གྱིས་གནས་པ་ལས། །སྐབས་ཤིག་ན་སྤྲེའུའི་ཁ་ནས་སྤང་རི་འདི་ལ་ཕྱིན་ནས་མེ་ཏོག་དང་། སེར་ཤ་སྤང་རི་འདི་ལ་ཕྱིན་ནས་མེ་ཏོག་དང་། སེར་ཤ་སྤང་རྒྱན། ཤ་མོང་རྩི་ཐོག་སོགས་ཅི་དགར་ལོགས་སུ་སྤྱོད་རྒྱུར་ཁ་འཆམ་ནས་ཕྱིན་པའི་དུས། རེ་ཞིག་ན་བྱ་བྱུའུ་སྣ་ཚོགས་འཛོམས་ནས་རི་འདི་བདག་ཏུ་བཟང་བའི་སྤང་རི་ལ་སྤྲེའུ་རྣམས་ཡོང་བ་བའི་གཏམ་མི་གོ །
ལུགས་ཟུང་གི་བསླབ་བྱ་མུ་ཐི་ལིའི་ཕྲེང་བ་ཞེས་བྱ་བ་བཞུགས་སོ༎

མཛད་པ་པོ། ༸རྒྱལ་དབང་ལྔ་པ་ཆེན་པོ་ངག་དབང་བློ་བཟང་རྒྱ་མཚོ་མཆོག   ༄༅། །སྨྲ་བ་ངག་གི་དབང་ཕྱུག་འཇམ་པའི་དབྱངས། །དབྱངས་ཅན་ལྷ་མོའི་གཙུག་ལག་འདོད་འཇོའི་དཔལ། །དཔལ་ལྡན་ཚངས་པ་སྡེ་བཞིའི་བང་མཛོད་འཛིན། །འཛིན་མའི་མངའ་བདག་རྣམས་ཀྱིས་ཤིས་པ་སྩོལ། །ཆོས་དང་སྲིད་ཀྱི་ཚིག་དོན་ཟབ་བརླིང་སྒྲ། །སྙན་ངག་པི་ཝཾ་རྒྱུད་ཀྱིས་གླུར་བླངས་ན། །རྣམ་དཔྱོད་ལང་ཚོ་རྒྱས་པའི་ཤེས་ལྡན་རྣར། །འཇེབས་ཀྱང་ཕལ་ཆེར་ཐོས་འཛིན་ཚེར་མ་ཉལ། །དེ་ཕྱིར་མཆོག་དམན་ཀུན་གྱིས་ལེགས་རྟོགས་པའི། །འབོལ་རྩོམ་ཚིགས་སུ་བཅད་པའི་མུ་ཐིལ། །ཆིང་གིས་གནམ་གྱི་རིགས་ལས་མི་བདག་མགུལ། །མཛེས་བྱེད་དོ་ཤལ་འཕྲེང་བས་རྒྱན་དུ་སྤུད། ། དེང་དུས་རྒྱ་གར་རྒྱ་ནག་ཧོར་བོད་སོགས། སྔོན་བྱུང་ཡ་རབས་ངང་ཚུལ་ལུགས་གཉིས་ཁྲིམས། །ཆེར་ནུབ་ངན་སྤྱོད་ངོ་སོར་འཁྱེར་དུས་འདིར། །ལེགས་པར་བཤད་ཀྱང་ཙཱུ་ཏའི་རྐང་གཉིས་བཞིན། །བྱང་བསྟན་ཕུག་པར་རྟ་ལྗང་ཅན་གྱི་ཟེར། །མི་འཇུག་དངོས་པོའི་གཤིས་ལ་བཅོས་མེད་ཀྱང་། །ཕྱོགས་གཞན་བུག་པར་ཤར་བའི་སྣང་བ་ཡིས། །འཐིབས་བུའི་སྨག་རུམ་སེལ་བ་འགའ་འབྱུང་སྙམ། །ལྷ་ཆོས་ལྟ་ཞོག་མི་ཆོས་བྱ་བཞག་ཀྱང་། །ལམ་དུ་རྒྱུགས་པ་བསོད་ནམས་ལ་རགས་པས། །དཀོན་མཆོག་མཆོད་དང་ངན་ལོང་སྦྱིན་གཏོང་སོགས། །ལེགས་བྱས་སྤེལ་བའི་ཚོགས་ཆེན་གསོག་པ་གནད། །
བོད་དུ་གསུང་རྟེན་ཐོག་མར་བྱུང་ཚུལ།

