གནའ་ཡིག་ལས་ཁོལ་བའི་ཡུལ་མིང་ཀླུམ་རོའམ་ཀླུང་རོ་ཞེས་པའི་ཡུལ་གྱི་མགོ་རྔ་ངོས་འཛིན་པ་དང་མཐའ་དཔྱོད།

བསྟན་འཛིན་ལྷུན་གྲུབ། སྐལ་བཟང་གསལ་སྒྲོན། [ནང་དོན་གནད་བསྡུས།]རྩོམ་ཡིག་འདིའི་ནང་ཏུན་ཧོང་ཡིག་རྙིང་དུ་གསལ་བའི་ཡུལ་མིང་ཀླུམ་རོའམ་ཀླུང་རོ། དུས་ཕྱིས་ཀླུང་ཤོད་སོགས་སུ་འབོད་པ་དེའི་ཞིབ་ཕྲའི་ཡུལ་གྱི་ངོས་འཛིན་ཚུལ་ཐད་བཞེད་པ་མི་འདྲ་བ་ཡོད་ཚུལ་དང་། ཕལ་ཆེར་ཞིག་གིས་ད་ལྟའི་ཀླུང་ཤོད་ཅེས་པར་ངོས་འཛིན་པ་ལ་རྟགས་དང་རྒྱུ་མཚན་ངེས་ཅན་ཡོད་ཀྱང་། དེ་ནི་སྤྱི་སྤམ་གྱི་ཚུལ་དུ་སོང་བ་ཡིན་ཚུལ་བཅས་གླེང་བ་དང་སྦྲགས། གཙོ་བོར་ལོ་རྒྱུས་ཡིག་ཚང་དང་། ཁུལ་དེའི་ཡུལ་མིའི་ངག་ཏུ་ཡོད་པའི་ཀླུང་ཤོད་དང་འབྲེལ་བའི་དགོན་མིང་ས་མིང་། དེ་བཞིན་རང་གི་མྱོང་བ་དངོས་དང་མཐོང་ཐོས་ཅི་རིགས་པ་ལ་བརྟེན་ནས་ཡུལ་དེའི་ཞིབ་ཕྲའི་མརྒོ་རྔ་གང་ཡིན་པ་ངོས་འཛིན་བྱས་ཡོད། [བརྡ་ཆད་གཙོ་བོ།]ཀླུམ་རོ། ཀླུང་རོ། ཀླུང་ཤོད། རྩེ་ཞོལ། ཕོད་མདོ། [ཀྲུང་གོའི་དཔེ་དེབ་དབྱེ་རྟགས།]K928[ཡིག་ཚང་མཚོན་བྱང་།]A[རྩོམ་གྱི་གོ་རིམ་ཨང་སྒྲིག]1002-946X(2018)02-122-09   དང་པོ། ཀླུམ་རོའམ་ཀླུང་རོའི་ཚིག་དོན་གྱི་སྐོར། ཐ་སྙད་འདིའི་སྐོར་ལ་མིག་དམར་ཚེ་རིང་གིས་བརྩམས་པའི་《ཏུན་ཧོང་ནས་ཐོན་པའི་བོད་ཀྱི་ལོ་རྒྱུས་ཡིག་ཆ་》ལས་བྱུང་བའི་བོད་ལྗོངས་ས་མིང་》ཞེས་པར། “བཙན་པོའི་སྐབས་ཀྱི་ཀླུམ་ཡ་སུམ་བྱ་བ་དེ་ལྷ་ས་སྐྱིད་ཆུའི་སྟོད་རྒྱུད་བྱང་ངོས་སུ་ཡོད་པར་ཐེ་ཚོམ་མེད་ནའང་། ཞིབ་ཕྲའི་གནས་གང་དུ་ངེས་པ་རྩད་མ་ཆོད་”①ཅེས་དང་། ཏུན་ཧོང་བོད་ཡིག་ཤོག་དྲིལp.1286.0014- P.1286 0015མཁར་ཆུང་རྒྱལ་ཕྲན་སིལ་མའི་མ་ཡིག་ངོ་འདྲའི་ནང་། “ཡུལ་ཀླུམ་རོའི་ཡ་གསུམ་ན་རྗེ་ནམ་པའི་བུ་གསེང་ཏི། བློན་པོ་མྱང་དང་སྦྲང་གཉིས་”②ཞེས་གསལ་བ།
