སྐྱིད་རོང་ཁུལ་དུ་གནས་པའི་རྒྱ་ཡིག་གི་བྲག་བརྐོས་ཡི་གེ།
རྩོམ་པ་པོ། སྙིང་ལྕགས་རྒྱལ། སྐྱིད་གྲོང་རྫོང་ནི་གཞིས་ཀ་རྩེའི་ནུབ་རྒྱུད་དང་ཡར་ཀླུང་གཙང་པོའི་ལྷོ་རྒྱུད་དུ་ཆགས་ལ། ཁུལ་དེའི་ནུབ་རྒྱུད་དང་བྱང་རྒྱུད་དུ་ས་དགའ་རྫོང་། འབྲོང་པ་རྫོང་དང་མཐའ་འབྲེལ་བྱུང་ཕྱིར་གཞིས་རྩེའི་ནུབ་རྒྱུད་ཀྱི་རྫོང་ཁག་གསུམ་ཞེས་འབོད། ཁུལ་འདི་སའི་གོ་ལའི་ཤར་གྱི་འཕྲེད་ཐིག84°2‵དང 86 ° 9 ′བྱང་གི་གཞུང་ཐིག་28° 16′དང 29 °18 ′མཚམས་སུ་ཆགས། རྫོང་གི་ནུབ་ཕྱོགས་དང་བྱང་ཕྱོགས་ས་དཀར་དང་འབྲེལ་ལ་བྱང་ཤར་ངམ་རིང་རྫོང་དང་འབྲེལ། ཤར་གཉའ་ལམ་དང་ལྷོ་བལ་པོ་དང་ས་མཚམས་འབྲེལ་ཡོད། རྫོང་ཡོངས་ཀྱི་སྤྱིའི་རྒྱ་ཁྱོན་ནི་སྤྱི་ལེ་གྲུ་བཞི་མ་ཆིག་ཁྲི་གཉིས་སྟོང་དང་། མཐའ་མཚམས་ཀྱི་རིང་ཚད་ནི་སྤྱི་ལེ་གྲུ་བཞི་མ་བརྒྱ་དང་དྲུག་ཅུ་རེ་གཉིས་ཡོད། རྫོང་ལ་ཤང་དྲུག་དང་གྲོང་བརྡལ་གཅིག གྲོང་ཚོ་བཞི་བཅུ་ཞེ་གཉིས་ཡོད། རྫོང་གི་དཔལ་འབྱོར་གཙོ་བོ་ནི་ཞིང་ལས། ཕྱུགས་ལས་དང་ཤིང་ལས་སོགས་གཉེར་བཞིན་ཡོད།
