ཕྱིར་དྲན། ང་རང་ཕྱིར་དྲན་གྱི་དྲྭ་བར་ཚུད་དེ། བསམ་གཞིག་གི་ཀློང་དུ་འཁྱམས་ནས། མི་ལོ་ལྔ་བཅུ་ལྷག་གི་ལ་ཀླུང་བརྒལ། ལོ་ངོ་དེ་དག་གི་རིང་ལ། བདག་ལ་དྲིན་ཆེ་བའི་ཕ་མ། ཤ་ཚ་བའི་སྤུན་མཆེད། སྙིང་ཉེ་བའི་གྲོགས་པོ་སྟེ། འདྲིས་ཟབ་པའི་མི་སྣ་ཡོད་ཚད་ སླར་ཡང་ཐེངས་གཅིག་མཇལ།

 གཉིས་པ། རྫོང་གཞིས་འགྲོ་སྟངས་དང་ཁྲལ་འུལ་ཁྲིམས་གནོན། ༡ རྫོང་གཞིས་འགྲོ་སྟངས། ས་དགའ་རྫོང་ནི་དབུས་གཞུང་གི་རིམ་པ་དྲུག་པའི་རྫོང་འགོ་འབྲིང་གྲས་ཤིག་ཡིན་པས། གཞུང་འཛིན་རྫོང་ཤར་ནུབ་གཉིས་སུ་རྫོང་སྡོད་སེར་སྐྱ་གཉིས་ཀྱིས་དབུ་འཁྲིད་པའི་འཛིན་སྐྱོང་ལམ་ལུགས་ལྡན་ཞིང་། དེའི་གཤམ་འོག་ཏུ་རྫོང་གཞན་ལྟར་ལས་དྲུང་དང་། ཕྱག་མཛོད། ཁང་གཉེར། འགོ་བ། རྒན་པོ་སོགས་གོ་གནས་རིམ་གྲས་ལས་ཀྱི་སྣེ་མོར་གཏོགས་པ་དག་གིས་ཁྲལ་བསྡུ་ཁྲིམས་གནོན་གྱི་ལས་འཁུར་འཛིན་པ་ཡིན། རྫོང་སྡོད་སྐྱ་སེར་གཉིས་དང་ཆོས་གཞིས་ཁག་གི་མཁན་ཕྱག་སོགས་ལས་སྣེ་རྣམས་ལོ་གསུམ་རེ་ནས་བརྗེ་ལེན་བྱེད་མོད། དེ་མིན་གཞུང་ཞབས་རྣམས་མེས་མི་རྒྱུད་ནས་ལས་གནས་འཛིན་སྲོལ་མཆིས་ཤིང་། དེ་རྣམས་ལ་ཁྲལ་བསྡུའི་བཟའ་སྒོ་དང་ས་རིས་མི་སེར་ཅུང་ཙམ་ལས་གཞུང་གི་གླ་ཕོགས་ཐོབ་ཐང་གཞན་གང་ཡང་མེད།

༄༅།།བོད་ཀྱི་ཡིག་ཟམ་ལམ་ལུགས་ཀྱི་བྱུང་རིམ་དང་དངོས་ཡོད་ལོ་རྒྱུས་ཀྱི་གནས་ལུགས་དོན་ཚན་བཅོ་ལྔ།། ༡༽ བཙན་པོའི་དུས་ཀྱི་ “མགྱོགས་འཕྲིན་” ལམ་ལུགས། བོད་བཙན་པོའི་སྐབས་ (དུས་རབས་ ༧-༩) སུ་རྒྱལ་པོའི་བཀའ་ཤོག་དང་དམག་དོན་གནས་ཚུལ་སྐྱེལ་བར་ “མགྱོགས་འཕྲིན་” གྱི་ལམ་ལུགས་དབུ་བརྙེས། ཏུན་ཧོང་ཡིག་རྙིང་ (P.T. 1083) སོགས་སུ་བརྡ་ལན་སྐྱེལ་མཁན་གྱི་ “ཕོ་ཉ་” དང་ “འཕྲིན་པ་” ཡི་སྐོར་གསལ་པོ་འཁོད་ཡོད།

གངས་རིའི་ལྗོངས་སུ་རྒྱལ་ཕྲན་སིལ་མ་རྣམས། ། ཐབས་མཁས་སྟོབས་ཀྱིས་གཅིག་ཏུ་བསྒྲིལ་བ་ལས། ། བོད་ཁམས་གཅིག་གྱུར་མངའ་ཐང་དགུང་ལ་རེག ། མི་རྗེ་ལྷ་ཡི་གདུང་རྒྱུད་ཁྱེད་ལ་བསྟོད། ། ཐོན་མི་སམ་བྷོ་རྒྱ་གར་ཡུལ་དུ་བཏང་། ། གངས་ཅན་འགྲོ་བའི་བློ་སྒོ་འབྱེད་པའི་ཕྱིར། ། བོད་ཡིག་གསར་བཟོའི་སྲོལ་བཟང་ཐོག་མར་བཏོད། ། རིག་གནས་སྒྲོན་མེ་སྦར་བའི་རྒྱལ་པོར་བསྟོད། །

༄༅། །བདག་ཉིད་ཆེན་པོ་སྐྱེས་མཆོག་པོ་ཏོ་བའི་ཆིག་ལབ་རིང་མོ། རྣམ་ཐིག །གནས་ཐིག་བཅས་བཞུགས་སོ།།   ༄༅། །དུས་གསུམ་གྱི་བླ་མ་རྣམས་ལ་ཕྱག་འཚལ་ལོ། །ཁམས་གསུམ་འཁོར་བའི་སྡུག་བསྔལ་གྱི་རྒྱ་མཚོ་ཆེན་པོ་འདིར། དུས་ཐོག་མ་མེད་པ་ནས་འཁྱམས་པ་འདི་རང་སེམས་མ་རྟོགས་པས་ལན་ནས་འདུག །སེམས་མ་རྟོགས་པ་སྒྲིབ་པས་ལན། སྒྲིབ་པ་ཚོགས་གསོག་པ་མ་ཤེས་པས་ལན། ཚོགས་གསོག་མ་ཤེས་པ་དད་པ་མེད་པས་ལན། དད་པ་མེད་པ་འཆི་བ་མ་དྲན་པས་ལན་པ་ཡིན། ད་འཁོར་བའི་སྡུག་བསྔལ་གྱིས་འཇིགས་ནས་ཐར་པ་དང་ཐམས་ཅད་མཁྱེན་པ་ཐོབ་པར་འདོད་པས་རང་གི་སེམས་རྟོགས་དགོས། སེམས་རྟོགས་པར་བྱེད་པ་ལ་སྒྲིབ་པ་སྦྱོང་དགོས།