ས་བཅད་བརྒྱད་པ། དམངས་སྲོལ། གཅིག གཉལ་གཞུང་གི་བསྡུ་ཞེས་པའི་དམངས་སྲོལ། བསྡུ་ཞེས་པ་ནི་ལྷུན་རྩེ་རྫོང་ཁོངས་གཉལ་གཞུང་ཁུལ་གྱི་ཐུན་མིན་དམངས་སྲོལ་ཞིག་དང་། དེ་ནི་སྟོན་ཁ་བཙས་མ་བརྔས་རྗེས་དང་། ལོ་ཏོག་ཞིང་ནང་ནས་མ་བསྡུས་གོང་ནོར་གྱི་ཕྱྭ་གཡང་བཀུག་ཏེ་འབྲུ་འབབ་ལེགས་པོ་ཐོབ་པར་རྟེན་འབྲེལ་མཚོན་བྱེད་དུ་སྤེལ་བའི་བྱེད་སྒོ་ཞིག་ཡིན།

༄༅། །ལྷ་སའི་སྐུ་དྲག་གི་རྒྱན་ཆ་རགས་བཤད། བསྟན་འཛིན་ནོར་སྒྲོན།         རྒྱན་ཆ་ནི་རིག་གནས་ཤིག་གི་ཆེས་ཐད་ཀར་གྱི་མཚོན་སྟངས་ཤིག་ཡིན་ཕྱིར་དེས་རིག་གནས་ཀྱི་ནང་དོན་ཕུན་སུམ་ཚོགས་པོ་ཞིག་མཚོན་ཡོད་ལ། མི་རིགས་ཤིག་གི་དངོས་པོའི་རིག་གནས་མཚོན་སྟངས་ཐད་ལ་ནུས་པ་གལ་ཆེན་ཐོན་ཡོད། བོད་ཀྱི་སྐུ་དྲག་གི་རྒྱན་ཆ་ནི་མིག་ལ་མཛེས་ཤིང་མཛེས་སྤྱོད་ཀྱི་སྤྲོ་སྣང་དང་ལྡན་ལ། གནའ་ཉམས་ལྡན་ཞིང་ཐུན་མོང་མ་ཡིན་པའི་ཁྱད་ཆོས་དུ་མ་མངའ། དེ་ཡང་རྒྱན་ཆའི་རྒྱུ་ཆ་སོགས་གཅིག་མཚུངས་ཡིན་རུང་འདོགས་མཁན་མི་འདྲ་བས་དེའི་བཟོ་ལྟ་དང་གྲངས་ཚད། ནུས་པ་དང་མཚོན་སྟངས་སོགས་མི་འདྲ་བ་མང་པོ་ཡོད།

སྣང་རྫོང་ནི་བོད་ཤར་ལྷོའི་ཕྱོགས་ཀྱི་ཡར་ཀླུང་གཙང་པོའི་དཀྱིལ་རྒྱུད་དུ་གནས་ཡོད་པ་དང་། ཧ་ལམ་སའི་གོ་ལའི་ཤར་གྱི་གཞུང་ཐིག་ 93°04′ དང་བྱང་གི་འཕྲེད་ཐིག 29°02′ ཐོག་ཏུ་གནས་ཤིང་། ས་བབ་ཀྱི་ཆ་སྙོམས་མཐོ་ཚད་ལ་རྒྱ་མཚོའི་ངོས་ལས་རྨིད་ 3200 ཡོད། རྒྱ་མཚོའི་ངོས་ལས་མཐོ་ཚད་རྨིད་ 3500 ཡན་གྱི་ས་ཆས་རྫོང་ཡོངས་ཀྱི་ས་ཆའི་རྒྱ་ཁྱོན་གྱི་བརྒྱ་ཆ་ 60 ཡན་ཟིན་གྱི་ཡོད། ས་ཆ་སྤྱིའི་རྒྱ་ཁྱོན་ལ་སྤྱི་ལེ་ངོས་སྙོམས་གྲུ་བཞི་མ་ 4200 དང་། ས་ཞིང་སྤྱིའི་རྒྱ་ཁྱོན་ལ་མུའུ་ཁྲི་ 2.7 རྩྭ་རའི་རྒྱ་ཁྱོན་ལ་སྤྱི་ཆིང་ 164197.5 ནགས་སའི་ཁྱོན་ལ་སྤྱི་ཆིང་ 209801.352 བཅས་ཡོད།

