Author: ཆུ་དབར་བུ།

བུ་སྟོན་རིན་གྲུབ་བམ་བུ་སྟོན་ཐམས་ཅད་མཁྱེན་པ་ནི་རབ་བྱུང་ལྔ་བའི་ནང་དུ་བྱོན་པའི་མཁས་གྲུབ་གཉིས་ལྡན་གྱི་སྐྱེས་ཆེན་ཞིག་ཡིན་ཞིང་། བཀའ་བརྒྱུད་པ་ཁྲོ་ལོའི་ཡང་སློབ་ཡིན། ཁོང་རྒྱ་གར་དུ་ཕེབས་མ་མྱོང་ཡང་། ཐར་ལོ་ཉི་མ་རྒྱལ་མཚན་གྱི་དྲུང་དུ་སྒྲ་རིག་པ་ལ་སྦྱངས་པ་མཛད་དེ། སྔར་བོད་དུ་མ་འགྱུར་བའི་རྒྱ་དཔེ་འགའ་ཞིག་ཀྱང་བོད་སྐད་དུ་བསྒྱུར་བར་མཛད་པ་མ་ཟད། མདོ་སྔགས་རིག་གནས་མཐའ་དག་ལ་མཁས་པའི་ཕུལ་དུ་ཕྱིན་པར་གྱུར་ཏེ་ཐམས་ཅད་མཁྱེན་པ་བུ་སྟོན་རིན་པོ་ཆེ་ཞེས་བོད་ཀྱི་མཁས་པ་ཀུན་གྱིས་མགྲིན་གཅིག་ཏུ་བསྔགས། ཁོང་གིས་བོད་དུ་འགྱུར་བའི་བསྟན་བཅོས་རྣམས་ལེགས་བསྒྲིགས་བྱས་ཤིང་མདོ་སྔགས་རིག་གནས་ཆེ་ཆུང་གི་གཞུང་བརྒྱ་ཕྲག་མང་པོ་མཛད་ཡོད་དོ། །  

རྩོམ་པ་པོ། ཡོངས་འཛིན་ཡེ་ཤེས་རྒྱལ་མཚན།     དགོན་པ་བའི་སློབ་མ་ཁ་རག་སྒོམ་ཆུང་ཞེས་གྲགས་པ་དེ་ནི། གཙང་སྟོད་ཀྱི་དུང་ཞུར་བྱ་བར། ཡབ་དགོན་པ་དཀོན་མཆོག་རྟེན་གྱི་སྲས་སུ་འཁྲུངས། མཚན་དབང་ཕྱུག་བློ་གྲོས་ཞེས་བཏགས། སྐུ་གཞོན་ནུ་ནས་བམ་པོ་གནས་སུ་མཁན་པོ་མར་སྒོམ་ལ་རབ་ཏུ་བྱུང་། སྦས་སྒོམ་དང་དཔོན་སློབ་གཉིས་པོས་ར་སྒྲེང་དུ་བྱོན་པས། དགེ་བཤེས་སྟོན་པ་གཤེགས་རྟིང་། རྣལ་འབྱོར་པས་ཚོགས་པ་སྐྱོང་གིན་འདུག །དེར་གཙང་བུ་ར་སྒྲེང་གི་སྒོམ་ཆེན་རྣམས་ལ་མོས་པ་བྱུང་པས་རྣལ་འབྱོར་པ་དང་། དགོན་པ་བ་ལོ་བདུན་བསྟེན། ཇོ་བོའི་གདམས་པ་རྣམས་ཚང་བར་ཞུས། དེ་ནས་ཐུགས་དགོངས་ལ་ད་ནི་རང་གིས་ཀྱང་ཆིག་སྐྱ་ཐུབ་སྟེ་འོང་སྙམ་སྟེ། ཉུང་མའི་ས་བོན་ཕུལ་གང་འཁྱེར་ནས་སྤྲགས་ཀྱི་ཀེ་རུ་རུ་བྱོན།

