རྨེ་རུ་ཚེ་རིང་དོན་གྲུབ་ལགས་ནི་ཤིང་ཏ་ལའི་ལོ་མའི་ཕྱག་དཔེ་ཁག་ལ་ཞིབ་འཇུག་གནང་ཞོར་དུ་དགའ་དད་སྤྲོ་གསུམ་གྱིས་ཡིག་སྒྱུར་ལས་ལ་གཞོལ་མཁན་ཞིག་རེད། ཁོང་2006ལོར་བོད་ལྗོངས་སློབ་ཆེན་རིག་གཞུང་སློབ་གླིང་དུ་ཤེས་རམས་ཞིབ་འཇུག་སློབ་མའི་ཡིག་ཚད་ལོན་པ་དང་། ལོ་གསུམ་རིང་རྣམ་དཔྱོད་ཀྱི་སྒོ་མོ་རབ་ཏུ་ཡངས་པའི་རྒན་འཕྲིན་ལས་ཆོས་གྲགས་ཀྱི་གམ་ནས་ཡིག་སྒྱུར་གྱི་གཞུང་ལུགས་དང་ལག་ལེན་ལ་སློབ་གཉེར་བྱས་ཏེ་འབྲས་རྟགས་སུ་བོད་ཀྱི་ལོ་ཆེན་རིན་ཆེན་བཟང་པོའི་མཛད་རྣམ་སྐོར་ལ་ཞིབ་འཇུག་བྱས་ནས་མཐར་ཕྱིན་དཔྱད་རྩོམ་གྱི་དམ་བཅའ་ཕུལ་བ་དང་། མི་རིང་བར《ལོ་ཆེན་རིན་ཆེན་བཟང་པོའི་མཛད་འཕྲིན་ཞིབ་མོ་རྣམ་འབྱེད》ཅེས་པ་དཔེ་སྐྲུན་བྱས། 2014ལོར་སྙན་ཞུ་ཕུལ་བའི་བོད་རང་སྐྱོང་ལྗོངས་སྤྱི་ཚོགས་ཚན་རིག་ཐེབས་རྩའི་ལས་གཞི་སྟེ་ཐང་སན་ལམ་ཡིག་གསར་བསྒྱུར་དང་ཞིབ་འཇུག་ཅེས་པའི་རྣམ་གྲངས་ལ་ཆོག་མཆན་ཐོབ་ནས་ཞིབ་འཇུག་གི་དཔྱད་འབྲས་དཔེ་དེབ་དེ་2018ལོར་དཔེ་སྐྲུན་བྱས་པ་དང་།

བདེ་ཁང་བསོད་ནམས་ཆོས་རྒྱལ་ལགས་ནི། ཕྱི་ལོ་ ༡༩༦༣ ལོར་བོད་དབུས་གཙང་ལྷོ་ཁ་གོང་དཀར་ཁུལ་དུ་སྐུ་འཁྲུངས་ཤིང་། དགུང་ལོ་བརྒྱད་དགུ་ཙམ་ནས་རིམ་བཞིན་སློབ་ཆུང་དང་། སློབ་འབྲིང་འགྲིམས་གནང་ཞིང་། ཕྱི་ལོ་ ༡༩༨༠ ལོར་བོད་ལྗོངས་སློབ་གྲྭ་ཆེན་མོའི་ཞོར་གཏོགས་སློབ་འབྲིང་དུ་བསྐྱོད་པ་གནང་། ཕྱི་ལོ་ ༡༩༨༢ ལོར་ཀྲུང་དབྱང་མི་རིགས་སློབ་ཆེན་ཞེས་པར་ཕེབས་ནས་བོད་ཡིག་གིས་གཙོས་པའི་ཤེས་བྱའི་གནས་ཁག་ལ་སྦྱངས་པ་མཛད།

ཐོན་མི་སམ་བྷོ་ཊའི་ལོ་རྒྱུས་དང་། བོད་ཀྱི་ཡི་གེའི་བྱུང་ཚུལ་སྐོར་རགས་ཙམ་དཔྱད་པ། མཁས་དབང་ནོར་བྲང་ཨོ་རྒྱན། དཀར་དཀར་གངས་རིས་བསྐོར་བའི་ཞིང་མཆོག་འདིར། །ཉུང་ཉུང་མཚོ་ཡོན་དབྱངས་གསལ་པིར་རིས་ཀྱིས། ། ཟབ་ཟབ་དོན་ཀུན་གསལ་བའི་ཤིང་རྟ་ཆེ། །མང་མང་མཁས་པའི་ཏོག་གྱུར་སམ་བྷོ་ཊ། ། ཞེས་ཤིས་བརྗོད་ཀྱི་ཚིག་སྔོན་དུ་འགྲོ་བའི་སྒོ་ནས། རང་ཅག་ཁ་བའི་ལྗོངས་ཀྱི་སྐྱེ་འགྲོ་རྣམས་ལ། བཀའ་དྲིན་ཅན་ཐོན་མོ་སམ་བྷོ་ཊའི་ལོ་རྒྱུས་མདོར་བསྡུས་དང་སྦྲགས། ཁ་བའི་ལྗོངས་འདིར། སྔ་རྗེས་སུ་དར་བའི་ཡི་གེའི་སྐོར་དཔྱད་པའི་ཐོག་མའི་ལྟ་ཚུལ་ཙམ་ཞིག་སྤྲོ་བར་འདོད་པ་འདི་ལྟ་སྟེ།

