སྤེལ་ཞིབ་ཕྲ།
ཚད་མ་རྣམ་འགྲེལ་ལེགས་པར་བཤད་པ།
༄༅། །ཚད་མ་རྣམ་འགྲེལ་ལེགས་པར་བཤད་པ་ཞེས་བྱ་བ་ཐམས་ཅད་མཁྱེན་པ་དགེ་འདུན་གྲུབ་ཀྱིས་མཛད་པ་ལས་རང་དོན་རྗེས་སུ་དཔག་པའི་ལེའུའི་རྣམ་བཤད་བཞུགས་སོ། ། མཛད་པ་པོ། ༸རྒྱལ་བ་དགེ་འདུན་གྲུབ་པ། མཆོད་བརྗོད་དང་བརྩམས་པར་དམ་བཅའ། ཚད་མ་རྣམ་འགྲེལ་ལེགས་པར་བཤད་པ་ཞེས་བྱ་བ་རྗེ་བཙུན་འཇམ་པའི་དབྱངས་ཀྱི་ཞབས་ཀྱི་པདྨོ་ལ་ཕྱག་འཚལ་ལོ། །དགེ་ལེགས་གསེར་གྱི་ས་གཞིར་མཐའ་ཡས་འགྲོ་ལ་ཕན་པར་བཞེད་པའི་ཐུགས་རྗེའི་ཆུ་གཏེར་རྒྱ་ཆེན་ལན་གཅིག་མིན་པར་རབ་ཏུ་བསྐྱིལ། །ཐབས་མང་སྟོན་པ་ཡུན་རིང་གོམས་པའི་རླུང་གིས་བསྲུབས་པས་སྤངས་རྟོགས་མཐར་ཕྱིན་རིན་ཆེན་ལས་གྲུབ་བདེ་གཤེགས་བང་རིམ་མངོན་པར་མཐོ། །ཇི་བཞིན་ཇི་སྙེད་ཀུན་གཟིགས་ཉི་ཟླའི་སྐ་རགས་རྒྱས་པས་གདུལ་བྱ་ཀུན་སྐྱོབ་ཀུན་ལ་ཚད་མར་གྱུར་པའི་ཐུབ་དབང་ལྷུན་པོ་ནི། །
བོ་དོང་པཎ་ཆེན་དང་མཁས་གྲུབ་རྗེའི་རྩོད་ཡིག་བཞུགས་སོ།།
༄༅། །ལ་སྟོད་བྱང་ངམ་རིངས་སུ་བོ་དོང་པཎ་ཆེན་དང་མཁས་གྲུབ་ཐམས་ཅད་མཁྱེན་པ་དགེ་ལེགས་དཔལ་བཟང་པོ་རྣམ་གཉིས་རྩོད་པ་མཛད་ཚུལ་གྱི་སྐོར་རྣམ་ཐར་དུ་གསལ་བའི་རྩོད་ཡིག་ལས་ཟུར་འཁོལ་དུ་ཕྱུངས་པ་བཞུགས་སོ། ། བོ་དོང་པཎ་ཆེན་ཕྱོགས་ལས་རྣམ་རྒྱལ། འཁྲུངས་འདས། (1376–1451) མཁས་གྲུབ་དགེ་ལེགས་དཔལ་བཟང་། འཁྲུངས་འདས། (1385–1438) རྩོད་པ་མཛད་ཡུལ། ལ་སྟོད་བྱང་ངམ་རིངས་ཆོས་སྡེ་ཆེན་པོ། རྩོད་པ་མཛད་པའི་དུས་ཚོད། (སྤྱི་ལོ་1400) ལོ། སྐབས་དེ་དུས་ཁོང་རྣམ་གཉིས་ཀྱི་དགུང་གྲངས། བོ་དོང་པཎ་ཆེན་ཕྱོགས་ལས་རྣམ་རྒྱལ་དགུང་ལོ་25 མཁས་གྲུབ་དགེ་ལེགས་དཔལ་བཟང་དགུང་ལོ་16 རྩོད་པའི་ནང་དོན། ཚད་མ་རིག་པ། (བོ་དོང་པཎ་ཆེན་སྐུ་འཚོ་བཞུགས་སྐབས་སུ་བུ་ངག་གི་དབང་ཕྱུག་གིས་མཛད་པའི་རྣམ་ཐར་འོད་ཟེར་དཀར་པོའི་འཕྲེང་བ་ལས།)
བོད་ཀྱི་ཚད་མ་རིག་པའི་གཞུང་ལུགས། རྩོམ་པ་པོ། དུང་དཀར་རིན་པོ་ཆེ།
