ཇོ་ནང་ཀུན་མཁྱེན་ནམ་མཁའ་ཆོས་སྐྱོང་ཞུ་བ་མཁྱེན་ནམ།
དེ་ཡང་འཇམ་མགོན་ཀོང་སྤྲུལ་གྱིས་མཛད་པའི་གདམས་ངག་མཛོད་དུ་བཞུགས་པའི་དཔལ་དུས་ཀྱི་འཁོར་ལོའི་རིམ་གཉིས་འབྲོ་ལུགས་ཀྱི་བརྒྱུད་པའི་གསོལ་འདེབས་རྡོ་རྗེ་འབེབས་པ་ཆེན་པོ་ཞེས་བྱ་བ་ལས། དཀོན་མཆོག་བཟང་པོ་གཉིས་འཛིན་འཆིང་བ་བཅད། །ནམ་མཁའ་ཆོས་སྐྱོང་རྟོགས་པ་མཁའ་དང་མཉམ། །རིམ་གཉིས་རྣལ་འབྱོར་དབང་ཕྱུག་རྣམ་གཉིས་ལ། །གསོལ་བ་འདེབས་སོ་རྡོ་རྗེའི་ཡེ་ཤེས་སྩོལ། །ཞེས་དང་། ཀཿཐོག་རིག་འཛིན་ཚེ་དབང་ནོར་བུས་ཇོ་ནང་དཔལ་གྱི་རི་ཁྲོད་ནས་མཛད་པའི་སྦྱོར་དྲུག་གསོལ་འདེབས་ལས། ལུང་རྟོགས་བསྟན་པ་ཡོངས་རྫོགས་དཀོན་མཆོག་བཟང་། །རིག་འཛིན་གསལ་སྒྲོན་ནམ་མཁའ་ཆོས་སྐྱོང་མཚན། །ཞེས་བསྔགས་པའི་བླ་མ་རྣམ་གཉིས་ལས་ཆོས་རྗེ་འཇམ་དབྱངས་དཀོན་མཆོག་བཟང་པོའི་སློབ་མ་ཀུན་མཁྱེན་ནམ་མཁའ་ཆོས་སྐྱོང་ཞབས་ཀྱི་རྣམ་ཐར་མདོ་ཙམ་ཞུས་ན། ཁོང་ནི་འཇད་གཞུང་ངམ་བཞད་མཐོང་སྨོན་དུ་འཁྲུངས། དགུང་སྙིང་མེ་ཕོ་འབྲུག རྩ་བའི་གྲྭ་ས་བཞད་གྲྭ་ཚང་ཆེན་མོ་རུ་ཀུན་མཁྱེན་ནམ་བསོད་ཆེན་མོ་ལ་མཚན་ཉིད་ཀྱི་གཞུང་རྣམས་སྦྱངས།
