འགོས་ལོ་ཙཱ་བ་གཞོན་ནུ་དཔལ། བོད་རབ་བྱུང་བདུན་པའི་ཆུ་སྤྲེལ་༡༣༩༢ལོ་བར་ནས་རབ་བྱུང་བརྒྱད་པའི་ལྕགས་གླང་ལོ༡༤༨༡ལོ་བར་དགུང་ལོ་དགུ་བཅུ་གོ་གཅིག་བཞུགས། སྐུ་ཚེའི་སྨད་དུ་ཀུན་བཟང་རྩེའི་རི་ཁྲོད་དུ་བཞུགས་པས་ཡེ་བཟང་རྩེ་པ་ཡང་ཟེར། ཁོང་ནི་ལྷོ་ཁ་འཕྱོངས་རྒྱས་ཁུལ་རྒྱས་སྨན་ལྷ་ཁང་གི་མདའ་འམ་པ་རའི་གྲོང་ནག་མེ་དགུ་ཟེར་བའི་ཁྱིམ་དུ་ཡབ་འགོས་སྟོན་འབྱུང་གནས་རྡོ་རྗེ་དང་ཡུམ་སྲི་ཐར་སྐྱིད་གཉིས་ཀྱི་སྲས་སུ་སྐུ་འཁྲུངས། དགུང་ལོ་དགུའི་ཐོག་རབ་ཏུ་བྱུང་། དེ་ནས་སློབ་དཔོན་ཤེས་རབ་དར་རྒྱས་དང་། བསམ་བཟང་པ། ཀརྨ་དེ་བཞིན་གཤེགས་པ། རྗེ་ཙོང་ཁ་བ་སོགས་དགེ་བའི་བཤེས་གཉེན་དང་མཁས་པ་མང་དུ་བསྟེན་ནས་ཆོས་ལུགས་གྲུབ་མཐའ་ཁག་དང་། རིག་གནས་ལྔ་ལ་མཁས་པའི་པཎྜི་ཏ་ཆེན་པོ་གྱུར་ཏེ[དུས་འཁོར་འགྲེལ་ཆེན]དང[དེབ་ཐེར་སྔོན་པོ]སོགས་གསུང་རྩོམ་པོད་བཅུ་ལྷག་ཙམ་ཡོད་ཀྱང་དཔེ་རྒྱུན་ཧ་ཅང་དཀོན།

༄༅། །ཞ་ལུ་ལོ་ཆེན་ཆོས་སྐྱོང་བཟང་པོ་ནི། རབ་བྱུང་བདུན་པའི་ལྕགས་མོ་བྱ་ཕྱི་ལོ་༡༤༤༡ ལོར་གཙང་ཞ་ལུ་གསེར་ཁང་གི་ཁང་གསར་གོང་མ་ཞེས་བྱ་བར་འགོས་ཀྱི་རིགས་སུ་ཡབ་བསམ་འགྲུབ་དཔལ་བཟང་དང༌། ཡུམ་རིན་ཆེན་ཆོས་འཛོམས་གཉིས་ཀྱི་སྲས་སུ་སྐུ་འཁྲུངས། མཚན་ལ་ཆོས་སྐྱོང་འབུམ་ཞེས་གསོལ། སྐུ་ཆུང་ངུའི་དུས་སུ་སྔོན་གྱི་བག་ཆགས་ཀྱི་དབང་གིས་དད་བརྩོན་ཤེས་རབ་སྙིང་རྗེ་ཅན་ཞིག་ཡིན་སྟབས། དགེ་བའི་བཤེས་གཉེན་བཀྲ་ཤིས་དཔལ་ལྡན་དྲུང་ནས་བོད་ཡིག་འབྲི་ཀློག་གསན་སྦྱོང་མཛད། དགུང་ལོ་བརྒྱད་ལ་ཕེབས་སྐབས་རྒྱལ་རྩེ་སྡེ་པ་དང་རིན་སྤུངས་པ་གཉིས་དམག་འཁྲུག་བྱུང་སྟེ་ཡབ་ཀྱང་རྒྱལ་རྩེའི་དམག་གི་འགོ་བྱེད་དུ་ཕེབས་ནས་དམག་ཐོག་ཏུ་འདས། དེ་ནས་རྒྱལ་རྩེ་ཆོས་རྒྱལ་བཀྲ་ཤིས་འཕགས་པའི་ཞབས་འབྲིང་དུ་མངགས། དེའི་རིང་རིག་གནས་དག་ལ་ཐོས་པ་རྒྱ་ཆེར་མཛད།

