དུང་དཀར་བློ་བཟང་འཕྲིན་ལས།   ༡. རང་གི་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་མིན་པ་ནི།   རྒྱུ་དང་རྐྱེན་ཞེས་ཁག་གཉིས་ཡོད་པ་ལས་རྣམ་ཤེས་ཆགས་ཡས་ཀྱི་རྒྱུ་དེ་ལུས་མིན།   འོན་ཀྱང་རྐྱེན་དེ་ལུས་ཡིན།  རྒྱུ་དང་རྐྱེན་གཉིས་དབྱེ་བ་ཡོད་པ་དེ་ཚད་མ་རྣམ་འགྲེལ་སློབ་ཁྲིད་བྱེད་སྐབས་ཞུས་ཟིན་པ་ལྟར་ཡིན།    དཔེར་ན་མར་བཏབ་པའི་སོན་དེ་འབྲུ་ཡིན་ན་ཡར་སྐྱེ་ཡས་དེའང་འབྲུ་ཡིན་པས་ཡར་སྐྱེ་ཡས་ཀྱི་སོན་འབྲུ་དེ་རྒྱུ་ཡིན་ལ།   སོན་དེ་ལ་བརྟེན་ནས་འབྲས་བུ་ཡོང་དགོས་ན་ས་དང་།   ཆུ།   ལུད།   དྲོད་བཅས་ཀྱི་ཆ་རྐྱེན་འཛོམས་དགོས་པས་དེ་དག་ནི་རྐྱེན་ཡིན།

    མཛངས་བློན་དང་པོ།  རུ་ལུ་སྐྱེས་ནི(པུ་དེ་གུང་རྒྱལ་དང་མ་ཡུམ་གཅིག་ཅིང་།དེའི་གཉེན་ཚན་ཞིག་ཡིན་པའི་བཤད་ལུགས་གཉིས)བོད་རྒྱལ་དགུ་བ་པུ་དེ་གུང་རྒྱལ་གྱི་བཀའ་ཡི་བློན་ཆེན། བོད་རྒྱལ་རྒྱུད་སླར་གསོ་བྱེད་མཁན་གྱི་དཔའ་བོ་ཞིག་ཡིན་པར་མ་ཟད། དུས་སྐབས་དེར་བོད་ཀྱི་སྤྱི་ཚོགས་འཕེལ་རྒྱས་ལ་རྨང་གཞི་བརྟན་པོ་གཏོང་མཁན་གྱི་དམིགས་བསལ་མི་སྣ་ཞིག་ཡིན་པ་རྒྱལ་རབས་ལོ་རྒྱུས་དག་ལས་ཤེས་ཐུབ་སྟེ། ༼ཆོས་འབྱུང་མཁས་པའི་དགའ་སྟོན༽ལས།༼བོད་ཡུལ་འཕྲུལ་བློན་མཛངས་པའི་མི་བདུན་གྱི། །ཐོག་མར་གྱུར་བ་རུ་ལས་སྐྱེས་འདི་ཡིན། །མཛངས་པའི་ལས་སུ་ཤིང་བསྲེགས་སོལ་བ་བྱུང་། །དེ་ཡིས་རྡོ་བཞུ་གསེར་དངུལ་ཟངས་ལྕགས་ཕྱུང་། །ཤིང་ལ་མིག་ཕུག་གཤོལ་དང་གཉའ་ཤིང་བྱས། ། ས་གཞི་བརྐོས་ནས་ཕུ་ཆུ་ཡར་དུ་དྲངས། །རྨོན་པ་དོར་བསྡེབས་སྤང་ཐང་ཞིང་དུ་རྨོས། །བརྒལ་བའི་མི་ཐར་ཆུལ་ལ་ཟམ་པ་བཙུགས། །རྨོས་པའི་ལོ་ཐོག་ཐོག་མར་འདི་ནས་བྱུང་། །༽ཞེས་གསུངས།

མཛད་པ་པོ། ཡོངས་འཛིན་ཡེ་ཤེས་རྒྱལ་མཚན།   ༈ ཟབ་མོའི་ཏིང་འཛིན་བརྟན་པའི་སྣེའུ་ཟུར་པ། །ཞེས་བསྔགས་པ། དགེ་བའི་བཤེས་སྣེའུ་ཟུར་པ་ནི། སྤྲས་སྣེའུ་ཟུར་གྱི་ས་སྐོར་ཐོང་པ་ཞེས་བྱ་བར། ཡབ་ཞང་སྟག་པོ་ཞེས་པའི་སྲས་སུ་ 1062 ཆུ་ཕོ་སྟག་ལ་སྐུ་འཁྲུངས། སྐུ་ཚེ་སྔ་མ་རྣམས་སུ་བསམ་གཏན་བསྒོམས་པའི་བག་ཆགས་མཐུ་བརྟས་པས་བྱིས་པའི་དུས་ཉིད་ནས་སྐྱེ་པས་ཐོབ་པའི་ཏིང་ངེ་འཛིན་བརྟན་བོ་མངའ་བ་ཞིག་བྱུང་ཞིང་། ཁྱིམ་གྱི་འདུ་འཛི་ལ་ཆགས་པ་མེད་པར་གཞན་གྱི་ལད་མོ་དང་གཞན་གྱིས་དབང་མེད་དུ་བསྐུལ་བ་ཙམ་མིན་པར་ངེས་འབྱུང་ཤུགས་དྲག་པོས་གཞོན་ནུ་ནས་བྲག་རྒྱབ་ཏུ་རབ་ཏུ་བྱུང་། མཚན་ཡེ་ཤེས་འབར་ཞེས་བཏགས།