དུས་རབས་ལྔ་པའི་དུས་དཀྱིལ་ཙམ་སྟེ། སྤུར་རྒྱལ་བོད་ཀྱི་རྒྱལ་རབས་ཉེར་བདུན་པ་ལྷ་ཐོ་ཐོ་རི་གཉན་བཙན་གྱི་དུས་སུ་རྒྱ་གར་ཡུལ་དབུས་སུ་ནང་པ་སངས་རྒྱས་ཀྱི་བསྟན་པ་དང་། དེའི་གཞུང་ལུགས་སོགས་དར་རྒྱས་ཤིན་ཏུ་ཆེ་ཞིང་། ཁྱད་པར་དུ་ཕྱི་ནང་ཐུན་མོང་གི་རིག་གནས་སམ་ཤེས་བྱའི་གཞུང་ལུགས་སོགས་དར་རྒྱས་ཤིན་ཏུ་ཆེ་བ་བྱུང་ལ། རིག་པའི་གནས་ལ་མངའ་བརྙེས་པའི་མ་ཧ་པཎྜི་ཏ་དང། མཁས་པའི་གོ་འཕང་མཐོན་པོར་གཤེགས་པའི་དགེ་བའི་བཤེས་གཉེན་ཆེན་པོ་མང་དུ་བྱོན་པའི་ནང་ནས་མགོན་པོ་ཀླུ་སྒྲུབ་དང་། ཨ་རྱ་དེ་ཝ། འཕགས་པ་ཐོགས་མེད། སློབ་དཔོན་དབྱིག་གཉེན། ཡོན་ཏན་འོད། ཤྭཀྱ་འོད་བཅས་ལ་འཛམ་གླིང་མཛེས་པར་བྱེད་པའི་རྒྱན་དྲུག་མཆོག་གཉིས་ཞེས་གྲགས་ཤིང་(རྒྱན་དྲུག་ནི། ཀླུ་སྒྲུབ་དང་། ཐོགས་མེད། ཕྱོགས་གླང་། ཆོས་གྲགས། དབྱིག་གཉེན། ཨརྱ་དེ་ཝ་བཅས་དྲུག་དང་མཆོག་གཉིས་གི་ཡོན་ཏན་འོད་དང་། ཤྭཀྱ་འོད་དོ།།) སློབ་དཔོན་ཆེན་པོ་འཕགས་པ་ཐོགས་མེད་ཀྱི་སྐུ་མཆེད་སློབ་དཔོན་དབྱིག་གཉེན་ལ་སློབ་མ་ཁྲི་ཕྲག་ཁ་ཤས་ཡོད་པའི་ནང་ནས་འདུལ་བ་རང་ལས་མཁས་པ་ཡོན་ཏན་འོད། ཕར་ཕྱིན་རང་ལས་མཁས་པ་འཕགས་པ་གྲོལ་སྡེ།…
༄༅། །ཚད་མ་རིགས་པའི་གཏེར་ཞེས་བྱ་བའི་བསྟན་བཅོས་བཞུགས་སོ།།
༄༅། །རྒྱ་གར་སྐད་དུ། པྲ་མཱ་ཎ་ཡུགྟ་ནི་ངྷ། བོད་སྐད་དུ། ཚད་མ་རིགས་པའི་གཏེར། འཕགས་པ་འཇམ་དཔལ་གཞོན་ནུར་གྱུར་པ་ལ་གུས་པས་ཕྱག་འཚལ་ལོ། །ཤེས་བྱ་ཐམས་ཅད་གཟིགས་པའི་སྤྱན་ཡངས་པ། །འགྲོ་ཀུན་དགེ་ལེགས་སྒྲུབ་པའི་ཐུགས་རྗེ་ཅན། །བསམ་ཡས་ཕྲིན་ལས་མཛད་པའི་སྟོབས་མངའ་བ། །འཇམ་མགོན་བླ་མའི་ཞབས་ལ་མགོས་ཕྱག་འཚལ། །བློ་གྲོས་སྤྱི་གཙུག་ཡོན་ཏན་ནོར་བུའི་རྒྱན་གྱིས་སྤྲས། །བདེན་གཉིས་རོ་འཛིན་སྟོང་ཉིད་ཕུད་སྒྲའི་སྒྲ་སྒྲོགས་ཤིང་། །མཁྱེན་བརྩེའི་ལྟ་ཟེར་ཕས་རྒོལ་སྐྱེ་བོས་མི་བཟོད་པ། །བློ་གསལ་རྒྱ་མཚོའི་རྒྱན་གྱུར་དཔལ་ལྡན་ཀླུ་དབང་རྒྱལ། །