གཙང་ཁུལ་འཛིན་མའི་ཁྱོན་དུ་བྱུང་བའི་གྲགས་ཅན་མི་སྣའི་མཚན་གཞུང་། ༡ ཀརྨ་བསྟན་སྐྱོང་དབང་པོ། འཁྲུངས་ལོ་མི་གསལ། ༡༦༤༢ལོར་གོ་ཤྲི་བསྟན་འཛིན་རྒྱལ་མཚན་གྱིས་བཀྲོངས། ༢ ཀརྨ་བསྟན་སྲུང་དབང་པོ། ཞིང་ཤག་པ་ཚེ་བརྟན་རྡོ་རྗེའི་སྲས། རབ་བྱུང་བཅུ་དྲུག་པའི་དུས་དཀྱིལ་ཙམ་དུ་འཁྲུངས། ༣ ཀརྨ་པ་མཁའ་ཁྱབ་རྡོ་རྗེ། རབ་བྱུང་བཅོ་ལྔ་པའི་ལྕགས་ཕོ་རྟ་ལོ་སྟེ། ༡༨༧༠ལོར་གཙང་མྱང་སྟོད་ཤེལ་དཀར་རྒྱལ་རྩེར་ཡབ་སྙན་གྲགས་དབང་པོ་དང་ཡུམ་བསྐལ་བཟང་སྒྲོལ་མ་གཉིས་ཀྱི་སྲས་སུ་སྐུ་འཁྲུངས། རབ་བྱུང་བཅོ་ལྔ་པའི་ལྕགས་མོ་བྱ་ལོ་སྟེ་༡༩༢༡ལོར་གཤེགས། ༤ ཀརྨ་དེ་བཞིན་གཤེགས་པ། རབ་བྱུང་དྲུག་པའི་ཤིང་ཕོ་བྱི་ལོ་སྟེ། སྤྱི་ལོ་༡༣༨༤ལོར་མྱང་ཡུལ་མྱང་འདམ་དུ་ཡབ་གུ་རུ་རིན་ཆེན་དང་ཡུམ་ལྷ་མོ་སྐྱིད་གཉིས་ཀྱི་སྲས་སུ་སྐུ་འཁྲུངས།

མི་ལ་རས་པ། རྗེ་བཙུན་མི་ལ་རས་པ་ཁོང་རབ་བྱུང་དང་པོའི་ལྕགས་འབྲུག(སྤྱི་ལོ༡༠༤༠)ལོར་ཡབ་མི་ལ་ཤེས་རབ་རྒྱལ་མཚན་དང་ཡུམ་མྱང་ཚ་དཀར་རྒྱན་ གཉིས་ཀྱི་སྲས་སུ་མང་ཡུལ་གུང་ཐང་སྐྱ་རྔ་རྩ་རུ་སྐུ་འཁྲུངས་ཤིང་ཆུང་དུས་ནས་ཡབ་ གཤེགས་ཏེ་སྡུག་མང་པོ་མྱངས། དེ་རྗེས་མཐུ་བསླབས་ནས་འཁོན་ལན་སློག་ཆེད་མི་རྟ་མང་པོ་བསད། མཇུག་ཏུ་སྡིག་པ་ལ་འགྱོད་བཤགས་བྱེད་ཆེད་ས་རྟ(སྤྱི་ལོ༡༠༧༨)ལོར་ལྷོ་བྲག་ཏུ་ཕེབས་ཏེ་མར་པ་ལོ་ཙྰ་བ་ཆོས་ཀྱི་བློ་གྲོས་དང་མཇལ། དེར་ལོ་དྲུག་ཟླ་བརྒྱད་ཙམ་བཞུགས་ཏེ་བླ་མ་དེ་ལས་དབང་དང་མན་ངག་རྫོགས་པར་བླངས། དགུང་ལོ་ཞེ་ལྔ་བ་ཤིང་བྱ(སྤྱི་ལོ༡༠༨༤)ལོར་སྟོད་ཕྱོགས་སྐྱིད་གྲོང་དང་གཉའ་ནང་དུ་ཕེབས་ཤིང་སྒྲུབ་པའི་དམ་བཅའ་མཛད་དེ་ལོ་དགུའི་རིང་དཀའ་སྤྱད་དྲག་པོས་ བསྒོམས་པས་མཆོག་གི་དངོས་གྲུབ་ཐོབ།

