སེ་ར་ཕུར་མཇལ་གྱི་ལོ་རྒྱུས་དང་བྱུང་བའི་སྐོར།
༄༅། དཔལ་ཆེན་རྡོ་རྗེ་གཞོན་ནུའི་ཕུར་པ་འདི་ཉིད་ནི་སྐྱེ་འགྲོ་ཡོངས་ལ་ལྷ་སྲིན་སྡེ་བརྒྱད་དང་། ས་བདག་ཀླུ་གཉེན་སོགས་ཀྱི་གནོད་པ་ལྷག་མེད་དུ་འཇོམས་ཤིང་སྐལ་ལྡན་ལས་འཕྲོ་ཅན་ལ་དངོས་གྲུབ་ཆར་ལྟར་འབེབས་པའི་ཡི་དམ་ཁྱད་པར་ཅན་འདི་ཉིད་ནི། སྔོན་ཆོས་སྐུ་ཀུན་ཏུ་བཟང་པོ་ནས་འདིའི་ཆོས་སྐོར་མཁའ་འགྲོ་མ་རྣམས་ལ་བཀའ་བརྩལ་བས་མཁའ་འགྲོ་མ་རྣམས་ཀྱིས་ཟབ་ཆོས་འདི་ངེས་རྣམས་ཁོང་དུ་ཆུད་པར་དཀའ་བའི་གསུང་བསྒྲོས་མཛད་སྐབས་མཁའ་འགྲོ་མ་བདེ་བྱེད་དབང་མོ་ནས་ཟབ་ཆོས་འདི་རྒྱ་གར་བསིལ་བ་ཚལ་གྱི་མཆོད་རྟེན་བདེ་གཤེགས་བརྩིགས་པའི་དྲུང་དུ་གཏེར་དུ་སྦོས་ཤིག་མ་འོངས་པའི་དུས་རིང་མོ་ཞིག་ན་ཨོ་རྒྱན་ཆེན་པོ་པདྨ་འབྱུང་གནས་ཞེས་གྲགས་པ་བྱོན་ཏེ་དེས་གཏེར་ནས་བཏོན་པར་འགྱུར་རོ་ཞེས་གསུངས་པས་མཁའ་འགྲོ་མ་ཐམས་ཅད་དེར་ཞལ་ཆམ་ནས་ཟབ་ཆོོས་འདི་གཏེར་དུ་སྦས་པ་དང་།
