བསིལ་ལྷམ་གྱི་ཐག་སྒྲའི་ཐོག་མའི་མཚམས་སྦྱོར།   རྒྱ་ཆེའི་ཀློག་པ་པོ་ལྷན་རྒྱས་མཆོག་ལ། བསིལ་ལྷམ་གྱི་ཐག་སྒྲ་ནི་བདག་གིས་བྲེལ་འཚུབ་ཆེ་བའི་ཨ་རིའི་གྲོང་ཁྱེར་ནིའུ་ཡོག་ཏུ་ལས་ཞོར་ལ་བྲིས་པའི་སྙན་ངག་ཕྱོགས་བསྒྲིགས་ཤིག་ཡིན། མ་གཞི་ཁོ་བོས་འདིར་སྙན་ངག་ཅེས་བརྗོད་སྐབས་མཁས་པ་རྣམས་གད་མོ་ཕྲེད་ལ་ཤོར་ངེས་ཀྱང་གུས་པ་རང་གིས་དེ་ལྟར་བརྗོད་པར་འདོད། གང་ལགས་ཤེ་ན། རང་ཉིད་ཕོ་ལོ་ཉི་ཤུ་རྩ་ལྔར་སོན་རྗེས་གཞི་ནས་སློབ་སྦྱོང་གི་གོ་སྐབས་ཐོབ་སྟེ། བགྲང་བྱ་ལྔའི་རིང་ཉིན་མཚན་ཀུན་ཏུ་འབད་བརྩོན་ཤུགས་ཆེ་བྱས་པའི་འབྲས་བུ་ཞིག་དང་།

རང་བྱུང་ཁམས།    མཛེས་སྡུག་གིས་རབ་ཏུ་ཕྱུག་ཅིང་།  གཏོང་ཕོད་ཀྱི་སྦར་མོ་ཡངས་པའི་རང་བྱུང་ཁམས། ཁྱེད་ཀྱི་དྭངས་ཤིང་གཙང་བའི་ཆུ་མོ་དང་། བསིལ་ཞིང་འཇམ་པའི་རླུང་བུ།  དམར་ཞིང་དྲོ་བའི་ཉི་འོད་ཀྱིས།  གོ་ལའི་ཁྱིམ་གཞིས་འདི་སྐྱོང་བར་མཛད་ཅིང་། ལྗང་ཞིང་མཉེན་པའི་ལྗོན་ཤིང་དང་།  དཀར་ཞིང་ཡངས་པའི་སྤྲིན་པ།  མཐོ་ཞིང་ཡངས་པའི་རི་ཀླུང་དེ་དག་གིས། མི་རྣམས་དེ་བས་ཀྱང་ངོ་མཚར་སྐྱེ་རུ་བཅུག རང་བྱུང་ཁམས་ཀྱི་དངོས་པོ་ཡོད་ཚད་ནི། ཅི་འདྲའི་ཡིད་དུ་འོང་ཞིང་།  དེ་འདྲའི་རིན་ཐང་བྲལ་བ་ཞིག་རེད་ཨང་། 

ང་ཚོའི་རེ་བ།   རེ་བ་ནི་མདུན་བསྐྱོད་ཀྱི་སྙིང་སྟོབས་དང་། གསོན་ཤུགས་སྦྱིན་པའི་མཁའ་རླུང་དེ་ཡིན་ཕྱིར། ང་ཚོས་རེ་བ་དེ་ནམ་ཡང་གློད་མི་རུང། གལ་ཏེ་རེ་བའི་ལྗོན་ཤིང་འགྱེལ་བའི་ཚེ། ང་ཚོའི་མི་རིགས་འདི་ཡང་། གཤོག་པ་ཆག་པའི་འདབ་ཆགས་ཤིག་དང་འདྲ་བར། ས་ཕྱོགས་གང་དུ་ཡང་འཕུར་མི་ཐུབ།

ང་ཚོའི་བླ་སྲོག ང་ཚོ་ནི་བོད་མི་ཡིན་ལ། བོད་སྐད་ནི་ང་ཚོའི་བླ་སྲོག་དང་། བོད་ཡིག་ནི་ང་ཚོའི་ཟུངས་ཁྲག་རེད། གལ་ཏེ་ང་ཚོའི་བླ་སྲོག་དེ་ཆད་ནས། ཟུངས་ཁྲག་དེ་སྐམ་པའི་ཚེ། བོད་མི་ཟེར་བ་མིང་ཙམ་ཞིག་དང། བོད་དོན་གྱི་དབུགས་རྒྱུན་འགག་པར་ངེས།

༄༅། །བདག་ཉིད་ཆེན་པོ་སྐྱེས་མཆོག་པོ་ཏོ་བའི་ཆིག་ལབ་རིང་མོ། རྣམ་ཐིག །གནས་ཐིག་བཅས་བཞུགས་སོ།།   ༄༅། །དུས་གསུམ་གྱི་བླ་མ་རྣམས་ལ་ཕྱག་འཚལ་ལོ། །ཁམས་གསུམ་འཁོར་བའི་སྡུག་བསྔལ་གྱི་རྒྱ་མཚོ་ཆེན་པོ་འདིར། དུས་ཐོག་མ་མེད་པ་ནས་འཁྱམས་པ་འདི་རང་སེམས་མ་རྟོགས་པས་ལན་ནས་འདུག །སེམས་མ་རྟོགས་པ་སྒྲིབ་པས་ལན། སྒྲིབ་པ་ཚོགས་གསོག་པ་མ་ཤེས་པས་ལན། ཚོགས་གསོག་མ་ཤེས་པ་དད་པ་མེད་པས་ལན། དད་པ་མེད་པ་འཆི་བ་མ་དྲན་པས་ལན་པ་ཡིན། ད་འཁོར་བའི་སྡུག་བསྔལ་གྱིས་འཇིགས་ནས་ཐར་པ་དང་ཐམས་ཅད་མཁྱེན་པ་ཐོབ་པར་འདོད་པས་རང་གི་སེམས་རྟོགས་དགོས། སེམས་རྟོགས་པར་བྱེད་པ་ལ་སྒྲིབ་པ་སྦྱོང་དགོས།

༄༅། །འཛམ་གླིང་ཧྲིལ་པོ་འཕྲལ་དུ་སྲུང་སྐྱོབ་བྱེད་པའི་ཤིན་ཏུ་ཛ་དྲག་ཆེ་བའི་གདུང་འབོད་འདི་ལ་གསོན་དང་། ང་ཚོས་མཐོང་བཞིན་པའི་མཁའ་དབྱིངས་རྒྱུ་སྐར་མང་པོའི་ཁྲོད་ང་ཚོ་འཚོ་གནས་བྱེད་ཡུལ་སྔོ་ལྗང་མཛེས་སྡུག་ཅན་གྱི་འཛམ་གླིང་ཧྲིལ་པོ་འདི་ཉིད། ལོ་ན་དྲུག་ཅུ་བདུན་ཅུ་ཡན་གྱི་དཔོན་ངན་འདི་ཚོའི་སྟོབས་དང་དབང་ཤུགས་ངོམ་སླད།