སངས་རྒྱས་འཇིག་རྟེན་དུ་བྱོན་པའི་དགོས་པ་ནི། ཐུབ་རྣམས་སྡིག་པ་ཆུ་ཡིས་མི་འཁྲུ་ཞིང་། འགྲོ་བའི་སྡུག་བསྔལ་ཕྱག་གིས་མི་སེལ་ལ། ཉིད་ཀྱི་རྟོགས་པ་གཞན་ལ་སྤོ་མིན་ཏེ། ཆོས་ཉིད་བདེན་པ་བསྟན་པས་གྲོལ་བར་མཛད། ཅེས་གསུངས་པ་ལྟར། སེམས་ཅན་སྡུག་བསྔལ་ལས་གྲོལ་བའི་ཆེད་དུ་ཡིན་ཞིང་། དེ་ཡང་། བླང་དོར་ཕྱིན་ཅི་མ་ལོག་པར་བསྟན་ནས། གདུལ་བྱ་རྣམས་ཀྱིས་ཇི་ལྟར་བསྟན་པ་ལྟར་ཉམས་སུ་བླངས་ན་གྲོལ་བར་འགྱུར་བའི་ཕྱིར། དེས་ན། བསྟན་པ་གཉིས་ཀྱི་ནང་ནས་ཀྱང་ཐོག་མར་ལུང་གི་བསྟན་པ་བྱུང་ཞིང་། དེ་ལས་རྟོགས་པའི་བསྟན་པ་བྱུང་བ་ཡིན་པ་དེ་བཞིན་དུ།བོད་ཁ་བ་ཅན་དུ་བསྟན་པ་དབུ་བརྙེས་པའི་རྟེན་འབྲེལ་ལ་གསུང་ཐོག་མར་བྱུང་བ་ཡིན།ཤེར་ཕྱིན་གྱི་མདོ་སྡེ་རིན་པོ་ཆེ་ལས་ཀྱང་། སངས་རྒྱས་ཀྱི་སྐུ་ལས། སངས་རྒྱས་ཀྱི་གསུང་གལ་ཆེ་བར་གསུངས་པ་དང་། ཤེར་ཕྱིན་ཚིག་བཅད་གཅིག་བྲིས་ན།སངས་རྒྱས་འབུམ་ཕྲག་ལ་མཆོད་བསྟོད་བྱས་པའི་ཕན་ཡོན་ལས་ལྷག་པར་གསུངས་སོ། ཁ་བ་ཅན་དུ་གསུང་ཇི་ལྟར་བྱུང་ཚུལ་ནི། རྒྱལ་རབས་ཐམས་ཅད་ལས་གསུངས་པ་ལྟར། བོད་རྒྱལ་ལྷ་ཐོ་ཐོ་རི་གཉན་བཙན་གྱི་དུས་སུ། ཕོ་བྲང་ཡུམ་བུ་བླ་མཁར་ཡང་རྩེ་ལ།གསེར་ཤོག་ངོས་ལ་བེེཌཱུརྱ་བྲིས་པའི་སྤང་སྐོང་ཕྱག་བརྒྱ་པ་དང་། མདོ་སྡེ་ཟ་མ་ཏོག གསེར་གྱི་མཆོད་རྟེན་ཁྲུ་གང་བ་མུ་དྲའི་ཕྱག་རྒྱ། ཙིནྡྲ་མ་ཎིའི་རྐོས་ཕོར་བཅས་བྱུང་།
སློབ་གཉེར་དང་འབྲེལ་བའི་དྲི་བ་ལྔའི་དྲིས་ལན།

དྲི་བ་འབུལ་མཁན།    འཕྲིན་ལས་འོད་སྣང་རྩོམ་སྒྲིག་པ། དྲིས་ལན་གནང་མཁན། ར་སེ་དཀོན་མཆོག་རྒྱ་མཚོ་ལགས།   ༡   ཇི་ལྟར་བྱས་ན་ད་གཟོད་མཁས་པའི་གོ་འཕང་ལ་སྙེག་ཐུབ།   ལན་དུ་ནི། དྲི་བ་འདི་དག་ལས་གང་རུང་ཞིག་གི་དོན་གསལ་འགྲེལ་བྱ་ཡང་ཆོག་གསུང་གི་འདུག་སྟེ། འདིར་དཀྱུས་གཅིག་ཏུ་ལན་གྱི་ཚུལ་དུ་བསམ་ཚུལ་བཤད་པར་འདོད་ལ། བཀའ་བརྒྱུད་གོང་མ་སོགས་ཀྱིས་ཉམས་མྱོང་གི་སྒོ་ནས་ལན་འདེབས་པ་དང་། རིགས་པ་སྨྲ་བ་སོགས་ཀྱིས་གོ་བ་ལེན་ཚུལ་གྱི་སྒོ་ནས་ལན་གདབ་སྲོལ་ཡོད་པ་ཡིན་ནའང་། ང་ལ་མཚོན་ན་དེ་གཉིས་གང་ཡང་མི་ལྡན་པས་དེ་ལུགས་ཀྱི་ལན་ག་ལ་འདེབས་ཤེས།  སྤྱིར་ན་མཁས་པ་ནི་གང་ལ་གོམས་པའམ་བྱང་ཆ་ལྡན་པ་ལ་འཇུག་པས་ན། དམངས་ཁྲོད་ནའང་། ཁ་མཁས་པ། སྐད་ཆ་ཤོད་མཁས་པ། ལག་ལས་མཁས་པ། འགྲོ་མཁས་སྡོད་མཁས་ཟ་མཁས་འཐུང་མཁས་སོགས་ཀྱི་ཐ་སྙད་འཇུག་ཚུལ་ལས་ཤེས་ཐུབ་པ་ཡིན་ལ། བྱེ་བྲག་ཏུ་མཁས་པའི་གོ་འཕང་ཞེས་པ་ནི་མཁས་པ་ཚད་ལྡན་གྱི་གནས་བབས་ཡིན་པས། དེ་ནི་ལས་སླ་པོས་ཐོབ་པ་ཞིག་ནི་མི་འོང་བས་ན།

