རིག་འཛིན་འཇིགས་མེད་གླིང་པའི་རྣམ་ཐར།

༄༅། །པཎ་ཆེན་བི་མ་ལ་དང་ཆོས་རྒྱལ་ཁྲི་སྲོང་རྒྱལ་སྲས་ལྷ་རྗེ་རྣམས་ཟུང་དུ་འཇུག་པའི་རྣམ་འཕྲུལ་རིག་འཛིན་ཆོས་རྗེ་གླིང་པའི་སྐུའི་སྐྱེ་བ་དེ་མ་ཐག་པ་ཀུན་མཁྱེན་འཇིགས་མེད་གླིང་པ་ནི།གུ་རུ་ཆོས་དབང༌། སངས་རྒྱས་གླིང་པ། ཆོས་གླིང་དང་རྭ་སྟོན་ཡབ་སྲས་སོགས་ཀྱི་གཏེར་ལུང་ལས་གསལ་བ་ལྟར་འཕྱོང་རྒྱས་སྲོང་བཙན་བང་སོ་དམར་པོའི་ལྷོ་ཕྱོགས་དཔལ་རི་དགོན་པའི་ཉེ་འདབས་སུ། ཆོས་རྗེ་འབྲུག་པའི་ཐུགས་སྲས་ཆེ་བ་དྲུག་གི་ནང་ཚན། རྒྱ་བྲག་པའི་དབོན་རིགས་སུ་རབ་བྱུང་བཅུ་གཉིས་པའི་ས་མོ་བྱ་ལོ་རྒྱལ་ཟླ་བའི་ཀུན་མཁྱེན་ཆེན་པོའི་སྐུ་མཆོད་ཀྱི་ཉིན་སྔ་དྲོའི་ཆར་སྐུ་འཁྲུངས། ཆུང་ངུ་ནས་གཏེར་ཆེན་སངས་རྒྱས་བླ་མ་དང༌། ཆོས་རྗེ་གླིང་པའི་སྔོན་རབས་གསལ་བ་སོགས་དམ་པའི་རིགས་སད། དགུང་ལོ་དྲུག་པར་རྗེ་བཙུན་པྲཛྙཱ་རསྨིའི་འཁོར་ལོ་གསུམ་གྱི་ཕྱག་རྗེས་རྨ་མེད་པའི་གནས་དཔལ་གྱི་རི་བོའི་ཆོས་གྲྭར་བཞུགས། མཚོ་རྒྱལ་སྤྲུལ་སྐུ་ངག་དབང་བློ་བཟང་པདྨར་གཙུག་ཕུད་ཕུལ་བས་མཚན་པདྨ་མཁྱེན་བརྩེའི་འོད་ཟེར་ཞེས་གསོལ༑
གཙང་གི་ཁ་བྱང་གཅིག་པའི་སྙན་ངག་འདོན་ཐེངས་ཉེར་དྲུག་པ། ༼བསམ་གཞིག༽

ཁ་བྱང་འདོན་མཁན།   སྨྱུག་སྨྱོན། འགན་འཁྲིའི་རྩོམ་སྒྲིག་པ།   གཉལ་བཀྲ་ཤིས་བསྟན་པ། ཁ་བྱང་གཅིག་པའི་སྙན་ངག་རྩོམ་མཁན་མཚན་ཐོ། སྲིད་མྱུལ་འཁྱམ་མོ།    བུ་ཚེ་རིང་རྒན་པ།   ཕོ་ཉ་དམར་པོ།  གངས་གཡག་ཚེ་རྒྱམ།  ལྷུན་གྲུབ།  གཉལ་བཀྲ་ཤིས་བསྟན་པ།   རིག་པའི་རྗེས་འགྲོ།  དབང་ཕྲུག་བཀྲ་ཤིས།  མདུན་བསྐྱོད།   སྤེན་ཚེ་གཞོན་པ།  ཞིམ་མྱོས།   ཞང་ཞུང་བུ་རྒྱུད   བུ་རིག་དབང་།  ཤངས་སའི་རྩྭ་ཉག  ཤེས་བརྩོན།   