སྤེལ་ཞིབ་ཕྲ།

སློབ་དཔོན་ཐུབ་བསྟན་དབང་པོ་ལགས་ནི་ཕྱི་ལོ་ ༡༩༣༠ ལོར་ལྷ་ལྡན་ཆོས་ཀྱི་ཞིང་སར་སྐུ་འཁྲུངས་ཤིང་།   སྐུ་ན་ཆུང་དུས་ནག་རོང་ཤག་སློབ་གྲྭར་རྨང་གཞིའི་སློབ་སྦྱོང་གནང་རྗེས་ཕོ་བྲང་པོ་ཏཱ་ལའི་རྩེ་སློབ་གྲྭར་མུ་མཐུད་སློབ་སྦྱོང་གནང་སྟེ། རྩེ་དྲུང་གི་གནས་བབས་ཐོག་ནས་བོད་གཞུང་དགའ་ལྡན་ཕོ་བྲང་ཕྱོགས་ལས་རྣམ་རྒྱལ་གྱི་གཞུང་ཞབས་ཀྱང་གནང་འདུག
༄༅། །མཚན་མཆོག་གསུམ་ལྡན་༧སྐྱབས་མགོན་༧གོང་མ་ཁྲི་འཛིན་ཞེ་གཉིས་པ་ཆེན་པོ་མཆོག་དང་། ༧སྐྱབས་མགོན་༧གོང་མ་འཁོན་གདུང་སྐུ་གཞོན་ཛྙ་ན་བཛྲ་རིན་པོ་ཆེ་རྣམ་གཉིས་ཀྱི་ཡོངས་འཛིན་རྒན་རིན་ཆེན་བཟང་པོ་མཆོག་སྐུ་ཞི་བར་གཤེགས་པར་ཡིད་དུང་དྲག་པོས་རྗེས་དྲན་ཞུ།

༄༅།། མཚན་མཆོག་གསུམ་ལྡན་༧སྐྱབས་མགོན་༧གོང་མ་ཁྲི་འཛིན་ཞེ་གཉིས་པ་ཆེན་པོ་མཆོག་དང་། ༧སྐྱབས་མགོན་༧གོང་མ་འཁོན་གདུང་སྐུ་གཞོན་ཛྙ་ན་བཛྲ་རིན་པོ་ཆེ་རྣམ་གཉིས་ཀྱི་ཡོངས་འཛིན་རྒན་རིན་ཆེན་བཟང་པོ་མཆོག་སྐུ་ཞི་བར་གཤེགས་པར་ཡིད་དུང་དྲག་པོས་རྗེས་དྲན་ཞུ། ཡོངས་འཛིན་རྒན་དམ་པ་དེ་ཉིད་ནི་ཕྱི་ལོ་ ༡༩༣༨ ལོར་དེང་གི་བོད་ལྗོངས་གཞིས་རྩེ་གྲོང་ཁྱེར་ས་སྐྱ་རྫོང་ཁོངས་ཤབ་གཞུང་རྒྱམ་མདུད་གྲོང་དུ་རིགས་རུས་ཕུན་སུམ་ཚོགས་པ་རྒྱམ་མདུད་བླ་མ་ལགས་ཞེས་པའི་ཁྱིམ་དུ་སྐུ་འཁྲུངས། ཡབ་ཀྱི་དྲུང་དུ་ཀློག་སློབ་པ་ནས་བཟུང་དུས་འགྱུར་མ་བྱུང་གི་བར་དུ་དཔལ་ས་སྐྱ་པ་ཆེན་པོ་༧སྔགས་འཆང་བླ་མ་ཐམས་ཆད་མཁྱེན་པ་ངག་དབང་ཀུན་དགའ་རིན་ཆེན་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོ་མཆོག་དང་།
དགའ་ཤར་མཁན་ཟུར་རིན་པོ་ཆེ་རྗེ་བཙུན་གྲགས་པ་བསྟན་འཛིན་མཆོག་གི་རྣམ་ཐར་སྙིང་བསྡུས།

དགའ་ཤར་མཁན་ཟུར་རིན་པོ་ཆེ་གྲགས་པ་བསྟན་འཛིན་དཔལ་བཟང་པོ་མཆོག་ནི། ཕྱི་ལོ་ ༡༩༣༩ ལོར་འབྲི་གུང་མང་ར་རག་ཤེར་ཞེས་པར་སྐུ་འཁྲུངས། ཕྱི་ལོ་ ༡༩༥༦ ལོར་དགའ་ལྡན་རྣམ་པར་རྒྱལ་བའི་གླིང་གི་ཡ་གྱལ་དཔལ་ལྡན་ཤར་རྩེ་ཐོས་བསམ་ནོར་གླིང་གྲྭ་ཚང་གི་ཕུ་ཁང་ཁང་ཚན་དུ་ཆོས་སྒོར་ཞུགས་ཏེ། བསྡུས་གྲྭ་དང༌། བློ་རྟགས། རྣམ་འགྲེལ་སོགས་ལ་ཐུགས་གཉེར་གནང་།
འཕགས་པ་ཡངས་པའི་གྲོང་ཁྱེར་དུ་འཇུག་པའི་མདོ་ཆེན་པོ།