བོད་གྱི་ལོ་ཙཱ་བ་ཆེན་པོ་བཞི། བོད་རྒྱལ་གཉའ་ཁྲི་བཙན་པོའི་སྐུ་རིང་ལ། ཁྱུང་པོ་སྟག་སྒྲ་དོན་གཙུགས་དང་། གཉན་མི་ཤུ་སྟག་རིང་། བྷེ་ཤོད་ཀྲམ།གཙོ་བོན་ཁྲི་གཙུག་བཅས་བཞེས་རིན་ཆེན་གསེར་ཕྱེ་ཁྱེར་ནས་སྐད་རིགས་མི་མཐུན་པའི་ཡུལ་མང་པོར་བགྲོད། བོན་རྣམས་ཞུས། བོན་རྣམས་རྗེ་ལ་གཟིགས་ཕུལ་བས་རྗེ་ཡང་དགྱེས། དེ་ལྟར་གཤེན་པོ་དེ་བཞི་ལ་བོན་གྱི་ལོ་ཙཱ་བ་ཆེན་པོ་བཞིར་གྲགས་སོ།

བོད་ཀྱི་ལོ་ཙཱ་བ་ཞང་ཡེ་ཤེས་སྡེ། ཞང་ཡེ་ཤེས་སྡེ། ཆོས་རྒྱལ་ཁྲི་སྲོང་ལྡེ་བཙན་གྱི་སྐུ་དུས་སུ་བྱུང་བའི་ལོ་ཙཱ་བ་སྐ་ཅོག་ཞང་གསུམ་གྱི་ཡ་གྱལ་ཡིན་ལ།ལོ་ཙཱ་བ་རབ་དགུའི་ནང་གསེས་གཞོན་གསུམ་གྱི་ཡ་གྱལ་ཡང་ཡིན། འདི་ཉིད་ཀྱི་འགྱུར་ལ། [ཤེས་རབ་ཀྱི་ཕ་རོལ་དུ་ཕྱིན་པ་སྟོང་ཕྲག་བརྒྱ་པ] [ཡུམ་འབྲིང་པོ་སྟོང་ཕྲག་ཉི་ཤུ་ལྔ་བ] [ཁྲི་བརྒྱད་སྟོང་པ་བམ་པོ་དྲུག་ཅུ] [ཤེས་རབ་ཁྲི་བ་བམ་པོ་སུམ་ཅུ་རྩ་བཞི་པ] [ཤེས་རབ་ཀྱི་ཕ་རོལ་དུ་ཕྱིན་པ་རབ་རྩལ་རྣམ་གནོན་གྱིས་ཞུས་པའི་མདོ] [ཤེར་ཕྱིན་ལྔ་བརྒྱ་པ] [ཤེས་རབ་ཀྱི་ཕ་རོལ་དུ་ཕྱིན་པ་སུམ་བརྒྱ་བར་གྲགས་པ་རྡོ་རྗེ་གཅོད་པ] སོགས་དང་། [འཁོར་ལོ་ཐ་མ་གཏོགས་པ] མདོ་སྡེ་ཕལ་པོ་ཆེ་ལ་སྤྱིར་ཤོ་ལོ་ཀ་འབུམ་དང་ལེའུ་བརྒྱ་ཡོད་པ་ལས།

