སྤེལ་ཞིབ་ཕྲ།

བོད་མིའི་དུར་འཇུག་ལ་རིགས་གང་ཡོད།

བོད་མིའི་དུར་འཇུག་ལ་རིགས་གང་ཡོད། གཅིག ས་ལ་སྦེད་པ། བོད་ཀྱི་དུར་འཇུག་བྱེད་ཚུལ་སྔ་ཤོས་ནི་ས་འོག་ཏུ་སྦེད་རྒྱུ་དེ་ཡིན་ཏེ་བོད་ཀྱི་རྒྱལ་རབས་ལོ་རྒྱུས་དག་ལས་གྲི་གུམ་བཙན་པོའི་བང་སོ་ནི་བང་སོའི་ནང་གི་ལྔ་ཤོས་དེ་ཡིན་པར་གྲགས་པ་དང་། དེ་ཡང་རྒྱལ་པོའི་བང་སོའི་སྐོར་ཡིན་པ་ལས་དུར་རམ་བང་སོའི་སྔ་ཤོས་ནི་ཇི་ཙམ་ལ་བྱུང་བ་བརྗོད་པར་དཀའ་སྟེ་ཉེ་བའི་ལོ་ཤས་ནང་བརྙེད་པའི་བང་སོ་འགའ་ཞིག་ནི་ལོ་གསུམ་སྟོང་ལྷག་སོང་ཟིན་སྐད་འདུག་ཅིང་གང་ལྟར་ནའང་བོད་དུ་ནང་པ་སངས་རྒྱས་ཀྱི་ཆོས་འདི་ས་ཁྱབ་རྡོ་ཁྱབ་ཏུ་མ་དར་བར་དུ་ནི་ཕུང་པོ་ས་འོག་ཏུ་སྦེད་རྒྱུ་དེ་ཁོ་ན་ཡིན་པར་ཐེ་ཚོམ་མི་དགོས་པ་ཞིག་ཡིན་ལ་སངས་རྒྱས་ཆོས་ལུགས་བོད་དུ་དར་ནས་ཀྱང་ཡུན་རིང་པོ་ཞིག་གི་རིང་ལ་སྔར་མུས་སུ་བང་སོ་བརྩིགས་ནས་དུར་དུ་འཇུག་མུས་སུ་ཡོད་པ་དཔེར་ན་རྒྱལ་པོ་གླང་དར་མ་འུ་དུམ་བཙན་གྱི་སྐབས་སུ་ནི་སངས་རྒྱས་ཀྱི་ཆོས་ལུགས་དར་ནས་རྒྱལ་རབས་དྲུག་ཙམ་སོང་ཡང་ད་དུང་བང་སོ་རྩིག་མུས་སུ་ཡོད་པ་སྟེ་བོད་ཀྱི་རྒྱལ་རབས་ལོ་རྒྱུས་དག་ལས་གླང་དར་གྱི་བང་སོ་ནི་བོད་ཀྱི་བཙན་པོའི་བང་སོ་མཐའ་མ་དེ་ཡིན་ལ་བོད་ཀྱི་བང་སོའི་མཐའ་མ་ཡང་དེ་ཡིན་ཀྱང་ཕུང་པོ་ས་འོག་ཏུ་སྦེད་པའི་སྲོལ་གྱི་མཐའ་མ་ནི་མ་ཡིན་པར་བསྟན་པ་ཕྱི་དར་གྱི་གཡི་དུས་བར་དུ་གནས་པར་སྣང་ངོ་། །
དགུ་ཐུག་སྐོལ་སྟངས་ཤེས་ན་སྐྱིད་པོ་ཡོད།