བླ་མ་བརྒྱུད་པ་བོད་ཀྱི་ལོ་རྒྱུས་ལས་བླ་ཆེན་འབྲོག་མི་ལོ་ཙཱ་བའི་ལོ་རྒྱུས།   ༄༅༅། །བླ་མ་དམ་པའི་ཞབས་ལ་སྤྱི་བོས་ཕྱག་འཚལ་ལོ། །བླ་མ་བརྒྱུད་པ་བོད་ཀྱི་ལོ་རྒྱུས་ནི། ཆོས་འཁོར་གྲོམ་པ་རྒྱང་དུ་རྒྱ་ཤཱཀྱ་གཞོན་ནུ་དང༌། སེ་ཡེ་ཤེས་བརྩོན་འགྲུས་གཉིས་ཀྱིས་མཁན་སློབ་མཛད་པ་ལས། སེས་བླ་ཆེན་འབྲོག་མི་ཤཱཀྱ་ཡེ་ཤེས་དང༌། སྟག་ལོ་གཞོན་ནུ་བརྩོན་འགྲུས་གཉིས་རྒྱ་གར་དུ་བརྫངས་ཏེ། བསྟན་པའི་རྩ་བ་ཡིན་པས་འདུལ་བ་དང༌། བསྟན་པའི་སྙིང་པོ་ཡིན་པས་ཕར་ཕྱིན་དང༌། བསྟན་པའི་ཉིང་ཁུ་ཡིན་པས་གསང་སྔགས་རྣམས་ཉོན་ལ་ཤོག་གསུངས་ནས། གཉིས་པོ་རྒྱ་གར་དུ་བྱོན།

ལོ་ཙཱ་བ་གྲགས་ཅན་ཨཱཅཱརྱ་རྒྱལ་མཚན་རྣམ་གྲོལ་ལགས་སྐུ་གཤེགས་པར་མྱ་ངན་ཞུ། ཨཱཅཱརྱ་རྒྱལ་མཚན་རྣམ་གྲོལ་ལགས་ནི། སྟོད་མངའ་རིས་སུ་སྐུ་འཁྲུངས་ཤིང་། བཙན་བྱོལ་དུ་ཕེབས་རྗེས་ཌལ་ཧོར་གཏན་སློབ་ཏུ་གཞི་རིམ་སློབ་སྦྱོང་གནང་། འཛིན་རིམ་བརྒྱད་པ་ཐོན་ཏེ་ཕྱི་ལོ་ ༡༩༧༡ ལོར་ཝཱ་ཎ་ཆེས་མཐོའི་གཙུག་ལག་སློབ་གཉེར་ཁང་དུ་འཛུལ་ཞུགས་གནང་། ཕྱི་ལོ་ ༡༩༨༠ ལོར་བསླབ་པ་མཐར་སོན་ཏེ་ཨཱཅཱརྱ་མཚན་གནས་བཞེས། དེ་རྗེས་བོད་སྐད་ནས་ལེགས་སྦྱར་དུ་ཕབ་སྒྱུར་གྱི་སློབ་སྦྱོང་དང་མཉམ་དུ་སྒྲ་སྒྱུར་གྱི་ཕྱག་ལས་གནང་། རྟེན་འབྲེལ་བསྟོད་པ་ལེགས་སྦྱར་དང་ཧིན་སྐད་དུ་བསྒྱུར་ཅིང་།

སྟེང་ལོ་ཚུལ་ཁྲིམས་འབྱུང་གནས་ཀྱི་རྣམ་ཐར་སྙིང་བསྡུས།   སྟེང་ལོ་ཚུལ་ཁྲིམས་འབྱུང་གནས་ནི། རབ་བྱུང་གཉིས་པའི་མེ་ཕག་ཕྱི་ལོ་ ༡༡༠༧ ལོར་ཡབ་སྟེང་པ་ཏོག་འབར་དང་། ཡུམ་མདའ་མོ་བུ་སྐྱིད་གཉིས་ཀྱི་སྲས་སུ་སྐུ་འཁྲུངས། དགུང་ལོ་དྲུག་པར་ཡི་གེའི་སྦྱོར་ཀློག་ལེགས་པར་མཁྱེན། དགུང་ལོ་བཅུ་དགུ་པར་བསྙེན་པར་རྫོགས་རྗེས་གསེར་ཞོ་བཅུ་གཉིས་བསྣམས་ཏེ་རྒྱ་གར་གྱི་གྲོང་ཁྱེར་མ་ག་དྷར་ཕེབས། ཙ་མི་སངས་རྒྱས་གྲགས་དང་མཇལ་ནས་ལོ་ངོ་བཅུའི་རིང་ལོ་ཙཱ་བསླབས་ནས་བཞུགས། དེ་ནས་རང་ཡུལ་དུ་ཕེབས་ཏེ་ཡབ་ཀྱིས་དབུ་བཙུགས་པའི་འབུམ་ཉི་ཤུ་དུམ་ཅིག་གི་བཞེངས་འཕྲོ་ཡང་ཚར་བར་མཛད།