དེ་ཡང་བོད་ཀྱི་གྲུབ་མཐའ་ཆེན་མོ་བཞིའི་ཡ་གྱལ་རྙིང་མ་ས་བཀའ་སོགས་ལ་ལེགས་པར་སྦྱངས་ཏེ་དགེ་ལུགས་པའི་སྲོལ་གཏོད་པ་རྗེ་ཙོང་ཁ་པ་ཆེན་པོའི་མཛད་ཆེན་བཞིའི་ཁོངས་སུ་གཏོགས་པའི་ལྷ་ལྡན་སྨོན་ལམ་ཆེན་མོ་འདི་སྟོན་པ་ཤཀྱ་ཐུབ་པའི་ཆོ་འཕྲུལ་དུས་ཆེན་གྱི་དྲན་གསོ་དང་སྦྲགས་སྤྱི་ལོ་༡༤༠༩ལོར་དབུ་བཙུགས་སོ།། སྤྱི་ལོ་༡༤༡༩ལོར་རྗེ་ཙོང་ཁ་པ་སྐུ་འདས་པ་ནས་བཟུང་ལྷ་ས་སྨོན་ལམ་ཆེན་མོའི་ཚོགས་དབུར་རྒྱལ་བ་ཡབ་སྲས་དང་དགའ་ལྡན་ཁྲི་པ་སོགས་ཕེབས་སྲོལ་ཡོད་པ་ལྟར་པཎ་ཆེན་མཆོག་གིས་སྨོན་ལམ་ཆེན་མོ་བསྐྱར་བཙུགས་གནང་བ་དང་འབྲེལ་སྤྱི་ལོ་༡༩༨༦ལོར་བསྐྱོན་པའི་འདྲ་པར་ཡིན།། པཎ་ཆེན་རིན་པོ་ཆེ་མཆོག་ལ་ཚོགས་ཕུད་འབུལ་བཞིན་པ་ཡིན། སྨོན་ལམ་ཆེན་མོ་ནི་རྗེ་རིན་པོ་ཆེའི་སྐུ་དུས་སུ་བོད་ཟླ་དང་པོའི་ཚེས་གཅིག་ཉིན་དབུ་བཙུགས་ཀྱི་ཡོད་པ་འདྲ་ཡང་རྒྱལ་བ་སྐུ་ཕྲེང་ལྔ་པའི་སྐབས་ནས་བཟུང་སྨོན་ལམ་ཆེན་མོ་འདི་གཞུང་གི་བྱེད་སྒོ་ལྟ་བུར་སོང་བར་བརྟེན་ཚེས་གཅིག་བླ་མ་ལོ་གསར། ཚེས་གཉིས་རྒྱལ་པོ་ལོ་གསར། ཚེས་གསུམ་གཟབ་གསོལ་གྲོལ་སྟོན་ཞེས་བར་བསྐོར་གྱི་ཕྱོགས་བཞིར་ཡོད་པའི་དར་ཆེན་ལྔ་པོ་སྐུ་བཞེངས་ཀྱི་བྱེད་སྒོ་སོགས་གནང་སྟེ་གཞུང་གི་ལོ་གསར་གྲུབ་པ་དང་ཚེས་བཞིར་སྨོན་ལམ་འཚོགས།།

བོད་ཀྱི་ཆེས་ཐོག་མའི་རྐང་གྲུག་རུ་ཁག   2018ལོའི་དབྱར་དུས་ཀྱི་ཚ་གདུག་དང་བསྡོངས་ནས་ཨུ་རི་སུའི་འཛམ་གླིང་བུམ་པའི་མགོ་བརྩམས་པ་དང་།    དེ་ནི་འཛམ་གླིང་མི་དམངས་ཀྱིས་བརྗེད་མི་སྲིད་པའི་ཕྱིར་དྲན་ཆེན་པོ་ཞིག་དང་རྐང་གྲུག་ལོ་རྒྱུས་ཀྱི་སྒོ་མོ་གསར་བ་ཅིག་གི་སྒོ་འབྱེད་དང་།ཡང་ན་རྐང་གྲུག་དང་འབྲེལ་བའི་དགའ་སྐྱོ་ཆགས་སྡང་གི་ཁྱད་འཚར་གཏམ་རྒྱུད་མང་པོ་ཅིག་ལ་གླེང་སློང་བྱས་པ་རེད།  