བླ་ཆེན་དགོངས་པ་རབ་གསལ། དུང་དཀར་བློ་བཟང་འཕྲིན་ལས། རྗེ་འདི་ཉིད་འཁྲུངས་ལོར་བཞེད་ཚུལ་མི་འདྲ་བ་རེ་ཡོད་དེ།  གངས་ཅན་མཁས་གྲུབ་རིམ་བྱོན་མིང་མཛོདདུ་ཁོང་ནི་རབ་བྱུང་མ་ཚུགས་གོང་གི་མེ་མཁའ་རྒྱ་མཚོའི་ལོ་སུམ་བརྒྱ་ཉེར་དགུ་བར་བབས་པ་ཆུ་ཕོ་བྱི་ལོ་སྟེ་སྤྱི་ལོ་(༩༥༣)ལོར་མཚོ་སྔོན་ཞིང་ཆེན་ཧྭ་ལུང་རྫོང་གི་མངའ་ཁོངས་རི་བོ་དན་ཏིག་དང་ཁད་ཤིན་ཏུ་ཉེ་བའི་རྨ་འགྲམ་དུ་ཆགས་པའི་རྒྱ་ཞུར་གྲོང་ཚོར་སྐུ་འཁྲུངས། རབ་བྱུང་དང་པོའི་བགྲང་བྱ་དགུ་བ་ཤིང་མོ་ཕག་ལོ་སྟེ་སྤྱི་ལོ་(༡༠༣༥)ལོར་སྐུ་མྱ་ངན་ལས་འདས་སོ།  དུང་དཀར་ཚིག་མཛོད་དུ་རྗེ་འདི་ཉིད་བོད་ཆུ་བྱི་(༨༩༢)ལོར་ཙོང་ཁ་བདེ་ཁམས་སམ་འཕན་ཡུལ་ཞོགས་པར་སྐུ་འཁྲུངས། འདི་ཉིད་སྐྱ་བོའི་སྐབས་མཚན་ཀ་ར་འཕན་དང་། བོན་བསླབས་པས་བོན་མིང་མུ་གཟུ་གསལ།

༄༅། །བྲ་ཏི་རིན་ཆེན་དོན་གྲུབ་ནི། ཕྱི་ལོའི་དུས་རབས་བཅུ་བདུན་པའི་དུས་སྨད་ཙམ་དུ་སྐུ་འཁྲུངས། དགུང་ལོ་གཞོན་ནུའི་དུས་ནས་སེ་ར་ཐེག་ཆེན་གླིང་གི་བྱེས་པ་གྲྭ་ཚང་དུ་ཞུགས་ཏེ་གཞུང་ཆེན་བཀའ་པོད་ལྔ་ལ་སྦྱངས་པ་དཔྱིས་ཕྱིན་པར་མཛད་དེ་དགེ་བཤེས་ཀྱི་མཚན་རྟགས་བཞེས། ཞོགས་དོན་ཡོད་མཁས་གྲུབ་(༡༦༦༧ – ༡༧༣༧)སོགས་ཡོངས་སུ་གྲགས་པའི་དགེ་བའི་བཤེས་གཉེན་མང་དུ་བསྟེན་ནས་མདོ་སྔགས་ཆོས་ཀྱི་བདག་པོར་གྱུར། ཁོང་གི་གསུང་རྩོམ་ནི། [བླང་དོར་རྣམ་པར་ཕྱེ་བའི་གཏམ་ཀུན་བཟང་ལམ་སྲོལ]དང༌། [ཏིང་ངེ་འཛིན་སྒྲུབ་ཐབས་ཏིང་འཛིན་རྒྱན་གྱི་སྣང་བ།][བྱང་ཆུབ་ལམ་རིམ་གྱི་ཉམས་ཁྲིད་བྱང་ཆུབ་རྒྱན་ཕྲེང༌།] [བྱ་དཀའ་བའི་སྙན་ཚིག་དབྱངས་ཅན་ངག་གི་རོལ་མཚོ།][བསྟན་འབར་མའི་ཚིག་དོན་གསལ་བར་བྱེད་པའི་རྣམ་བཤད་ཐེག་མཆོག་རྒྱན་གྱི་ཕྲེང་བ།][བོད་ཀྱི་བརྡའི་བསྟན་བཅོས་སུམ་ཅུ་པའི་འགྲེལ་པ་ཀུན་ཏུ་བཟང་པོའི་དགོངས་རྒྱན།]

