༄༅། །བཀའ་གདམས་པ་དང་འབྲོམ་སྟོན་པ་རྒྱལ་བའི་འབྱུང་གནས། སྒྲིག་རྩོམ་མཁན། ཆབ་སྤེལ་ཚེ་བརྟན་ཕུན་ཚོགས། ནོར་བྲང་ཨོ་རྒྱན། བཀའ་གདམས་ཞེས་པའི་གྲུབ་མཐའི་སྒྲ་བཤད་ལ་མི་འདྲ་བ་འགའ་མཆིས་ཀྱང་། ཆེས་ཡོངས་སུ་གྲགས་པ་དང་དོན་ལ་སྦྱོར་བ་ནི།

བུ་སྟོན་གྱི་ཆོས་ལོག་སུན་འབྱིན། གཞན་ཡང་ཁོ་ཡིས་འདོད་པ་ལ། །མ་ཎི་པདྨེ་ཡིག་དྲུག་ལ། །ཧྲཱི་བསྣན་པ་ལ་སྐྱོན་མེད་དེ། །ཧྲཱི་འདི་ཐུགས་རྗེ་ཆེན་པོ་ཡི། །ས་བོན་ཡིན་པས་བསྣན་ནོ་ཟེར། །འདི་ཡང་འཐད་པ་མ་ཡིན་ཏེ། །ཟ་མ་ཏོག་གི་མདོ་ལས་ཀྱང་། །ཡི་གེ་དྲུག་པ་ཉིད་དུ་བཤད། །སངས་རྒྱས་ལས་ནི་ཁོ་མི་ལྷག །རྒྱ་གར་མཁས་པས་འདི་ལྟར་བཞེད། །ཨོཾ་མེད་པ་ལ་ཨོཾ་བཅུག་དང་། །སྭཱ་ཧཱ་ཕཊ་ལ་སོགས་པ་ཀུན། །ཡོད་པ་ཆད་དང་ལྷག་གྱུར་ན། །སྔགས་ཀྱི་ནུས་པ་མེད་པར་གསུངས། །

༄༅༅། །པདྨའི་སྤྱན་ལ་ཕྱག་འཚལ་ནས། །ལྟ་བའི་རིམ་པ་བཤད་པར་བྱ། །འཇིག་རྟེན་པ་དང་འཇིག་རྟེན་འདས། །གསེར་གྱི་རྫས་ལྟར་གཅིག་ལས་སྣང༌། །རྣམ་གྲངས་སྣང་བ་ལྔ་གསུམ་གཉིས། །ཤེས་ནས་གཞག་དང་བླང་བར་བྱ། །ཐམས་ཅད་བྱང་ཆུབ་སྙིང་པོའི་ཀློང༌། །པདྨ་འཁྱིལ་བའི་རང་བཞིན་ལ། །རང་གི་རྟོག་རྙོག་རི་བོས་མནན། །རང་རྒྱུད་རྐྱེན་གྱིས་ལོག་སྣང་བ། །སྐྱེ་བོ་པ་དང་མུ་སྟེགས་པ། །དྲུག་དང་རྟག་ཆད་སྣང་བར་བྱུང༌། །དམུས་ལོང་ཚུལ་གྱུར་སྐྱེ་བོ་ཡང༌། །མཐོ་ཡོར་མི་ལྟར་བརྟགས་སྣང་བ། །དམྱལ་བའི་རང་སེམས་མི་སོགས་སྣང༌། །ཡི་དགས་སྡིག་སེམས་མི་གཙང་ཡུལ། །བྱོལ་སོང་གྱེན་ཐུར་ངམ་གྲོག་སྣང༌། །མི་ལ་མཐོང་ཡུལ་འདི་ཉིད་སྣང༌། །དེ་བཞིན་ལྷ་མིན་གོ་མཚོན་སྣང