དེར་བརྟེན་གོ་ལའི་རྒལ་ཚིགས་སུ་འབོད་པའི་མདོ་དབུས་མཐོ་སྒང་གི་བོད་ཀྱི་གྲུག་དད་པ་དག་གི་རྐང་གྲུག་ལ་དགའ་བའི་དད་མོས་ཀྱང་འཛམ་གླིང་བུམ་པའི་རླབས་རྒྱུན་དང་འགྲོགས་ནས་དྲག་དུ་འཕེལ་ཀྱིན་འདུག  བོད་ཀྱི་སྟག་ཤར་དག་གི་ཤ་དར་ཁྲག་དར་གྱི་ལུས་པོ་དང་རྐང་གྲུག་གི་རྩལ་ནུས་སོགས་ལ་བལྟས་ན་གནས་འདི་ཨང་རྐང་གྲུག་གི་དད་མོས་བླ་ལྷག་དུ་འཕེལ་བའི་རྐང་གྲུག་གི་རྒྱལ་ཁམས་ཅིག་མི་འགྱུར་བའི་ངེས་བའང་མི་འདུག་སྙམ། དབྱིན་ཇི་བ་དང་འགྲན་བསྡུར་བྱེད་པའི་ཡུལ་ངོས་ཀྱི་ཟུར་ཅིག གནས་འདིའང་རྐང་གྲུག་ལ་སྲོག་བཞིན་གཅེས་བའི་ནུབ་ཕྱོགས་ཀྱི་རྒྱལ་ཁབ་ཁག་ཅིག་དང་འདྲ་བར།    ས་འདིའི་སློབ་མ་དང་།  ལས་བྱེད་པ།   གྲྭ་བཙུན་སོགས་ཀྱི་དབྱེ་བ་མེད་པར་རྐང་གྲུག་ལ་དགའ་མཁན་ཧ་ཅང་མང་།   ལྷག་པར་དུ་ལོ་བཞི་རེའི་རྗེས་སུ་ཐེངས་རེར་ཚོགས་ཀྱིན་པའི་འཛམ་གླིང་བུམ་པའི་དུས་སྐབས་སུ།  མཐོ་སྒང་གི་གྲུག་དད་པ་དག་གིས་ཀྱང་ནུབ་མའི་གཉིད་བཅག་དེ་བརྙན་འཕྲིན་གྱི་འགྲམ་དུ་རང་ཉིད་དགའ་སའི་གྲགས་སྐར་དག་གི་འགྲན་བསྡུར་ལ་རྣམ་རིག་དཀྲོག་དཀྲོག་གིས་སྒུག་སྲིད།     གནའ་བོའི་བོད་ཀྱི་རྟ་ཐོག་སྤོ་ལོ། བོད་པ་དང་སྤོ་ལོའི་ལས་དབང་ནི་གནའ་བོའི་བོད་ཀྱི་རྟ་ཐོག་སྤོ་ལོ་ནས་མགོ་རྩོམ་དགོས་ཀྱི་འདུག་སྟེ།སྔ་མོའི་དུས་སུ་རྟ་ཐོག་སྤོ་ལོ་ལ་ཡོངས་ཁྱབ་དུ་སྤོ་ལོ་ཞེས་འབོད་ཀྱི་ཡོད་པ་དང་།ད་ལྟའི་དབྱིན་ཡིག་གི་ཁྲོད་དུ་སྤོ་ལོའི་རིགས་ལ་ཡོངས་ཁྱབ་དུ་བཀོལ་ཀྱིན་པའི་ballཞེས་བའང་བོད་ཀྱི་སྤོ་ལོ་ཞེས་བའི་སྒྲ་བསྒྱུར་ཡིན་པར་ངེས་འཛིན་ཀྱིན་འདུག  དེ་བཞིན་བོད་སྐད་ཀྱི་ཁྲོད་དུའང་སྤོ་ལོ་ཞེས་བའི་མིང་ཚིག་འདི་ནི་སྤོ་ལོ་རིགས་ཀྱི་ཡོངས་ཁྱབ་སྤྱི་མང་དུ་བཀོལ་ཀྱིན་འདུག   དེ་ལྟར་བསམ་བཞིག་བྱས་ཚེ་བོད་པ་དང་སྤོ་ལོའི་ལས་དབང་དང་འབྲེལ་འདྲིས་ཀྱང་དེ་འདྲའི་ཧ་ཅང་རྒྱང་ཐག་རིང་བོ་ཞིག་མིན་པར་བསམ།