མི་རིགས་ཤིག་གི་སྲོལ་རྒྱུན་རིག་གནས་ནི་མི་རིགས་གང་དེའི་ངལ་རྩོལ་མི་དམངས་ཀྱི་བསམ་བློའི་འཛིན་སྟངས་དང་།   མཛེས་དཔྱོད་ཀྱི་ལྟ་བ།   སྒྱུ་རྩལ་གྱི་དང་བ་བཅས་མཚོན་པའི་གཅིག་བསྡུས་ཀྱི་དཔེ་གཞི་གསོན་པོ་ཞིག་ཡིན་ཙང་།   མི་རིགས་གང་དེའི་དམངས་སྲོལ་རིག་གནས་ཀྱི་བྱེད་སྒོའི་སྐས་ཐེམ་རེ་རེ་ན་གསལ་བའི་སྲོལ་རྒྱུན་གྱི་དུས་ཚིགས་རེ་རེ་ནི།   མི་རིགས་དེ་དང་དེའི་རིགས་གནས་གོམས་གཤིས་དང་།   དཔེ་ལུགས་རྒྱུན་སྲོལ་སོགས་མཚོན་པའི་རིག་རྩལ་གྱི་ཀྱོག་མཚམས་རེ་རེ་ཡིན་སྲིད།   དེས་ན་གནམ་ལོ་གསར་བ་འཆར་ལ་ཉེ་བའི་སྐབས་སུ།  རང་མི་རིགས་ཀྱི་དགུ་ཐུག་སྐོལ་བའི་སྲོལ་རྒྱུན་གྱི་དུས་ཚིགས་འདི་གཅེས་སུ་འོས་པ་ཞིག་ཡིན་པ་ཤོད་ག་ལ་དགོས།  དེ་ཡང་ཆེས་སྔ་མོའི་དུས་ནས་བོད་རིགས་ཀྱི་མེས་པོ་རྣམས་ཀྱིས་དགུ་ཐུག་སྐོལ་བའི་སྲོལ་ཡོད་ཅིང་།   དེའི་ནང་དུ་བཟང་ངན་བར་མའི་མཚན་མ་སྣ་ཚོགས་འདེབས་སྲོལ་ཡོད་པ་མ་ཟད།   སྐབས་བབ་ཀྱི་བརྗོད་དོན་ལ་དམིགས་པའི་བཤད་པ་སྣ་ཚོགས་ཤིག་སྐྱོན་སྲོལ་ཡོད་པ་རེད།  མདོར་ན་དགུ་ཐུག་སྐྱིད་པོ་ཞིག་སྐོལ་བ་ལ་དགུ་མཚན་ཕུན་སུམ་འཚོགས་པོ་ཞིག་དང་དགུ་བཤད་དགོད་བྲོ་བ་ཞིག་ངེས་པར་དུ་དགོས་ཕྱིར།   ངེད་འདི་ནས་ཡུལ་མི་སྤུན་གྲོགས་ཡོངས་ལ་གནམ་ལོ་གསར་བར་འཚམས་འདྲིའི་ཚུལ་དུ་དགུ་མཚན་ཞིག་གསར་དུ་བཟོས་ཡོད།
༄༅། །བོད་རང་སྐད་ཀྱི་རྒྱུན་མཁོའི་ཕལ་ཚིག་དང་ཞེ་ཚིག

ཞེ་ཚིག་ཅེས་པ་ནི་གཞན་ལ་མོས་གུས་དང་ལྡན་པའི་སྒོ་ནས་བཀོལ་བའི་མིང་དང་ཚིག་དང་ཡིག་ཚོགས་ལ་གོ་དགོས་པ་ཡིན།   ཕ་ལ་ཡབ་དང་མ་ལ་ཡུམ། །མིང་ལ་མཚན་དང་ལུས་ལ་སྐུ། །གཟུགས་བརྙན་ལ་ནི་སྐུ་བརྙན་དང་། །མགོ་ལ་དབུ་དང་ངོ་ལ་ཞལ། །མིག་ལ་སྤྱན་དང་རྣ་ལ་སྙན། །སྣ་ལ་ཤངས་དང་ཁ་ལ་ཞལ། །སོ་ལ་ཚེམས་དང་ལྕེ་ལ་ལྗགས། །སྐེ་ལ་མགུལ་དང་ལག་ལ་ཕྱག །རྐང་ལ་ཞབས་དང་ལྷམ་ཞབས་ཕྱགས། །རྐང་པར་ཞབས་པད་ཅེས་ཀྱང་བརྗོད། །མཛུ་གུ་ལ་ནི་ཕྱག་སོར་དང་། །ལག་པའི་སེན་མོར་ཕྱག་སེན་བྱ། །རྐང་མཛུབ་ལ་ནི་ཞབས་སོར་དང་། །རྐང་པའི་སེན་སོར་ཞབས་སེན་བརྗོད། །སེམས་ལ་ཐུགས་དང་སྐད་ལ་གསུང་། །གླུ་ལ་མགུར་དང་ལེན་པར་བཞེངས། །མདུན་ལ་དྲུང་དང་འཁྱག་ལ་བསིལ། །བསམ་ལ་དགོངས་དང་ཤེས་ལ་མཁྱེན། །ལྟ་ལ་གཟིགས་དང་ཉན་ལ་གསན། །རྣ་བས་ཚོར་བར་སྙན་གྱིས་གསན། །ཁྱོད་ལ་ཁྱེད་དང་ཁོ་ལ་ཁོང་། །འགྲོ་ལ་བྱོན་དང་དང་འདུག་ལ་བཞུགས། །ལས་ཀར་ཕྱག་ལས་སྙིང་ལ་ཐུགས། །ལངས་ལ་བཞེངས་དང་ཉལ་ལ་གཟིམས། །ཟ་ལ་གསོལ་དང་འཐུང་ལ་བཞེས། །  ཇ་ལ་གསོལ་ཇ་ཆང་གསོལ་ཆང་། །བཏུང་བར་སྐྱེམས་དང་གཉིད་ལ་མནལ། །ཤ་ལ་ཀྲུམ་དང་ཁྲག་ལ་མཚལ། །སྦྱིན་ལ་འབུལ་དང་བཟུང་ལ་སྣོམ། །
བོད་ཀྱི་དམངས་སྲོལ་རིག་གནས་ལས་སྐག་གི་འཛེམས་བྱའི་སྐོར།