༄༅། །པཎ་ཆེན་ཤཱཀྱ་མཆོག་ལྡན་ནི། རབ་བྱུང་བདུན་པའི་ས་སྤྲེལ་ཕྱི་ལོ་ ༡༤༢༨ ལོར་གསང་ཕུའི་བར་ཚིགས་སུ་སྐུ་འཁྲུངས། དགུང་ལོ་བརྒྱད་པར་སྐྱོར་མོ་ལུང་དུ་རོང་སྟོན་སྨྲ་བའི་སེང་གེ་ལས་རབ་ཏུ་བྱུང་ཞིང༌། མཚན་ལ་ཤཱཀྱ་མཆོག་ལྡན་དྲི་མེད་ལེགས་པའི་བློ་གྲོས་ཞེས་གསོལ། དགུང་ལོ་བཅུ་པར་ནཱ་ལེནྡྲར་ཕེབས་ཏེ་དགེ་ཚུལ་གྱི་སྡོམ་པ་བཞེས། དེ་ནས་བཟུང་དགུང་ལོ་ཉེར་གཅིག་བར་དུ་རོང་ཆེན་སྨྲ་བའི་སེང་གེ་སློབ་དཔོན་དུ་བསྟེན་ནས་རྒྱན་དྲུག་མཆོག་གཉིས་ཀྱི་གཞུང་ལུགས་ལ་སྦྱངས་པ་དཔྱིས་ཕྱིན་པར་མཛད། དགུང་ལོ་ཉེར་ལྔ་པར་ངོར་དུ་ཕེབས་ཤིང༌། ངོར་ཆེན་ཀུན་དགའ་བཟང་པོ་དང་། བྲག་དཀར་སེམས་དཔའ་ཆེན་པོ། མུས་ཆེན་དཀོན་མཆོག་རྒྱལ་མཚན་གསུམ་ལས་བསྙེན་པར་རྫོགས། མཁན་སློབ་དེ་གསུམ་དང༌། ལྕང་ལུང་པ་གཞོན་ནུ་བློ་གྲོས།

༄༅། །དཔལ་ཁང་ལོ་ཙཱ་བ་ངག་དབང་ཆོས་ཀྱི་རྒྱ་མཚོ་ནི། རབ་བྱུང་བརྒྱད་པའི་མེ་ཕོ་བྱི་ལོ་སྟེ་ཕྱི་ལོ་ ༡༤༥༦ ལོར་བོད་ཡུལ་གཙང་གི་བཞད་མཐོང་སྨོན་རྫོང་གི་ཤར་ཕྱོགས་དཔལ་ཁང་ཞེས་པའི་ཁྱིམ་དུ་སྐུ་འཁྲུངས་ཤིང་། དཔལ་ཁང་ཟེར་བ་བོད་ཀྱི་རིགས་རུས་ཤིག་དང་ཁྱིམ་མིང་ཡིན་པར་གྲགས། ཁོང་གི་མཚན་གཞན་ལ་དཔལ་ཁང་ལོ་ཙཱ་བ་དང༌། དཔལ་ཁང་ཆོས་མཛད། དབྱངས་ཅན་སྙེམས་པའི་སྡེ། ཀརྨ་འཕྲིན་ལས་ཕྱོགས་ལས་རྣམ་རྒྱལ་བཅས་ཞུ་ཞིང་། འདས་ལོ་མི་གསལ་ཡང༌། ཁོང་ནི་སྐྱོགས་སྟོན་ཀརྨ་ལོ་ཙཱ་བ་རིན་ཆེན་བཀྲ་ཤིས་བློ་གྲོས་ངོ་མཚར་བྱེ་བའི་གཏེར་མཛོད་ཀྱི་དངོས་སློབ་ཡིན་ཞིང་། ཀརྨ་མི་བསྐྱོད་རྡོ་རྗེ་ (༡༥༠༧-༡༥༥༤) དང་དུས་མཉམ་དུ་བྱུང་། ཁོང་གིས་ཞ་ལུ་ལོ་ཙཱ་བ་ཆོས་སྐྱོང་བཟང་པོ་དང༌། སྐྱོགས་སྟོན་ལོ་ཙཱ་བ་ངག་དབང་རིན་ཆེན་བཀྲ་ཤིས་སོགས་དགེ་བའི་བཤེས་གཉེན་མང་པོའི་ཞབས་ལ་གཏུགས་ནས་མདོ་སྔགས་རིག་གནས་དང་བཅས་པར་སྦྱངས་པ་དཔྱིས་ཕྱིན་པར་མཛད་ཅིང་། ཕྱིས་སུ་མཁས་པའི་ཕུལ་དུ་ཕྱིན་ནས་མཚན་གྱི་སྙན་པ་རིང་དུ་གྲགས།