ཤངས་སྲས་ཅོད་པན།    གདོང་ལྔའི་ང་རོ།    ལྷ་ཁྲོང་ཟླ་བཟང་།   རྡོ་ཐང་།  གངས་རྒོད།   རྐྱང་རྒོད།   འབྲོང་བུ།   རྒྱང་འགྲུལ་པ།   སྨྱུག་རྩ།  ཟླ་བ་བཀྲ་ཤིས། གསལ་བཤད།  ཁ་བྱང་འདོན་པ་པོ་དང་།  བུད་མེད་རྩོམ་མཁན་གསར་པ་ཞིག  རྩོམ་པ་པོ་རྒན་གྲས་རེ་གཉིས།   རྩོམ་ཡིག་ལེགས་པ་རེ་གཉིས་མདུན་དུ་སྤེལ་བ་ཕུད་བྱིངས་ཚང་མར་ལེགས་ཉེས་ཀྱི་གོ་རིམ་མེད་དོ།།
བྲག་དམར་གཞས་ཆེན་ངོ་སྤྲོད།

བྲག་དམར་གཞས་ཆེན་ངོ་སྤྲོད།                                                གཏིང་དོན་གྲུབ་ཀྱིས་མཁོ་འདོན་ཞུས།  བྲག་དམར་གཞས་ཆེན་ཞེས་པ་འདི་ནི་ཐོག་མར་སྤྱི་ལོ1450སྐོར་ལ་དམངས་ཁྲོད་ངལ་རྩོལ་མི་དམངས་ནང་གི་སྒྱུ་རྩལ་ལ་ཤིན་ཏུ་དགའ་བའི་གཞས་པ་འགའ་ཞིག་སྒྲིག་འཛུགས་བྱས་ཏེ་གསར་གཏོད་བྱས་པའི་གཞས་གཞུང་ཞིག་ཡིན།  དེའང་མི་ལོ་ལྔ་བརྒྱ་དྲུག་ཅུ་ལྷག་གི་ལོ་རྒྱུས་ལྡན་ཞིང་དཔལ་ལྡན་ས་སྐྱའི་ཤར་ལྷོའི་ཆར་གནས་པའི་སྲད་གཞུང་ལུང་པ་ལས་སྲད་སྟོད་བྲག་དམར་གྲོང་ཚོ་ཞེས་པ་སྟེ།    དེ་སྔོན་སྲད་རྒྱུད་པ་དགོན་པའི་ཁྲལ་པ་ཡིན་ཙང་།   སྲད་རྒྱུད་པ་དགོན་གྱི་མཆོད་ཡོན་སྦྱིན་བདག་ཡིན་པའི་རྒྱལ་རྩེ་དགའ་གཞིའམ་རྡོ་རིང་བ་ཡི་སྐུ་ངོ་སྲད་རྒྱུད་པ་དགོན་དུ་ཕེབས་སྐབས་དང་།    དེ་བཞིན་དགོན་པའི་ལྷ་ཁང་དང་བརྟེན་ཁྱད་པར་ཅན་བཞེངས་པ་སོགས་ཟབ་རྒྱས་ཀྱི་བྱེད་སྒོ་ཁག་ལ་བྲག་དམར་གྲོང་ཚོས་སྲད་རྒྱུད་པ་དགོན་དུ་གཞས་ཆེན་འཁྲབ་ནས་མགྲོན་ལ་བསུ་བ་ཞུ་བ་དང་།    བཀྲ་ཤིས་པའི་བྱ་བར་རྟེན་འབྲེལ་མཚོན་པར་བྱེད་ཀྱི་ཡོད་པ་མ་ཟད།      བྲག་དམར་གྲོང་ཚོར་ལོ་ལྟར་དགུན་དུས་སུ་གཞས་ཆེན་ཐེངས་རེ་འཁྲབ་ནས་ལོ་ལེགས་ཡོང་རྒྱུའི་རྟེན་འབྲེལ་བྱེད་ཀྱི་ཡོད་པ་རེད།     