༄༅། །བོད་རང་སྐད་ཀྱི་རྒྱུན་མཁོའི་ཕལ་ཚིག་དང་ཞེ་ཚིག

༄༅། །བོད་རང་སྐད་ཀྱི་རྒྱུན་མཁོའི་ཕལ་ཚིག་དང་ཞེ་ཚིག

ཞེ་ཚིག་ཅེས་པ་ནི་གཞན་ལ་མོས་གུས་དང་ལྡན་པའི་སྒོ་ནས་བཀོལ་བའི་མིང་དང་ཚིག་དང་ཡིག་ཚོགས་ལ་གོ་དགོས་པ་ཡིན།   ཕ་ལ་ཡབ་དང་མ་ལ་ཡུམ། །མིང་ལ་མཚན་དང་ལུས་ལ་སྐུ། །གཟུགས་བརྙན་ལ་ནི་སྐུ་བརྙན་དང་། །མགོ་ལ་དབུ་དང་ངོ་ལ་ཞལ། །མིག་ལ་སྤྱན་དང་རྣ་ལ་སྙན། །སྣ་ལ་ཤངས་དང་ཁ་ལ་ཞལ། །སོ་ལ་ཚེམས་དང་ལྕེ་ལ་ལྗགས། །སྐེ་ལ་མགུལ་དང་ལག་ལ་ཕྱག །རྐང་ལ་ཞབས་དང་ལྷམ་ཞབས་ཕྱགས། །རྐང་པར་ཞབས་པད་ཅེས་ཀྱང་བརྗོད། །མཛུ་གུ་ལ་ནི་ཕྱག་སོར་དང་། །ལག་པའི་སེན་མོར་ཕྱག་སེན་བྱ། །རྐང་མཛུབ་ལ་ནི་ཞབས་སོར་དང་། །རྐང་པའི་སེན་སོར་ཞབས་སེན་བརྗོད། །སེམས་ལ་ཐུགས་དང་སྐད་ལ་གསུང་། །གླུ་ལ་མགུར་དང་ལེན་པར་བཞེངས། །མདུན་ལ་དྲུང་དང་འཁྱག་ལ་བསིལ། །བསམ་ལ་དགོངས་དང་ཤེས་ལ་མཁྱེན། །ལྟ་ལ་གཟིགས་དང་ཉན་ལ་གསན། །རྣ་བས་ཚོར་བར་སྙན་གྱིས་གསན། །ཁྱོད་ལ་ཁྱེད་དང་ཁོ་ལ་ཁོང་། །འགྲོ་ལ་བྱོན་དང་དང་འདུག་ལ་བཞུགས། །ལས་ཀར་ཕྱག་ལས་སྙིང་ལ་ཐུགས། །ལངས་ལ་བཞེངས་དང་ཉལ་ལ་གཟིམས། །ཟ་ལ་གསོལ་དང་འཐུང་ལ་བཞེས། །  ཇ་ལ་གསོལ་ཇ་ཆང་གསོལ་ཆང་། །བཏུང་བར་སྐྱེམས་དང་གཉིད་ལ་མནལ། །ཤ་ལ་ཀྲུམ་དང་ཁྲག་ལ་མཚལ། །སྦྱིན་ལ་འབུལ་དང་བཟུང་ལ་སྣོམ། །

