འཕྱོངས་རྒྱས་རྫོང་འཇུ་གྲོང་ཚོ་ནི་བོད་ཀྱི་འཇུ་བྲོ་དར་ཡུལ་རེད། ལྷོ་ཁའི་དམངས་ཁྲོད་དུ་དར་ཁྱབ་ཆེ་བའི་བྲོ་གར་སྒྱུ་རྩལ་ཞིག་ཡིན་པའི་འཇུ་བྲོ་ལ་ད་བར་ལོ་ངོ་ ༡༣༠༠ ལྷག་ཙམ་གྱི་ལོ་རྒྱུས་ལྡན་ཡོད། འཇུ་བྲོ་ནི་བོད་རིགས་ཀྱི་སྲོལ་རྒྱུན་ཞབས་བྲོའི་རིག་གནས་ཁྲོད་ཀྱི་དམིགས་བསལ་གྱི་སྒྱུ་རྩལ་ཞིག་ཡིན་ལ། ད་བར་འཛམ་གླིང་མི་རིགས་ཁག་གི་སྲོལ་རྒྱུན་ཞབས་བྲོའི་རིག་གནས་ཁྲོད་ཉམས་པ་མེད་པའི་གནའ་ཉམས་དོད་ཤོས་ཀྱི་ཞབས་བྲོའི་གྲས་ཤིག་ཀྱང་རེད། དགུང་གྲངས་ ༧༥ ཕེབས་པའི་བགྲེས་སོང་ཉི་མ་དབང་ཕྱུག་བོད་ཀྱི་མངོན་མིན་རིག་གནས་ཤུལ་བཞག་གི་རྒྱུན་འཛིན་པར་གྱུར། ད་བར་ལོ་ངོ་ཆིག་སྟོང་ལྷག་ཙམ་གྱི་ལོ་རྒྱུས་ལྡན་པ་དང་། དམངས་ཁྲོད་དུ་དར་ཁྱབ་ཆེ་བ། གནའ་ཉམས་དོད་ལ་གསོན་ཉམས་ལྡན་པའི་འཕྱོངས་རྒྱས་ཀྱི་འཇུ་བྲོ་གྲོང་ཚོ་འདིས་མ་ཉམས་རྒྱུན་འཛིན་བྱས་ཡོད།
ལོ་རྒྱུས་ཀྱི་དཔྱད་གཞིའི་ཐོག་འཁོད་པར་གཞིགས་ན། འཇུ་བྲོ་དར་བའི་ཐོག་མའི་དུས་སུ་འཁྲབ་མཚམས་ཁག་ ༡༢ ལ་དབྱེ་ཡོད། དེའི་ནང་ནས་འཁྲབ་མཚམས་ཁག་གཅིག་སྲོག་ཆགས་ལ་ལད་མོ་བྱས་ཏེ་འཁྲབ་པ་ཞིག་རེད། གཞན་ཡང་བོད་ཀྱི་ས་གནས་གཞན་དག་གི་བྲོ་དང་མི་འདྲ་བ་ཞིག་ནི་འཇུ་བྲོའི་འཁྲབ་མཚམས་རེར་ནང་དོན་མི་འདྲ་བ་རེ་ཡོད་པ་དང་བྲོ་དེ་དག་ལས་བོད་མིའི་སེམས་རྩ་འཁོལ་བ་དང་། བློ་གཤོགས་ཡངས་པ། འཚོ་བར་དགའ་ཞེན་ཆེ་བ་བཅས་ཀྱི་ཁྱད་ཆོས་མངོན་ཡོད། འཁྲུག་ཆ་དོད་པའི་འཇུ་བྲོ་ལས་མི་རྣམས་ལ་སྤྲོ་སེམས་འཁོལ་བའི་ཚོར་སྣང་ཞིག་སྦྱིན་གྱི་ཡོད།
ད་ཆ་འཇུ་བྲོའི་རུ་ཁག་ལ་བྲོ་པ་བཅུ་ཡོད་པ་དང་། ཁོང་ཚོའི་བྲོའི་སྟངས་སྟབས་གཅིག་གྱུར་ཡིན་ལ་བློ་གཤོགས་ཆེ་བའི་ཉམས་འགྱུར་ཡང་ལྡན་ཡོད། འཁྲབ་དུས་ལུས་ལ་ལུག་ལྤགས་གྱོན་པ་དང་གདོང་ལ་འབག་གྱོན་པའི་བྲོ་དཔོན་གྱིས་སྣེ་ཁྲིད་དེ་གར་སྟེགས་ཀྱི་དཀྱིལ་དབུས་སུ་རྒྱུག་ཡོང་ནས་བྲོའི་གོ་རིམ་དང་རྔ་རྡུང་སྟངས་ལ་བཀོད་འདོམས་བྱེད་ཀྱི་ཡོད།
བྲོ་དཔོན་ཉི་མ་དབང་ཕྱུག་ལགས་ཕྱུ་ལོ་ ༡༩༤༥ ལོར་འཇུ་གྲོང་ཚོ་ལ་སྐུ་འཁྲུངས། ལོ་དགུ་ནས་བཟུང་ཕ་དང་དེ་བཞིན་དམངས་ཁྲོད་ཀྱི་བྲོ་དཔོན་བློ་བཟང་གི་ས་ནས་བྲོ་འཁྲབ་རྩལ་སྦྱོང་འགོ་ཚུགས། དགུང་ལོ་ ༢༥ ལ་ཕེབས་སྐབས་འཇུ་བྲོ་འཁྲབ་མཁན་གྱི་བྲོ་པར་གྱུར།
སྔ་མོ་ཉི་མ་དབང་ཕྱུག་ཁྱིམ་གྱི་མི་རབས་གསུམ་གྱིས་བོད་ཀྱི་ས་ཕྱོགས་གང་སར་བྲོ་འཁྲབ་ཡོད།
བྲོ་དཔོ་ཉི་མ་དབང་ཕྱུག་ལགས་ནས་་བྲོའི་རྒྱུན་འཛིན་པར་གྱུར་ནས་བྲོའི་སྒྱུ་རྩལ་སློབ་ཁྲིད་བྱ་བཞིན་ཡོད།
