Tag: featured

གསུམ་པ། མངའ་རིས་སྒར་དཔོན་དང་སྤྱི་ཁྱབ་རིམ་བྱུང་། དང་པོ། སྒར་སྤྱི་རིམ་བྱུང་། ཕྱི་ལོ་ ༡༦༨༡ ལོའི་ཡས་མས་ནས་མངའ་རིས་སྐོར་གསུམ་དུ་སྒར་དཔོན་གྱི་ལམ་ལུགས་གསར་དུ་བྱུང་བ་གོང་སྨོས་བཞིན་དང་། ཕྱི་ལོ་ ༡༩༥༤ ལོར་སྔར་ཡོད་སྒར་དཔོན་གྱི་གོ་མིང་སྤྱི་ཁྱབ་ཏུ་བརྗེ་བསྒྱུར་བྱས་པ་ནས་བཟུང་། སྐོར་གསུམ་གྱི་ཆོས་སྲིད་ལ་དབང་ལུང་བསྒྱུར་བའི་སྒར་དཔོན་དང་སྤྱི་ཁྱབ་ཀྱི་གོ་གནས་ལ་སྤྱོད་པའི་སྒར་རབས་བདུན་ཅུ་ལྷག་ཡོད་པར་བཤད་ཀྱང་།

ལུང་པ་ཆུང་ཆུང་ཞིག་ནས་བྱུང་བའི་གྲགས་ཅན་མཁས་པ་བཞི་བཅུ་ཞེ་ལྔ། རིག་པའི་འབྱུང་གནས་གསང་ཕུ་ནེའུ་ཐོག་ནས་བྱུང་བའི་མཁས་པ་ཁག་གཅིག གཤམ་གྱི་མཁས་པ་རྣམས་ནི་གསང་ཕུ་བཤད་གྲྭ་ཆེན་མོ་ནས་དངོས་སུ་འཆད་ཉན་མཛད་མྱོང་ཞིང་། བོད་གངས་ཅན་གྱི་ཆོས་རིག་ལོ་རྒྱུས་ཁྲོད་སྐད་གྲགས་ཆེ་བའི་མཁས་པ་ཁག་གཅིག་ཡིན། ༡ རྔོག་ལེགས་པའི་ཤེས་རབ། ཁོང་ནི་བོད་ཀྱི་བཤད་གྲྭ་ཆེན་མོ་གསང་ཕུ་ནེའུ་ཐོག་དགོན་པ་ཐོག་མར་ (༡༠༧༣) ཕྱག་འདེབས་པ་པོ་ཡིན། ༢ རྔོག་བློ་ལྡན་ཤེས་རབ། ཁོང་ནི་ (༡༠༥༩-༡༡༠༩) གསང་ཕུ་དགོན་པའི་གདན་རབས་གཉིས་པ་དང་། བོད་ཀྱི་གཞུང་ཆེན་འཆད་ཉན་སློབ་གཉེར་ཐམས་ཅད་ཀྱི་རྩ་བའི་འབྱུང་ཁུངས་ལྟ་བུ་ཡིན། ༣ གྲོ་ལུང་པ་བློ་གྲོས་འབྱུང་གནས། ཁོང་ནི་རྔོག་ལོའི་སློབ་མ་བུ་ཆེན་བཞིའི་ཡ་གྱལ་ཏེ། གསུང་རབ་ཀུན་ལ་མཁས་པ་གྲོ་ལུང་པ་བློ་གྲོས་འབྱུང་གནས་ཞེས་གྲགས།

༁༔ མཆོད་རྟེན་ཆེན་པོ་བྱ་རུང་ཁ་ཤོར་གྱི་ལོ་རྒྱུས་ཐོས་པས་གྲོལ་བ་བཞུགས་སོ༔ ༁༔ ཨེ་མ་ཧོ༔ ཆོས་སྐུ་སྣང་བ་མཐའ་ཡས༔ ལོངས་སྐུ་ཐུགས་རྗེ་ཆེན་པོ༔ སྤྲུལ་སྐུ་པདྨ་འབྱུང་གནས༔ སྐུ་གསུམ་བརྒྱུད་པའི་བླ་མ་རྣམས་ལ་ཕྱག་འཚལ་ལོ༔ ཕྱོགས་བཅུ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའི་ཐམས་ཅད་ཀྱི༔ ཐུགས་གཉིས་སུ་མེད་པ་ཆོས་ཀྱི་སྐུའི་རྟེན༔ མཆོད་རྟེན་ཆེན་པོ་བྱ་རུང་ཁ་ཤོར་ཞེས་བྱ་འདི་ཉིད་ཀྱི་ལོ་རྒྱུས་ནི༔ མེ་ཕོ་སྤྲེལ་ལོ་སྤྲེལ་ཟླའི་ཚེས་བཅུའི་ཉིན༔ དཔལ་བསམ་ཡས་མི་འགྱུར་ལྷུན་གྱིས་གྲུབ་པའི༔ གཙུག་ལག་ཁང་ཆེན་པོའི་པར་ཁང་དུ༔ ཆོས་རྒྱལ་རྗེ་འབངས་ཉི་ཤུ་རྩ་ལྔ་ལ་བླ་མ་ཡང་གསང་ཐུགས་ཀྱི་སྒྲུབ་པའི་དབང་བསྐུར་ཆེན་མོ་མཛད་པའི་དུས༔ ཟ་འོག་གི་འབོལ་དགུ་བརྩེགས་ཀྱི་སྟེང་དུ༔ ཨུ་རྒྱན་རིན་པོ་ཆེ་བཞུགས་སུ་གསོལ༔

