༄༅། །ཀུན་གཟིགས་༸རྒྱལ་དབང་ཡབ་སྲས་ཀྱི་འཁྲུངས་རབས་མདོར་བསྡུས་གསོལ་འདེབས་སྨོན་ཚིག་དང་བཅས་པ་བཞུགས་སོ།། ༄༅། །ཨོཾ་སྭསྟི། བདེ་ལྡན་ཞིང་མགོན་སྣང་བ་མཐའ་ཡས་སྲས། །ས་བཅུའི་དབང་ཕྱུག་ལག་ན་པད་དཀར་འཆང་། །ཐུགས་རྗེའི་སྒྱུ་འཕྲུལ་དཀོན་མཆོག་འབངས་ལ་སོགས། །འཕགས་ཡུལ་རིམ་བྱོན་དམ་པར་གསོལ་བ་འདེབས། །གངས་ཅན་འཛིན་མར་དགེ་བཅུའི་སྣང་བ་དང་། །བསྟན་པའི་སྲོལ་གཏོད་སྲོང་བཙན་ཉིན་མོར་བྱེད། །ཁྲི་སྲོང་ཁྲི་རལ་འབྲོམ་སྟོན་ཆེན་པོ་སོགས། །རྒྱལ་བློན་པཎ་གྲུབ་རྣམས་ལ་གསོལ་བ་འདེབས། །འཇམ་མགོན་བསྟན་སྲོག་དགེ་འདུན་གྲུབ་རྒྱ་མཚོ། །བསོད་ནམས་ཡོན་ཏན་ངག་དབང་བློ་བཟང་དང་། །རིན་ཆེན་ཚངས་དབྱངས་བསྐལ་བཟང་རྒྱ་མཚོའི་མཚན། །ངུར་སྨྲིག་འཆང་བ་རྣམས་ལ་གསོལ་བ་འདེབས། །

༄༅། །བཀའ་གདམས་གསར་རྙིང་གི་ཆོས་འབྱུང་ཡིད་ཀྱི་མཛེས་རྒྱན་ལས་ཐམས་ཅད་མཁྱེན་པ་རྗེ་དགེ་འདུན་གྲུབ་ཀྱི་རྣམ་ཐར་བཞུགས་སོ།།   ༼ པཎ་ཆེན་བསོད་ནམས་གྲགས་པས་ (1478-1554) མཛད།༽   ༄༅། །ཐམས་ཅད་མཁྱེན་པ་དགེ་འདུན་གྲུབ་ནི་ཤབ་སྟོད་དུ་ལྕགས་ལུག་ལ་སྐུ་འཁྲུངས། སྣར་ཐང་དུ་མཁན་པོ་གྲུབ་པ་ཤེས་རབ་ལ་མཁན་པོ་ཞུས་ཏེ་རིམ་པས་རབ་ཏུ་བྱུང་བ་དང་བསྙེན་པར་རྫོགས་པ་མཛད། དགུང་ལོ་ཉེར་ལྔ་པ་ལ་དབུས་སུ་ཕེབས་ཏེ་བཀྲ་ཤིས་དོ་ཁར་རྗེ་རིན་པོ་ཆེ་དང་མཇལ་བ་ནས་བཟུང་སྟེ་གསུང་ཆོས་མང་པོ་གསན། གཞན་ཡང་སེམས་དཔའ་ཆེན་པོ་ཀུན་བཟང་པ་དང༌། རྗེ་བཙུན་ཤེས་རབ་སེང་གེ་དང༌། རྒྱལ་ཚབ་རིན་པོ་ཆེ་རྣམས་ལ་དཀའ་ཆེན་གྱི་བཤད་པ་ཞུས་ཤིང༌།

