སེམས་སྐྱོ་བའི་མིག་ཆུ། རྩོམ་པ་པོ། ༧དཔལ་རྒྱལ་བའི་དབང་པོ་སངས་རྒྱས་ཀརྨ་པ། མཐོ་མཐོ་བརྒྱ་བྱིན་བཞུགས་པའི་ཁང་བཟང་དང་།། དམའ་དམའ་ན་རག་དམྱལ་བའི་ལྕགས་མཁར་ཡན།། གསལ་གསལ་སེམས་ཀྱི་མཐོང་སྣང་མི་གཅིག་ཀྱང་།། འཇིག་འཇིག་རང་མཚང་སྟོན་ལ་ཁྱད་པར་ཅི།། ཤིག་ཤིག་གཡོ་བའི་ས་ཡི་སྲིན་པོ་དེས།། ལམ་ལམ་མིག་ལ་འཆར་བའི་ཁང་ནོར་དང་།། དམར་དམར་སྙིང་ལ་སྐྱོང་པའི་སྤུན་ཟླ་བཅས།། ཆལ་ཆལ་ཟོས་པ་འདི་ཀོ་ཤིན་ཏུ་སྐྱོ།།

༄༅། །ཇོ་བོ་རྗེའི་བསྟོད་པ་བརྒྱད་ཅུ་པ་བཞུགས་སོ།།[1]   ༼ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བས་ (1011-1064) མཛད།༽   ན་མོ་གུ་རུ་མཉྫུ་གྷོ་ཥཱ་ཡ། ཤར་ཕྱོགས་ཟ་ཧོར་ཡུལ་མཆོག་ན། །དེ་ན་གྲོང་ཁྱེར་ཆེན་པོ་ཡོད། །བི་ཀྲ་མ་ནི་པུ་ར་ཡིན། །དེ་ཡི་དབུས་ན་རྒྱལ་པོའི་ཁབ། །ཕོ་བྲང་ཤིན་ཏུ་ཡངས་པ་ཡོད། །གསེར་གྱི་རྒྱལ་མཚན་ཅན་ཞེས་བྱ། །ལོངས་སྤྱོད་མངའ་ཐང་འབྱོར་པ་ནི། །རྒྱ་ནག་སྟོང་ཁུན་རྒྱལ་པོ་འདྲ། །ཡུལ་དེའི་རྒྱལ་པོ་དགེ་བའི་དཔལ། །བཙུན་མོ་དཔལ་མོ་འོད་ཟེར་ཅན། །ཡབ་ཡུམ་གཉིས་ལ་སྲས་གསུམ་མངའ། །པདྨའི་སྙིང་དང་ཟླ་བའི་སྙིང༌། །དཔལ་གྱི་སྙིང་པོ་ཞེས་བྱ་འོ། །རྒྱལ་བུ་པདྨའི་སྙིང་པོ་ལ། །བཙུན་མོ་ལྔ་ཡོད་སྲས་ནི་དགུ། །སྲས་ཀྱི་ཐུ་བོ་བསོད་ནམས་དཔལ། །