གྱོན་ལ་ནབ་དང་སླེབས་ལ་ཕེབས། །དགའ་ལ་དགྱེས་དང་སྐྱོ་ལ་སུན། །སྐྱེ་ལ་འཁྲུངས་དང་ཤི་ལ་འདས། །ཤི་ལ་གྲོངས་གཤེགས་ཟེར་བའང་ཡོད། །ངུ་ལ་བཤུམ་དང་བགད་ལ་བཞད། །འདྲི་ལ་ཞུ་དང་བཤད་ལ་གསུངས། །སྟེར་ལ་གནང་དང་བྱེད་ལ་མཛད། །སྟེར་བར་བསྩལ་བ་ཞེས་ཀྱང་བྱ། །ནད་ལ་སྙུན་དང་ན་ལ་སྙུང་། །ནད་གཞི་ལ་ནི་སྙུང་གཞི་ཟེར། །བསད་པ་ལ་ནི་བཀྲོངས་པ་དང་། །ལས་དོན་ལ་ནི་མཛད་འཕྲིན་ཟེར། །བུ་དང་བུ་མོར་སྲས་སྲས་མོ། །མགོ་ཡི་ཞྭ་ལ་དབུ་ཞྭ་དང་། །ལུས་ཀྱི་གོས་ལ་ན་བཟའ་ཞེས། །སྐེ་རགས་མིང་དུ་སྐུ་ཆིངས་དང་། །རྐུབ་བཀྱག་ལ་ནི་ཞབས་བཀྱག་ཟེར། །རྐང་ཐང་ལ་ནི་ཞབས་ཐང་བརྗོད། །མགོ་ཡི་སྐྲ་ལ་དབུ་སྐྲ་དང་། །ཁ་སྤུ་ལ་ནི་ཞལ་ཚོམ་མོ། །གྲོད་པ་ལ་ནི་གསོལ་གྲོད་དང་། །སྡོད་ཁང་ལ་ནི་གཟིམ་ཆུང་ཟེར། །ཉལ་སའི་ཁྲི་ལ་གཟིམས་ཁྲི་དང་། །རྨི་ལམ་ལ་ནི་གཟིམས་ལམ་དང་། །ཉལ་ཆས་དག་ལ་གཟིམས་ཆས་ཟེར། །པར་རྒྱག་པ་ལ་སྐུ་པར་སྐྱོན། །ལན་རྒྱག་པ་ལ་ལན་སྐྱོན་བྱ། །ལྟ་ཚུལ་ལ་ནི་གཟིམས་ཚུལ་དང་། །ལྟ་སྐོར་བྱེད་པར་གཟིགས་སྐོར་ཟེར། །ཁྲོ་བའི་མིང་ལ་དགོངས་པ་འཚོམས། །གཤེ་གཤེ་བཏང་བར་བཀའ་བཀྱོན་གནང་། །བཟོད་སྒོམ་ཞུ་བར་དགོངས་དག་ཞུ། །མི་ཚེ་ལ་ནི་སྐུ་ཚེ་དང་། །ཤེས་རབ་མིང་དུ་མཁྱེན་རབ་ཟེར། །ཤེལ་མིག་ལ་ནི་སྤྱན་ཤེལ་དང་། །མིག་ཆུ་ལ་ནི་སྤྱན་ཆབ་ཅེས། །ཆུ་ཡི་མིང་ལ་ཆབ་དང་ནི། །ཆུ་ཡི་མཆོད་པར་ཡོན་ཆབ་ཟེར། །གཅིན་པའི་མིང་དུ་གསང་ཆབ་དང་། །ཕུང་པོ་རོ་ལ་སྐུ་གདུང་སྨྲ། །རྒྱུ་བདག་མིང་ལ་ཕྱག་མཛོད་དང་། །བཟའ་གྲོགས་མོ་ལ་ལྷ་ལྕམ་དང་། །བཟའ་ཟླ་གཉིས་ལ་ཡབ་ཡུམ་བརྗོད། །སློབ་དཔོན་ཆེན་པོར་ཡོངས་འཛིན་ཞུ། །བཞོན་པའི་རྟ་ལ་ཆིབས་རྟ་དང་། །རྟ་ལྕག་ལ་ནི་ཆིབས་ལྕག་ཟེར། །རྟ་བཞོན་པ་ལ་རྟ་ཆིབས་པ། །རྟ་སྒ་ལ་ནི་ཆིབས་སྒ་དང་། །འགྲོ་ལ་ཆིབས་བསྒྱུར་ཅེས་ཀྱང་བརྗོད། །སྐྲ་བྲེག་པ་ལ་དབུ་སྐྲ་བསིལ། །བྲིས་པའི་ཡི་གེར་ཕྱག་བྲིས་བརྗོད། །ངོ་ཐུག་པ་ལ་མཇལ་འཕྲད་དང་། །ཁྲུས་བྱེད་པ་ལ་ཁྲུས་གསོལ་ཟེར། །འགོ་ཁྲིད་ལ་ནི་དབུ་ཁྲིད་དང་། །འགོ་གཙོ་ལ་ནི་དབུ་གཙོ་བརྗོད། །ལག་མགོར་བཞག་པར་ཕྱག་དབང་གནང་། །འགོ་འཛུགས་པ་ལ་དབུ་འཛུགས་དང་། །དབུ་བརྙེས་ཞེས་ཀྱང་ཟེར་སྲོལ་ཡོད། །མགོ་ཡི་རྒྱན་དང་དབུ་རྒྱན་དང་། །སྐེ་རྒྱན་མིང་དུ་མགུལ་རྒྱན་ཟེར། །གཅོད་བྱེད་གྲི་ལ་ཕྱག་ཤན་བྱ། །དཀའ་ཚེགས་ལ་ནི་འོ་བརྒྱལ་དང་། །སྐུ་ཚེགས་སྐུ་མཉེལ་སོགས་ཀྱང་བརྗོད། །སྐྲུན་པ་ལ་ནི་བཞེངས་པ་དང་། །ཁས་བླངས་པ་ལ་ཞལ་བཞེས་དང་། །ཡ་ཡ་ཟེར་བར་ལེགས་སོ་ཞུ། །དོ་ཁུར་ཞེས་པར་ཐུགས་ཁུར་དང་། །སེམས་ལ་ངེས་པར་ཐུགས་ལ་མངའ། །བསམ་འཆར་ལ་ནི་དགོངས་འཆར་དང་། །སྤུན་ཟླའི་མིང་ལ་སྐུ་མཆེད་འབོད། །མགྲོན་འབོད་པ་ལ་གདན་འདྲེན་ཞུ། །བྱ་དགའ་སྟེར་ལ་གསོལ་རས་གནང་། །ཁ་ཆེམས་ལ་ནི་ཞལ་ཆེམས་དང་། །ཐང་ག་ལ་ནི་ཞལ་ཐང་ཟེར། །ལུས་ཁམས་མིང་ལ་སྐུ་ཁམས་དང་། །མིང་བཏགས་པ་ལ་མཚན་གསོལ་བརྗོད། །འགྲོ་རོགས་ལ་ནི་ཕེབས་གྲོགས་དང་། །རྒད་པོ་རྒན་མོར་བགྲེས་སོང་ཟེར། །ཁ་དྲོར་ཞལ་དྲོ་སྐུ་མཁྱེན་་དང་། །ཁ་བཏགས་ལ་ནི་མཇལ་དར་ཞུ། །མི་རབས་ལ་ནི་སྐུ་ཕྲེང་དང་། །ག་ལེར་སོང་ལ་ག་ལེར་ཕེབས། །ཚུར་ཤོག་ཅེས་པར་ཚུར་སྤྱོན་དང་། །ལུས་ཤ་རྒྱགས་པར་སྐུ་ཤ་འབྱོར། །སྡོད་སའི་གྲལ་ལ་བཞུགས་གྲལ་འབོད། །ཁ་ཏ་ལ་ནི་ཞལ་ཏ་དང་། །ཁ་འདོན་ལ་ནི་ཞལ་འདོན་གསུང་། །སྡོད་རོགས་ཞེས་པར་བཞུགས་གདན་འཇགས། །སྐྱེས་སྐར་ལ་ནི་འཁྲུངས་སྐར་དང་། །སྐྱེས་པ་ལ་ནི་སྐུ་བལྟམས་པ། །ཚིག་པ་ཟ་བར་དགོངས་འགལ་དང་། །ཁོང་ཁྲོ་མ་ལང་ཞེས་པ་ལ། །དགོངས་པ་མ་ཚོམས་ཞེས་ཀྱང་བརྗོད། །ཁོག་རྒྱ་ལ་ནི་ཐུགས་རྒྱ་དང་། །སེམས་ཁྲལ་ལ་ནི་ཐུགས་ཁྲལ་བྱ། །སྲུང་མདུད་ལ་ནི་ཕྱག་མདུད་དང་།  བསླབ་བྱ་ལ་ནི་བཀའ་སློབ་དང་། །སེམས་དགའ་དགའ་ལ་ཐུགས་དགྱེས་དགྱེས། །སྙིང་རྗེ་ལ་ནི་ཐུགས་རྗེ་དང་།  