ང་གཅིག ལྷ་སའི་རིས་མེད་ལྷ་ཁང་ ༡༢ གྱི་ལོ་རྒྱུས་སྙིང་བསྡུས།
༡ ལྷ་ས་མཁར་བྲག དེ་ནི་ལྷ་སའི་ཤར་ཕྱོགས་སྐུ་འབུམ་ཐང་གི་དཀྱིལ་དུ་ཡོད་ཅེས་མཁས་པ་འགའ་ཞིག་གིས་གསུངས། ལོ་རྒྱུས་འགའ་ཞིག་ནང་ལྷ་ཁང་འདི་ཆོས་རྒྱལ་སྲོང་བཙན་སྒམ་པོའི་བཙུན་མོ་མི་ཉག་རུ་ཡོང་བཟས་བཞེངས་པ་ཡིན་ཞེས་གསལ་ཡང༌། ལྷ་ས་མཁར་བྲག་ནི་རྒྱལ་པོ་ཁྲི་ལྡེ་གཙུག་བརྟན་གྱིས་བཞེངས་པའི་ལྷ་ཁང་ལྔའི་གྲས་ཡིན་པས་བཤད་ཚུལ་དེ་མ་དག་པ་ཞིག་ཡིན། གང་ལྟར་ལྷ་ཁང་དེ་ཉིད་དུས་ནམ་ཞིག་ཐོར་ཞིག་ཏུ་སོང་བ་མ་ཤེས་ནའང་གང་ལྟར་དེང་སྐབས་ང་ཚོའི་མིག་ལམ་དུ་མཐོང་རྒྱུ་མེད།