༄༅། །ཇོ་བོ་རྗེ་དཔལ་ལྡན་ཨ་ཏི་ཤའི་བསྟོད་པ་སུམ་ཅུ་པ་བཞུགས་སོ།།[1]   ༼འབྲོམ་སྟོན་རྒྱལ་བའི་འབྱུང་གནས་ (1004/1005-1064) ཀྱིས་མཛད།༽   ༄༅། །ཨོཾ་བདེ་ལེགས་སུ་གྱུར་ཅིག །ཕུན་སུམ་ཚོགས་པ་བྷཾ་ག་ལ་ཡི་ཡུལ། །ཆོ་རིགས་བཙུན་པ་ཟ་ཧོར་རྒྱལ་པོའི་རིགས། །བྱང་ཆུབ་སེམས་དཔའ་ཞི་འཚོ་འཁྲུངས་པའི་རྒྱུད། །མར་མེ་མཛད་པའི་ཞབས་ལ་གསོལ་བ་འདེབས། །ཡབ་དང་ཡུམ་ལ་སྲི་ཞུ་མཁས་ཤིང་གུས། །གཟུགས་མཛེས་ཡིད་འོང་ཤེས་རབ་སྙིང་བརྩེར་ལྡན། །དུལ་ཞིང་རྒྱུད་འཇམ་ཐབས་མཁས་སྙིང་སྟོབས་ཆེ། །མར་མེ་མཛད་པའི་ཞབས་ལ་གསོལ་བ་འདེབས། །འཇིག་རྟེན་ལུགས་ཀྱི་བསྟན་བཅོས་ཐམས་ཅད་དང༌། །བཟོ་དང་གསོ་བ་སྒྱུ་རྩལ་སྣ་ཚོགས་དང༌། །རིག་བྱེད་ཀུན་ལ་མཁས་ཤིང་མཁྱེན་པ་རྒྱས། །མར་མེ་མཛད་པའི་ཞབས་ལ་གསོལ་བ་འདེབས། །

  ༄༅། །རྗེ་དགེ་འདུན་གྲུབ་ཀྱི་བསྟོད་པ་ཐུབ་དབང་བསྟན་སྒྲོན་མ།   ༼འདུལ་འཛིན་བློ་གྲོས་སྦས་པས་ (1400-1475) མཛད།༽   ༄༅། །ཨོཾ་སྭ་སྟི། བླ་མ་དང་མགོན་པོ་འཇམ་དཔལ་དབྱངས་ལ་ཕྱག་འཚལ་ལོ། །ཐུབ་དབང་བསྟན་པའི་སྒྲོན་མེ་ལེགས་བཟུངས་ནས། །གདུལ་བྱའི་ཡིད་ཀྱི་མུན་པ་སེལ་མཛད་པའི། །མཁྱེན་རབ་དབང་ཕྱུག་དཔལ་ལྡན་ཆོས་ཀྱི་རྗེ། །སྙིང་གའི་པདྨོར་བཞུགས་ལ་མཆོག་སྩོལ་ཅིག །བསླབ་གསུམ་དག་པའི་དཀྱིལ་འཁོར་རབ་ཏུ་རྒྱས། །རྒྱ་ཆེན་མཁྱེན་པའི་འོད་སྟོང་རབ་ཏུ་འཕྲོ། །སྐལ་བཟང་འདབ་བརྒྱ་ལྡན་པའི་གཉེན་གཅིག་པུ། །སྨྲ་བའི་ཉི་མ་བློ་བཟང་དགེ་འདུན་གྲུབ། །ཞབས་པད་གཙུག་གིས་བསྟེན་པའི་མང་ཐོས་བདག །

ན་མ་ཨརྱ་ལོ་ཀེ་ཤྭ་རཱ་ཡ། །རྣམ་འདྲེན་ཀུན་གྱི་སྙིང་རྗེ་ཆེན་པོའི་གཟུགས། །ཕྱག་ན་པད་དཀར་འཆང་བའི་སྒྱུ་འཕྲུལ་གར། །རྒྱ་བལ་མཚམས་གྱི་ཙན་དན་ལྗོན་པ་ལས། །རང་བྱུང་གཟུགས་སྐུར་བསྟན་ལ་གསོལ་བ་འདེབས། །རིས་མེད་འགྲོ་ལ་བརྩེ་བའི་འཛུམ་ཞལ་སྒོ། །ཕན་བདེའི་དགའ་སྟོན་བསུ་བའི་ཆོ་ག་མཁན། །མཐོན་མཐིང་དབུ་སྐྲའི་ཐོར་ཚུགས་གཡོ་བའི་རྒྱན། །རིན་ཆེན་ཅོད་པན་བཅིངས་ལ་གསོལ་བ་འདེབས། །