     བརྩི་བྱའི་རང་སྐག་རྩུབ་པའི་འཛེམས་བྱ་ནི། སྐྱེ་བོ་ཕོ་མོའི་ལོ་རྟགས་གང་རུང་ཞིག་གི་སྟེང་དུ་གནམ་ལོའི་ལོ་རྟགས་ཀྱང་བརྩི་བྱའི་ལོ་རྟགས་དང་གཅིག་ཏུ་མཐུན་ན། དེ་ལ་རང་སྐག་རྩུབ་པའི་འཛེམས་བྱ་ཞེས་སུ་གྲགས་པ་སྟེ། དཔེར་ན། ལོ་འཁོར་བཅུ་གཉིས་སོ་སོར་སྦྱར་ན་འདི་ལྟར། ༡ གནམ་ལོ་བྱི་ལོ་ཤར་བའི་སྐབས་སུ་བརྩི་བྱ་ཕོ་མོ་ལོ་རྟགས། མེ་བྱི་ལོ་པ། ས་བྱི་ལོ་པ། ལྕགས་ཀྱི་ལོ་པ། ཆུ་བྱི་ལོ་པ་བཅས་འཛེམས་བྱ་དང་། ༢ གནམ་ལོ་སྟག་ལོ་ཤར་བའི་སྐབས་སུ་བརྩི་བྱ་ལོ་རྟགས། ཤིང་སྟག་ལོ་པ། མེ་སྟག་ལོ་པ། ས་སྟག་ལོ་པ། ལྕགས་སྟག་ལོ་པ། ཆུ་སྟག་ལོ་པ་བཅས་འཛེམས་བྱ་དང་། ༣ གནམ་ལོ་ཡོས་ལོ་ཤར་བའི་སྐབས་སུ་བརྩི་བྱ་མེ་ཡོས་ལོ་པ་དང་། ཤིང་ཡོས་ལོ་པ། ས་ཡོས་ལོ་པ། ལྕགས་ཡོས་ལོ་པ། ཆུ་ཡོས་ལོ་པ་བཅས་ཀྱི་འཛེམས་བྱ། ༤ གནམ་ལོ་འབྲུག་ལོ་ཤར་བའི་སྐབས་སུ་བརྩི་བྱ་ཤིང་འབྲུག་ལོ་པ་དང་། མེ་འབྲུག་ལོ་པ། ས་འབྲུག་ལོ་པ། ལྕགས་འབྲུག་ལོ་པ་བཅས་ཀྱི་འཛེམས་བྱ་དང་། ༥ གནམ་ལོ་སྦྲུལ་ལོ་ཤར་བའི་སྐབས་སུ་བརྩི་བྱ་ཤིང་ལོ་པ་དང་། མེ་སྦྲུལ་ལོ་པ། ས་སྦྲུལ་ལོ་པ། ལྕགས་སྦྲུལ་ལོ་པ། ཆུ་སྦྲུལ་ལོ་པ་བཅས་ཀྱི་འཛེམས་བྱ། ༦ གནམ་ལོ་རྟ་ལོ་ཤར་བའི་སྐབས་སུ་བརྩི་བྱ་ལོ་རྟགས་ཤིང་རྟ་ལོ་པ། མེ་རྟ་ལོ་པ།…
བོད་མིའི་འཛེམ་སྤང་སྐོར།