རྡོ་དགོན་གསང་བདག་རྡོ་རྗེ།   སྐད་ཡིག་གང་འདྲ་ཞིག་ཡིན་རུང་དུས་གསུམ་གྱི་རྣམ་གཞག་ནི་ཤིན་ཏུ་གལ་ཆེར་འཛིན་པ་ལྟར་རང་རེ་བོད་ཀྱི་སྐད་ཡིག་ལའང་ཕྲད་རྣམ་དབྱེ་དང་དུས་གསུམ་སོགས་ཀྱི་རྣམ་གཞག་ཁ་གསལ་ལ་ཆ་ཚང་བ་ཞིག་ཡོད་ལ་སློབ་གྲྭ་འབྲིང་བའི་སྐབས་སུ་སུམ་རྟགས་དག་གསུམ་ཅུང་ཆ་ཚང་བ་ཞིག་སློབ་ཁྲིད་བྱེད་བཞིན་ཡོད་པ་མ་ཟད། བོད་ཡིག་ཆེད་ལས་སློབ་ཆེན་ལྟ་བུར་མཚོན་ན་སློབ་ཆེན་ལོ་རིམ་དང་པོའི་ནང་དུ་སླར་ཡང་སུམ་རྟགས་ཞིབ་ཕྲ་སློབ་ཁྲིད་བྱེད་སྲོལ་ཡོད་པས་སློབ་ཆེན་སློབ་མ་ལྟ་ཅི་མཐོ་རིམ་སློབ་འབྲིང་ཐོན་པ་ཞིག་ཡིན་ནའང་དུས་གསུམ་གྱི་རྣམ་གཞག་ཤོད་རྒྱུ་མེད་པ་མི་སྲིད། འོན་ཏེ་ལག་ལེན་གྱི་ཁྲོད་དུ་ནི་བོད་ཡིག་ཆེད་ལས་སློབ་ཆེན་ཐོན་པ་མང་པོ་ཞིག་གིས་ཀྱང་ནོར་འཁྲུལ་ཅན་མང་པོ་ཞིག་བྲིས་དང་འབྲི་བཞིན་པ་ནི་ཚགས་དཔར་དང་དུས་དེབ། རྒྱང་བསྒྲགས། བརྙན་འཕྲིན་སོགས་ལས་རྟག་ཏུ་མཐོང་རྒྱུ་དང་ཐོས་རྒྱུ་འདུག་ལ། ལ་དོན་དང་འབྲེལ་སྒྲ་སྦྱོར་ཚུལ་མ་དག་པའང་མང་དག་ཅིག་ཐོན་པ་ནི་བོད་ཀྱི་སྐད་ཡིག་གི་ཕྲད་རྣམ་དབྱེ་དང་། དུས་གསུམ་བྱ་བྱེད་སོགས་ཀྱི་བརྗོད་པ་གསལ་ཞིང་བཙན་པའི་རང་བཞིན་ཉམས་དམས་སུ་འགྲོ་བའི་ཉེན་ཁའི་རང་བཞིན་ལ་བརྟེན་འདིར་བརྗོད་ཚུལ་སྐྱོན་ཅན་གང་དང་གང་ཐོན་པ་དང་། དེ་དག་ཡོ་བསྲང་ཇི་ལྟར་བྱེད་དགོས་ཚུལ་བཅས་ཅུང་ཟད་གླེང་ན།

༅།། མལ་གྲོ་གུང་རྫོང་ཞེས་པར་དཔྱད་པ།                              དབུ་རུ་དོན་འདུར།   ༄༅།། མལ་གྲོ་གུང་དཀར་རྫོང་ཞེས་པའི་མིང་གི་བྱུང་ཚུལ་ལ་དཔྱད་པ།  [ནང་དོན་གནད་བསྡུས]རྩོམ་ཡིག་འདིའི་ནང་དུ་མལ་གྲོ་གུང་དཀར་རྫོང་གི་མིང་གི་བྱུང་ཚུལ་ལ་དཔྱད་པ་བྱས་ནས་རང་གི་ལྟ་བ་བཏོན་ཡོད། [བརྡ་ཆད་གཙོ་བོ] མལ་གྲོ། མཚོ་མ་དྲོས་པ། ཀླུ་མལ་གྲོ་གཟི་བྱིན།  