༄༅། །ལྷོ་ཁའི་རྫོང་ཁག་གི་མིང་ཇི་ལྟར་བྱུང་ཚུལ།

༄༅།།ལྷོ་ཁའི་རྫོང་ཁག་གི་མིང་ཇི་ལྟར་བྱུང་ཚུལ་རགས་ཙམ། ༡ གོང་དཀར་རྫོང་། གོང་དཀར་ཞེས་པ་ནི་སྔོན་སྣེ་གདོང་རྒྱལ་པོའི་ཕོ་བྲང་གོང་རི་དཀར་པོ་ལ་གོང་དཀར་ཞེས་འབོད་པའི་སྔོན་གྱི་གོང་དཀར་རྫོང་གི་མིང་རང་འཇགས་སུ་བཞགས་སྟབས་ད་ལྟའང་གོང་དཀར་རྫོང་ཞེས་འབོད་ཀྱི་ཡོད།  ད་ལྟའི་གོང་དཀར་རྫོང་གནས་ཡུལ་ནི་སྐྱིད་གཤོངས་ར་སྨད་ཅེས་པར་ཡོད། ༢ གྲ་ནང་རྫོང་། གྲ་ནང་ཞེས་པ་ནི་ཤིང་གྲ་མ་སྐྱེས་པའི་ཡུལ་ལུང་གཙོ་ཕལ་དུ་ཕྱེས་པ་ཕྱི་ནང་དུ་འབོད་པའི་དོན་དང་།ད་ལྟའི་གྲ་ནང་རྫོང་གནས་ཡུལ་ནི་གྲ་ནང་དགོན་དང་ཉེ་བར་ཡོད། ༣ སྣེ་གདོང་རྫོང་། སྣེ་གདོང་ཞེས་པ་ནི་རི་གླང་ཆེན་ཉལ་བ་ལྟ་བུའི་སྣ་སྟེང་དུ་རྫོང་དེ་ཆགས་སྟབས་སྣེ་གདོང་ཞེས་སྔོན་གྱི་སྣེ་གདོང་རྫོང་གི་མིང་རང་འཇགས་སུ་བཞག་སྟབས་སྣེ་གདོང་རྫོང་ཞེས་དང་།ད་ལྟའི་སྣེ་གདོང་རྫོང་ཆགས་ཡུལ་ཡང་སྔོན་སྣེ་གདོང་རྫོང་ཆགས་ཤུལ་གྱི་རི་གཤམ་དུ་ཡོད། ༤ འཕྱོངས་རྒྱས་རྫོང་། འཕྱོང་རྒྱས་ཞེས་པ་ནི་ཡུལ་དེའི་ལྷོ་ངོས་ཀྱི་ཆུ་འགོ་ནོར་བུ་རི་ནས་སྲོང་བཙན་གྱི་ནོར་བུ་འཕྱོངས་ཕྲུ་གང་པ་ཞིག་གཏེར་ནས་བཞེས་པས་འཕྱོངས་རྒྱས་ཞེས་པ་དེ་ལྟར་ཐོགས།ད་ལྟའི་འཕྱོངས་རྒྱས་རྫོང་གནས་ཡུལ་ནི་འཕྱོངས་རྒྱས་ཕྱིང་བ་སྟག་རྩེའི་རྫོང་ཤུལ་གྱི་འདབས་སུ་ཆགས་ཡོད། ༥ ཟངས་རི་རྫོང་། ཟངས་རི་ཞེས་པ་ནི་སྔོན་གྱི་ཟངས་རི་རྫོང་ཆགས་སའི་རི་དེ་ཟངས་ཀྱི་མདོག་ལྟར་འདྲ་བས་ཟངས་རི་ཞེས་སྔར་གྱི་མིང་རང་སོར་བཞག་ཡོད་སྟབས་ད་ལྟའང་ཟངས་རི་ཞེས་འབོད་ཀྱི་ཡོད། ད་ལྟའི་རྫོང་གི་གནས་ཡུལ་ཀྱང་སྔོན་གྱི་ཟངས་རི་རྫོང་གི་གནས་ཡུལ་དང་ཉེ་བའི་སྤྱི་ལེ་གཅིག་ཙམ་གྱི་སར་ཡོད། ༦ ཆུ་གསུམ་རྫོང་། ཆུ་གསུམ་ཞེས་པ་ནི་དེ་ཁུལ་དུ་ཆུ་གསུམ་གྱི་འདུས་མདོ་ཡིན་པས་རྗེས་སུ་མིང་དེ་ལྟར་བྱུང་བ་ལས་སྔོན་དེ་ཁུལ་དུ་ཨེ་ལྷ་རྒྱ་རི་ཞེས་ཟེར།ཨེ་ནི་ཡུལ་ལུང་སྤྱིའི་མིང་དང་ལྷ་ནི་ཨེ་བཙུན་བཙན་པོའི་སྲས་གྲ་ལེགས་རྣམ་རྒྱལ་བཙན་པོའི་གདུང་རྒྱུད་ཡིན་སྟབས་མཚན་ལ་ལྷ་ཞེས་དང་།རྒྱ་རི་ཞེས་པ་ནི་རྩྭ་རྒྱ་བ་སྐྱེས་པའི་རི་ལ་གནས་གཞི་བཏབ་པས་རྒྱ་རི་ཞེས་གྲགས།སྔོན་ལྷ་རྒྱ་རིའི་རྫོང་ལ་ལྷ་རྒྱ་རིའི་ཕོ་བྲང་ངམ་ལྷ་ཁང་ཞེས་སོགས་ཟེར།ད་ལྟའི་ཆུ་གསུམ་རྫོང་ཞེས་པའང་1965ལོར་ལྷ་རྒྱ་རི་རྫོང་ཟེར་གྱི་ཡོད་ཀྱང་རྗེས་སུ་ཆུ་གསུམ་རྫོང་ཞེས་པར་མི་བསྒྱུར་བྱས།  ད་ལྟའི་རྫོང་གནས་ཡུལ་ནི་ལྷ་རྒྱ་རི་དང་ཉེ་བའི་གྲོག་ཤུལ་དུ་ནང་དུ་གནས་ཡོད།
ཉང་ཆོས་འབྱུང་མེ་ཏོག་སྙིང་པོ་སྦྲང་རྩིའི་བཅུད་། ཆ་ཚང་།

༄༅། །ཆོས་འབྱུང་མེ་ཏོག་སྙིང་པོ་སྦྲང་རྩིའི་བཅུད།   ཉང་ཉི་མ་འོད་ཟེར་གྱིས་བརྩམས།   དཔེ་སྐྲུན་གསལ་བཤད།   ༼ཆོས་འབྱུང་མེ་ཏོག་སྙིང་པོ་སྦྲང་རྩིའི་བཅུད།༽ འདིའི་མཇུག་བྱང་དུ་བརྩམས་པའི་དུས་མི་གསལ་ཡང༌། ཉང་བན་ཉི་མ་འོད་ཟེར་གྱི་སྐུ་ཚེའི་སྨད་ཙམ་ལ་ཡིན་པ་ཆོས་འབྱུང་ཞིབ་ཏུ་བཀླགས་པས་ཤེས་ཐུབ། དེས་ན་དུས་རབས་བཅུ་གཉིས་པའི་ནང་བརྩམས་པ་ཞིག་ཡིན་ཞིང༌། ཆོས་འབྱུང་འདི་ལ་ཐུན་མོང་མིན་པའི་ཁྱད་ཆོས་འགའ་ཞིག་ཡོད་པའི་དང་པོ། བོད་ཀྱི་ཆོས་འབྱུང་གྲགས་ཆེ་བ་ཕལ་མོ་ཚེའི་ཆེས་སྔ་རོལ་ཏུ་བྱུང་བ་ཞིག་ཡིན་པ་དཔེར་ན། ཡར་རྗེ་ཨོ་རྒྱན་གླིང་པས་གཏེར་ནས་བཏོན་པའི་ ༼བཀའ་ཐང་སྡེ་ལྔ༽ དང་ ༼པད་མ་བཀའ་ཐང་༽ ༼བུ་སྟོན་ཆོས་འབྱུང་༽ ༼རྒྱལ་རབས་གསལ་བའི་མེ་ལོང་༽ ཚལ་པའི་ ༼དེབ་ཐེར་དམར་པོ་༽ ཀུན་མཁྱེན་ཀློང་ཆེན་རབ་འབྱམས་ཀྱི་༼ཆོས་འབྱུང་རིན་པོ་ཆེའི་གཏེར་མཛོད་༽ སྤྱན་སྔ་དོན་དཔལ་གྱི་ ༼ཆོས་འབྱུང་བསྟན་པ་རིན་པོ་ཆེའི་གསལ་བྱེད་༽ འགོས་ལོ་གཞོན་ནུ་དཔལ་གྱི་ ༼དེབ་ཐེར་སྔོན་པོ་༽ ས་ཆེན་ཀུན་དགའ་རྒྱལ་མཚན་ ༼བཀའ་གདམས་ཆོས་འབྱུང་ཆེན་མོ་མཁས་པའི་ཡིད་འཕྲོག༽   པཎ་ཆེན་བསོད་ནམས་གྲགས་པའི་ ༼དགའ་ལྡན་ཆོས་འབྱུང་༽ ཇོ་ནང་ཏཱ་ར་ནཱ་ཐའི་ ༼རྒྱ་གར་ཆོས་འབྱུང་༽ སྟག་ལུང་ཞབས་དྲུང་ངག་དབང་རྣམ་རྒྱལ་གྱི་ ༼སྟག་ལུང་ཆོས་འབྱུང་༽ དུས་མཆོད་བླ་བྲང་པ་ཨ་མེས་ངག་དབང་ཀུན་དགའ་བསོད་ནམས་ཀྱི་ ༼ས་སྐྱའི་གདུང་རབས་རིན་ཆེན་བང་མཛོད་༽
བོད་ཡུལ་དུ་ཕྱི་རོལ་བའི་ལྷ་དབང་ཕྱུག་ཆེན་པོའི་དད་མོས་དར་ཚུལ།

                         རྩོམ་པ་པོ། མཁས་དབང་ར་སེ་དཀོན་མཆོག་རྒྱ་མཚོ། ཁ་བྱང་དང་འབྲེལ་བའི་གཏམ་འདི་བོད་དུ་རྒྱ་གར་ནས་ཚུར་དར་ཚད་ཀུན་སྟོན་པ་སངས་རྒྱས་དངོས་ཀྱིས་གསུངས་པའི་ནང་ཆོས། ནང་རིག་པ་ཤ་དག་ཡིན་ཞིང་། རྒྱ་གར་གྱི་ཡུལ་ཆོས་དང་འབྲེལ་བ་གཏན་ནས་མེད་དོ་སྙམ་པ་ལ་གོ་བར་བྱ་བའི་ཕྱིར་ཡིན་ལ། རྒྱ་གར་ནས་ཚུར་བོད་ཡུལ་དུ་དར་བའི་སྒྲ་སྙན་མངོན་བརྗོད། དབྱངས་འཆར། གསོ་རིག་སོགས་ལ་འདྲིས་པ་དག་གི་ངོས་ན་འདི་ནི་ཧ་ལས་པའི་གཏམ་ཅིག་མིན་ཏེ། དེ་དག་ཏུ་ལྷ་དབང་ཕྱུག་གི་རིག་གནས་མང་པོ་མཉམ་དུ་དྲངས་ཡོད་པ་མ་ཟད་རང་རེ་བེད་སྤྱོད་བཏང་དང་གཏོང་བཞིན་པ་ཤེས་ཟིན་པའི་ཕྱིར་རོ།། འདིར་བཀོད་པའི་པར་འདི་ནི་བལ་ཡུལ་དང་ཉེ་བ། མངའ་རིས་གུང་ཐང་དང་ཉེ་བ། གནའ་བོའི་རྒྱ་བལ་དུ་བཞུད་ལམ། འཕགས་པ་ལྷ་ཁང་གི་བྱང་ངོས་དང་ཉེ་བ། མང་ཡུལ་སྐྱིད་གྲོང་གི་ཚོང་འདུས་ཞེས་པའི་ས་ཆ། མཆོད་རྟེན་བརྒྱ་རྩ་བརྒྱད་ཀྱི་ཟུར་དུ་ཕ་བོང་གི་ཤར་ངོས་བརྐོས་ཡོད་ལ། འདི་ཉིད་ནི་རིགས་གསུམ་མགོན་པོའི་སྐུ་བརྙན་ཡིན་པར་ཡོངས་སུ་གྲགས་ཤིང་། འདིར་བརྐོས་དོན་ཡང་སྐྱིད་གྲོང་སྨད་ཀྱི་དུག་སྦྲུལ་གདུག་པ་ཅན་གྱི་ཁ་གནོན་དུ་བརྐོས་པ་དང་། འདིའི་མཐུས་ས་ཆ་འདི་ཡན་ཆད་ལ་དུག་སྦྲུལ་རྩ་བ་ནས་མེད་པའང་། རྟེན་འདིས་ཁ་གནོན་མཛད་པའི་དྲིན་ཡིན་པར་གྲགས། ཁོ་བོས་བཙན་པོའི་དུས་སུ་བོད་དུ་དར་མྱོང་བའི་པཱ་ལའི་བཟོ་ཁྱད་ལྡན་པའི་རྟེན་འདི་ཉིད་ཐོག་མར་མཇལ་དུས་རིགས་གསུམ་མགོན་པོ་ཡིན་སྣང་མ་བྱུང་སྟེ། འཇམ་དབྱངས་དམར་པོ་ཡོད་པ་མཇལ་མྱོང་མེད་ཅིང་། དབུ་ཐོག་ལ་མཆོད་རྟེན་ཡོད་པས་ན། ཞིབ་འཇུག་པ་ལ་ལས་བྱམས་པ་ཡིན་པའམ་ཡིན་ཤས་ཆེ་གསུངས་འདུག བོད་ཡིག་གི་འདོད་གསོལ་བརྐོས་འདུག་ནའང་ལྷ་གང་ཡིན་འཁོད་མི་འདུག་ལ། གུཔྟའི་ཡི་གེ་འདྲ་བའི་ཁ་བྱང་ལྟ་བུ་བཀོད་འདུག་ཀྱང་ཀློག་མ་ཐུབ། དེའི་མདུན་ངོས་དེར་རྡོ་ལེབ་གསུམ་གྱི་ངོས་ལ་རིགས་གསུམ་མགོན་པོའི་གཟུངས་འཁོར་ལོ་རིས་སུ་བརྐོས་འདུག་ལ། ཅུང་ཟད་སྔ་ཉམས་ལྡན་པས་སྐུ་འདི་གསུམ་རིགས་གསུམ་མགོན་པོར་བརྩི་གི་ཡོད་པ་འདྲ་སྙམ་པ་བྱུང་།
