ཤུག་གསེབ་ཨོ་རྒྱན་རྫོང་བཙུན་དགོན།

འུར་ཞང་ལྷ་ཁང་ནས་སྤྱི་ལེ་བཅུ་གསུམ་ཙམ་སྤྱིར་བཏང་འཁོར་ལམ་བརྒྱུད་ཤར་དུ་སོང་ན་སྙེ་ཕུ་ཞེས་ཤུག་གསེབ་རི་འདབས་སུ་སླེབས། དེ་ནས་རྐང་ཐང་མར་ཆུ་ཚོད་གཅིག་ལྷག་ཙམ་སོང་ན་དགོན་དེར་སླེབས་ཀྱི་རེད། ཤུག་གསེབ་ཅེས་པ་ནི། ཤིང་ཤུག་པའི་གསེབ་ཏུ་ཆགས་པས་ཤུགས་གསེབ་ཅེས་གྲགས། དགོན་དེ་ཐོག་མར་ཕག་གྲུའི་ཞལ་སློབ་ཆོས་རྗེ་གྱེར་སྒོམ་ཚུལ་ཁྲིམས་སེང་གེ་དགུང་ལོ་སུམ་ཅུ་ལྷག་ཙམ་གྱི་དུས་ཕྱི་ལོ་ ༡༡༨༡ ལོར་གནས་དེར་ཕེབས་ནས་གྲྭ་དགོན་ཞིག་ཕྱག་བཏབ་གནང་མཛད། སློབ་མ་སྟོང་ཕྲག་མང་པོ་བྱུང་གསུངས། ཞི་བྱེད་ཀྱི་གཅོད་རྒྱུད་ཕྱག་བཞེད་མཛད། ཤར་གླིང་དང་། བུབ་གླིང་། དབུས་གླིང་ཞེས་གླིང་གསུམ་ཙམ་ཡོད།
ཡར་འབྲོག་གི་ལམ་ཡིག་ཕྱག་དེབ་སྟོད་སྨད་གསར་ཐོན།

རྩོམ་པ་པོ་ངོ་སྤྲོད་མདོར་བསྡུས། དེ་ཡང་རྩོམ་པ་པོ་བསམ་ཤོད་པ་དཀོན་ཅོག་ཡོན་ཏན་ལགས་ནི། ཕྱི་ལོ་ 1961 ལོའི་ཟླ་བ་ 11 ཚེས་ 6 ཉིན་བོད་ལྗོངས་ལྷོ་ཁ་ས་ཁུལ་སྣ་དཀར་རྩེ་རྗོང་སྟག་ལུང་གྲོང་རྡལ་དུ་སྐྱེས་ཤིང་། བོད་ལྗོངས་སློབ་ཆེན་བོད་སྐད་ཀྱི་ཡིག་རྩོམ་རིག་ཚན་ཁག་ནས་མཐར་ཕྱིན། ཀྲུང་གོའི་དམངས་ཁྲོད་རྩོམ་རིག་སྒྱུ་རྩལ་མཁས་ཅན་མཐུན་ཚོགས་ཀྱི་ཚོགས་མིའི་ཐུགས་འགན་བཞེས། ཁོང་གིས་ལས་ཞོར་དུས་ཚོད་བེད་སྤྱད་ནས་《ལྷོ་ཁའི་རྩོམ་རིག་སྒྱུ་རྩལ་》 དང་།《བོད་ལྗོངས་ཞིབ་འཇུག་》སོགས་སུ་བོད་རྒྱ་ཡིག་རིགས་གཉིས་ཀྱི་ཐོག་ནས་བརྩམས་ཆོས་ཉིས་བརྒྱ་ལྷག་སྤེལ་མྱོང་ལ། མང་དག་ཅིག་ལ་བོད་རང་སྐྱོང་ལྗོངས་དང་། རྒྱལ་ཁབ་རིམ་པ་སོགས་ཀྱི་བྱ་དགའ་ཡང་ཐོབ་མྱོང་ཡོད།
པཎ་ཆེན་སྐུ་ཕྲེང་རིན་བྱོན་གྱི་སྐུ་ཐང་།

 མཁས་གྲུབ་དགེ་ལེགས་དཔལ་བཟང་། འཁྲུངས་ཡུལ། གཙང་ལ་སྟོད་ཆུ་འོགས། (འཁྲུངས་ལོ། ཤིང་གླང་། 1385 འདས་ལོ། ས་སྟག 1438) བསོད་ནམས་ཕྱོགས་གླང་། (འཁྲུངས་ལོ། གཙང་དབེན་ས། ས་ལུག 1439 འདས་ལོ། ཤིང་བྱི། 1504) དབེན་ས་བློ་བཟང་དོན་གྲུབ། འཁྲུངས་ཡུལ། གཙང་གཡས་རུ་ལྷ་ཕུད།( འཁྲུངས་ལོ། ཤིང་གླང་། 1505 འདས་ལོ། མེ་སྟག 1566) བློ་བཟང་ཆོས་རྒྱན། འཁྲུངས་ཡུལ། གཙང་རོང་ཆེན། (འཁྲུངས་ལོ།ལྕགས་རྟ། 1570 འདས་ལོ། ཆུ་སྟག 1622) བློ་བཟང་ཡེ་ཤེས། འཁྲུངས་ཡུལ། གཙང་ཐོབ་རྒྱལ། (འཁྲུངས་ལོ། ཆུ་ཡོས། 1663 འདས་ལོ།…

དངུལ་རྭའི་བཟོད་པ།   རང་རེའི་བོད་ཀྱི་དེབ་ཐེར་སྔོན་མ་རྣམས་སུ་མགར་སྟོང་བཙན་ཡུལ་བཟུང་གི་སྐོར་མང་པོ་ཞིག་ཐོར་བཀོད་ཡོད་པ་ལས། མཛད་རྗེས་ཆེ་བའི་བློན་ཆེན་མགར་ཁྲི་འབྲིང་གི་སྐོར་ཕལ་ཆེར་མིང་ཙམ་ལས་བཀོད་མེད། སྟབས་ལེགས་པ་ཞིག་ལ་ཏུན་ཧོང་ནས་ཐོན་པའི་ལོ་རྒྱུས་ཀྱི་ཡིག་རིགས་དག་སོར་རྩེར་འབྱོར་བ་ནས།ལོ་རྒྱུས་ཞིབ་འཇུག་ལ་བློ་ཁ་ཕྱོགས་པའི་མཁས་པ་རྣམས་ལ་ཞིབ་འཇུག་གི་སྟོང་ཆ་ཆེན་པོ་ཞིག་སྐོང་ཐུབ་པར་གྱུར། དེ་དང་མཉམ་པོར་རྒྱ་ནག་གི་སྔོན་གྱི་ཡིག་ཚང་དག་ཏུ་འཁོད་པའི་བློན་ཁྲི་འབྲིང་གི་སྐོར་བཀོད་ཡོད་པ་དག་ཀྱང་། ཏུན་ཧོང་ཡིག་ཚང་དང་བསྡུར་སྐབས་ཕན་ཚུན་གཅིག་གྲོགས་གཅིག་གིས་བྱེད་ཐུབ་པའི་ནུས་པ་ཧ་ཅང་ཆེན་པོ་ཐོན་འདུག་པས། འདིར་གནའ་བོའི་རྒྱ་བོད་ཀྱི་ཡིག་རྙིང་དག་གུང་བསྒྲིགས་ཏེ་བློན་ཆེན་མགར་ཁྲི་འབྲིང་གི་སྐོར་ཅུང་ཟད་གླེང་བར་འདོད།