༄༅། །རྒྱ་གར་སྐད་དུ། ཨཱརྱ་བཻ་ཤཱ་ལཱི་པྲ་བེ་ཤ་མ་ཧཱ་སཱུ་ཏྲ། བོད་སྐད་དུ། འཕགས་པ་ཡངས་པའི་གྲོང་ཁྱེར་དུ་འཇུག་པའི་མདོ་ཆེན་པོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་འདམ་བུའི་ཁྲོད་ན་གཟིངས་པའི་འདུག་གནས་ན་བཞུགས་ཏེ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཡངས་པའི་གྲོང་ཁྱེར་ག་ལ་བ་དེར་འདོང་ངོ་། །
༄༅། །རྩེ་དྲུང་སྐུ་ངོ་རྒྱལ་མཚན་ཆོས་ལྡན་ལགས་ཀྱི་ལོ་རྒྱུས་སྙིང་བསྡུས།

༄༅། །རྩེ་དྲུང་སྐུ་ངོ་རྒྱལ་མཚན་ཆོས་ལྡན་ལགས་ནི། ཕྱི་ལོ་ ༡༩༢༡ ལོར་མལ་གྲོ་གུང་དཀར་སྲིབ་ན་བྱང་མ་རུ། ཕ་བྱང་ཆུབ་ཕུན་ཚོགས་དང་མ་སྐལ་བཟང་སྒྲོལ་མ་གཉིས་ལ་བུ་བཞི་དང་བུ་མོ་བཞི་ལས། ༡༽ ལྷ་སྡིང་ཕྱག་མཛོད་དགེ་སློང་བསྟན་འཛིན་འཇིགས་བྲལ་ལམ་བློ་བཟང་ཆོས་འཕེལ་ལགས་དང་།
དགའ་བྱང་མཁན་ཟུར་བསོད་ནམས་ཆོས་འཕེལ་མཆོག་གི་རྣམ་ཐར་མདོར་བསྡུས།

མཁན་ཟུར་རིན་པོ་ཆེ་བསོད་ནམས་ཆོས་འཕེལ་མཆོག་ནི་ ༡༩༣༨ ལོར་མལ་གྲོ་གུང་དཀར་ཆོས་འཁོར་སྒང་ཟུར་ཁང་ཞེས་པའི་ཁྱིམ་དུ་ཡབ་བྱམས་པ་རིག་འཛིན་དང་། ཡུམ་བསམ་གཏན་མཚོ་མོ་གཉིས་ཀྱི་སྲས་སུ་འཁྲུངས། དགུང་ལོ་དྲུག་བདུན་ཙམ་དུ་ཕེབས་པ་ན་ཀ་ཚལ་གྲོང་ཚོར་ཡི་གེ་འབྲི་ཀློག་སོགས་ལ་སློབ་འགོ་ཚུགས། དེ་ལྟར་དགུང་ལོ་བཅུ་ཙམ་ལ་དགའ་ལྡན་བྱང་རྩེ་གྲྭ་ཚང་དུ་ཆོས་སྒོར་བཞུགས་ནས་དབུ་ཆོས་སྤྱོད་སོགས་བློ་འཛིན་གྱིས་མཚོན་སློབ་གཉེར་གནང་འགོ་བརྩམས།
སློབ་གྲྭ་ ༡༠༨ འཛུགས་སྐྲུན་གནང་མཁན་བསོད་ནམས་འཇམ་དབྱངས་ལགས་ངོ་སྤྲོད།

༄༅། །རང་ཡུལ་བོད་དུ་སློབ་གྲྭ་བརྒྱ་དང་བརྒྱད་གསར་དུ་འཛུགས་སྐྲུན་གནང་ནས། བོད་ཕྲུག་ཁྲི་སྟོང་མང་པོར་ཤེས་ཡོན་གྱི་གོ་སྐབས་སྐྲུན་མཁན་བོད་མི་རིགས་ཀྱི་རླབས་ཆེན་གྱི་དཔའ་རྒོད་སྐུ་ཞབས་བསོད་ནམས་འཇམ་དབྱངས་གླིང་ནི། དབུར་སྟོད་འབྲི་གུང་ཀ་ཚལ་ཡུལ་གྱི་འཇམ་དབྱངས་གླིང་ཞེས་པའི་ཁྱིམ་ཚང་ཕུན་སུམ་ཚོགས་པ་གཅིག་ཏུ་ཕྱི་ལོ་ ༡༩༤༥ ལོར་འཁྲུངས། སྐུ་ན་ཆུང་དུས་ཀ་ཚལ་དགོན་དུ་བོད་ཡིག་དང་ཆོས་དཔེ་སོགས་ལ་སྦྱངས།