བླ་མཚོ། རྗེ་རིན་པོ་ཆེ།   གུང་མཁར། ༡ ལོ་རྒྱུས་ཡིག་རིགས་ཀྱི་གསལ་ཁ།  མལ་གྲོ་གུང་དཀར་རྫོང་ནི་ལྷ་ས་སྐྱིད་ཆུའི་ཤར་ཕྱོགས་དབུས་སྟོད་མལ་གྲོ་ཞེས་པའི་ས་ཆར་ཆགས་ཤིང་། ཐོག་མར་དུས་རབས་འདི་ལྟ་བུ་ཞིག་ལ་དེ་ལྟར་ཐོགས་པའི་རྒྱུ་མཚན་གསལ་པོ་མི་ཤེས་ཀྱང་ཏུན་ཧོང་གཏེར་ཡིག་ནང་དུ”བཙན་པོ་གནམ་རི་སློན་བཙན་གྱིས་དབས་དབྱི་ཚབ་ཀྱི་བྱ་དགར་མལ་ཏྲོ་ཕྱོགས་ནས་བྲན་ཁྱིམ་སྟོང་ལྔ་བསྩལ་ཏོ”ཞེས་འཁོད་པར་གཞིགས་ན་དུས་རབས་བདུན་པའི་གོང་ནས་ཡུལ་དེར་མལ་ཏྲོ་ཟེར་བ་ནི་རྩོད་མེད་རེད། མལ་ཏྲོ་ཟེར་བ་ནས་རིམ་བཞིན་མལ་དྲོ་དང་མལ་གྲོ་སོགས་འབྲི་སྲོལ་ཆགས་པ་ནི་ལོ་རྒྱུས་ཀྱི་འཕེལ་རིམ་གཞན་དང་རིགས་བསྒྲེ་ན་ཆོག 

དངུལ་ཆུ་དྷརྨ་བྷ་དྲས་མཛད།   ༄༅། །ངག་གདམས་ལེ་ཚན་བཞུགས། ༈ ན་མོ་གུ་རུ་མཉྫཱ་གྷོ་ཥཱ་ཡ། གུར་ཀུམ་ས་འཛིན་དབང་པོ། །འོད་སྟོང་ཟེར་གྱིས་འཁྱུད་འདྲའི། །རྒྱལ་ཀུན་གསུང་གི་མངའ་བདག །འཇམ་མགོན་མགྲིན་པར་བཞུགས་ཤིག །འཇིག་རྟེན་འཇིག་རྟེན་འདས་པའི། །ལེགས་ཚོགས་ཀུན་གྱི་རྩ་བ། །ལམ་སྟེགས་དགེ་བའི་བཤེས་གཉེན། །བསམ་སྦྱོར་གཉིས་ཀྱིས་སྟེན་ཅིག །དལ་བརྒྱད་འབྱོར་བཅུའི་ལུས་རྟེན། །དོན་ཆེ་རྙེད་པར་དཀའ་བས། །ད་ལྟ་རྟེན་འབྲེལ་འཛོམ་དུས། །ཉིན་བཞིན་དོན་ལྡན་མཛོད་ཅིག །སྐྱེས་མཐའ་འཆི་བར་མ་ཟད། །ནམ་འཆི་ངེས་པ་མེད་པས། །གཉེན་ལུས་ལོངས་སྤྱོད་ཀུན་ལ། །ཞེན་ཆགས་འཁྲི་བ་ཆོད་ཅིག །འཇིགས་རུང་ངན་སོང་གསུམ་གྱི། །བཟོད་དཀའི་སྡུག་བསྔལ་སོམས་ལ། །མཆོག་གསུམ་སྐྱབས་སུ་བསྟེན་ནས། །ལས་འབྲས་བླང་དོར་མཛོད་ཅིག །འཁོར་བའི་སྡུག་བསྔལ་རྩ་བ། །བདག་འཛིན་ལྷན་སྐྱེས་གཉེན་པོར། །བདག་མེད་རྒྱུད་ལ་བསྐྱེད་ཕྱིར། །ཚུལ་ཁྲིམས་འགྱོད་མེད་སྲུངས་ཤིག །ཉམ་ཐག་རིགས་དྲུག་འགྲོ་རྣམས། །དྲིན་ཅན་ཕ་མ་ཡིན་པས། །བྱམས་དང་སྙིང་རྗེས་དྲངས་པའི། །བྱང་ཆུབ་སེམས་མཆོག་སྐྱེད་ཅིག །ཆོས་ཀུན་གདོད་ནས་སྟོངས་ཀྱང༌། །རྟེན་འབྲེལ་བསླུ་བ་མེད་པས། །ཐབས་ཤེས་ཟུང་དུ་འཇུག་པའི། །རྒྱལ་སྲས་སྤྱོད་ལ་སློབས་ཤིག །ཤུགས་དྲག་སྙིང་རྗེས་བསྐྱོད་ནས། །གཞན་དོན་སྒྲུབ་ལ་རིངས་ན།…

ཉེ་ལམ་ཤར་ཚའི《སྨུག་སྤྲིན་ཀློང་གི་མི་ཚེ》ཞེས་པའི་བརྩམས་སྒྲུང་རིས་གྲས་དེ་བོད་ལྗོངས་མི་དམངས་དཔེ་སྐྲུན་ཁང་ནས་པར་བསྐྲུན་བྱས་པ་དང་། བརྩམས་སྒྲུང་དེའི་ནང་བོད་ཀྱི་སློབ་མ་མང་པོའི་འདུས་གཟུགས་ལྟར་དུ་གྱུར་བའི་སྒྲོལ་དཀར་ནི་སློབ་ལ་མི་བརྩོན་པའི་ཁར་ཚུལ་འཆོས་དང་གཏམ་འདོད་སྒྱིད་ལུག་གི་གཞན་དབང་དུ་ཚུད་དེ། མཐར་མཐོ་འབྲིང་ལོ་རིམ་གསུམ་པའི་སྐབས་སློབ་ཆེན་ལ་རྒྱུགས་མ་འཕྲོད་པས་ཡུལ་མིའི་མི་ཁ་འགོག་པ་དང་རང་གི་ངོ་སོ་འདེགས་ཆེད། སློབ་ཚུད་བརྡ་ཐོ་རྫུན་མ་ཁྱེར་ནས་སྒེར་གཉེར་སློབ་གྲྭར་སོང་བ་དང་། སློབ་གྲྭ་དེར་སློབ་ཚན་ཉུང་བ་དང་སྒྲིག་འཛུགས་ཞན་པ། ཕ་ཡུལ་དང་ཁ་ཐག་རིང་བ། རང་ཉིད་ཁྱིམ་འཁོས་ཞན་ཁར་ཆུང་དུས་ནས་བག་མེད་ལོངས་སྤྱོད་ལ་གོམས་པ་སོགས་རྒྱུ་མཚན་དུ་བྱས་ནས་སློབ་གསེང་དུ་ཨར་ཁང་ནང་ཞོར་ལས་བྱེད་པར་སོང་བ་དང་། ཨར་ཁང་དུ་སྡོད་ཡུན་དུ་མི་མང་པོ་དང་འབྲེལ་བ་བྱུང་ནས་རིམ་གྱིས་དུག་འཐེན་རྒྱུ་གོམས་ལོབས་སུ་སོང་རྐྱེན། སྤྱི་བདེའི་མི་སྣས་བཀག་ཉར་བྱས་པ་མ་ཟད། སློབ་གྲྭ་ལས་ཕུད་པ་དང་། གནས་ཚུལ་དེ་ཕ་ཡུལ་དུ་ཡོད་པའི་མ་རྒན་གྱིས་ཤེས་ནས་ཨ་མ་རང་ཤི་རྒྱབ་པ་སོགས་ཡིན། རྩོམ་འདིའི་ནང་དུ་གཙོ་བོ་ད་ལྟའི་གཞོན་ནུ་ལོ་ཆུང་མང་པོའི་བསམ་བློའི་ཁྱེར་སོ་ནོར་འཁྲུལ་ཅན་ལས་བྱུང་བའི་ཆག་སྒོ་དང་། དེ་ཆགས་པའི་རྒྱུ་མཚན་ཡང་མ་དག་པའི་ཁྱིམ་ཚང་གི་སློབ་གསོ་དང་། དེ་བཞིན་ཁྲིམས་ལུགས་ཀྱི་འདུ་ཤེས་ཞན་པ་ལས་བྱུང་བའི་ཆག་སྒོ་སོགས་བརྗོད་ཡོད།