གཏམ་བཤད་ལ་ནི་གསུང་བཤད་ཟེར། །དཀར་ཡོལ་ལ་ནི་ཞལ་དཀར་དང་། །སྡེར་མ་ལ་ནི་གསོལ་སྡེར་ཞེས། །སྡོད་གུར་མིང་ལ་བཞུགས་གུར་དང་། །ཉལ་ཁང་ལ་ནི་གཟིམས་ཤག་ཟེར། །ཕོ་བྲང་དང་ནི་ཁྱིམ་སོགས་ལ། །ཁབ་ཅེས་འབོད་སྲོལ་ཡོད་པ་དཡིན། །སྡོད་པའི་དུས་ལ་བཞུགས་རིང་དང་། །དཔུང་རོགས་ལ་ནི་ཕྱག་རོགས་བྱ། །གླེང་མོ་བྱེད་པར་བཀའ་མོལ་དང་། །དོགས་ཟོན་ལ་ནི་ཐུགས་ཟོན་ཞེས། །བྱས་རྗེས་ལ་ནི་མཛད་རྗེས་དང་། །བྱ་གཞལ་ལ་ནི་མཛད་འཕྲིན་བྱ། །བློ་འདྲི་བ་ལ་བཀའ་འདྲི་དང་། །བློ་ལ་བབ་པར་ཐུགས་ལ་བབ། །མིང་གྲགས་ལ་ནི་མཚན་སྙན་དང་། །མིང་རྟགས་བཀོད་པར་མཚན་རྟགས་བཀོད། །མིང་འཛིན་ལ་ནི་མཚན་འཛིན་དང་། །མིང་ཤོག་ལ་ནི་མཚན་ཤོག་བྱ། །རྩོམ་ཡིག་མིང་ལ་གསུང་རྩོམ་དང་། །ཚ་ཞང་ལ་ནི་དབོན་ཞང་ཞེས། །ཟས་རིན་ལ་ནི་གསོལ་ཡོན་དང་། །ཟས་ལྷག་མིང་ལ་གསོལ་ལྷག་ཟེར། །ལོ་གྲངས་ལ་ནི་དགོངས་ལོ་དང་། །གོས་རྒྱན་སྤྲས་པར་སྒྲོན་ཞེས་བརྗོད། །ཡོང་བའི་མིང་ལ་ཞབས་བཅགས་དང་། །ཡོངས་ཤེས་ལ་ནི་ཀུན་མཁྱེན་ནམ། །ཐམས་ཅད་མཁྱེན་པ་ཞེས་ཀྱང་བྱ། །གཤིས་རྒྱུད་ལ་ནི་ཐུགས་རྒྱུད་དང་། །བཤད་ཁྲིད་བྱེད་པར་ལྗགས་ཁྲིད་ཅེས། །བསམ་གཞིགས་ལ་ནི་དགོངས་བཞེས་དང་། །བསམ་ཚུལ་ལ་ནི་དགོངས་ཚུལ་བརྗོད། །ལག་པའི་རྗེས་ལ་ཕྱག་རྗེས་དང་། །ལག་བསྟར་མ་ལ་ཕྱག་བསྟར་མ། །ལག་དངུལ་ལ་ནི་ཕྱག་དངུལ་དང་། །ལོ་གསར་གནམ་ལོ་གསར་ཚེས་ཟེར། །ཤེས་རྒྱ་ལ་ནི་མཁྱེན་རྒྱ་དང་། །ཤེས་གསལ་ལ་ནི་མཁྱེན་གསལ་བྱ། །མཉམ་འཛོམས་ལ་ནི་ལྷན་འཛོམས་དང་། །སེེམས་ལྷོད་ལྷོད་ལ་ཐུགས་ལྷོད་ལྷོད། །ཨ་ཁུར་ཨ་ཁུ་ལགས་ཞེས་དང་། །ཨ་ནེར་ཨ་ནེ་ལགས་ཞེས་བོས། །ཁ་པར་ལ་ནི་ཞལ་པར་དང་། །ལག་འཕྲིན་ལ་ནི་ཕྱག་འཕྲིན་བརྗོད། །དེ་ལྟར་བྲིས་པའི་དགོས་པ་ཡང་། །གཞན་ལ་གུས་པ་མཛོན་བྱའི་ཕྱིར། །གུས་པའི་ཞེ་སའི་ཕྲེང་བ་འདི། །ལྷན་རྒྱས་ཡིད་ལ་ངེས་པར་སྨོན། །

 

རྩོམ་པ་པོ་རིན་ཆེན་ལགས་ཀྱིས་བསྒྲིགས།

བརྒྱུད་སྐུལ།

མཆན་སྤེལ།