རྗེས་དྲན་དང་མྱ་ངན་གྱི་དྲན་ཚོར།   ཨ་མའི་བུ་བསྟན་ཚེ་རིང་། (ཧྥ་རན་སི།) གཞིས་རྩེ་གདོང་དཀར་ཞེས་པའི་གྲོང་སྡེ་རུ། ། རིག་པའི་དཔའ་རྒོད་མི་འདུག་མ་གསུང་ཨང་། ། ཉམས་ཞིབ་མཁས་པའི་ནོར་བྲང་ཨོ་རྒྱན་མཆོག ། ས་གཞི་འདི་ནས་འཁྲུངས་ནས་བོད་ལ་སྨན། །

༄༅། །རིག་གཞུང་ཞིབ་འཇུག་བརྒྱུད་ནས་བོད་ཀྱི་ཤེས་རིག་ལ་དཔྱད་པ།   ༼ནོར་བྲང་ཨོ་རྒྱན་ལགས་(༡༩༣༣-༢༠༢༤) ལ་བཅར་འདྲི་ཞུས་པ།༽   བཅར་འདྲི་བ། ༢༠༡༥ ལོའི་ཀྲུང་ཧྭ་གཏེར་མཛོད་བོད་ཡིག་གླེགས་བམ་སྐོར་གྱི་དཔྱད་གླེང་གྲོས་ཚོགས་ཐོག་དགེ་རྒན་ལགས་དང་ཞལ་མཇལ་བྱུང་བས་དགའ་བ་འབུམ་གྱིས་བརྟས་ཀྱང་། དུས་ཚོད་ཀྱི་དབང་གིས་དགེ་རྒན་ལགས་ལ་ཞེ་ལྷོད་ལྷོད་ཀྱིས་བཀའ་འདྲི་ཞུ་མ་ཐུབ། སྟབས་ལེགས་པ་ཞིག་ལ་ང་རང་ཡོད་སའི་ཞིབ་འཇུག་ལས་ཁུངས་ནས་བོད་ཀྱི་རྡེལ་རྩིས་སྐོར་གྱི་ཡིག་ཆ་དག་སྒྲིག་དང་ཞིབ་འཇུག་བགྱི་བའི་ལས་གཞིའི་འགན་ངའི་ཕྲག་སྟེང་དུ་བཞག་པས།

༄༅། །༸རྒྱལ་བ་བསྐལ་བཟང་རྒྱ་མཚོའི་རྣམ་ཐར་མདོར་བསྡུས།   ༼མཁས་དབང་ནོར་བྲང་ཨོ་རྒྱན་གྱིས་ (1933-2024) བརྩམས།༽   ༄༅། །༸རྒྱལ་དབང་སྐུ་ཕྲེང་བདུན་པ་བསྐལ་བཟང་རྒྱ་མཚོ་ནི། ཡབ་རྗེ་གུང་བསོད་ནམས་དར་རྒྱས་སམ་དགེ་འདུན་དར་རྒྱས་དང་། ཡུམ་བློ་བཟང་ཆོས་མཚོ་གཉིས་ཀྱི་སྲས་སུ་རབ་བྱུང་བཅུ་གཉིས་པའི་ས་བྱི་(༡༧༠༨)ལོར་མདོ་ཁམས་སྨད་ཀྱི་སའི་ཆ་ཆོས་སྡེ་ཆེན་པོ་ལི་ཐང་ཐུབ་ཆེན་བྱམས་པ་གླིང་གི་ཉེ་འདབས་སུ་ སྐུ་བལྟམས། དགུང་ལོ་དགུ་པ་མེ་སྤྲེལ་(༡༧༡༦)ལོར་མདོ་སྨད་ཙོང་ཁ་སྐུ་འབུམ་བྱམས་པ་གླིང་དུ་ཕེབས། ཆུ་བཟང་ནོ་མིན་ཧན་ངག་དབང་བློ་བཟང་བསྟན་པའི་རྒྱལ་མཚན་ལས་དགེ་བསྙེན་གྱི་སྡོམ་པ་བཞེས།