བོད་རིགས་མང་ཆེ་བ་ནི་སངས་རྒྱས་ཆོས་ལུགས་ལ་དད་ཞེན་ཆེ་བས་དགེ་སྡིག་སྤངས་བླང་དང་འབྲེལ་བ་དང་དེ་མིན་གོམས་གཤིས་ཀྱི་ཐོག་ནས་བྱུང་བའི་རྒྱུན་གཏན་འཛེམས་སྤང་དགོས་པའི་གནས་ཤིན་ཏུ་མང་སྟབས་འདིར་རེ་རེ་བྱས་ནས་འགོད་ཀྱིས་མི་ལང་བས་དཔེ་ཚན་ཁ་ཤས་ཤིག་བཀོད་ན། ༡. སྲོག་གཅོད་པ་ནི་སངས་རྒྱས་ཆོས་ལུགས་ཀྱི་ངོས་ནས་ལུས་ངག་ཡིད་གསུམ་གྱི་སྒོ་ནས་མི་དགེ་བའི་ལས་བཅུ་སྤོང་དགོས་པའི་ནང་གི་ལུས་ཀྱི་མི་དགེ་བ་གསུམ་གྱི་དང་པོ་དེ་ཡིན་པས་རབ་ཏུ་བྱུང་བའི་གྲྭ་བཙུན་སྨོས་ཅི།ཆོས་ལ་དད་པ་བྱེད་མཁན་སྐྱེ་བོ་ཀུན་གྱིས་སྲོག་གཅོད་པ་ནི་སྡིག་པའི་ལས་ཚབས་ཆེར་རྩིས་ཏེ་ཆུང་འབུ་སྲིན་ནས་ཆེ་མི་ཕྱུགས་སོགས་སྲོག་ལྡན་གང་ཞིག་ཡིན་རུང་རང་གིས་དེ་དག་སྲོག་མི་གཅོད་ཅིང་།ཐ་ན་བསམ་ཤེས་མེད་པའི་བྱིས་པས་འབུ་སྲིན་གསོད་པའང་བཀག་པ་དང་།རང་གིས་ཐད་ཀར་སྲོག་གཅོད་རྒྱུ་ཕར་བཞག་རང་ལ་དམིགས་ཏེ་གཞན་གྱིས་སྲོག་གཅོད་པའང་བཀག་པ་སོགས་དངོས་ཤུགས་གང་ཐད་ཀྱི་སྲོག་གཅོད་ཀྱི་ལས་ལ་འཛེམས་ཀྱི་ཡོད།ཤ་ནི་བོད་རིགས་མང་ཆེ་བས་དགའ་པོ་བྱེད་པའི་ཟས་རིགས་ཤིག་ཡིན་ཀྱང་།ས་གནས་སོ་སོར་རྒྱུད་འཛིན་རང་བཞིན་གྱི་ངེས་གཏན་མི་སྣས་སེམས་ཅན་སྲོག་གཅོད་པ་ལས་སུ་རུང་གིས་བྱེད་ཀྱི་མེད།
བོད་རིགས་ཀྱི་རྣམ་རྟོག་བརྩི་སྲོལ་སྣ་ཚོགས།

