སློབ་དཔོན་ཆོས་གྲགས་ཀྱི་དུས་མན་ཆད་ནས་རྒྱལ་པོ་ཙ་ན་ཀས་སྲིད་དབང་བཟུང་བ་ཡན་ཆད་དུ་རྒྱ་གར་ཡུལ་དུ་བྱོན་པའི་གྲུབ་ཐོབ་བརྒྱད་ཅུ་རྩ་བཞི་སྟེ། ༡ གྲུབ་ཆེན་ལཱུ་ཧི་པ་ཉ་ལྟོ་ཞབས། ༢ ལཱི་ལ་པ་སྒེག་པའི་ཞབས། ༣ བི་རཱུ་པ་ངན་པའི་ཞབས། ༤ ཌོམྦྷི་པ་གཡུང་མོ་ཞབས་། ༥ ཤ་བ་རི་བ་རི་ཁྲོད་ཞབས། ༦ ས་ར་ཧ་པ་མདའ་བསྣུན་ཞབས། ༧ ཀམྐ་རི་བ་ཀེང་རུས་ཞབས། ༨ མཱི་ན་པ་ཉ་པའི་ཞབས། ༩ གོ་ར་ཀྵ་བ་གླང་སྲུང་། ༡༠ ཙཽ་རཱངྒ་པ་རྐུན་པོ་ཅན།

འཛམ་གླིང་ན་རིན་ཐང་དཔག་ཏུ་མེད་པའི་རྟེན་ཉན་ཐོས་ཤཱ་རི་བུའི་སྤྱན་གཡས་པ་བཞུགས་པའི་ཕུ་ཐང་སྤྱན་གཡས་དགོན་པ་ནི་བོད་ལྗོངས་ལྷོ་ཁ་འཕྱོངས་རྒྱས་རྫོང་རྒྱལ་སྨན་ཡུལ་ཤོག་སྤྱན་གཡས་གྲོང་ཚོར་གནས་ཡོད།། སྤྱན་གཡས་ཏེ། མཚན་རྒྱས་པར་ཡར་རྒྱལ་ཕུ་ཐང་སྤྱན་གཡས་དགོན་ས་ཞུ། འཕྱོངས་རྒྱས་རྫོང་ནས་སྤྱིར་བཏང་འཁོར་ལམ་བརྒྱུད་ནུབ་ངོས་སུ་སྤྱི་ལེ་བཅུ་དྲུག་ཙམ་རྒྱ་སྨན་ནང་ཞེས་པར་སོང་ན་སྤྱན་གཡས་གྲོང་དབུས་སུ་དགོན་དེ་མཇལ་རྒྱུ་ཡོད། དགོན་དེ་ནི་ཐོག་མར་གཏེར་སྟོན་གྲྭ་པ་མངོན་ཤེས་ཀྱིས་སྤྱི་ལོ་1012ལོར་ཕྱག་བཏབ་གནང་མཛད། སྤྱོད་འཇུག་གི་བཤད་གྲྭ་རྒྱ་ཆེན་སྤེལ་གནང་ནས་དགེ་འདུན་ཞལ་གྲངས་ལྔ་བརྒྱ་ཙམ་ཟིན་གསུངས།

ས་སྐྱ་པཎྜི་ཏ་ཀུན་དགའ་རྒྱལ་མཚན་ནི།  དྲི་མེད་འཁོན་གྱི་རིགས་རྒྱུད་གྲགས་པ་རྒྱལ་མཚན་གྱི་གཅུང་དཔལ་ཆེན་འོད་པོ་ལ་མ་གཅིག་གར་ཕུ་མ་ཉི་ཕྲི་ལྕམ་ཁབ་ཏུ་བཞེས་པ་ལ་སྲས་གཉིས་འཁྲུངས་པའི་ཆེ་བ།  ཡབ་དགུང་ལོ་སོ་གསུམ་དུ་ཕེབས་པ་རབ་བྱུང་གསུམ་པའི་ཆུ་སྟག་(༡༡༨༢)ལོའི་ཟླ་བ་གཉིས་པའི་ཚེས་ཉེར་དྲུག་ལ་སྐུ་བལྟམས།  མཚན་དཔལ་ལྡན་དོན་གྲུབ་གསོལ།  སྐུ་ཤིན་ཏུ་གཞོན་པའི་དུས་ནས་ཡབ་ཀྱི་དྲུང་དུ་འབྲི་ཀློག་དང༌།  གསང་སྔགས་ཀྱི་དབང་ཁྲིད་མན་ངག་དུ་མ་ཞུས་ཤིང༌།  གསོ་བྱེད་ཀྱི་གཞུང་མན་ངག་འགའ་ཞིག་ཀྱང་གསན།  ཤེས་བྱའི་གནས་ཀུན་ལ་ཐོགས་མེད་དུ་འཇུག་པའི་མཁྱེན་རབ་ཀྱི་གཏེར་བརྡོལ།

ལྕགས་གླང་སྤྱི་ལོ་641ལོར་བོད་ཀྱི་རྒྱལ་པོ་སྲོང་བཙན་སྒམ་པོས་བོད་ཀྱི་རྒྱལ་ཕྲན་དང་ཚོ་པ་ཐམས་ཅད་གཅིག་ཏུ་བསྡུས་ནས་བོད་ཡོངས་གཅིག་གྱུར་བྱེད་པའི་སྲིད་དབང་བཙུགས་པ་སྲ་བརྟན་ཡོང་བ་དང༌། སྟོབས་དང་ལྡན་པ། སྤྱི་ཚོགས་བདེ་འཇགས་ཀྱི་སྒོ་ནས་ཞིང་འབྲོག་ཐོན་སྐྱེད་གོང་འཕེལ་ཡོང་བ། མཐའ་མཚམས་བརྟན་པོ་ཡོང་བ་བཅས་དགོས་པ་དུ་མའི་ཆེད་དུ་ཡིན་པ་ནི་སྨོས་མ་དགོས། སྐབས་དེར་ཁྲིམས་ཡིག་གཏན་ལ་ཕབ་པའི་སྐོར་ལས་དམག་དོན་སྐོར་<<ཆོས་འབྱུང་མཁས་པའི་དགའ་སྟོན་>>ལས་གསལ་བར། བོད་ཡུལ་རུ་ཆེན་ལྔ་རུ་ཕྱེས། ། དམག་གི་རུ་སྒར་བརྒྱད་དུ་བཏབ། ། རུ་དར་རུ་རྟ་གཏན་ལ་ཕབ། ། ཡུལ་གྱི་དབང་རིས་བཅོ་བརྒྱད་ཕྱེས། ། རྒོད་ཀྱི་སྟོང་སྡེ་རེ་གཅིག་དང་། ། གཡུང་ལ་རྗེ་བྲན་རིམ་ལྔར་ཕྱེས། ། དཔའ་སྡེ་གསུམ་གྱིས་སོ་ཁ་སྲུང་། །