འདམ་གཞུང་རྫོང་གི་དགོན་སྡེ་དང་། གྲགས་ཅན་མི་སྣ། གནའ་ཤུལ། དམངས་སྲོལ།

ལེ་ཚན་དྲུག་པ། དགོན་སྡེ་དང་། གྲགས་ཅན་མི་སྣ། གནའ་ཤུལ།

དང་པོ། དགོན་སྡེ།

གཉིས་པ། གྲགས་ཅན་མི་སྣ།

གསུམ་པ། གནའ་ཤུལ།

ལེ་ཚན་བདུན་པ། དམངས་སྲོལ།

དང་པོ། འདམ་སྤྱི་རིམ་རྟ་རྒྱུག་དུས་ཆེན།

འདམ་སྤྱི་རིམ་རྟ་རྒྱུག་དུས་ཆེན་ནི་༸གོང་ས་ལྔ་པ་ཆེན་པོའི་སྐུ་དུས་ནས་བཟུང་དུས་ཡུན་རིང་པོའི་བར་འདམ་གཞུང་ཁུལ་དུ་སོག་པོ་གུར་ཤྲི་ཁང་འཁོར་རྒྱུད་དང་བཅས་པ་སྡོད་པའི་སྐབས་ཐོག་མར་དར་བ་ཞིག་ཡིན་པའི་ཤོད་སྲོལ་འདུག་ལ། དེང་སྐབས་ཀྱང་དེ་གར་རྟ་རྒྱུག་འགྲན་ཚོགས་བྱེད་སྐབས་སོག་གླུ་ལེན་པའི་སྲོལ་ད་དུང་ཉམས་མེད་པ་གསུངས། འདམ་གཞུང་རྟ་རྒྱུག་འགྲན་ཚོགས་ནི་བོད་ཟླ་ ༧ ཚེས་ ༡༠ ནས་འགོ་བརྩམས་ཏེ་ཉིན་གསུམ་རིང་ཚོགས་ཀྱི་ཡོད་ལ། དུས་སྟོན་དེ་ལ་གྲོ་རིམ་ཚོགས་འདུ་ཡང་ཟེར་ཞིང་རྒྱུ་མཚན་ནི་བླ་མས་ཆོས་ལུགས་རིམ་གྲོ་སྒྲུབ་པའི་དུས་ཆེན་ནམ་ལོ་ལེགས་བྱུང་བ་ལ་རྟེན་འབྲེལ་ཞུ་བ་དང་། ཞིང་འབྲོག་ཐོན་རྫས་བརྗེ་རེས་དང་རིག་གནས་རོལ་རྩེད་ཀྱི་བྱེད་སྒོ་ཞིག་ཀྱང་ཡིན། དུས་འགྱུར་མ་བྱུང་གོང་འདམ་སྤྱི་རིམ་རྟ་རྒྱུག་འགྲན་ཚོགས་དེ་བཞིན་འདམ་བརྒྱ་ཤོག་བརྒྱད་ཀྱི་ཚོ་དཔོན་གྱིས་འགོ་འཛིན་བྱེད་པ་དང་། བརྒྱ་ཤོག་བརྒྱད་ཀྱི་སྤྱི་དཔོན་ནམ་བརྒྱ་དཔོན་རྣམས་རྟ་རྒྱུག་འགྲན་ཚོགས་ལ་ཞུགས་དགོས། དེའི་ནང་ནས་བང་རྩལ་དང་མདའ་རྩལ་མཁས་པོ་ཞིག་མང་ཚོགས་ཀྱིས་བདམས་ཏེ་བསྐོ་སྲོལ་མཆིས། བརྒྱ་ཤོག་བརྒྱད་ཀྱི་བྱིས་པ་དང་འགོ་པ་རྣམས་ཀྱིས་མི་རྟའི་རྒྱུག་རྩལ་དང་། རྟ་ཐོག་ནས་མདའ་འཕེན་པ། ཁ་བཏགས་སྒྲུག་པ་སོགས་ཀྱི་འགྲན་བསྡུར་དང་། སྤྱི་རིམ་བྱེད་སྒོ་འཐུས་ཚང་ཐོག་ལྷོ་བྱང་ཡུལ་ཟོག་བརྗེ་ཚོང་དང་རྒྱ་ཟོག་མཁོ་སྒྲུབ་རྒྱལ་པོ་ལོ་ཁྲལ་ཞེས་འདམ་སྤྱི་ལྷན་ཁང་དུ་བརྒྱ་ཤོག་བརྒྱད་སྤྱིའི་གཏན་འབེབས་ལྟར་ལག་འདོན་ཁྲལ་རིགས་བསྡུ་ལེན་དང་གཞས་དང་ཞབས་བྲོ་འཁྲབ་སྲོལ་ཡོད།

གཉིས་པ། གནམ་མཚོའི་ལུག་ལོའི་མཚོ་སྐོར།

འདམ་གཞུང་ཁུལ་དུ་ལུག་ལོའི་མཚོ་སྐོར་ཞེས་པ་ནི་ལོ་འཁོར་བཅུ་གཉིས་ཀྱི་ལུག་ལོ་ནམ་ཤར་དུ། བོད་ཀྱི་ས་ཁུལ་ཁག་ནས་ཡུལ་མི་མང་པོ་གནམ་མཚོར་མཚོ་སྐོར་ལ་འགྲོ་སྲོལ་ཡོད་ཅིང་། དམངས་ཁྲོད་ཤོད་རྒྱུན་དུ་རྟ་ལོར་སྟོད་གངས་རི་དང་། ལུག་ལོར་རྭ་སྒྲེང་ཕོ་རོང་ཐང་དང་། བྱང་གནམ་མཚོ། སྤྲེལ་ལོར་ཙ་རི་བཅས་ལོ་དུས་དེ་དག་ལ་འགྲོ་ཐུབ་ན་བྱིན་རླབས་ཆེ་བའི་གསུང་རྒྱུན་ཡོད། །^[1]

^[1].  ཀྲུང་གོ་ལོ་རྒྱུས་རིག་གནས་གྲགས་ཅན་གྲོང་ཁྱེར་ལྷ་ས། བོད་ལྗོངས་མི་དམངས་དཔེ་སྐྲུན་ཁང་། ཕྱི་ལོ་ ༢༠༠༨། ཤོག་ ༤༨།

དབུས་གཙང་ལོ་རྒྱུས་ཆེན་མོ་ལས་བཏུས་པའོ།།