༡ ལོ་གསར་ཚེས་གཅིག་གི་ཉིན་ཁ་རྩོད་དང་། ངུ་བ། བཀྲ་མི་ཤིས་པའི་ཚིག་ཁ་ནས་ཐོན་པ་སོགས་བྱུང་ན་རྣམ་རྟོག་ཆེན་པོ་བརྩིས་སྲོལ་ཡོད་པས་ཞོགས་པ་ཡར་ལངས་ནས་མི་ཐུག་ཚད་ལ་སྐད་ཆའི་ཚིག་དང་པོ་དེ་བཀྲ་ཤིས་བདེ་ལེགས་ཞེས་བརྗོད་དགོས་ཤིང་། དེའི་ཉིན་སྐྲ་མ་ཤད་པར་བསྡད་པ་དང་རྣ་རྒྱན་མ་བཏགས་པར་སྡོད་པ་སོགས་བྱེད་མི་རུང་། ༢ འགྲུལ་པ་ཕྱོགས་སུ་ཐོན་སྐབས་དང་། གཞན་ཡང་ཆང་ས་སོགས་ཁྱིམ་དུ་བཀྲ་ཤིས་པའི་དོན་ཆེན་སྒྲུབ་པའི་སྐབས་སུའང་གོང་བཞིན་བུད་མེད་ཚོས་སྐྲ་མ་ཤད་པར་སྡོད་པའམ། སྐྲ་གཟིང་གཟིང་བྱས་ནས་སྡོད་པ། རྣ་རྒྱན་མ་བཏགས་པ་དང་། གོས་ཀྱི་གོང་བ་ནང་དུ་བསྟན་ནས་སྡོད་པ། པང་གདན་མ་བཅིངས་པར་སྡོད་པ་བཅས་བྱས་ན་འགྲུལ་པའམ་ཁྱིམ་དེར་བར་ཆད་ཡོང་གི་རེད་ཅེས་རྣམ་རྟོག་ཆེན་པོ་བྱེད་ཀྱི་ཡོད། དེའི་རྒྱུ་མཚན་ནི་གནའ་དུས་སུ་བོད་རིགས་རྣམས་ཀྱི་ཁྱིམ་དུ་མི་ཤི་བྱུང་སྐབས་མྱ་ངན་མཚོན་བྱེད་དུ་གོས་ཕྱི་ནང་བསློགས་ནས་གྱོན་པ་དང་། ཕྱུ་པའི་གོང་བ་ནང་དུ་ལྟེབ་ནས་གྱོན་པ། གདོང་ལ་ནག་པོ་བྱུག་པ་སོགས་གོང་གསལ་སྤྱོད་ལམ་དེ་དག་བྱེད་པར་བཤད་པས་སོ།།
ཞེ་སའི་ཚིག་མཛོད།

ཞེ་སའི་ཚིག་མཛོད།  ཨང༌། ཞེ་ས། ཕལ་སྐད། ༡ བཀའ་ཁྱབ་གནང་བ། ཁྱབ་བསྒྲགས་བྱས་པ། ༢ བཀའ་གནང་བ། ལབ་པ། ༣ བཀའ་བཀྱོན་གནང་བ། གཤེ་གཤེ་བཏང་བ། ༤ བཀའ་གྲོས་གནང་བ༌། གྲོས་བསྡུར་བྱས་པ། ༥ བཀའ་མངགས་གནང་བ། མངགས་ཆ་བྱས་པ། ༦ བཀའ་མངགས་གནང་བ། མངགས་པ། ༧ བཀའ་བསྡུར་གནང་བ། གྲོས་བསྡུར་བྱས་པ། ༨ བཀའ་ཆོས་གནང་བ། ཆོས་བཤད་པ། ༩ བཀའ་ཆེམས་གནང་བ། ཁ་ཆེམས་བཞག་པ། ༡༠ བཀའ་དྲིན། དྲིན།
ངན་པ་དགུ་འཛོམས་ཀྱི་ངོ་སྤྲོད་དོགས་གཅོད་རལ་གྲི།

