ལོ་ཐོ་ནི་བོད་ཀྱི་ས་ཁུལ་ཡོངས་ལ་ཐུན་མོང་དུ་སྤྱོད་སྲོལ་ཡོད་ཅིང་། ཞིང་འབྲོག་སོ་ནམ་གྱི་བྱ་གཞག་ཐམས་ཅད་དེ་ལ་བརྟེན་ནས་ལག་ལེན་བྱེད་ཀྱི་ཡོད། དེང་དུས་ཆེས་དར་སྲོལ་ཆེ་བའི་བསྒྱུར་བགོས་འཕྲི་སྣོན་གྱི་ཨང་རྩིས་རིག་པས་གཏན་ལ་ཕབ་པའི་ལྔ་བསྡུས་དང་། གཟའ་ལྔའི་རི་མོ་ལ་བརྟེན་ནས་དུས་བཞིའི་འགྱུར་བ་དང་། ཐན་ཞོད་ཡོད་མིན། དཀར་ལོ་ལེགས་ཉེས། འབྲུ་བཅུད་འཕེལ་མིན། ཟོག་དུས་བཟང་ངན། རྨོ་བརྐོ་སོ་ནམ་གྱི་དུས་ཚིགས་བརྟག་པ། ཉི་ཟླ་གཟའ་འཛིན་ལ་སོགས་པ་གཙོ་བོར་བརྟག་གཞི་འགྱུར་བའི་ལོ་ཐོ་རབ་བྱུང་དང་པོའི་མེ་ཡོས་སྤྱི་ལོ་1027ལོར་དཔལ་དུས་ཀྱི་འཁོར་ལོའི་གཞུང་བོད་ཡིག་ཏུ་བསྒྱུར་བའི་རྗེས་སུ་བྱུང་ཞིང་།

ཀ་ཡེ་ཚུར་ལ་གསོན་དང་གྲོགས་མཆེད་རྣམས། ། ཁ་སང་ལ་དྭགས་ཕྱོགས་སུ་འགྲོ་རྒྱུ་དེ། ། ག་ལ་བལྟས་ཀྱང་སྐབས་སུ་བབ་འདུག་པས། ། ང་ནི་འགྲོ་རྒྱུར་གཏན་ཁེལ་ཟིན་པ་ཡིན། ། ཅ་ཟིང་འགྲོ་སོང་པད་ཤག་ཉག་ཕྲ་ཁར། ། ཆ་ལུགས་མི་གཅིག་ས་མཚམས་ཐར་དཀའ་ཡང་། ། ཇ་ཡི་བཅུད་འདྲའི་ནཱ་རོའི་གདམས་ངག་ཆེད། ། ཉ་མོ་ཆབ་ལ་འཕྱོ་བ་བཞིན་དུ་འགྲོ། །

རྩོམ་པ་པོ། ཟླ་བ། ༄༅། །ལ་སྟོད་སྤོ་རོང་གི་རྒྱལ་གཞས་ཀྱི་ལོ་རྒྱུས་དང་ཁྱད་ཆོས་ཅུང་ཞིག་གླེང་བ། མཐའ་བཞི་གངས་རིས་བསྐོར་བའི་དཔལ་ཁུད་འདིར། །རིག་པའི་གནས་ཀུན་འདྲེན་པའི་ཤིང་རྟ་མཆོག །ཕྱོགས་ལས་རྣམ་རྒྱལ་གང་དེའི་རིང་ལུགས་ཆེ། །སྐྱོང་མཛད་འབུར་བའི་གདུང་རབས་ཀུན་ལ་འདུད། ། མིག་དང་རྣ་བའི་དགའ་སྟོན་ཀུན་ཀྱི་དཔྱིད། །གཡུལ་ལས་རྣམ་པར་རྒྱལ་བའི་རྒྱལ་གཞས་འདི། །དངོས་སྟོབས་རིགས་པའི་ལམ་ནས་ལེགས་འདྲེན་པ། །མངའ་རིས་པཎ་ཆེན་པདྨ་དབང་རྒྱལ་བསྔགས། །གཞུང་འདིའི་སྔོན་བྱུང་ཉུང་བསྡུས་ཤིག །བཅོས་བསླད་རྫུན་གྱིས་མ་བསྒྱུར་བར། །བཅོས་མེད་རང་མདངས་བདེན་པའི་གཤིས། །འཇིག་རྟེན་འདི་རུ་གནས་ན་སྙམ། །

༄༅། །ལྷ་རྩེ་རྫོང་མང་མཁར་དུ་ཆགས་པའི་ཆ་ལུང་བཙུན་དགོན་གྱི་སྐོར། པཎ་ཆེན་འབུམ་ཕྲག་གསུམ་པའི་དངོས་སློབ་གྲུབ་ཆེན་མ་བདེ་ལེགས་དཔལ་འཛོམ་གྱིས་མང་མཁར་ཆ་ལུང་རྡོ་རྗེ་བྲག་རྫོང་གི་གཞུང་དུ་དུས་རབ་བཅུ་དྲུག་པའི་ནང་ཕྱག་བཏབ། གྲུབ་ཆེན་མ་མཆོག་གིས་དབུས་བཙུན་མ་ཡང་གང་ཙམ་གསར་དུ་བྱུང་བ་ངེས། གྲུབ་ཆེན་མ་དང་བཙུན་དགོན་འདུས་ཚོགས་ནས་མང་ཐོས་ཀླུ་སྒྲུབ་རྒྱ་མཚོ་མཆོག་སྤྱན་དྲངས་ནས། གྲུབ་ཆེན་མ་མཆོག་ནས་ལམ་འབྲས་མ་རྫོགས་སྤྲོས་མེད་དགོས་གསུང་། བླ་མ་ནས་ངེ་རང་བརྒྱུད་པ་འདི་བརྒྱུད་པ་གཉིས་ལྡན་ཡིན་པས་ཐོག་མར་གཤེར་དམར་ལྷ་ལྔའི་དབང་། དེ་ནས་འཁྲིད་བཙུགས། སྤྲོས་མེད་རྒྱུན་གྱི་བྱིན་རླབས་བྱས།

༄༅། །མཁའ་འགྲོའི་གཙོ་མོ་ཡེ་ཤེས་མཚོ་རྒྱལ་ལ་རྣམ་ཐར་མདོར་བསྡུས་སྒོ་ནས་གསོལ་བ་འདེབས་པ་མོས་གུས་གདུང་བའི་ཏམྦུ་ར་བཞུགས་སོ། །  ༄༅། །ན་མོ་གུ་རུ་ཛྙཱ་ན་ཌཱ་ཀི་ནཱི་ཡཻ། ཀུན་ཏུ་བཟང་མོ་ཤེས་རབ་ཕ་རོལ་ཕྱིན། །དབྱིངས་ཕྱུག་རྒྱལ་ཡུམ་རྡོ་རྗེ་རྣལ་འབྱོར་མ། །དབྱངས་ཅན་ལྷ་མོ་ཡེ་ཤེས་མཚོ་རྒྱལ་ཞབས། །བླ་མ་སྐུ་གསུམ་མཁའ་འགྲོར་གསོལ་བ་འདེབས། །ཆོས་འཕགས་དྲུང་དུ་སྨོན་ལམ་ཆེན་པོ་ཐེབས། །ཐུབ་པའི་སྤྱན་སྔར་གངྒཱའི་ལྷ་མོར་སྤྲུལ། །དག་པའི་ཞིང་དུ་འཕགས་མ་དབྱངས་ཅན་མའི། །སྐུ་ཡི་བཀོད་པར་བསྟན་ལ་གསོལ་བ་འདེབས། །གངས་ཅན་གདུལ་བྱ་འདུལ་བའི་དུས་བབ་ཚེ། །མཁའ་ལས་ཐབས་ཤེས་ཡིག་འབྲུའི་རྣམ་པ་ཡིས། །སྒྲགས་ཡུལ་མཁར་ཆེན་རིགས་ཀྱི་ལྷུམས་སུ་ཞུགས། །ལྟས་བཟང་དཔག་མེད་སྣང་ལ་གསོལ་བ་འདེབས། །