སྡེ་པ་ཡར་རྒྱབ་པའི་སྐོར།

དཔྱིད་ཀྱི་རྒྱལ་མོའི་གླུ་དབྱངས་སུ། “ཡར་རྒྱབ་པ་ནི། ཆོས་ཀྱི་རྒྱལ་པོ་སྲོང་བཙན་སྒམ་པོའི་བློན་པོ་ཐོན་མི་སཾ་བྷོ་ཊ་ཞེས་བྱ་བ་འཇམ་དབྱངས་ཀྱི་རྣམ་པར་སྤྲུལ་པ། སྔར་བོད་དུ་ཡི་གེའི་སྲོལ་མེད་པ་ལ། རྒྱ་ཡིག་ལྔ་བཅུ་ཐམ་པ་བོད་ཡིག་སུམ་ཅུར་གཏན་ལ་འབེབས་པའི་ཤིང་རྟ་ཆེན་པོ་དེ་ཉིད་ཀྱི་གདུང་བརྒྱུད་ཡིན་ལ། ཁ་ཅིག་བྷོ་ཊ་ཞེས་སྨྲ་བ་ནི་མི་རིགས་པར་སཾ་བྷོ་དྲར་འདོད་པ་མཆིས་ནའང་། སཾ་བྷོ་ཊ་ཞེས་གངས་རིས་བསྐོར་བའི་ལྗོངས་འདིར་ལེགས་པར་སྦྱར་བ་ལྷའི་སྐད་སྨྲ་བ་ལ་འགྲན་པའི་ཟླ་ཐམས་ཅད་དང་བྲལ་བ་ཞུ་ཆེན་གྱི་ལོ་ཙཱ་བ་ཆེན་པོ་ཞ་ལུ་བ་ཆོས་སྐྱོང་བཟང་པོས་མཛད་པའི་བརྡ་སྤྲོད་པའི་བསྟན་བཅོས་ཟ་མ་ཏོག་ཏུ། གངས་ཅན་ཁྲོད་པའི་བླ་མ་མཆོག །སཾ་བྷོ་ཊ་ཞེས་རབ་གྲགས་པའི། །ཞེས་གསུངས་པས་སོ།།
སྐྱིད་རོང་ཁུལ་དུ་གནས་པའི་རྒྱ་ཡིག་གི་བྲག་བརྐོས་ཡི་གེ།

རྩོམ་པ་པོ། སྙིང་ལྕགས་རྒྱལ། སྐྱིད་གྲོང་རྫོང་ནི་གཞིས་ཀ་རྩེའི་ནུབ་རྒྱུད་དང་ཡར་ཀླུང་གཙང་པོའི་ལྷོ་རྒྱུད་དུ་ཆགས་ལ། ཁུལ་དེའི་ནུབ་རྒྱུད་དང་བྱང་རྒྱུད་དུ་ས་དགའ་རྫོང་། འབྲོང་པ་རྫོང་དང་མཐའ་འབྲེལ་བྱུང་ཕྱིར་གཞིས་རྩེའི་ནུབ་རྒྱུད་ཀྱི་རྫོང་ཁག་གསུམ་ཞེས་འབོད། ཁུལ་འདི་སའི་གོ་ལའི་ཤར་གྱི་འཕྲེད་ཐིག84°2‵དང  86 ° 9 ′བྱང་གི་གཞུང་ཐིག་28° 16′དང  29 °18 ′མཚམས་སུ་ཆགས།  རྫོང་གི་ནུབ་ཕྱོགས་དང་བྱང་ཕྱོགས་ས་དཀར་དང་འབྲེལ་ལ་བྱང་ཤར་ངམ་རིང་རྫོང་དང་འབྲེལ། ཤར་གཉའ་ལམ་དང་ལྷོ་བལ་པོ་དང་ས་མཚམས་འབྲེལ་ཡོད། རྫོང་ཡོངས་ཀྱི་སྤྱིའི་རྒྱ་ཁྱོན་ནི་སྤྱི་ལེ་གྲུ་བཞི་མ་ཆིག་ཁྲི་གཉིས་སྟོང་དང་། མཐའ་མཚམས་ཀྱི་རིང་ཚད་ནི་སྤྱི་ལེ་གྲུ་བཞི་མ་བརྒྱ་དང་དྲུག་ཅུ་རེ་གཉིས་ཡོད། རྫོང་ལ་ཤང་དྲུག་དང་གྲོང་བརྡལ་གཅིག   གྲོང་ཚོ་བཞི་བཅུ་ཞེ་གཉིས་ཡོད།  རྫོང་གི་དཔལ་འབྱོར་གཙོ་བོ་ནི་ཞིང་ལས། ཕྱུགས་ལས་དང་ཤིང་ལས་སོགས་གཉེར་བཞིན་ཡོད།
ཆོས་སྡེ་ཆེན་པོ་སེ་ར་ཐེག་ཆེན་གླིང་།