བོད་ཀྱི་སྒྲུབ་བརྒྱུད་ཤིང་རྟ་ཆེ་བརྒྱད་ཀྱི་བསྟན་པ་རྒྱས་པའི་སྨོན་ཚིག   ཐེག་པ་གསུམ་གྱིས་འགྲོ་ཀུན་ཐར་པར་འདྲེན། ། རྒྱུད་སྡེ་བཞི་ཡིས་གསང་ཆེན་ཉེར་ལམ་སྟོན། ། གྲུབ་མཐའ་བཞི་ཡིས་བདེན་དོན་ལེགས་གཏན་འབེབས། ། འཕགས་ཡུལ་བསྟན་པའི་མངའ་བདག་རྣམས་ལ་འདུད། ། རྙིང་མ་བཀའ་གདམས་ལམ་བཟང་ས་སྐྱ་བ། ། བཀའ་བརྒྱུད་ཤངས་པ་གྲུབ་པའི་སྲོལ་འཛིན་དང་། ། ཞི་བྱེད་ཇོ་ནང་ཨོ་རྒྱན་བསྙེན་སྒྲུབ་སྟེ། ། གངས་ཅན་ཤིང་རྟ་བརྒྱད་ཀྱི་སྲོལ་འདི་བཤད། །

༄༅།།བོད་ཀྱི་ཡིག་ཟམ་ལམ་ལུགས་ཀྱི་བྱུང་རིམ་དང་དངོས་ཡོད་ལོ་རྒྱུས་ཀྱི་གནས་ལུགས་དོན་ཚན་བཅོ་ལྔ།། ༡༽ བཙན་པོའི་དུས་ཀྱི་ “མགྱོགས་འཕྲིན་” ལམ་ལུགས། བོད་བཙན་པོའི་སྐབས་ (དུས་རབས་ ༧-༩) སུ་རྒྱལ་པོའི་བཀའ་ཤོག་དང་དམག་དོན་གནས་ཚུལ་སྐྱེལ་བར་ “མགྱོགས་འཕྲིན་” གྱི་ལམ་ལུགས་དབུ་བརྙེས། ཏུན་ཧོང་ཡིག་རྙིང་ (P.T. 1083) སོགས་སུ་བརྡ་ལན་སྐྱེལ་མཁན་གྱི་ “ཕོ་ཉ་” དང་ “འཕྲིན་པ་” ཡི་སྐོར་གསལ་པོ་འཁོད་ཡོད།

རང་བྱུང་མཆོད་རྟེན་འཕགས་པ་ཤིང་ཀུན་གྱི་གསོལ་འདེབས་བསྟོད་སྨོན།   ༄༅། །རབ་འབྱམས་རྒྱལ་བ་ཀུན་གྱི་ཐུགས་རྗེའི་གཟུགས། །ལྷར་བཅས་སྐྱེ་འགྲོ་ཡོངས་ཀྱི་བསོད་ནམས་ཀྱི། །ཞིང་མཆོག་རང་བྱུང་མཆོད་རྟེན་ཆེན་པོ་ལ། །སྒོ་གསུམ་གུས་པ་ཆེན་པོས་ཕྱག་འཚལ་ལོ། །དྲན་པ་ཉེར་བཞག་ལ་སོགས་བྱང་ཕྱོགས་དང་། །སྟོབས་དང་མི་འཇིགས་མ་འདྲེས་ལ་སོགས་པའི། །རྒྱལ་བའི་ཡོན་ཏན་གཟུགས་སུ་ལེགས་ཤར་བ། །རང་བྱུང་མཆོད་རྟེན་ཆེན་པོར་ཕྱག་འཚལ་ལོ། །ཐུབ་པ་ཆེན་པོ་འོད་སྲུངས་ལ་སོགས་པའི། །