འཕྱོངས་རྒྱས་རྫོང་འཇུ་གྲོང་ཚོ་ནི་བོད་ཀྱི་འཇུ་བྲོ་དར་ཡུལ་རེད། ལྷོ་ཁའི་དམངས་ཁྲོད་དུ་དར་ཁྱབ་ཆེ་བའི་བྲོ་གར་སྒྱུ་རྩལ་ཞིག་ཡིན་པའི་འཇུ་བྲོ་ལ་ད་བར་ལོ་ངོ་ ༡༣༠༠ ལྷག་ཙམ་གྱི་ལོ་རྒྱུས་ལྡན་ཡོད། འཇུ་བྲོ་ནི་བོད་རིགས་ཀྱི་སྲོལ་རྒྱུན་ཞབས་བྲོའི་རིག་གནས་ཁྲོད་ཀྱི་དམིགས་བསལ་གྱི་སྒྱུ་རྩལ་ཞིག་ཡིན་ལ། ད་བར་འཛམ་གླིང་མི་རིགས་ཁག་གི་སྲོལ་རྒྱུན་ཞབས་བྲོའི་རིག་གནས་ཁྲོད་ཉམས་པ་མེད་པའི་གནའ་ཉམས་དོད་ཤོས་ཀྱི་ཞབས་བྲོའི་གྲས་ཤིག་ཀྱང་རེད། དགུང་གྲངས་ ༧༥ ཕེབས་པའི་བགྲེས་སོང་ཉི་མ་དབང་ཕྱུག་བོད་ཀྱི་མངོན་མིན་རིག་གནས་ཤུལ་བཞག་གི་རྒྱུན་འཛིན་པར་གྱུར། ད་བར་ལོ་ངོ་ཆིག་སྟོང་ལྷག་ཙམ་གྱི་ལོ་རྒྱུས་ལྡན་པ་དང་། དམངས་ཁྲོད་དུ་དར་ཁྱབ་ཆེ་བ། གནའ་ཉམས་དོད་ལ་གསོན་ཉམས་ལྡན་པའི་འཕྱོངས་རྒྱས་ཀྱི་འཇུ་བྲོ་གྲོང་ཚོ་འདིས་མ་ཉམས་རྒྱུན་འཛིན་བྱས་ཡོད།

གཙང་ཁུལ་བུད་མེད་ཀྱི་རྒྱན་ཆ་གཙོ་བོ་ཞིག་ནི་པ་སྒོར་ཞེས་པ་དེ་ཡིན་ཞིང་། དེ་ནི་ཁག་བདུན་ཕྱོགས་བསྒྲིགས་བྱས་ནས་བུད་མེད་ཀྱི་རྒྱན་ཆ་ཕུན་སུམ་ཚོགས་པ་ཞིག་རེད། དང་པོ། སྙུག་མ་ལས་སྒྲུབ་པའི་ཚེས་བརྒྱད་ཟླ་བའི་དབྱིབས་གཟུགས་ཞིག་ཡོད་པ་དེ་ལ་སྙུག་མ་མི་མངོན་པའི་ཆེད་རས་དམར་གྱི་གཏུམ་ཞིག་གིས་ཐོག་སི་ཤན་དམར་པོའི་སྐྲིས་ཀྱང་རྒྱབ་ཡོད། གཉིས་པ། རྟག་ཛར་ཞེས་སྣམ་བུ་དཀར་དམར་གང་རུང་རིལ་མོ་ཞིག་བཟོས་ནས་སྒོ་སྣམ་དམར་པོའི་གཏུམ་རྒྱབ་སྟེ། རིང་ཚད་ཀུང་ཁྲེ་གང་ཙམ་ཞིག་ཡོད་པ་དེ་ལ་གཡུ་བྱུར་རུ། བར་བཀག་དུ་གཡུ་ཧྲུག་ལ་སེར་དངུལ་གང་རུང་གི་སྟེགས་བུ་ཞིག་བཟོས་པ་དེ་ལ་ཐས་སྐྱོར་ཞེས་ལྔ་ཡོད་པ་དེ་མདུན་གྱི་གཡས་གཡོན་གཉིས་ལ་གཉིས་རེ་དང་། རྒྱབ་ཀྱི་ཡར་འཐེན་གྱི་རྩེ་མོར་སྟོང་ཆ་ཕྲན་བུ་བཞག་ནས་སྦྱར་དགོས་(སྟོང་ཆ་འཇོག་དགོས་པའི་རྒྱུ་མཚན་ནི་སྟོང་ཆའི་སྟེང་དུ་རང་གི་ཟླའོ་དེས་སྤྲད་པའི་གཡུ་དེ་སྦྱོར་དགོས།)རྟག་ཛར་ནི་པ་སྒོར་ཟླ་གཟུགས་དེ་ལ་གཤམ་ནས་ཡོངས་སུ་བསྐོར་ནས་སྣེ་མོ་གཉིས་པ་སྒོར་གྱི་རྩེ་ལ་འཐེན་པ་དེར་ཡར་འཐེན་ཞེས།