སེ་ར་དགོན།  མཚན་རྒྱས་པར་ཆོས་སྡེ་ཆེན་པོ་སེ་ར་ཐེག་ཆེན་གླིང་ཞེས་ཞུ།  རྭ་ཆེ་གཙུག་ལག་ཁང་ནས་བྱང་ངོས་སུ་སྤྱི་ལེ་བཞི་ལྔ་ཙམ་སོང་ན་དགོན་དེར་སླེབས་པ་ཡིན།  སེ་ར་ཞེས་པ་ནི། ཐོག་མར་དགོན་དེའི་མཐའ་འཁོར་དུ་ཤིང་སེ་བའི་ར་བས་བསྐོར་ནས་ཡོད་པས་སེ་ར་ཞེས་དང་།  ཡང་གསུངས་སྲོལ་གཞན་ལ་འཇམ་དབྱངས་ཆོས་རྗེ་ཙོང་ཁ་པར་ངས་དགོན་པ་འབྲས་སྤུངས་པ་ལྟར་ཞིག་བཏབ་ཡོད་ཅེས་ཞུས་པར།  བྱམས་ཆེན་ཆོས་རྗེས་ངས་དགོན་པ་འབྲས་སྟེང་དུ་སེར་བ་བཏང་བ་ལྟ་བུ་ཞིག་བཏབ་ཡོད། ཅེས་ཞལ་ཤོབ་ཀྱི་ཕྱིར་དུ་གསུངས་པས་རྗེས་སུ་དགོན་མིང་དུ་དེ་ལྟར་ཐོགས་ཞེས་ཀྱང་ཟེར། 
བཀའ་གདམས་དགེ་བཤེས་ལྷོ་བྲག་པ་ཕྱག་ཁྲི་མཆོག་གི་རྣམ་ཐར་སྙིང་བསྡུས།

མཛད་པ་པོ། ཡོངས་འཛིན་ཡེ་ཤེས་རྒྱལ་མཚན།   ལྷོ་བྲག་པ་ཕྱག་ཁྲི་མཆོག་ནི། འཁྲུངས་ཡུལ་ལྷོ་བྲག་པ། ལྷ་སར་ཇོ་བོ་མཇལ་བའི་ལམ་ཞོར་ལ་སྙེ་ཐང་དུ་ཇོ་བོ་རྗེ་དང་མཇལ་ཏེ་གདམས་ངག་མང་དུ་ཐོབ། ལོ་ལྔ་བསྟེན། ཆོས་མངོན་པ་ལ་རྩ་ལ་ཐོན། འཇིག་རྟེན་དབང་ཕྱུག་དང་། ཇོ་མོ་སྒྲོལ་མའི་ཞལ་གཟིགས་ཤིང་ཁམས་གོང་མའི་ཏིང་ངེ་འཛིན་ལ་མངའ་བརྙེས། ཇོ་བོའི་རྣལ་འབྱོར་མི་བཞིའི་ཡ་གྱལ་གཅིག་ཡིན། ཇོ་བོ་མྱ་ངན་ལས་འདའ་ཁར། ཚེ་འདི་བློས་ཐོང་། ཚེ་གཞུག་འབྲོམ་སྟོན་པ་དང་མ་བྲལ་བ་གྱིས་ཤིག་གསུངས་པ་ལ་བརྟེན་ནས་འབྲོམ་གྱི་ཕྱག་ཕྱིར་ར་སྒྲེང་དུ་ཕེབས། དེ་ནས་ཇོ་བོའི་གདུང་ཁང་གི་དངུལ་འདོན་པ་དང་། ཇོ་བོའི་ཕྱག་དཔེ་ཁ་ཅིག་རྒྱ་གར་དུ་རྫོང་བའི་སླད་དུ་བལ་ཡུལ་དུ་བྱོན།
དཔལ་ས་སྐྱའི་གངས་ཅན་མཛེས་པར་བྱེད་པའི་རྒྱན་དགུ་ཡི་རྣམ་ཐར།