༌། །ལྷ་ཡི་དགེ་སེམས་རིན་ཆེན་སྣང༌། །ཅི་ཡང་སྣང་ཕྱིར་མཐོང་མི་བདེན། ། སྐྱེ་བོ་རྟོག་པས་ཕྲོགས་པ་ཡི། །རྣམ་འཕྲུལ་ཕྱི་ནང་ལྟ་བུར་སྣང༌། །བརྟགས་པ་བརྡ་ཡི་ཐ་སྙད་ཤར། །རྐྱེན་གྱིས་ལོག་ཚུལ་མུ་སྟེགས་པ། །ཁྲིད་བྱེད་དྲུག་གི་བསྟན་པས་བསླུས། །མདོ་བསྡུས་མུ་སྟེགས་ཆད་པ་ལ། །གློ་བུར་ཙམ་སྣང་མཐའ་མེད་ལྟ། །རྟག་པ་བྱས་སྣང་དངོས་པོར་འདོད། །

རྗེ་བཙུན་ཏཱ་ར་ནཱ་ཐས་མཛད་པའི་དཔལ་དུས་ཀྱི་འཁོར་ལོའི་ཆོས་སྐོར་གྱི་བྱུང་ཁུངས་ཉེར་མཁོ་བསྡུས་པ་ལས[1]། རྒྱུད་ཐམས་ཅད་ཀྱི་མཆོག་ཏུ་གྱུར་པ་མཆོག་གི་དང་པོའི་སངས་རྒྱས་དུས་ཀྱི་འཁོར་ལོ་ནི། སྟོན་པ་ཡང་དག་པར་རྫོགས་པའི་སངས་རྒྱས་མངོན་པར་སངས་རྒྱས་པའི་ཕྱི་ལོ་ནག་པའི་ཉ་ལ། དཔལ་ལྡན་འབྲས་སྤུངས་ཀྱི་མཆོད་རྟེན་ཆེན་པོར། དཔལ་ལྡན་རྒྱུ་སྐར་གྱི་དཀྱིལ་འཁོར་ཆེན་པོ་མངོན་པར་སྤྲུལ། འཁོར་སངས་རྒྱས་བྱང་སེམས་དཔའ་བོ་མཁའ་འགྲོ་དཔག་ཏུ་མེད་པ་དང་། ལྷ་ཆེན་བཅུ་གཉིས་སོགས། ལྷ་ཀླུ་གནོད་སྦྱིན་འབྱུང་པོའི་ཚོགས་དང་། ཆུ་བོ་སཱི་ཏའི་བྱང་ཕྱོགས་གྲོང་བྱེ་བ་ཕྲག་དགུ་ཅུ་རྩ་དྲུག་གི་མིའི་འགྲོ་བ་སྐལ་ལྡན་དཔག་ཏུ་མེད་པ་འདུས་པའི་དབུས་སུ། ཕྱག་ན་རྡོ་རྗེའི་སྤྲུལ་པའི་སྐུ་རྒྱལ་པོ་ཟླ་བ་བཟང་པོས་ཞུས་པའི་ངོར་གསུངས་པ་ཡིན་ལ། དེར་རྒྱུད་འདིར་མ་ཟད། རྒྱུད་མཐའ་དག་གསུངས་ནས། ཕྱག་ན་རྡོ་རྗེ་ལ་གཏད་པ་ཡིན་ཅིང་། མི་དང་མི་མ་ཡིན་པ་བགྲང་བ་ལས་འདས་པ་འདོད་པའི་དངོས་གྲུབ་ཐོབ་པར་གྱུར། རེ་ཤིག་མིའི་འཇིག་རྟེན་གཞན་དུ་མ་དར། ཤམྦྷ་ལར་རྒྱལ་པོ་ཟླ་བ་བཟང་པོས་རྒྱུད་མཐའ་དག་གླེགས་བམ་ལ་བྲིས། དུས་ཀྱི་འཁོར་ལོའི་རྩ་རྒྱུད་མཆོག་གི་དང་པོའི་སངས་རྒྱས་སྟོང་ཕྲག་བཅུ་གཉིས་པ་ལ། འགྲེལ་བཤད་སྟོང་ཕྲག་དྲུག་ཅུ་པ་མཛད། རྒྱུ་རིན་པོ་ཆེ་སྣ་ཚོགས་པ་ལས། ལྷའི་བཟོ་བའི་འདུ་བྱེད་ཀྱིས་དཀྱིལ་འཁོར་གྱི་བཀོད་པ་ཁྲུ་བཞི་བརྒྱ་པ་བཞེངས། སྐྱེ་བོའི་ཚོགས་ལ་སྔགས་ཀྱི་ཐེག་པ་རྒྱ་ཆེར་གསུངས། མང་པོ་ཞིག་དངོས་གྲུབ་མཆོག་ལ་བཀོད། རྩ་རྒྱུད་གསུངས་པའི་དུས་ནས་ལོ་གཉིས་པ་ལ། སའི་སྙིང་པོའི་སྤྲུལ་པ་སྲས་ལྷའི་དབང་པོ་རྒྱལ་སྲིད་དུ་བསྐོས་ནས་ཆོས་ཀྱི་དབྱིངས་སུ་གཤེགས་སོ།།

དཔལ་དེ་ཁོ་ན་ཉིད་འདུས་པའི་བསྟན་པ་རིན་པོ་ཆེ་ཇི་ལྟར་བྱུང་བའི་ཚུལ་ནི། གདན་ས་ཐམས་ཅད་ཀྱི་ཡང་རྩེ་དཔལ་ལྡན་བོ་དོང་ཨེ་ཆོས་འབྱུང་བའི་རྒྱ་མཚོ་ཆེན་པོ་མཁས་པའི་ངང་པ་ཅན་དེ་ཡིན་པས། དེའི་ལོ་རྒྱུས་ནི་གཉན་ལོ་ཙཱ་བ་དར་མ་གྲགས་དེ་ཉིད་ཀྱིས་རྒྱ་གར་དུ་དམ་པའི་ཆོས་དང་ལོ་ཙཱ་བ་སློབ་པར་བྱོན་པས་སྤྱིར་རིག་པའི་གནས་ལྔ་ལ་མཁས། སྒོས་སུ་རྒྱ་མཚོའི་མཐའི་སྐད་རིགས་ལ་མཁས་པར་གྱུར་པས། བོད་དུ་ངའི་ཡོན་ཏན་གྱི་ཆེ་བ་འདོན་མཁན་དགོས་པར་འདུག་དགོངས་ནས་རྒྱ་གར་ཤར་ཕྱོགས་པའི་ཡུལ་དེའི་རྒྱལ་པོ་ལ་ཞུས་པས་རྒྱལ་པོས་རང་གི་མངའ་འོག་གི་པཎྚི་ཏ་ཐམས་ཅད་ཀྱི་གཙུག་གི་ནོར་བུ་ལྟ་བུ་པཎ་ཆེན་འབུམ་ཕྲག་གསུམ་པ་རྒྱལ་པོས་བོད་ལ་ཐེགས་པར་གསོལ་ནའང་པཎྚི་ཏ་བྱོན་མ་འདོད་པས། ལོ་ཙཱ་བས་སྒྲོན་མ་ཡིད་ཀྱི་ལྕགས་ཀྱུ་སྒྲུབ་ནས་པཎྚི་ཏའི་སེམས་བཀུག །པཎྚི་ཏས་ནམ་ཕྱེད་ལ་བཞེངས་ནས་འགྲོ་འགྲོ་བོད་ལ་འགྲོ་གསུངས་ནས་བོད་དུ་བྱོན་ནས་གཙང་དུ་འགྲོ་དོན་རྒྱས་པར་བྱུང་།