    ཐོག་མའི་བློས་བསླང་།   བོད་གངས་ཅན་པའི་ལོ་རྒྱུས་ཀྱི་ཆུ་རྒྱུན་རིང་མོ་ལྷུང་ལྷུང་དུ་བཞུར་བའི་ཁྲོད། སྐྱེས་ཆེན་རེ་རེའི་མཐའ་ཡས་རྒྱ་མཚོའི་གཏིང་ཚད་མཉམ་པའི་ཚེ་སྲོག་གི་སྐད་སྒྲ་མི་ཡུལ་ནས་འཇགས་ཐེངས་རེ་རེར། འགྲོ་བ་མིའི་འཇིག་རྟེན་ལ་ཆག་འཇིགས་དང་མུན་ནག་གི་ན་བུན་འཐིབས་ཤིང་གངས་དཀར་པོའི་སྐྱིད་སྡུག་གི་ཁྲག་རྒྱུན་རིང་མོ་དེར་སྡུག་བསྔལ་གྱི་མྱ་ངན་ཡལ་མ་མྱོང་བ་མ་ཡིན་ནམ།

ཆོས་དུང་དཀར་པོ་རྒྱང་གྲགས་ཞེས་བྱ་བ་བཞུགས་སོ།།   ཆོས་དུང་དཀར་པོ་རྒྱང་གྲགས་འདི་ནི་སངས་རྒྱས་སྐུ་དངོས་ཀྱིས་བེད་སྤྱོད་མཛད་ཅིང་རབ་གནས་གནང་བའི་རྟེན་བྱིན་རླབས་ཅན་ཞིག་ཡིན། ས་ལུགས་ཐུན་མོང་མ་ཡིན་པའི་བསྟན་རྩིས་ཀྱི་དགོངས་པ་ལྟར་ན་སྟོན་པ་མྱ་ངན་ལས་འདས་ཚུལ་བསྟན་པའི་དུས་ནས་བརྩིས་ན་ཡང་ད་བར་ལོ་ངོ་བཞི་སྟོང་ལྷག་ཙམ་གྱི་ལོ་རྒྱུས་མངའ་ཡོད། ཞིབ་པར་བརྗོད་ན་སྟོན་པ་ཐུབ་པའི་དབང་པོ་མཆོག་གིས་གདུལ་བྱ་ཐུན་མོང་བའི་ངོར་ལོ་དྲུག་དཀའ་བ་སྤྱད་ནས་མཐར་མངོན་པར་རྫོགས་པ་སངས་རྒྱས་རྗེས།  ཡང་དག་པའི་དམ་པའི་ཆོས་བདུད་རྩི་ལྟ་བུ་ཞིག་ཐུགས་ལ་མངའ་བར་མཛད་མོད། འོན་ཀྱང་དུས་དེའི་སེམས་ཅན་སྤྱི་མཐུན་གྱི་ཚོགས་ཡོངས་སུ་མ་རྫོགས་པའི་དབང་གིས།

དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་། དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ཞེས་གྲགས་པ་འདི་ནི་བོད་ལྗོངས་གནས་རི་བཞི་ཡི་ཡ་གྱལ་ཧས་པོ་རི་ཡི་འདབས་ཤིག་ན་གནས་ཤིང་། དེ་ནི་སྤྱི་ལོའི་དུས་རབས་བརྒྱད་པའི་དུས་དཀྱིལ་དུ་ཆོས་རྒྱལ་ཁྲི་སྲོང་ལྡེ་བཙན་གྱིས་ཟ་ཧོར་གྱི་གདུང་ལས་བལྟམས་པའི་མཁན་ཆེན་བྷོ་དྷི་ས་ཏྭ་དང་། ཨོ་རྒྱན་གྱི་སློབ་དཔོན་པདྨ་འབྱུང་གནས་བོད་དུ་གདན་དྲངས་རྗེས་སློབ་དཔོན་གྱིས་ས་དཔྱད་བརྟགས་ནས་ཆུ་ཕོ་སྟག་སྤྱི་ལོ་ ༧༦༢ ལོར་རྨང་བཏིངས་ཏེ་ལོ་གསུམ་ལ་རྫོགས་པར་གྲུབ།