སྔོན་བརྗོད། སྐྱིད་ཤོད་སྡེ་པ་ཆོས་རྗེ་བསྟན་འཛིན་བློ་བཟང་རྒྱ་མཚོ་ (༡༥༩༣-༡༦༣༨) ནི། དགེ་ལྡན་པའི་བླ་ཆེན་ཞིག་ཡིན་པར་མ་ཟད། བོད་དུ་ཆོས་སྲིད་གཉིས་ཀའི་སྒོ་ནས་གྲགས་པ་ཅན་ཞིག་ཡིན་ལ། རྗེ་འདིའི་ཡབ་མེས་ལ་སྐྱིད་ཤོད་སྡེ་པ་དང་། སྡེ་པ་དགའ་ལྡན་པ་ཞེས་གྲགས་ཤིང་། དེ་ཡང་སྐྱིད་ཤོད་ནི་ཡུལ་དང་། འདིའི་སྐབས་ཀྱི་དགའ་ལྡན་ནི་རུས་མིང་ཡིན། དུས་རབས་བཅུ་དྲུག་པའི་ནང་བོད་ཡུལ་དབུས་ཀྱི་ལྟེ་བ་ལྷ་ས་སྐྱིད་ཤོད་ཀྱི་ཡུལ་གྲུ་ཀུན་སྐྱིད་ཤོད་སྡེ་པ་ཆོས་རྗེའི་ཡབ་མེས་ཀྱི་དབང་འོག་ཏུ་ཡོད་སྣང་།

ཞང་ཞུང་ཆོས་དབང་གྲགས་པ་ནི། སྟོད་མངའ་རིས་སྐོར་གསུམ་ཞེས་གྲགས་པའི་ཆར་གཏོགས་པ། བོད་ཆོས་རྒྱལ་གྱི་གདུང་གིས་བཟུང་པའི་ཡུལ་གྲུ་ཞང་ཞུང་ཞེས་པར་གྲགས་པ་ལ་ཡབ་ཡུམ་རིགས་རུས་ཆོ་འབྲང་ཕུལ་དུ་ཕྱིན་པའི་རྒྱུད་དུ་རབ་བྱུང་བདུན་པའི་ཤིང་སྤྲེལ་༼སྤྱི་ལོ༡༤༠༤༽ལོར་སྐུ་འཁྲུངས། ཆུང་དུས་ཡི་གེའི་ཕྱི་མོ་སློབ་པ་ནས་བཟུང་བསླབ་པར་བྱ་བའི་ཆོས་གང་དང་གང་ལའང་སློབ་དཔོན་གྱི་ཞལ་ནས་ལན་རེ་གཉིས་ཐོས་ཙམ་གྱིས་ཚེགས་ཆུང་ངུས་ཐུགས་སུ་ཆུད། དེ་རྗེས་དབུས་སུ་ཕྱིན་ཏེ་རྗེ་རྒྱལ་བ་ཡབ་སྲས་གསུམ་དང་མཚུངས་མེད་ཆོས་རྗེ་དམ་པ་རྣམས་ཀྱི་ཞབས་ལ་གཏུགས་ཏེ།

གཞོན་པ་ང་ཚོ་ལྷ་ཆོས་ཞུ་བར་འགྲོ། ། གཞོན་པས་འདི་ནས་ཡར་ཡར་བལྟས་ཟེར་ན། ། རི་བོ་ཆེན་པོས་དབུ་ཞྭ་བཞེས་པ་འདྲ། ། རི་བོ་ཆེན་པོས་དབུ་ཞྭ་བཞེས་དོགས་མེད། ། བདག་གི་བརྩེ་ལྡན་བླ་མ་ཡིན་ཤས་ཆེ། ། བདག་གི་བརྩེ་ལྡན་བླ་མ་ཡིན་ཟེར་ན། ། གཞོན་པ་ང་ཚོ་ལྷ་ཆོས་ཞུ་བར་འགྲོ། །

ལས་ཆེན་ཀུན་དགའ་རྒྱལ་མཚན་གྱིས་མཛད་པའི་བཀའ་གདམས་ཆོས་འབྱུང་གསལ་བའི་སྒྲོན་མེ་ལས[1]། ཇོ་བོའི་ཆེ་བ་བརྒྱ་རྩ་བརྒྱད་ནི། ༡ སྐུ་ཚེ་སྔ་མ་ཇི་ལྟར་འཁྲུངས་པའི་ཆེ་བ་དང་། ༢ ལོངས་སྤྱོད་དང་རིགས་ཕུན་སུམ་ཚོགས་པའི་ཆེ་བ། ༣ རང་གི་ལྷག་པའི་ལྷས་བྱིན་གྱིས་བརླབས་པའི་ཆེ་བ། ༤ འཁོར་བས་ཡིད་བྱུང་སྟེ་རྒྱལ་སྲིད་ལ་མ་ཆགས་པའི་ཆེ་བ། ༥ སྔོན་བཟོད་པ་བསྒོམས་པའི་འབྲས་བུས་སྐུ་ལྟ་བས་ཆོག་མི་ཤེས་པའི་ཆེ་བ། ༦ རྣམ་འཚེ་སྤངས་པས་སྙུན་དང་བྲལ་བའི་ཆེ་བ། ༧ སྤྱོད་ལམ་རྣམ་བཞིའི་ཉེས་པས་མ་གོས་པའི་ཆེ་བ། ༨ ལོངས་སྤྱོད་ཀྱིས་མི་ཕོངས་པའི་ཆེ་བ། ༩ ཡོ་བྱད་ཆུད་མི་གཟོན་པའི་ཆེ་བ། ༡༠ དགེ་བའི་རྩ་བ་ཆུད་མི་ཟ་བའི་ཆེ་བ།