ཞོལ་རྡོ་རིང་ཆེས་ཐོག་མ་ནས་རྩེ་ཞོལ་དུ་བཙུགས་ཡོད་མེད་སྐོར་གྱི་དོགས་སློང་།

རྩོམ་པ་པོ། ལྕང་ཆུང་བསོད་ནམས་ཚེ་རིང་།    [ནང་དོན་གནད་བསྡུས།] དཔྱད་རྩོམ་འདིར་ལོ་རྒྱུས་ས་མིང་རིག་པ་དང་ཡིག་ཚང་རིག་པ་ཟུང་དུ་སྦྲེལ་བ་དང་། ཡིག་ཐོག་གི་དཔྱད་གཞི་དང་ས་ཡུལ་དངོས་ཀྱི་རྟོག་ཞིབ་འབྲས་བུ་ཟུང་དུ་སྦྲེལ་བའི་ཞིབ་འཇུག་ཐབས་ཤེས་སྤྱད་དེ། བཙན་པོ་ཁྲི་སྲོང་ལྡེ་བཙན་གྱིས་བློན་པོ་ངན་ལམ་སྟག་སྒྲ་ཀླུ་ཁོང་ལ་གནང་བའི་མནའ་གཙིགས་རྡོ་རིང་སྟེ་རྡོ་རིང་ཆེས་ཐོག་མར་དབུ་རུ་སྐུ་སྲུང་སྟོང་སྡེའི་མངའ་ཁོངས་ཚལ་གུང་ཐང་གི“ཕྱི”ཞེས་པའི་ལུང་པ་སྟེ། དེང་ཚལ་གུང་ཐང་ཤང་ཀྲི(སྤི)གྲོང་ཚོར་བཙུགས་ཡོད་ཚུལ་དང་། དེ་རྗེས་དུས་རབས་༡༧སྨད་ཙམ་ལ་སྡེ་སྲིད་སངས་རྒྱས་རྒྱ་མཚོས་ཕོ་བྲང་དམར་པོ་བཞེངས་གྲུབ་མཚམས་ས་རྩེ་སྤོས་བཙུགས་སྐོར་གྱི་ལྟ་བ་གསལ་སྟོན་བྱས་ཐོག་རུས་ངན་ལམ་གྱི་ཁྱིམ་རྒྱུད་ཆགས་སའི་ཡུལ་ནི་དེང་ཚལ་གུང་ཐང་ཤང་ཀྲི་གྲོང་ཚོའི་གཡས་གཡོན་དུཡིན་པ་མ་ཟད། ཡུལ་དེར་གནས་པའི་བང་སོ་སྤྱི་ཁྲེ་གྲུ་བཞི་སུམ་སྟོང་ལྷག་ཡོད་པ་དེ་ཡང་ངན་ལམ་སྟག་སྒྲ་ཀླུ་ཁོང་གི་བང་སོ་ཡིན་པའི་སྐོར་ལ་དོགས་སློང་གིས་དཔྱད་བརྗོད་བྱས་ཡོད།[བརྡ་ཆད་གཙོ་བོ།] ཞོལ་རྡོ་རིང་། ཀྲི་(སྤི)གྲོང་ཚོ། བང་སོ། ངན་ལམ་སྟག་ཀླུ་ཁོང་། [ཀྲུང་གོའི་དཔེ་དེབ་དབྱེ་རྟགས།] K874[ཡིག་ཚང་མཚོན་བྱང་།] A[རྩོམ་གྱི་གོ་རིམ་ཨང་སྒྲིག]1002-946X(2014)01 – 008 -10
ཤུག་གསེབ་ཨོ་རྒྱན་རྫོང་བཙུན་དགོན།

འུར་ཞང་ལྷ་ཁང་ནས་སྤྱི་ལེ་བཅུ་གསུམ་ཙམ་སྤྱིར་བཏང་འཁོར་ལམ་བརྒྱུད་ཤར་དུ་སོང་ན་སྙེ་ཕུ་ཞེས་ཤུག་གསེབ་རི་འདབས་སུ་སླེབས། དེ་ནས་རྐང་ཐང་མར་ཆུ་ཚོད་གཅིག་ལྷག་ཙམ་སོང་ན་དགོན་དེར་སླེབས་ཀྱི་རེད། ཤུག་གསེབ་ཅེས་པ་ནི། ཤིང་ཤུག་པའི་གསེབ་ཏུ་ཆགས་པས་ཤུགས་གསེབ་ཅེས་གྲགས། དགོན་དེ་ཐོག་མར་ཕག་གྲུའི་ཞལ་སློབ་ཆོས་རྗེ་གྱེར་སྒོམ་ཚུལ་ཁྲིམས་སེང་གེ་དགུང་ལོ་སུམ་ཅུ་ལྷག་ཙམ་གྱི་དུས་ཕྱི་ལོ་ ༡༡༨༡ ལོར་གནས་དེར་ཕེབས་ནས་གྲྭ་དགོན་ཞིག་ཕྱག་བཏབ་གནང་མཛད། སློབ་མ་སྟོང་ཕྲག་མང་པོ་བྱུང་གསུངས། ཞི་བྱེད་ཀྱི་གཅོད་རྒྱུད་ཕྱག་བཞེད་མཛད། ཤར་གླིང་དང་། བུབ་གླིང་། དབུས་གླིང་ཞེས་གླིང་གསུམ་ཙམ་ཡོད།
ཡར་འབྲོག་གི་ལམ་ཡིག་ཕྱག་དེབ་སྟོད་སྨད་གསར་ཐོན།

རྩོམ་པ་པོ་ངོ་སྤྲོད་མདོར་བསྡུས། དེ་ཡང་རྩོམ་པ་པོ་བསམ་ཤོད་པ་དཀོན་ཅོག་ཡོན་ཏན་ལགས་ནི། ཕྱི་ལོ་ 1961 ལོའི་ཟླ་བ་ 11 ཚེས་ 6 ཉིན་བོད་ལྗོངས་ལྷོ་ཁ་ས་ཁུལ་སྣ་དཀར་རྩེ་རྗོང་སྟག་ལུང་གྲོང་རྡལ་དུ་སྐྱེས་ཤིང་། བོད་ལྗོངས་སློབ་ཆེན་བོད་སྐད་ཀྱི་ཡིག་རྩོམ་རིག་ཚན་ཁག་ནས་མཐར་ཕྱིན། ཀྲུང་གོའི་དམངས་ཁྲོད་རྩོམ་རིག་སྒྱུ་རྩལ་མཁས་ཅན་མཐུན་ཚོགས་ཀྱི་ཚོགས་མིའི་ཐུགས་འགན་བཞེས། ཁོང་གིས་ལས་ཞོར་དུས་ཚོད་བེད་སྤྱད་ནས་《ལྷོ་ཁའི་རྩོམ་རིག་སྒྱུ་རྩལ་》 དང་།《བོད་ལྗོངས་ཞིབ་འཇུག་》སོགས་སུ་བོད་རྒྱ་ཡིག་རིགས་གཉིས་ཀྱི་ཐོག་ནས་བརྩམས་ཆོས་ཉིས་བརྒྱ་ལྷག་སྤེལ་མྱོང་ལ། མང་དག་ཅིག་ལ་བོད་རང་སྐྱོང་ལྗོངས་དང་། རྒྱལ་ཁབ་རིམ་པ་སོགས་ཀྱི་བྱ་དགའ་ཡང་ཐོབ་མྱོང་ཡོད།