ལྷ་སའི་བཀའ་འགྱུར་གྱི་དཀར་ཆག
ལྷ་སའི་བཀའ་འགྱུར། ༄༅། །རྒྱལ་བའི་བཀའ་འགྱུར་རིན་པོ་ཆེའི་ཆོས་ཚན་སོ་སོའི་མཚན་བྱང་དཀར་ཆག་བསྡུས་པ་བཞུགས་སོ། ། ༄༅༅། །ཨོཾ་སྭ་སྟི། མཚན་དང་དཔེ་བྱད་གསལ་ལ་རབ་རྫོགས་རྣམ་འདྲེན་ཐུབ་མཆོག་གཟི་བྱིན་གྱིས། །བདུད་བཞི་འབྱུང་པོ་ལོག་སྨྲའི་ཚོགས་བཅས་མིང་གི་ལྷག་མར་ཕ་མཐར་བསྐྲད། །བསྐལ་མང་སྔོན་ནས་རླབས་ཆེན་ཐུགས་བསྐྱེད་དམ་བཅའ་བརྟན་པོ་མཛད་ཇི་བཞིན། །ཉམ་ཐག་ལྔ་བདོའི་འགྲོ་བ་རྣམས་ལ་བརྩེ་བས་དུས་ཀུན་སྐྱོངས་གྱུར་ཅིག དཔལ་གྱི་མགུར་ལས་ཟབ་རྒྱས་གདམས་པའི་དཔྱིད། །གངས་ཅན་སྐད་དུ་འགྱུར་རོ་ཇི་སྙེད་པ། །གཅིག་ལས་དུ་མའི་རྣམ་འཕྲུལ་པར་གསར་གྱི། །ཞལ་བྱང་ཐོ་ཡིག་རགས་རིམ་འདི་ན་སྤེལ། །