ཕུར་བུ་དར་རྒྱས། པིར་མིང་གཙང་སྡིངས་དར་རྒྱས།  བོད་རང་སྐྱོང་ལྗོངས་རིམ་པའི་དགེ་རྒན་གཟབ་སྦྱོང་གི་རིགས་གཅིག་མཁས་དབང་གི་ཁོངས་མི།  བོད་ལྗོངས་རྩོམ་པ་པོ་མཐུན་ཚོགས་ཀྱི་ཚོགས་མི།  བོད་ལྗོངས་དམངས་ཁྲོད་རྩོམ་འབྲི་རིག་པ་མཁས་ཅན་མཐུན་ཚོགས་ཀྱི་ཚོགས་མི།  གཞིས་རྩེ་གྲོང་ཁྱེར་རིག་རྩལ་ལྷན་ཚོགས་ཀྱི་ཨུ་ཡོན། གཞིས་རྩེ་གྲོང་ཁྱེར་སློབ་གསོ་ཅུད་སློབ་གསོ་ཚན་རིག་ཞིབ་འཇུག་ཟོའོ་ཡི་དམའ་འབྲིང་བོད་སྐད་ཡིག་སློབ་དཔྱོད་པ། ༼གཞིས་རྩེའི་སློབ་གསོ་༽བོད་ཡིག་པར་མའི་དུས་དེབ་ཀྱི་རྩོམ་སྒྲིག་པ་བཅས་ཡིན། བརྩམས་སྒྲུང་ཕྱོགས་བསྒྲིགས་༼རི་གྲོང་གི་གཏམ་རྒྱུད་༽ཅེས་པ་པར་བསྐྲུན་འགྲེམ་སྤེལ་བྱས།  སྔ་ཕྱིར་སྐབས་བཞི་པའི་བོད་ཀྱི་དུས་རབས་གསར་པའི་རྩོམ་རིག་བྱ་དགའ་དང་།  སྐབས་ལྔ་པའི་ཇོ་མོ་གླང་མའི་རྩོམ་རིག་སྒྱུ་རྩལ་གྱི་བྱ་དགའ། གཞིས་རྩེའི་ཡར་ཀླུང་གཙང་པོའི་རྩོམ་རིག་སྒྱུ་རྩལ་གྱི་བྱ་དགའ་སོགས་ཐོབ་ཡོད།
ཡར་འབྲོག་གི་ལམ་ཡིག་ཕྱག་དེབ་སྟོད་སྨད་གསར་ཐོན།

རྩོམ་པ་པོ་ངོ་སྤྲོད་མདོར་བསྡུས། དེ་ཡང་རྩོམ་པ་པོ་བསམ་ཤོད་པ་དཀོན་ཅོག་ཡོན་ཏན་ལགས་ནི། ཕྱི་ལོ་ 1961 ལོའི་ཟླ་བ་ 11 ཚེས་ 6 ཉིན་བོད་ལྗོངས་ལྷོ་ཁ་ས་ཁུལ་སྣ་དཀར་རྩེ་རྗོང་སྟག་ལུང་གྲོང་རྡལ་དུ་སྐྱེས་ཤིང་། བོད་ལྗོངས་སློབ་ཆེན་བོད་སྐད་ཀྱི་ཡིག་རྩོམ་རིག་ཚན་ཁག་ནས་མཐར་ཕྱིན། ཀྲུང་གོའི་དམངས་ཁྲོད་རྩོམ་རིག་སྒྱུ་རྩལ་མཁས་ཅན་མཐུན་ཚོགས་ཀྱི་ཚོགས་མིའི་ཐུགས་འགན་བཞེས། ཁོང་གིས་ལས་ཞོར་དུས་ཚོད་བེད་སྤྱད་ནས་《ལྷོ་ཁའི་རྩོམ་རིག་སྒྱུ་རྩལ་》 དང་།《བོད་ལྗོངས་ཞིབ་འཇུག་》སོགས་སུ་བོད་རྒྱ་ཡིག་རིགས་གཉིས་ཀྱི་ཐོག་ནས་བརྩམས་ཆོས་ཉིས་བརྒྱ་ལྷག་སྤེལ་མྱོང་ལ། མང་དག་ཅིག་ལ་བོད་རང་སྐྱོང་ལྗོངས་དང་། རྒྱལ་ཁབ་རིམ་པ་སོགས་ཀྱི་བྱ་དགའ་ཡང་ཐོབ་མྱོང་ཡོད།