ལོ་བཅུའི་གོད་ཆགས་ཀྱི་སྐབས་སུ་བོད་ཀྱི་རིག་རྩལ་སྤྱི་དང་འདྲ་བར་གཞས་ཆེན་དེའང་སྐབས་ཤིག་རིང་འཁྲབ་མཚམས་འཇོག་དགོས་བྱུང་།   འོན་ཀྱང་དེང་སྐབས་མི་རིགས་ཀྱི་སྲོལ་རྒྱུན་རིག་གནས་མྱུར་སྐྱོབ་དང་འཕེལ་རྒྱས་གཏོང་བའི་དུས་འདིར་བྲག་དམར་གཞས་ཆེན་ཡང་སླར་གསོ་བྱུང་བ་དང་གཞས་ཚིག་དང་འཁྲབ་གཞུང་ཉམས་མེད་དུ་གནས་པ་མ་ཟད། གནའ་རབས་ཀྱི་གཞས་གོས་དང་།  རིན་ཐང་ཅན་གྱི་རྒྱན་ཆའི་རིགས་ཐོར་གྱར་མེད་པར་གནས་པ་ནི་དགའ་བ་སྐྱེས་འོས་པ་ཞིག་རེད། གཞས་ཆེན་འདིའི་ནང་སྲིད་པ་ཆགས་ཚུལ་དང་།     གཞས་དཔོན་དང་གཞས་རོགས་ཀྱི་འབྱུང་བ་བརྗོད་པ།…
གངས་ལྗོངས་སྨན་རྩིས་རིག་མཛོད་ཆེན་མོ།

  གངས་ལྗོངས་སྨན་རྩིས་རིག་མཛོད་ཆེན་མོ། ཞེས་པའི་དཔེ་ཚོགས་འདི་ནི་བོད་ལྗོངས་སྨན་རྩིས་ཁང་ནས་མི་ལོ་ ༣༢༠ ཐམ་པའི་ལོ་རྒྱུས་ཡོད་པའི་ལྕགས་པོ་རི་རིག་བྱེད་འགྲོ་ཕན་གླིང་དང་། ལོ་བརྒྱ་འཁོར་བའི་སྨན་རྩིས་ཁང་གི་དཔེ་མཛོད་ཁང་དུ་ཉར་ཚགས་བྱས་པའི་རྩ་ཆེའི་དཔེ་རྙིང་རྣམས་རྨང་གཞིར་བཟུང་བའི་ཐོག སྤྱི་ལོ་ ༢༠༠༦ ནས་བཟུང་ཕོ་བྲང་པོ་ཏ་ལའི་དཔེ་མཛོད་དུ་བཞུགས་པའི་རྩིས་རིག་དང་། གསོ་རིག་གི་གནའ་དཔེ་རྣམས་བཤེར་འབེབས་བྱས་པས་མཚོན། བོད་ལྗོངས་ཀྱི་ས་གནས་ཁག་དང་། སི་ཁྲོན་དང་མཚོ་སྔོན་སོགས་བོད་ཀྱི་གསོ་རིག་དང་རྩིས་རིག་དར་ཁྱབ་ཆེ་བའི་ས་གནས་ཁག་ཏུ་ལན་མང་བསྐྱོད་ནས་སྨན་རྩིས་གཉིས་ཀྱི་གནའ་གཞུང་ཡོད་དོ་ཅོག་གི་ཆ་འཕྲིན་རྟོག་ཞིབ་དང་། གནའ་དཔེ་འཚོལ་བསྡུ་བྱེད་པའི་ལས་གཞི་ཆེན་པོ་ཞིག་སྤེལ་བ་ལས་གྲུབ་པ་ཞིག་ཡིན།
མཁས་གྲུབ་དགེ་ལེགས་དཔལ་བཟང་གི་རྣམ་ཐར་གྱི་སྙིང་པོ།