༼ མདོ་ལ་མཁས་པ་གཡག་གཞོན་རོང་གསུམ།༽   ༡༽ ཀུན་མཁྱེན་གཡག་སྟོན་པ་ཐམས་ཅད་མཁྱེན་པ་སངས་རྒྱས་དཔལ་གྱི་རྣམ་ཐར། འཁྲུངས་ཡུལ།  གངས་ལྗོངས་རྡོ་རྗེ་གདན་དཔལ་ལྡན་ས་སྐྱ་དང་འདབས་ཉེ་བ་ས་སྐྱ་འཕྲང་ཞེས་བྱ་བ། འཁྲུངས་དུས།  བོད་རྒྱལ་ལོ་ ༡༤༧༧ ལོ་སྟེ་ཕྱི་ལོ་1350ལོའི་རབ་བྱུང་དྲུག་པའི་ལྕགས་ཕོ་སྟག་གི་ལོ། ཡབ་དང་ཡུམ།  ཡབ་རྩེ་ཐང་ག་གི་བྱང་ཆུབ་རིན་ཆེན། རབ་ཏུ་བྱུང་དུས།  དགུང་ལོ་བཅུའི་ཐོག་སྟེ་རབ་བྱུང་དྲུག་པའི་ས་མོ་ཕག་གི་ལོ།
བོད་ཡིག་ཐོག་ནས་གྲངས་ཀའི་དག་ཆ་འབྲི་ཚུལ་དང་གྲངས་གནས་བརྩི་ཚུལ་སྐོར།

༡ ༢ ༣ ༤ ༥ ༦ ༧ ༨ ༩ ༠ ཉི་ཤུ་ནས་བརྒྱ་བར་ལ་རྗེས་འཇུག་ཡོད་ན། བཅུ་ཡི་སྔོན་འཇུག་མེད། དཔེར་ན། སུམ་ཅུ། དྲུག་ཅུ། བདུན་ཅུ། བརྒྱད་ཅུ། ལྟ་བུ་དང༌། རྗེས་འཇུག་མེད་ན་བཅུ་ལ་སྔོན་འཇུག་ཡོད་པ། དཔེར་ན། བཞི་བཅུ། ལྔ་བཅུ། དགུ་བཅུ་བཅས་སོ།། ལྡབ་གཅིག ཤད་གཅིག བརྒྱ་གཅིག སྟོང་གཅིག ཁྲི་གཅིག འབུམ་གཅིག་ལྟ་བུའོ།། ཆིག་ལྡབ། ཆིག་ཤད། ཆིག་བརྒྱ། ཆིག་སྟོང༌། ཆིག་ཁྲི། ཆིག་འབུམ་ལྟ་བུའོ།། ཉིས་ལྡབ། ཉིས་ཤད། ཉིས་བརྒྱ། ཉིས་སྟོང༌། ཉིས་ཁྲི།…