སྐར་རྩིས་པ། ལ་སྟོད་ཤེལ་དཀར་ལྷ་དབང་ཚེ་རིང་གིས་བརྩམས། ཨོཾ་སྭསྟི། རྗེ་བཙུན་འཇམ་དཔལ་དབྱངས་ལ་ཕྱག་འཚལ་ལོ། །ཞེས་མཆོད་པར་བརྗོད་ནས་འདིར་བཤད་གཞི་གཙོ་བོ་ནི། ངན་པ་དགུ་འཛོམས་ཀྱི་སྐོར་ཏེ། དེ་ཡང་དང་པོ་ཡོངས་གྲགས་བོད་ཟླ་༡༡ ཚེས་༦ ཉིན་ནི་བོད་མིའི་སྤྱི་ཚོགས་ནང་དུས་ཚོད་ངན་པ་དགུ་འཛོམས་ཞེས་ཡོངས་སུ་གྲགས་ཤིང་། རང་རེ་བོད་མི་རྣམས་ཀྱིས་དེ་ཉིན་གལ་ཆེའི་ལས་མ་བྱེད་པར་དུས་ཚོད་ངན་པ་ཞིག་ཏུ་ངོས་འཛིན་གྱིས། དེ་ལ་ཁྱད་གསོད་ཆེད་དུ་ནང་དུ་དགའ་ཉེ་ངོ་འཛོམས་ཐོག་སྤྲོ་སྐྱིད་གཏོང་བ་དང་། སང་ཉིན་དེར་ངན་པའི་ལྡོག་ཕྱོགས་བཟང་པོ་བཅུ་འཛོམས་ཞེས་ངན་པ་ལས་ལྷག་པའི་བཟང་པོར་ངོས་བཟུང་ནས་མུ་མཐུད་སྤྲོ་སྐྱིད་གཏོང་བ་དང་། དེ་ལ་དམངས་ཀྱི་ངག་སྒྲོས་སུ་ཁྱེད་ངན་པ་དགུ་འཛོམས་ན། ང་བཟང་པོ་བཅུ་འཛོམས་ཞེས་ཤོད་སྲོལ་ཡོད།

༄༅།།འབྲོག་པའི་ཤེ་ནོར། སྤེལ་དུས།2009-01-05 ཡོང་ཁུངས་།<<ནམ་མཁའི་ནོར་བུའི་གསུང་རྩོམ་ཕྱོགས་བསྒྲིགས>> རྩོམ་པ་པོ། ནམ་མཁའི་ནོར་བུ། ཞུ་དག་པ། ལྷག་ཚེ། ༼དཔྱད་གཏམ་སྤེལ་བ།༽ འབྲོག་མིའི་སྒོ་ཕྱུགས་ཀྱི་ནང་དུ་ཤེ་ནོར་ཞེས་བྱ་བའི་འབྲི་གཡག་གི་རྭ་ཐམ་མི་འདྲ་བ་ཅི་རིགས་ཡོད་པ་མང་དུ་སྣང་ཞིང་། དེ་དག་ནི་འབྲོག་སྡེ་སོ་སོའི་ཁུལ་གྱི་དགོན་སྤྱི་ཁག་གམ། བླ་སྤྱི་ཁག་གམ། འབྲོག་སྡེ་དེའི་ཁོངས་ཀྱི་སྤྱི་གང་རུང་ནས་བཞག་པའི་ཤེ་ནོར་ཏེ། ནོར་བདག་སོ་སོས་ལོ་རེ་བཞིན་ཤེ་བདག་ལ་“ཤེ་”ཞེས་བྱ་བའི་མར་ཞིག་འབུལ་དགོས་ཀྱི་ཡོད་པ་རེད། ཤེ་ཚད་ནི།

༄༅།།དགོན་འགྲམ་གྱི་འཛེམ་བྱ། ས་གོང་དབང་འདུས། དགོན་པ་དང་། ལྷ་ཁང་། རི་ཁྲོད་སོགས་ཀྱི་ཉེ་འགྲམ་དུ་ཤིང་སྡོང་གཅོད་པ་དང་། སྐད་ངན་སྒྲོགས་པ། ངག་མཐོན་པོས་གླུ་གཏོང་བ། རི་དྭགས་རྔོན་པ། ཉ་འཛིན་པ། སེམས་ཅན་གསོད་པའི་རིགས་གཏན་ནས་བྱས་མི་ཆོག་པ་སྤྱི་དང་ལྷག་པར་དུ་རི་དྭགས་གཅན་གཟན་གྱི་རིགས་དང་། བྱ་དང་བྱེའུ་ཡི་རིགས་ལ་དེ་བས་གནོད་འཚེ་བྱེད་མི་རུང་བའི་ཁར། སྒོག་པ་བཟས་ནས་མཆོད་མཇལ་ལ་འགྲོ་བ་དང་། དགོན་པའི་ནང་ཐ་མག་འཐེན་པ་དང་སྐུ་གསུང་ཐུགས་རྟེན་ལ་གང་བྱུང་གིས་ལག་པ་འཆང་བའི་རིགས་གཏན་ནས་བྱས་མི་ཆོག