མཚན། ཀུན་གཟིགས་པཎ་ཆེན་སྐུ་ཕྲེང་དང་པོ། མཁས་གྲུབ་དགེ་ལེགས་དཔལ་བཟང་། འཁྲུངས་ཡུལ། གཙང་ལ་སྟོད་ཆུ་འོག །འཁྲུངས་ལོ། རབ་བྱུང་བཅུ་དྲུག་པའི་ཤིང་གླང་ལོ་ཕྱི་ལོ་ ༡༣༨༥ ལོ། ཡབ། ཀུན་དགའ་བཀྲ་ཤིས་དཔལ་བཟང་། ཡུམ། བུ་འདྲེན་རྒྱལ་མོ། རིགས། སེའི་རིགས། ཆུང་མཚན། མཁས་གྲུབ། རབ་བྱུང་གི་མཁན་པོ། འདུལ་འཛིན་མཁས་གྲུབ་སེངྒེ་རྒྱལ་མཚན། བསྙེན་རྫོགས་ཀྱི་མཁན་པོ། རྗེ་བཙུན་རེད་མདའ་གཞོན་ནུ་བློ་གྲོས་རྒྱལ་མཚན། བསྙེན་པར་རྫོགས་ལོ། དགུང་ལོ་ ༢༡ ། བླ་མའི་གཙོ་བོ། རྗེ་བཙུན་རེད་མདའ་བ་གཞོན་ནུ་བློ་གྲོས་དང་། རྗེ་ཙོང་ཁ་པ་བློ་བཟང་གྲགས་པ་སོགས། མཛད་རྗེས་གཙོ་བོ། རྒྱལ་རྩེ་དཔལ་འཁོར་ཆོས་སྡེ་དང་། རི་བོ་མདངས་ཆེན་སོགས་ཕྱག་བཏབ། དགུང་ལོ་ ༤༧ པར་དགའ་ལྡན་གསེར་ཁྲིར་ཕེབས་ཏེ་འཇམ་མགོན་བླ་མ་ཙོང་ཁ་པ་ཆེན་པོའི་མདོ་སྔགས་གཉིས་ཀྱི་བསྟན་པའི་གཞི་མ་བརྟན་པོར་ཚུགས་ཤིང་རྒྱས་པར་མཛད་པ་སོགས། ཞལ་གཟིགས། རྗེ་གཟིགས་པ་ལྔ་ལྡན། མཛད་པ་སྐྱོང་ཡུལ། ངམ་རིང་ཆོས་སྡེ། ས་སྐྱ། ལྕང་ར་དགོན།…
པཎ་ཆེན་སྐུ་ཕྲེང་རིམ་བྱོན་གྱི་གདན་ས་བཀྲས་ལྷུན་དགོན།

བཀྲ་ཤིས་ལྷུན་པོ་དགོན་ནམ། མཚན་རྒྱས་པར། བཀྲ་ཤིས་ལྷུན་པོ་དཔལ་གྱི་སྡེ་ཆེན་ཕྱོགས་ཐམས་ཅད་ལས་རྣམ་པར་རྒྱལ་བའི་གླིང་ཞེས་ཞུ། དེ་ཡང་བཀྲ་ཤིས་ལྷུན་པོ་ནི་ལྷ་དང་བླ་མས་ལུང་བསྟན་པའི་མཚན་ཡིན་ཞིང་། དཔལ་གྱི་སྡེ་ཆེན་ཕྱོགས་ཐམས་ཅད་ལས་རྣམ་པར་རྒྱལ་བའི་གླིང་ཞེས་པ་ནི། རྗེ་དགེ་འདུན་གྲུབ་པ་ཉིད་ཀྱིས་མཚན་གསོལ་གནང་བ་ཞིག་ཡིན། བཀྲས་ལྷུན་དགོན་ནི། ཉི་ཟེར་རིའམ་རྒྱབ་རི་གླང་ཆེན་འགྱིང་འདྲའི་འདབས་མྱང་ཆུ་དང་ཡར་ལུང་གཙང་པོའི་འདུས་སོ། གཞིས་རྩེ་བསམ་གྲུབ་རྩེའི་ནུབ་ངོས་ཉི་མ་རིའི་ལྷོ་འདབས་སུ་ཆགས་ཤིང་།